مبادرة ربي صح

‏" لا تربوا أولادكم كما رباكم آباؤكم ،، فقد خُلقوا لزمان غير زمانكم "

علي بن أبي طالب رضي الله عنه ♥

چاكي شان، البطل اللي عمرنا ما شفناه مهزوم في فيلم، طلع في الحقيقة أوجع من كل أدواره…
جمع ثروة تعب فيها سنين، فوق الـ٤٠٠ مليون دولار، مش جت له على طبق دهب، دي جت بعد عمر طويل من الشقا والسقوط والقيام، من كسور في جسمه لدموع في عينه محدش شافها…
لكن قرر فجأة يتبرع بيها كلها للجمعيات الخيرية، مش لولاده. ليه؟ عشان شايفهم ما يستاهلوهاش!

ابنه؟ فاشل دراسياً وعملياً، رغم كل الدعم، قرر يعيش مستهلك، يصرف من فلوس أبوه، وكأنها ميراث مالوش تمن.
والمصيبة؟ اتقبض عليه في قضية مخدرات، وآه يا irony، وقتها چاكي كان سفير مكافحة المخدرات في الصين!
يعني الناس سابت رسالته وفضلوا يضحكوا ويقولوله: "نصحنا إحنا؟ شوف ابنك الأول!"

بنته؟ علاقتها بيه منتهية، وظهرت في فيديو تعلن فيه عن ميولها، وتلومه لأنه مش بيساعدها تسكن مع حبيبتها.
چاكي سكت، لا رد ولا برر… يمكن الوجع خلّاه يختار الصمت.

وده يعلمنا إيه؟
إن الفلوس ما تربيش.
وإن التربية مش دايمًا بتؤتي ثمارها زي ما احنا متخيلين.
ممكن تكون أب مثالي، وتزرع حب وتضحية، وتروي بحنية، لكن الثمرة تطلع مرة.
ليه؟ لأن القلوب بيد ربنا.
والتوفيق في الأولاد رزق، مش مجهود بس.

قول دايمًا
"اللهم لا تبتلينا في أولادنا ولا فيمن نُحب."
لإنك مش لوحدك في التربية، معاك موبايلهم، وسوشيال ميديا، وصوت كل غريب بيزاحم صوتك جوا دماغهم.
وإنت مهما كنت قوي، مش دايمًا هتقدر تبني درع يحميهم من كل سهم مسموم حوالينا.

بس تفضل تدعي… وتبذل… وتعلّق قلبك بالله مش بالنتيجة.
عشان في الآخر، إحنا بنزرع… لكن الهُدى من عند رب الزرع. 🌱💔

الأن حصري بالقاهرة (المعادي ) والإسكندرية بالتعاون مع الأكاديمية الأمريكية 👇👇

العمر مش كله رومانسية! لازم خطتك تكون أذكى من مجرد دبلة وكام صورة "👌👌

"الخطوبة مش بس دبلتين... دي خطة نجاح لحياتك الزوجية!"

لو شايف إن الحب كفاية عشان تختار شريك حياتك، يبقى فاتك كتير...

الاختيار الصح مش صدفة، ده قرار لازم يتبني على وعي وفهم حقيقي لنفسك واللي قدامك.

في كورس "الخطوبة مش بس دبلتين" هنتعلم مع بعض:

إزاي تختار شريك حياتك؟ مش أي حد يناسبك... هتعرف مين النمط اللي يمشي مع شخصيتك ويكمل حياتك.

إزاي تدير فترة الخطوبة؟ من أول المواضيع اللي لازم تتناقشوا فيها لحد العلامات اللي تقولك "كمل" أو "انسحب بذكاء".

بعد الجواز... إيه اللي محتاجين تعرفوه؟ قواعد ذهبية للتعامل الصح، بناء علاقة متينة، وحل الخلافات زي المحترفين.

وده مش مجرد كلام... ده دليل عملي لبداية جديدة بنجاح!

✔️ للكابلز اللي عايزين يبدأوا حياتهم بخطوات ثابتة.
✔️ للشباب والبنات اللي مش عايزين يضيعوا وقتهم أو مشاعرهم في اختيارات غلط.
✔️ لأي حد عايز يبني علاقة حقيقية مبنية على تفاهم واحترام.

