دار السنهوري لتحفيظ القران الكريم

🌿 من صور الحرمان 🌿

📖 أن ينسحب الإنسان من مجالس القرآن بعد أن أَنِسَ بها،
📚 وأن ينقطع عن الحفظ والمراجعة بعد المواظبة والالتزام.

قد تبدو الأسباب في ظاهرها دنيوية، لكن العاقل يراجع نفسه دائمًا؛ فالتوفيق من الله، وما رُفع توفيقٌ إلا بسبب تقصير أو ذنب، والله واسع الرحمة والمغفرة.

✨ يُقال: "يترك طالبٌ حلقة القرآن، فيُدخل الله مكانه آخر؛ فالقرآن عزيز، وأهله كثير، ولا يخلو من حَمَلته."

🔹 إن تركت الحلقة... جاء غيرك.
🔹 وإن قصّرت في الحفظ... سبقك غيرك.
🔹 وإن ابتعدت عن القرآن... اقترب منه غيرك.

💔 ويبقى الخاسر الحقيقي من ذاق حلاوة القرآن ثم فرّط فيها.

📖 قال تعالى:

﴿ وَإِنْ تَتَوَلَّوْا يَسْتَبْدِلْ قَوْمًا غَيْرَكُمْ ثُمَّ لَا يَكُونُوا أَمْثَالَكُمْ ﴾
[محمد: 38]

🤲 اللهم اجعل القرآن العظيم ربيع قلوبنا، ونور صدورنا، وجلاء أحزاننا، ووفّقنا لتلاوته وحفظه والعمل به آناء الليل وأطراف النهار.

إلى أهلنا في غزة العزة 🇵🇸❤️
كل عام وأنتم بألف خير بمناسبة عيد الأضحى المبارك.
نسأل الله أن يجعل هذا العيد بداية فرجٍ قريب، وأن يحفظكم ويمنّ عليكم بالأمن والسلام، ويجبر خواطركم، ويرحم شهداءكم ويشفي جرحاكم.
أنتم عنوان الصبر والثبات، ودعاؤنا لكم لا ينقطع في كل وقت.
تقبل الله طاعاتكم، وأعاد عليكم العيد بالخير واليُمن والبركات.

🌿 جدول يوم عرفة | خير أيام الدنيا 🌿

يوم عرفة من أعظم أيام الله، يوم تُغفر فيه الذنوب وتُرفع فيه الدعوات وتُعتق فيه الرقاب من النار، فاغتنموه بالطاعات والذكر والدعاء 🤍

🕌 برنامج مقترح ليوم عرفة:

☀️ من قبل الفجر إلى الشروق • الاستيقاظ مبكرًا والتهجد
• الإكثار من الاستغفار والتسبيح والتهليل والتكبير
• السحور لمن أراد الصيام
• صلاة الفجر وأذكار الصباح
• قراءة القرآن والدعاء بخشوع ويقين
• صلاة الضحى بعد الشروق

🌤️ من الظهر إلى المغرب • صلاة الظهر والعصر مع الأذكار
• الإكثار من قراءة القرآن
• الدعاء بإلحاح خاصة قبل المغرب فهي من أعظم ساعات الإجابة
• الإكثار من قول:
“لا إله إلا الله وحده لا شريك له، له الملك وله الحمد وهو على كل شيء قدير”
• المحافظة على الأذكار والتكبير طوال اليوم

🌙 من المغرب إلى الليل • صلاة المغرب والعشاء مع الأذكار
• شكر الله على بلوغ هذا اليوم المبارك
• صلاة الوتر
• ختم اليوم بالاستغفار وأذكار النوم

✨ تذكير مهم:
لا تنسوا التكبير والتهليل والتسبيح طوال اليوم، وأكثروا من الدعاء لكم ولوالديكم ولجميع المسلمين.

🤲 اللهم بلغنا يوم عرفة واجعلنا فيه من المقبولين والمغفور لهم والمعتوقين من النار.

عارفين ليه ربنا سبحانه وتعالى اختار "الذبح" بالذات عشان يختبر بيه سيدنا إبراهيم؟

🍡أنا كنت فاكر إنه مثال بنقتدي بيه وخلاص في عيد الأضحى من أحل الاجر وإطعام الطعام وخلاص، لكن طلع الموضوع أكبر وأعمق من كده وإنه لأ مش عشوائي خالص..

🥀فتعالوا نحكي سوا وما تنسونيش من دعاءكم❤️

🌻سيدنا إبراهيم لقبه "خليل الله"، والخلّة دي أعلى درجات الحب، يعني مفيش في قلبه مكان لحد غير ربنا.

