Life coach Maha Mubarak-لايف كوتش مها مبارك

تعالي كدا تخيلي حياتك لو قدرتي تتحكمي في الخوف والقلق والتوتر 😇😇...
🌸هتقدري تتعاملي في أي موقف بهدوء وتخرجي كسبانه
🌸علاقاتك مع اللي حواليكي هيكون فيها اتزان ونفع ليكي وليهم
🌸هتبدأي تشوفي الأمور من زاوية تانية مكنتيش شايفاها
🌸هتقدري تركزي أكتر في أي عمل بتقومي بيه
🌸هتركزي ايه اللي بيسبط فتعمليه اكتر وايه اللي بضايقك وتحاولي تبعديه
👈🏼👈🏼وعشان توصلي لدا اعرفي الأول الأسباب الحقيقية وراء المشاعر دي ...
دا اللي بساعدك توصلي ليه في رحلة كوتشينج
للاستفسار و حجز جلسة استكشافية مجانا ابعتيلي رسالة على الصفحة أو واتس اب..
لايف كوتش مها مبارك..

كان في بنت صغيرة عندها أحلام جميلة 😇
كل اللي حوليها بيقولوها مش هتقدري ، انتي ضعيفة ، انتي مين عشان تحلمي؟؟ فاكرة نفسك هتغيري الدنيا ..
كبرت البنت وهي فاكرة نفسها مش هتقدر تنجح في اي حاجه😢😢
🌸 مع ان مش هي دي الحقيقة..
في تربية الأفيال عشان يسيطروا عليهم بيربطوا الفيل وهو صغير في جذع شجرة فكل ما يحاول يتحرك بحرية ميقدرش ، ويكبر الفيل وكل مايتربط في الجذع يبقى فاكر أنه ميقدرش يفك نفسه لكن الحقيقة أنه يقدر يقتلع الشجرة ، بس هو ميعرفش دا عن نفسه.
كل انسان عنده ميزة وقوة بداخله ممكن ميكونش عارف عنها حاجه ، ودوره أنه يدّور عليها وينمّيها ..
وكل المواقف المؤلمة في الحياة بتدفعه انه يعرف القوة اللي جوّاه ويستخدمها صح 👌🏻👌🏻
والمشاعر هي اللمبة الحمراء 🚨🚨اللي بتنبهك تبدأي منين ...
ابعتيلي رسالة على الصفحة أو واتس اب اقولك تفاصيل رحلة جلسات الكوتشينج
عشان تفهمي رسالة المشاعر مهما كانت مضايقاكي ...
انتي تستحقي حياة أفضل 💪🏻🌷
لايف كوتش مها مبارك

الغضب 😡🤬😠
الغضب نفسه مفيش منه مشكلة مشاعر طبيعية نقدر نخرّجه بطرق صحية، لكن في مشكلتين
المشكلة الأولى👈🏼👈🏼 رد الفعل نتيجة الغضب ممكن ناخد قرارات تؤذي حياتنا أو تؤذي حد بنحبه أو تخسّرنا علاقات ...
المشكلة التانية 👈🏼👈🏼أننا نكتم الغضب ومنعبرش عنه بطرق صحية لأن دا بيتخزن في الجسد وينتج عنه أوجاع وأمراض جسدية 😞😞..
دي شوية طرق صحية لما تحس بمشاعر غضب شديدة :
1🌸 التفّس العميق .
2🌸عمل اي تمرين يحرّك العضلات تمرين العجلة أو نط الحبل ،او جري أو مشي سريع ...🏃🤸
3-🌸اخذ شاور 🛀🛀
4🌸 ممكن تعمل بوكسينج في مخدة والطريقة دي بتنفع جدا مع الأطفال .🥊🥊