ماتضيعش الفرصة... حياتك تستاهل إنك تبدأها صح.
احجز مكانك في كورس "الخطوبة مش بس دبلتين" الآن مع د. مروة الشناوي أستشاري علاقات أسرية وصحة نفسية

💡 مع شهادة معتمدة لحضور الكورس، لتوثيق رحلتك نحو بناء علاقة واعية.

احجز مكانك الآن! وأحصل علي خصم شهر نوفمبر لا يتكرر مرة أخري 👇👇

📍 تفاصيل الحجز والتسجيل برجاء التواصل واتس علي رقم 01002103076

رسالة أم لابنها اللي خلاص بقى راجل 👇👇

١.الرجولة يابني مش بصوتك اللي بدأ يخشنّ و لا بعضلاتك و لا بالكام شعراية اللي بدأوا يطلعوا لك في وشك !
الرجولة يعني أخلاق ✋🏻 و أخلاقك و تربيتك بيظهروا من خلال أفعالك،

٢. عايز الناس تدعي لي؟!
خلّيهم يدعوا لي لما يتعاملوا معاك و يلمسوا فيك الدين و حسن الخُلق، و هي دي أعظم و أغلى هدية ممكن في يوم تقدمها لي. 🌹

٣. احترم المسنّ، احترم الصغير، احترم عامل النظافة، احترم الضعيف، احترامك لغيرك مش تقليل منك، احترامك لغيرك من احترامك لنفسك. ❤️

٤. صحتك هترافقك طول حياتك، اهتم بها و إعطيها حقها، و على قد ما تهتم بها دلوقتي؛ على قد ما هتشيلك قدام.
اهتم بها سواء بأكل صحي أو رياضة، و امنع عنها أي حاجة ممكن تؤذيك و قوّي إرادتك بنفسك. 💪🏻

٥. إوعى بقى بعد ما اهتميت بصحتك تتعافى بها على حد 🚫
دي نعمة، استغلها في الخير و اشكر ربنا عليها و ادعي له بدوام نعمته دي عليك.

٦. مش هقول لك اتعب دلوقتي عشان ترتاح بعدين لأن الدنيا دار ابتلاء و مشقة، الإنسان مخلوق عشان يسعى و يجتهد و يتعب، و لكن هقول لك إن على قد سعيك و تعبك على قد ما هيكون توفيقك و أجرك عند ربنا، أتقن في عملك و في اللي تملكه و اللي في إيدك دلوقتي و طلّع أحسن ما عندك و سيب النتايج على ربنا.

٧. لما تيجي تختار مسارك المهني your career، اختار الحاجة اللي تقدر من خلالها تنفع بها دينك و تنفع بها الناس و تحقق منها الغرض من وجودك أصلاً في الحياة.

٨. مهما وصلت لأعلى المناصب.... إوعى تتكبر على حد و إوعى تكسر بخاطر حد يلجأ لك.

٩. مساعدتك لغيرك مش هتاكل منك حتة، بل بالعكس دي هترفعك درجات.
و لو في يوم نسيت؛ اسأل نفسك : "هو أنا مخلوق ليه؟!"
ربنا جعلك في مكانك ده لسبب.
قول دايماً الدعاء: "اللهم استخدمنا و لا تستبدلنا" و ربنا يقدرك دايماً و تكون في خدمة كل الناس.

١٠. معرفة الناس كنوز مع وضع الحدود اللي تناسبك.

١١. إوعى في يوم تكسر نفسك لحد ، لازم يبقى عندك عزة نفس و كرامة، ما تخليش حد يستغلك مادياً، خليك متوازن و عادل في المعاملات المادية.

١٢ بيوت الناس لها حرمة "مهما كانت درجة القرابة".

• ما تدخلش من الباب بدون استئذان.

• ما تقعدش غير لما أهل البيت يسمحوا لك و يوجهوك لمكان الجلوس.

• ما تدخل أبداً أبداً أبداً و إيدك فاضية.

• مش مسموح لك تدخل مكان تاني داخل البيت بدون استئذان حتى لو كنت رايح الحمام، لازم تستأذن.

• ما تمد إيدك على حاجة و لا تفتح حاجة مش بتاعتك.

• غض بصرك حتى لو محدش شايفك.