🌻سيدنا إبراهيم قعد سنين طويلة جدًا يقال ٨٦ سنة، نفسه في طفل، ولما جه "إسماعيل" كان سيدنا إبراهيم كبير في السن، فقلبه اتعلق بيه بحكم الفطرة.
وربنا سبحانه وتعالى "غيور" بمعنى أنه لا يقبل أن يشاركه أحد في قلب عبده الخليل.

🌻فالاختبار ماكنش عشان يموت سيدنا إسماعيل ويوجع قلب سيدنا إبراهيم ويعلمه درس وخلاص.. لأ.
كان عشان "يذبح التعلق" اللي في قلب سيدنا إبراهيم.
ربنا بيقول له: "يا إبراهيم، هل إسماعيل أغلى عندك مني؟

🌻أي عقل بشري ممكن يتقبل إن ربنا يطلب منه يتصدق بكل ماله أو يسيب بلده مثلًا وده حصل فعلاً، لكن "الذبح" تقيل أوي البلاء ده وصعب، بس إحنا هنا بنتكلم عن الذات الإلهية وخليل الله، أبو الأنبياء، فتصوراتك البشرية ملهاش معنى ومنطق هنا.

🌻المهم..
كبر سيدنا إسماعيل قصاد عين سيدنا إبراهيم، وبلغ معاه السعي، وبقى ابن، شاب يعتمد عليه.

🌻فسيدنا إبراهيم كان بتؤرقه رؤيا، واتكررت ٣ مرات..
🌼ليلة الترويه: لما شاف الرؤية قال هو ده حلم عادي ولا أمر إلهي؟ " ومن هنا جه المسمى"

🌼ويوم عرفة: شافها تاني فعرف إن الأمر كده من عند ربنا، وعشان كده اتسمت بيوم عرفة.

🌼ويوم النحر: شافها، فعزم وتوكل على الله عشان ينفذها.

🌻يوم النحر كان يوم صعب على قلب سيدنا إبراهيم "الأب" مش النبي..
والشيطان حاول يعطل سيدنا إبراهيم 3 مرات في موقع الجمرات، فسيدنا إبراهيم رماه بالحصى، وبقت منسك مهم للحجاج.

🌻تاني مرة لما حط السكينة على رقبة سيدنا إسماعيل بيقول ابن كثير: إن سيدنا إبراهيم قلب وش سيدنا إسماعيل خوفًا إن عينيهم تتقابل ويحن ويضعف قلب سيدنا إبراهيم.
وفي لحظة السكين نفسها..
كلام نبي الله اسماعيل بيطمن ابوه..
" يَا أَبَتِ افْعَلْ مَا تُؤْمَرُ سَتَجِدُنِي إِن شَاءَ اللَّهُ مِنَ الصَّابِرِينَ"

🌻وهنا سيدنا إسماعيل أثبت إنه هو كمان بيحب ربنا أكتر من حياته.
فكان لازم الاختبار يبقى "قوي" زي الذبح عشان يظهر صبره وإيمانه.

🌻مجرد ما سيدنا إبراهيم مسك السكينة واستسلم، هو كده ذبح التعلق اللي جوه قلبه، فربنا قاله خلاص: {قَدْ صَدَّقْتَ الرُّؤْيَا}..

🌼الهدف من الاختبار حصل، ومش محتاجين دم اسماعيل في حاجة.

🍒طيب إحنا نطلع بإيه من الحكاية دي؟ وإيه اللي نتعلمه في حياتنا؟
🍓حب من غير ما تتعلق بحد: حب أهلك وعيالك وكل الناس، الحب ده فطرة جميلة.. بس إوعى تخلي حبك لحد يخليك تعصي ربنا، أو تحس إن حياتك هتقف وتضيع لو الشخص ده مش موجود.

🍓لما تسلم أمرك لربنا في أكتر حاجة أنت خايف عليها، ربنا مش بياخدها منك عشان يحرمك، هو بس بينضف قلبك من الخوف.. ولما تنجح في الاختبار بيرجعها لك وهي مليانة بركة.

🍓حساباتنا غير تدابير ربنا خالص: إحنا بنشوف الابتلاء بعنينا البشرية فبنحسه صعب أوي، زي ما سيدنا إبراهيم كان شايف سكين وذبح.. لكن في الحقيقة كان ورا السكين دي كل الرحمة والخير والفداء.

