Saint Helena school

الساده الأفاضل أولياء الأمور وأبنائنا الطلبه والطالبات
نوجه عناية سيادتكم أنه من حين لآخر تظهر صفحات ليست لها أي صلة بالمدرسة وتقوم باستخدام لوجو المدرسة وهو ما يضعها تحت طائلة القانون خاصة وأنها تسيء إلى سمعة المدرسة و تلاميذها لذلك نهيب بسيادتكم الاحتراز من هذه الصفحات حيث أن إدارة المدرسة قد بدأت في اتخاذ كافة الإجراءات القانونية التي تحفظ حق المدرسة مع التحذير الشديد بأن كل من يتواصل أو يتواطا مع هذه الصفحات ويشارك في نشر الاشاعات الخاطئة سوف يعرض نفسه للمحاسبة القانونية والقضائية

لغة الضاد مش سهلة… بس أبطال الصف الثالث كانوا قدها 👏🔥
الدرجة النهائية تتكلم عنهم 🌟" تحت إشراف ميس رضوي

ازاي نعلّم أولادنا ياخدوا حقهم من غير عنف📌
مش معني ان ابنك حصله مشكلة إنه “ياخد حقه بإيده”. الجملة دي ممكن تبان إنها بتقوّي شخصيته، لكنها في الحقيقة بتزرع جواه فكرة إن العنف هو الحل.
علّم ابنك إن القوة الحقيقية مش في الضرب، لكن في إنه يعرف ياخد حقه بطريقة صح.
لو حد ضايقه في المدرسة:
يتكلم بثقة
يبلغ المدرس
يقول لوالده ووالدته
ده مش ضعف… ده وعي واحترام للنظام.
الطفل اللي بيتعلم يرجع لحد أكبر منه أو لقانون المكان: ✔️ بيكبر وهو فاهم الصح والغلط
✔️ بيعرف يحل مشاكله بدون أذى
✔️ بيبقى شخص مسؤول مش مندفع
لكن الطفل اللي بيتربى على “خد حقك بإيدك”: ❌ ممكن يكبر ويستخدم العنف في أي خلاف
❌ يفتكر إن القوة هي الحل الوحيد
❌ يدخل في مشاكل أكبر مع الوقت
🌿 من الإنجيل:
“لا تُجَازُوا أَحَدًا عَنْ شَرٍّ بِشَرٍّ.” (رومية 12: 17)
الآيات دي بتعلّمنا إن السلام وضبط النفس أقوى من الرد بالعنف.
🌙 من القرآن:
﴿ادْفَعْ بِالَّتِي هِيَ أَحْسَنُ﴾ (فصلت: 34)
﴿وَالْكَاظِمِينَ الْغَيْظَ وَالْعَافِينَ عَنِ النَّاسِ﴾ (آل عمران: 134)
وده معناه إن رد الأذى بالأفضل، والتحكم في الغضب، هو الطريق الصح.
إحنا مش بنربي أطفال “ضعاف”… إحنا بنربي أطفال “واعين”.
علّم ابنك يقول:
“هعرف أجيب حقي… بس بالطريقة الصح.” 💛

تحت إشراف ميس سيمون 🌷

الساده أولياء الأمور الكرام
بمناسبه عيد القيامة المجيدة نفيد سيادتكم علما بتعطيل العمل بدأ من الغد الخميس الموافق ٩ أبريل وحتي الثلاثاء ١٤ أبريل والعوده الي الدراسة يوم الأربعاء الموافق ١٥ أبريل في مواعيدنا الرسميه وكل عام وحضراتكم بخير