١٣. آداب التعامل مع النساء مهم جداً تتعلمها، ما انت خلاص بقيت راجل. ✋🏻

• ما ينفعش تسابق بنت أو واحدة ست على دخول مكان، من باب الذوق و الاحترام تسيب لها المجال تدخل هي الأول، و لو دخلت خليك ماسك لها الباب لغاية ما هي تدخل.

• لو أسانسير ياريت ما تضايقهاش و تسيبها تطلع هي بحريتها الأول.

• لو طالع على السلم و اتصادف إن واحدة طالعة قبلك؛ ما ينفعش تطلع وراها على طول، استنى لغاية ما هي تطلع الأول و انت عينك تفضل في الأرض.

• إوعى تقعد في مكان و فيه واحدة ست أو بنت واقفين.

• لو جارتك ست كبيرة و شايلة حاجة، استئذنها تشيل عنها، ما يصحش تجري و تسبقها أو تتأخر عشان تتهرب.

١٤. تعامل مع بنات الناس بالظبط زي ما تحب الناس يتعاملوا مع أختك أو أمك.

١٥. حذار في يوم تخلّي واحدة ست "مسئولة منك" في احتياج مادي و تتهرب منها، إوعى. ❌❌❌
ربنا سبحانه و تعالى لما قال إن الرجال قوامون على النساء، فمن ضمن القوامة هي الإنفاق، و لما في يوم هتاخد ضعف الميراث برضه عشان نفس السبب.
انت المسئول عن الإنفاق، و صدقني يابني هي دي الرجولة اللي بجد. 💪🏻

١٦. ما تتهرب من الواجبات الاجتماعية، و لو فيه حالة وفاة؛ سيب كل اللي في إيدك و تكون أول الحاضرين، ده غصب عنك مش بمزاجك.

١٧. الحياة مليانة فرص و تجارب و حقك يكون عندك الرغبة في تجربة حاجات جديدة،
جرب!
ما انت لازم تجرب!
بس قبل ما تجرب أسأل نفسك سؤالين :
١. هل التجربة تتسبب لك في أي أذى؟ حتى لو على المدى البعيد؟
٢. هل التجربة تغضب ربنا؟
لو الإجابة "نعم" تبعد الفكرة عن بالك فورا بدون نقاش.

١٨. إياك و التعلّق بغير الله.
الأشياء المادية بتتغير، و قلوب الناس بتتغير، و مافي حاجة و لا حد بيبقى على حاله، فخدها من قصيرها عشان تعيش مرتاح و سعيد في حياتك،
لا تتعلق بحاجة و لا تتعلق بحد، و برضه ما تربطش سعادتك بحاجة أو بحد.

١٩. كل يوم بيعدي انت بتكبر و بتقوى، و أنا كمان بكبر بس بضعف، و لكن خلي بالك إنك مهما كبرت هتفضل بالنسبة لي حبيبي الصغنن
دي حقيقة و إوعى في يوم تتكسف منها.
عيشها و أستمتع بها و خد حقك منها تالت و متلت قبل ما يفوت الأوان

اللهـم إحـفظ أولادناويسر لهم كل أمر به خير وأعذهم ‏من كل شيطان رجيم وأبعدعنهم شر الناس وشرارهم بقدرتك ياعظيم احفظ اولادنا من كل سوء وارزقهم التقي والصلاح والفلاح ولا تورينا فيهم مكروه
اللهم_امين يارب العالمين صلى على نبينا وحبيبنا محمد صل الله عليه وسلم

راق🌹

هذا من فضل ربي 🌹




بترشيح كريم من وزارة الشباب والرياضة قدمت اليوم ندوة عن الإدمان السلوكي الإيجابي والسلبي لطلاب وطالبات مدرسة الشهيد ياسر سامي .. وحقيقي كان يوم أكثر من رائع

تحت رعايه
الاستاذ الدكتور/ وزير الشباب والرياضة
وتوجيهات السيد الفريق / أحمد خالد حسن سعيد محافظ
الاسكندرية .. ووكيل وزارة الشباب والرياضة د. صفاء الشريف

وكل الشكر والتقدير لأستاذة هناء وليم مسؤولة النادي الثقافي بمديرية الشباب والرياضة .. وخالص شكري وتقديري لأدارة المدرسة لحسن الأستضافة .. ومعاً إن شاء الله لمزيد من الوعي لكل المدارس

كلام مهم للأب اللي عنده بنت . . .
في اي سن مش بس في سن المراهقه
إحتياج البنت النفسي للحب والحنان والاهتمام تفوق أضعاف حاجة الولد، وده بيرجع لتركيبتها النفسية العاطفية ..
وعشان تٌشبع الإحتياج ده :

- سلّم عليها واحضنها يومياً وانت خارج أو وانت راجع البيت وقَبِلْهَا على جبينها كل يوم ...
دي بنتك حبيبتك والله مش عيب خالص ، كل يوم 👍 .