لو فعلا عايزة تتحكمي في غضبك وتكوني مسيطرة و تعرفي تتعاملي صح ، وتحافظي على سلامك النفسي ، وتحافظي على علاقاتك ، لازم تفهمي الأسباب الحقيقية وراء الغضب ..
ابعتيلي رسالة على الصفحة أو واتس اب اقولك تفاصيل رحلة جلسات الكوتشينج
انتي تستحقي حياة أفضل 💪🏻🌷
لايف كوتش مها مبارك

🌸كلميني عن روتينك الصباحي ..
أنا في عقلي 🧠🧠 روتين ايه بس عالصبح 😭 أنا بقوم مش شايفة قدامي عشان الحق اعمل لانش بوكس المدارس وأجهز للشغل .
يعني أول ما تصحي بتعملي ايه ؟
بعد الحمام اصلي واقول دعائين كدا وادخل اشوف اللي ورايا ..
🌸 طيب بتصلي بتركيز وتستشعري لحظة الصلاة و الاتصال ؟؟؟
بصراحة مش دايما ، بيكون في ميت حاجه في دماغي ..

يعني وانتي بتغسلي وجهك 1️⃣ينفع تبتسمي لنفسك وتقولي كلمة حلوة ( صباح الخير أو يوم ملئ بالخير يارب )
وبعديها هتصلي2️⃣ بس تستشعري انك بتشحني عشان تبدأي اليوم بسلام وخدي دقيقتين بالظبط دعاء وامتنان 3️⃣لنعمة واحدة في حياتك سواء شغل أولاد بيت صحة ..
ولو بتجهزي فطار4️⃣ حدّدي نيّة مفيدة زي مثلا بمد جسمي بغذاء مفيد
يعني كدا كدا انتي بتعملي روتين بس مش مسمّياه عشان انتي مش مركزة فيه ولا عارفه بتعمليه ليه ، مجرد مانركّز في اللي بنعمله ونعرف بنعمله ليه بيعود علينا بنفع أكبر وبنستمتع بيه اكتر وواحدة واحدة هتزوّدي الحاجات اللي بتعمليها لنفسك لأنها هتحسّسك بوجودك 🙏🏻
اخلقي روتين يبسطك ويسّهل حياتك

لايف كوتش مها مبارك
لأي استفسار او حجز ابعتيلي رسالة أو واتس .

لايف كوتش 😇😇

الموضوع مبقاش رفاهية ، الأساس انك تفهم نفسك ومشاعرك وتصرفاتك عشان تعرف تعدي التحديات اللي في حياتك ،
والله عن تجربة هيختصرلك المسافات🚆🚆
كلنا نستحق مساحة من الأمان نفتح قلبنا ونخرّج مشاعرنا من غير ما حد يُحكم علينا وينتقدنا ، ونعرف نرسم حياتنا بالشكل اللي يرضينا ، ولو معندكش لايف كوتش في حياتك صاحب الورقة والقلم دايماً✍️✍️✍️

لايف كوتش مها مبارك

حل المشكلة بيبدأ بإدراك ان في مشكلة اصلا
احنا بس نحط ايدينا على المشكلة تتحل علطول 🤣🤣
والمشاعر هي أول إشارة ان في مشكلة 👈🏼 نتجاهلها أو نهرب منها ، نكبتها ، كلها حاجات بتزوّد المشكلة وساعتها ممكن تظهر المشاعر في شكل مرض أو عثرات في الحياة 😞😞
مثلا بتضغط نفسك في الشغل مشاعر ضيق أو عصبية بتنبّهك انك محتاج هدنة شوية راحة أو ترفيه عن النفس تتجاهلها فتضّغط اكتر فتبدأ تظهر أعراض على الجسم 😟
مع ان الحل كان بسيط في الاول لو كنّا سمعنا مشاعرنا ....