🍅 بيقول شيخي إن الدعاء ده شيك على بياض..
اللهم إني أسألك من الخير كله عاجله وآجله، ما علمت منه وما لم أعلم، وأعوذ بك من الشر كله عاجله وآجله، ما علمت منه وما لم أعلم.
ونبدأ ونختم بالصلاة على النبي صلى الله عليه وسلم
مفيش دعوة بين الصلاتين مش هتتقبل.

.

#. منقول.

ثمارٌ من بستان الدار 🌿
📖 حصاد شهر ذي القعدة 1447هـ
✨ تمَّ بحمدِ الله تعالى وتوفيقه ✨

خلال شهر ذي القعدة، وبفضل الله تعالى، تم تكريم عددٍ من طلاب وطالبات الدار ، ومنحهم شهادات تقدير ؛ وذلك لإتمامهم حفظ أجزاءٍ من كتاب الله تعالى 📖،
على النحو الآتي:

🌸 حفظ تسعة أجزاء:
▪️ سلمى سامي محمود جاب الله

🌸 حفظ سبعة أجزاء:
▪️ مروة أحمد شعبان عبد العظيم

🌸 حفظ أربعة أجزاء:
▪️ فاطمة محمد عبد المنعم سالم

🌸 حفظ ثلاثة أجزاء.
فاطمة علاء عبد الستار

🌸 حفظ جزء عم وتبارك.
شمس هاني جمعه ابو حمد

🌸 حفظ جزء عم:
▪️ عمار أحمد محمد سعد
▪️ هنا أحمد صالح قاسم

🤲 اللهم اجعل القرآن العظيم ربيع قلوبهم، ونور صدورهم، وجلاء أحزانهم، وذهاب همومهم، وارزقهم الإخلاص والثبات، وبارك في أعمارهم وعلمهم، واجعلهم من أهل القرآن الذين هم أهلك وخاصتك 🤍

✨ ونسأل الله أن يوفقهم للمزيد من الحفظ والعمل بكتابه الكريم ✨
🌺 والحمد لله رب العالمين 🌺

🌙 بعد مغرب اليوم الأحد يبدأ التكبير المُطلَق في عشر ذي الحجة، وهي من أعظم أيام الله وأحبِّها إليه 🤍

قال رسول الله ﷺ:
"ما مِن أيَّامٍ أعظَمُ عندَ اللهِ ولا أحبُّ إليه مِن العملِ فيهنَّ مِن هذه الأيامِ العشرِ، فأكثِروا فيهنَّ مِن التَّهليلِ والتَّكبيرِ والتَّحميدِ."

وقال ﷺ:
"ما أَهَلَّ مُهِلٌّ قطُّ إلا بُشِّر، ولا كبَّر مُكبِّرٌ قطُّ إلا بُشِّر."
قيل: يا رسول الله، بالجنة؟
قال: "نعم."

فأحيوا هذه الأيام المباركة بالتكبير والذكر 🌿

الله أكبر، الله أكبر، الله أكبر، لا إله إلا الله
الله أكبر، الله أكبر، الله أكبر، ولله الحمد ✨

لأول مرة وأنا بقرأ سورة الأحقاف أقف عند الآية دي "وَاذْكُرْ أَخَا عَادٍ إِذْ أَنذَرَ قَوْمَهُ بِالأَحْقَافِ "ويبقى عندي فضول أعرف قصة قوم عاد!

فـ اللي ماكنش عارف الحكاية يقراها واللي عارفها يراجع عليا وتدعوا لي❤️

🌻بدأت الحكاية في مكان اسمه الأحقاف، وده تجمع من جبال الرمل والوديان بين عمان واليمن.
هناك عاش "قوم عاد" اللي جم بعد طوفان سيدنا نوح واللي كانوا أصحاب حضارة قوية جدًا.

🌻ربنا ميزهم بقوة بدنية رهيبة وكانوا طوال جدًا " في تصوري كانوا عمالقة" واستغلوا القوة دي في المعمار.
بنوا مدينة عظيمة اسمها إرم..
"إِرَمَ ذَاتِ الْعِمَادِ * الَّتِي لَمْ يُخْلَقْ مِثْلُهَا فِي الْبِلَادِ
كانت مليانة قصور شاهقة بعواميد ضخمة، وحواليها حدائق وعيون ماية في وسط الصحراء، حاجة كده اللهم صلي على النبي.