اسألها عن أحوالها ،تمارينها، دراستها، واتعرف على اهتماماتها، وحاول مشاركتها في أي لعبة ، شوفو فيديوز سوا ، هي مش محتاجة تقعد معاها أكتر من نص ساعة كل أسبوع ( نص ساعة بس ).
فاجئها بهدية بسيطة جدا تفرحها (إسأل مامتها او اسألها) بتحب ايه ؟
( دباديب ، شوكولاتة، ألوان ، بوكلات للشعر ، ورد ، لبس، شوز ، وأي شيء تحبه أو تحتاجه )

إبعتلها كل فترة رسالة فيها حُب وتشجيع على تصرف عملته، او صفة جميلة لاحظتها فيها، ممكن على تليفونها أو مكتوبة في ورقة بخط إيدك هتحس بحبك ماليها ومشبعها ومقويها ومزود ثقتها بنفسها واعتزازها بذاتها .

اخرجوا لوحدكم بس خروجة مخصوص واعزمها على أكلة بتحبها ، وحلّوا بأيس كريم مثلا ولا عصير ، مرة واحدة في الشهر ( مرة في الشهر ) .

امدح أي شيء حلو فيها وعاكسها بكلام حلو ، ابتسامتها ،جمالها ، مشاعرها وحنانها ، شياكتها ، تسريحة شعرها، لبسها ،وانك فخور بيها كونها بنتك .
حتي لو مش عجبك لبسها او اي حاجة فيها مش تفضل تنتقد فيها ديما وتقارنها بالبنات انت كدة بتكسر ثقتها في نفسها ٠
خليك اب حنين وهين علشان تفضل تحبك وتحب الكلام معاك ٠

علاقتك بيها وبالأم بتأثر بشكل كبير على علاقة بنتك بزوجها في المستقبل ، فلو كانت علاقة حب وتقدير وتفاهم ، هتُبرمج نفسياً على أنها تعيش نفس التجربة الناجحة مع زوجها، كونك أهم وأول نموذج بتشوفه من الجنس الآخر، بدل ما تحاسب زوجها (لاشعوريا) وتاخد حقها وحق مامتها أو بسبب تقصيرك معاها فضلاً عن الإساءات..

👌🏻 وبكده هتبني لها مناعة وجدانية ووقاية نفسية، تغنيها عن تسول الحب والبحث عنه خارج البيت، وخاصة في مرحلة المراهقة.🌸🌸. راق

كل عام وأنتم بخير بمناسبة العام الدراسي الجديد ويارب يكون عام كله بركة وفرحة وخير للجميع ♥️

حابه أوجه رسالة مهمة للأمهات ياريت اللانش بوكس ميكونش أوفر للأطفال وهما رايحين المدرسة يعني بلاش
برجر وسوسيس وفراخ ولحمة وكبده ومكسرات وفاكهة .. الطبيعي والمفروض يكون بيض مسلوق او جبن أي نوع لكن الحقيقة اللي بتعملوه في أولادكم ده حرام ..

ليه حرام عشان ده أسمه غدا حضرتك مش فطار طفل خالص لما حضرتك تديله السندوتشات دي الصبح هيروح يتغدا إيه لما يرجع البيت ؟! علي كده إنتي محتاجة ميزانية خاصة بقي وده أسمه خراب بيوت حضرتك وبتأخدي أبنك باايدك إنه ياخد علي كده وهيرفض أي سندوتشات عادية بعد كده وخلاص أخد علي ليفل معين من الأكل وتوقعاته هتزيد وطلباته هتزيد يوم بعد يوم