طيب اتراكمت المشاعر بداخلنا بنعمل الاول جلسة لتفريغ المشاعر بخط الزمن (تقنية بتخرج كل مشاعر الغضب والخوف و الحزن وإحساس الذنب ) كأنِّنا بنحرّر مشاعر بقالها كتير محبوسة جوّانا ونفسها تخرج ..
ونقدر بعدها نكون واعيين اكتر بمشاعرنا ونعرف نتعامل معاها صح 👌🏻👌🏻
عايزة اشارك اني لما جرّبت التقنية دي مكنتش متخيلة ابدا اني هحس بالارتياح دا وكأن كان في حِمل أنا شايلاه وماشية بيه ومانعني اني اعمل حاجات كتير بحبها ولمصلحتي ، طبعا التقنية بتكون عميقة جدا ، لو مش جاهزة ليها ممكن تبدأي تخرّجي المشاعر دي في شكل كتابة أو رسم و تلوين ،
ولو جاهزة تدخلي في العمق 🏊🏊ابعتيلي رسالة اشرحلك فيها تفاصيل اكتر 💚💚💚
شكرا يا مشاعرنا 🙏🏻🙏🏻


لايف كوتش مها مبارك

غضب😡 -عصبية 🔥😤- قلق وتوتر😟... النتيجة👈🏼 ضيق واحراج في تعاملاتك وتحسي كأنك عايزة تختفي ، وتفضلي تلومي وتجلدي نفسك...
نفسك تكوني مسيطرة على انفعالاتك ؟ وتكوني من جواكي فاهمة ايه سبب الانفعالات دي وعارفة تتعاملي معاها 👌🏻👌🏻
فهمك لنفسك هيساعدك تتقبليها بكل مافيكي وساعتها هتعرفي تاخدي خطوات عشان تعملي التغيير اللي انتي عايزاه 😇😇

انفعالاتك مش قادرة تسيطري عليها 🗣️🗣️؟ ياترى الانفعالات دي وراها ايه ؟
احنا عندنا افكار ومعتقدات في عقلنا 🧠🧠بتترجم لمشاعر نحسها وعلى أساسها بيكون رد فعل جسمنا اللي ممكن يظهر في شكل توتر🤷‍♀️ -عصبية شديدة💥 -جلد ذات - احساس بالغيظ🔥 - وياسلام بقى لو في طرف أضعف مننا زي اولادنا نطلع عليه غضبنا ونرجع نندم🤦🤦 وندخل في دائرة لوم الذات وكلام قاتل زي أنا اوحش ام في الدنيا أو أنا مفيش فايدة فيّا😥😥 ..
اهدي على نفسك انتي إنسانة بتغلطي وتتعلمي من غلطك كلنا كدا 💚💚
خليني اشارك معاكي تجربتي واقولك قد ايه اتغيّرت وقدرت اتعامل بطريقة تريّحني واكسب صحتي وعلاقتي مع اولادي لما عملت ٣ حاجات
◀️تقبّلت ( اني انسانه ضعيفة وبغلط وبتعلم )
◀️فهمت مشاعري وليه بيكون ليا ردود فعل مش بكون راضية عنها
◀️بقيت رحيمة بنفسي واي تغيير اعمله بالتدريج واحدة واحدة .
دا خلاني اصمم برنامج كوتشينج
"صاحبي نفسك ومشاعرك"
هي رحلة جلسات كوتشينج (جلسات فردية اون لاين ) عشان تفهمي سبب انفعالاتك من غضب- خوف -قلق وتوتر -إحساس بالذنب -عصبية ...
و تعرفي تتعاملي معاها صح بشكل يعود عليكي بالنّفع
متتردديش انك تبعتيلي رسالة تسألي عن أي تفاصيل أو تحجزي جلسة استكشافية مجانا 🌷🌷


لايف كوتش مها مبارك

"ومِنْ كلِّ شَيْءٍ خلقنا زوجْين لعلّكم تذكَّرون "
كل حاجه في الحياة حرفيا هي زوجين ( لها قطبين أو وجهين )
اي موقف اي شعور اي صفة حتى الكوارث الطبيعية لها جانب إيجابي وجانب سلبي ....
اللهم اهدي قلوبنا ونوّر بصائرنا 🙏🏻🙏🏻🙏🏻