🌻مع الوقت، القوة والرفاهية دي بدل ما تخليهم يشكروا ربنا، خلقت جواهم غرور أعمى.
عبدوا الأصنام " وكان عندهم أصنام مشهورة زي: صَدَا، صُمود، والهَبَا" وفي قول تاني من مرجع تاني بيقول إن اصنامهم اسمها (صمود، وهتار، وعرار)
وبقوا يتعاملوا بقسوة وظلم مع أي حد أضعف منهم، وكان شعارهم وتفكيرهم دايمًا: "من أشد منا قوة؟"
هما شافوا إن مفيش حد يقدر يغلبهم أو يهد حضارتهم.

🌻هنا ربنا بعت ليهم سيدنا هود، وهو واحد من نبلائهم وعشيرتهم.
سيدنا هود بدأ يتكلم معاهم بهدوء ونصحهم يسيبوا الأصنام ويستغفروا ربنا عشان يحافظ على نعمهم ويزيدهم قوة.

🌻"قَالُوا أَجِئْتَنَا لِتَأْفِكَنَا عَنْ آلِهَتِنَا فَأْتِنَا بِمَا تَعِدُنَا إِن كُنتَ مِنَ الصَّادِقِينَ"
الرد كان كله سخرية؛ اتهموه بالسفاهة والكذب، وقالوا له إن أصنامهم هي اللي غضبت عليه ولعبت بعقله، وتحدوه بوضوح وقالوا: لو كلامك صح، ورّينا العذاب اللي بتهددنا بيه.

🌻لما وصلوا لطريق مسدود، بدأ العقاب الإلهي يظهر.
أول خطوة كانت انقطاع المطر تمامًا؛ الأرض نشفت، والزرع مات، وعاشوا في قحط وجفاف شديد لفترة خلتهم هيموتوا من العطش ومستنيين أي سحابة في السما.

🌻وفي يوم.. "فَلَمَّا رَأَوْهُ عَارِضًا مُّسْتَقْبِلَ أَوْدِيَتِهِمْ قَالُوا هَذَا عَارِضٌ مُّمْطِرُنَا بَلْ هُوَ مَا اسْتَعْجَلْتُم بِهِ رِيحٌ فِيهَا عَذَابٌ أَلِيمٌ".
ظهرت في السما سحابة سودة ضخمة جاية ناحيتهم.
قوم عاد خرجوا بقى فرحانين وبقوا يجروا في الشوارع وهما بيقولوا: "هذا عارض ممطرنا".. يعني أخيرًا المطر جه، وهيجيب الخير.

🌻لكن الحقيقة إنها كانت سحابة العذاب اللي طلبوا استعجاله.
السحابة دي ماكنش فيها ماية، كان جواها ريح "صرصر عاتية"، يعني إعصار وهوا شديد القوة وساقع جدًا زي التلج.
الريح دي بدأت تكتسح مدينتهم، تكسر القصور والشجر يكلع من جدوره، وكانت بتشيل الراجل الضخم منهم تطيره في الهواء وتقلبه على دماغه فتنفصل رقبته ويموت فورًا.

🌻 "تُدَمِّرُ كُلَّ شَيْءٍ بِأَمْرِ رَبِّهَا فَأَصْبَحُوا لا يُرَى إِلاَّ مَسَاكِنُهُمْ كَذَلِكَ نَجْزِي الْقَوْمَ الْمُجْرِمِينَ"
الموضوع ده ما استمرش ساعة أو ساعتين، الريح دي فضلت تفرم فيهم لمدة 7 ليالٍ و8 أيام متواصلة من غير لحظة هدوء، لحد ما أبادتهم تمامًا وتحولوا لجثث هامدة شبه جذوع النخل الفاضية من جوه، واختفت حضارتهم ومبقاش باقي منها غير آثار بيوتهم المهدمة.

🌻وفي وسط الدمار ده، ربنا شق طريق أمان ونجى سيدنا هود والقلة اللي آمنت معاه وخرجوا بسلام.
ويُقال في كتب السيرة إنهم انتقلوا لمنطقة حضرموت في اليمن، وهناك في مقام يُنسب لنبي الله هود.

💞توضيح:
قوم عاد دول قبائل كتير مش قبيلة واحدة، وبيرجع نسبهم لـ لـ ( عاد ابن إرم ابن سام ابن نوح).
وسيدنا هود كان واحد منهم، يعني ابن عمهم ومن نفس عيلتهم ونسبهم، عشان كده ربنا قال عنه (أخا عاد).. هو أخوهم في النسب والأصل، لكن ربنا بعته برسالة التوحيد ليهم كلهم.