ده غير إن حضرتك الأكل ده الصبح كارثة علي الطفل وكله دهون مشبعة وزيوت مهدرجة متخيلة إبنك أو بنتك هيركزوا إزاي بعد الأكل ده ؟!! ده هيبقوا محتاجين يناموا حضرتك ويشدوا اللحاف ولا هيستعبوا أي شيء 😁 والتركيز هيقل وهيحصل حالة من الخمول .. والأكل التقيل ده طبعا هيرهق القولون وبالتالي الطفل هيحتاج يتبرز وفي أطفال كتير بتتحرج تدخل الحمام خارج المنزل ومش بيعرفوا يتعاملوا وبيبهدلوا ملابسهم وبيصبح ريحتهم سيئة و فيها نوع من النفور.. غير إن في أطفال تانية بيحصلهم أسهال وبيفضلوا رايحين جايين علي الحمام .. طب قوليلي حضرتك الاطفال هيركزوا في الحالة اللي هما فيها دي ولا هيركزوا في الشرح ؟!

النقطة التانية ودي مهمة جدا أكيد شايفين الحالة الأقتصادية اللي أحنا فيها فلو أنتِ قادرة تجيبي الأكل ده يومياً لأولادك في غيرك مش قادر ويومه ماشي بالعافية .. هتقوليلي لا هو في مدرسة خاصة أو لغات وكل الأهالي قادرين هقولك مستوي المدرسة مش مقياس علي المقدرة المالية حضرتك لأن في ناس علي قدهم وبيعملوا جمعيات وزانقين نفسهم عشان يعلموا أولادهم كويس .. فلو سمحتي محتاجين الثقافة دي تنتشر بين أولياء الأمور..

أولاً علشان صحة أولادكم 🤗🤚

وثانيا عشان حرام الاولاد يبصوا لبعض ويعاقبوا أهاليهم ف البيت عشان مش معاهم يجيبوا الأنواع الغريبة دي والفاكهة والمكسرات والحلويات وكل ما لذ وطاب الحاجات دي مش هتهرب موجودة في البيت يرجع من المدرسة ياكل كل اللي نفسه فيه ولازم تفهميه ده وتخليه يشعر بزملائه
وبكده هيرجع جعان وياكل وجبته الأساسية

ونقول تاني سندوتش بيض مسلوق وأي نوع جبن بخيار و٣تمرات وزمزمية مياه من فلتر البيت مش مياه معدنية ولو لازم مشروب يبقي عصير بيتي في ازارة صغيرة والمكسرات ياكلها ف البيت قبل ما ينزل مش ياخدها معاه 🤚وكده يبقي فطار صحي ومناسب للمدارس ومش مبالغ فيه ♥️🤚🤗

الثقافة دي محتاجين تنتشر بين أولياء الأمور وتوصل كل بيت وبالتالي مش هنلاقي الأفورة اللي بنلاقيها دي وكأن الأمهات داخلة منافسة بااغلي لانش بوكس 🤚👌

وكل عام وأنتم بخير 🌹

🤍 🌙ذكرى مولد النبي🌙🤍
♥️ موعد المولد النبوى الشريف ♥️. كل عام وانتم بخير

فصلوا علي من سكنت القلوب محبته ، واشتاقت العيون لرؤيته‏
(يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا)ﷺ 🌿.

لما بنتك بتتزوج وبتترك البيت

. لا تنسى تترك معها في شنطتها نسخة دايمة من مفتاح باب البيت .. بيت أهلها
المفتاح لأي بنت هو زي مصباح علاء الدين .. صمام أمان أبدى ..
لو بعدت كتير زياراتها متل طلات القمر ..
كل ما فتحت الشنطة ولمحته فيها .. بتعرف وبتتأكد أنه مهما جار عليها الزمن .. ف لسه زاوية بالدنيا .. ومكان يفضل فاتحلها أبوابه ، و مستنيعا بفرحها وزعلها وجنانها ومزاجيتها وضعفها وقوتها وكسرتها.. وبأي حال بتكون عليه ..
المفتاح مش بس مفتاح باب عادي .. هو مفتاح قلب وذكريات .. مفتاح رابط روحاني ماحدا ممكن يفهمه .. هو ذاته الرابط اللي بيقولوا أنه بيخلي البنت دايماً أحن على أهلها من الولد ..

عشان قد ماالبنت بعدت .. وتدللت ومهما حصل مهما كان عندها من جهاز ملابس او ودهب .. لما توقف قدام بيت أهلها وتدق الباب وتستني ليفتحولها .. بتحس نفسها غريبة وترجع تعيش حالة الطفلة زمان .. اللي اتقفل عليها باب البيت، حس إنها محبوسة برا .. هنا بتفتح الشنطة بسرعة، و بتطّلع المفتاح .. وتبتسم بثقة وأمان وبتعرف إنها مش وحيدة وضايعة ...
عشان بناتكن .. لا تنسوا المفتاح ..... مفتاح الأمان ...

قام رجل بنشر هاتين الصورتين مع ابنه وكتب:
"ما بين الصورتين ٣ سنوات ونصف،منذ أن كان رضيعاً وأنا أحرص أن نجلس لوحدنا خارج المنزل، أحاوره، استمع إليه، استمتع بحديثه وضحكاته، وكلما كبر أحسست بصعوبة الرد على بعض تساؤلاته ! كل ساعة نصرفها مع أطفالنا قد تعادل شهوراً من مستقبلهم .

راق

من يحب أن يقي أبناءه من الأمراض النفسية فليتبع هذه الخطوات الملخصة من كتاب "أسرار تربية الأبناء وبناء الثقة" ؛ وسترى النتيجة...
برنامج بناء العلاقة مع الأبناء : 👪👌

١- عشرون دقيقة يومياً حوار مع الأبناء باعتبارهم أصدقاء ( بدون نصح ولا حديث عن المدرسة ولا توجيه ) .

٢- التعبير عن مشاعر الود والحب من الأباء للأبناء من ٥ - ١٠ مرات يومياً .

٣- مدح الأبناء يومياً خمس مرات على سلوك إيجابي فعله .

٤- مدح الأبناء يومياً خمس مرات على الشكل الخارجي ( ابتسامته - شعره- عينيه - أي شيء فيه ) .

٥- مرتان اسبوعيا مشاركة الابن نشاط خارج البيت حتى لو استغرق خمس دقائق ( مشي - رياضة - تمشيه - لفّه بالسيارة ) .

٦- ثلاث دقائق يومياً لتثبيت القيم قبل النوم :
-كنت سعيداً عندما رأيتك اليوم تفعل كذا.
- مساعدتك لأختك الصغيرة كان جميلا منك.
- وفاءك بالاتفاق جميل.

٧- مرتان أسبوعياً عشاء مع العائلة في البيت أو خارجه يكون وقته طويل حتى يتم الحديث والتحاور مع العائلة بوقت أكثر .

٨- من (١-٣) دقائق يومياً [ كلي آذان صاغية ] وتتنفذ على النحو التالي:
-الجلوس مع الابن في مكان هاديء واطلب منه أن يقول كل ما يريد بلا قيود ولا نقاش ولا أرد عليه ولا أقاطعه ولا تعقيد وحينما تنتهي ٣ دقائق انتهت الجلسة.

٩- عبّر عن حبك لإبنك من خلال السلوكيات اليومية :
( خمس لمسات يومياً ) :
- اللمس على نهاية رأس الابن
وتعني " الرأفة والرحمة "
- وضع اليد على الرأس " الفخر"
- وضع اليد على الجبين "التهدئة"
- وضع اليد على الوجنتين" الشوق"
- مسكة اليد " تقوية العلاقة والحب"
- إذا كان غضبان أو وجود مشاعر سلبية "امسح بيدك على صدرة "

أربع قبلات يومياً :
-في الجبين " الاستقبال "
-في الرأس" فخر واعتزاز"
-في الخد " الشوق"
- في اليد "الاستقبال والشوق"

واربع ضمات احتضان متفرقه خلال اليوم .

أخيراً : ابن علاقة مع ابنك حتى يصبح بين يديك محباً مطيعاً وخلوقاً وباراً فبهذا البرنامج تبني شخصيته وتتعرف على ذاته وتقوي محبته وتصبح الأب النموذج الأمثل في نظره
وتتلاشى كل المدمرات للعلاقة التي كنت تمارسها من قبل أو كانت سبباً في اضطراب شخصيته أو عناده أو عنفه أو مراهقته المزعجة أو انحرافه أو سبباً للأمراض الناتجة من السلوك التي تم شرحها في المدمرات سابقاً .

قل لابنك أو ابنتك : شكرا إنك موجود فى حياتي..

راق