🍅دروس اتعلمتها من قصة عاد:
القوة مش دايمًا أمان: قوم عاد كانوا أقوى أهل الأرض في وقتهم، بس القوة لما بتتحول لغرور بتبقى بداية النهاية.

النعم محتاجة شكر: ربنا بيحب يشوف أثر نعمته على عباده بالخضوع والشكر، مش بالظلم والتعالي "من أشد منا قوة؟".

الصبر في الدعوة: شوفوا سيدنا هود صبر عليهم قد إيه وبالرغم من سخريتهم فضل يحاول معاهم بمنتهى الرقي والأدب.

الخوف من "الاستدراج": أحيانًا العذاب بييجي في صورة حاجة إحنا فاكرينها خير (زي السحابة)، فعشان كده دايمًا لازم نراجع علاقتنا بربنا.

#. منقول.

سورة طه من أعمق السور اللي ممكن تغيّر قلبك فعلًا لو فهمتها صح.
مش مجرد قصة موسى…
دي سورة عن: كيف يطمئن قلبك… وسط الخوف، والضياع، والضغط.
البداية: نداء فيه حنان

السورة بتبدأ بكلمة غامضة:
طه

ثم مباشرة:
﴿مَا أَنزَلْنَا عَلَيْكَ الْقُرْآنَ لِتَشْقَى﴾
الرسالة من أول لحظة:
يا محمد ﷺ…
الدين مش عشان تتعب…
الدين عشان ترتاح.

دي أول صدمة:
كتير مننا فاهم الدين على إنه ضغط…
لكن ربنا بيقول: أنا ما أنزلتش القرآن عشان تشقى… بل عشان تُنقذ.

ثم يأتي التعريف:

﴿تَنزيلًا مِمَّن خَلَقَ الأَرضَ وَالسَّماواتِ العُلَى﴾
يعني اللي بيكلمك… هو الخالق.
مش حد بيجرب فيك… ولا بيطلب منك حاجة مش عارفها

تعريف بالله… قبل أي تكليف
قبل ما يقولك تعمل إيه…
ربنا بيعرّفك هو مين:

﴿الرَّحْمَٰنُ عَلَى الْعَرْشِ اسْتَوَى﴾
﴿لَهُ مَا فِي السَّماواتِ وَمَا فِي الْأَرْضِ﴾
يعني ببساطة:
اللي هيطلب منك… هو الملك الكامل… الرحيم.

علشان كده أي أمر بعد كده… مش قسوة، ده رحمة.

المشهد الأعظم: بداية قصة موسى عليه السلام

تخيل معايا…

ليل…
ظلام…
برد…
موسى ماشي مع أهله في الصحراء.

فجأة يشوف نار.

﴿إِنِّي آنَسْتُ نَارًا﴾
آنست” يعني حسّ بالأُنس…
يعني هو كان وحيد… وخايف… ومحتاج حاجة تطمنه.

لكن اللي حصل… كان بداية أعظم تحول في حياته.

لحظة الاختيار: النداء الإلهي
﴿يَا مُوسَىٰ * إِنِّي أَنَا رَبُّكَ﴾

تخيل النداء…
ربنا بيناديك باسمك.
ثم أمر بسيط لكنه عميق:
﴿فَاخْلَعْ نَعْلَيْكَ﴾
ليه؟
علشان تتجرد…
وتفهم إنك داخل على مقام مختلف.

أول تكليف: الصلاة قبل أي شيء

﴿وَأَقِمِ الصَّلَاةَ لِذِكْرِي﴾

قبل الدعوة…
قبل مواجهة فرعون…
قبل المعجزات…

الصلاة.
الرسالة واضحة:
اللي مش ثابت مع ربنا في الخلوة…
مش هيثبت في المواجهة.

الخوف البشري الطبيعي

ربنا سأله:
﴿وَمَا تِلْكَ بِيَمِينِكَ يَا مُوسَىٰ﴾

موسى جاوب بإسهاب… ليه؟
علشان يطمن… لأنه خايف.

ثم أمره يرمي العصا…
﴿فَإِذَا هِيَ حَيَّةٌ تَسْعَىٰ﴾

فكانت النتيجة؟

﴿خُذها وَلا تَخَف﴾

نبي… وخاف.

الرسالة ليك:
الخوف مش عيب…
لكن المهم ترجع.

ربنا ما قالوش: “إنت ليه خفت؟”
قاله: “متخافش… أنا معاك”
ودي أهم جملة في السورة كلها تقريبًا:

﴿إِنَّنِي مَعَكُمَا أَسْمَعُ وَأَرَىٰ﴾
مش بس معاك…
ده سامع كل كلمة… شايف كل حاجة.

المهمة المستحيلة: مواجهة فرعون

﴿اذْهَبْ إِلَىٰ فِرْعَوْنَ إِنَّهُ طَغَىٰ﴾

تخيل:
واحد كان بيطارده…
دلوقتي مطلوب منه يواجهه!

فموسى طلب طلبات عظيمة:

* ﴿رَبِّ اشْرَحْ لِي صَدْرِي﴾
* ﴿وَيَسِّرْ لِي أَمْرِي﴾
* ﴿وَاحْلُلْ عُقْدَةً مِن لِّسَانِي﴾
* ﴿وَاجْعَل لِّي وَزِيرًا… هَارُونَ﴾

يعني:
أنا ضعيف… ساعدني.

وده مفتاح القوة الحقيقي.

أسلوب الدعوة

ربنا قال له حاجة مدهشة:

﴿فَقُولَا لَهُ قَوْلًا لَّيِّنًا﴾

مين؟
فرعون!

وربنا بيقول: كلمه بلطف.
وده يكسّر فكرة إن الشدة دايمًا هي الحل.

الحق ممكن يُقال بلطف…
ويكون تأثيره أقوى

فرعون استهزأ… كذب… هدد…

لكن النهاية؟
موسى ثبت.

السحرة آمنوا…
وقالوا كلمة تهز الجبال:

﴿فَاقْضِ مَا أَنتَ قَاضٍ﴾
يعني: اعمل اللي تقدر عليه…
إيماننا خلاص مش هيتغير.

مشهد النجاة

البحر قدامهم…
فرعون وراهم…

اصحاب موسى قالوا:
﴿إِنَّا لَمُدْرَكُونَ﴾ (سورة الشعراء)

خلاص انتهينا.

لكن موسى قال:
﴿كَلَّا إِنَّ مَعِيَ رَبِّي سَيَهْدِينِ﴾ (سورة الشعراء )

دي قمة اليقين.

وبالفعل…
البحر انشق.
بعد النجاة… السقوط!

بني إسرائيل بعد كل ده…
عبدوا عجل!

قصة السامري

الدرس الصادم:
مش كل اللي شاف الحق… بيثبت عليه.

نهاية السورة: رسالة شخصية ليك

﴿فَاصْبِرْ عَلَىٰ مَا يَقُولُونَ﴾
﴿وَسَبِّحْ بِحَمْدِ رَبِّكَ﴾

يعني:
هتتعب…
هتتأذى…
هتتضغط…

بس الحل:
اصبر… واثبت… وارجع لربنا.

سورة طه مش مجرد قصة موسى…

دي خريطة لحياتك:

* لما تخاف → ربنا معاك
* لما تضيع → ربنا يهديك
* لما تضعف → اطلب منه
* لما تواجه → خليك لين
* لما تظن النهاية → افتكر إن الفرج ممكن يكون معجزة

وأهم رسالة في السورة كلها:

أنت مش لوحدك… حتى لو كل الظروف ضدك.
خايف… تايه… مضغوط…

لكن طول ما في قلبك جملة:
﴿إِنَّ مَعِيَ رَبِّي﴾
يبقى مفيش نهاية اسمها ضياع.

#. منقول.

🌿✨ بفضل الله وتوفيقه ✨🌿

﴿ قُلْ بِفَضْلِ اللَّهِ وَبِرَحْمَتِهِ فَبِذَٰلِكَ فَلْيَفْرَحُوا هُوَ خَيْرٌ مِّمَّا يَجْمَعُونَ ﴾

تعلن إدارة الدار فوز:
🌟 سلمى نصر نجدي الضوي
🌟 نور الدين رامي نجدي الضوي

في مسابقة الأزهر الشريف السنوية لحفظ القرآن الكريم لعام.2025–2026 🌸

هنيئًا لهما هذا التوفيق، ونسأل الله أن يبارك في علمهما، وأن يجعلهما من أهل القرآن وخاصته 🤍

ونسأل الله أن يجزي معلماتهما الكريمات خير الجزاء، وأن يبارك في جهودهن، ويجعل ما قدمنه في ميزان حسناتهن، ويرفع قدرهن في الدارين 🌷

اللهم وفق أبناءنا جميعًا لما تحب وترضى، واكتب لهم النجاح والتوفيق دائمًا 🤲