13/04/2026
حقيقي جدا و واقعي بالفعل 👍👍
التغيير يحدث بدافع قوي يغيرنا أحيانا لا إراديا
نمر فى الحياة ب إبتلاءات و نتألم لنتعلم الدروس المختلفة من إختبارات الحياة ...
تحفيزي_للعافية_النفسية
لحظات فارقة!
في حياة كل واحد منّا، لحظات فارقة، نقطة تحوّل الدنيا بعدها مش بترجع أبدًا زي قبلها..
لحظة بتبقى بمثابة الفوقان بعد خبطة جامدة ووجع وقسوة ماتخيلتش إن ممكن تعيشها في الدنيا..
لحظة بتحس فيها إنك صحيت من حلم طويل،وأدركت إنك طول الوقت كنت ماشي في سكة مش بتوديك لنفسك.
لحظة بتعرف فيها إن في حاجة فيك اتبدّلت ومش هترجع نفس الشخص بعدها..
حتى مشاعرك اتبدلت، طريقتك في الحكي، في الحزن، وحتى في الحُب … ما بقتش زي الأول..
تحولات جذرية، لحظات بتكسرك عشان تعيد تشكيلك من جديد...
كما قال #نيتشه:
"التغيّر لا يأتي بهدوء، بل يأتي بعد فوضى كبرى."
ألم بيبقى زي الكشاف لما يضرب في عينيك فجأة فيوجعك بس ينورلك الدنيا حواليك..
لحظة بتقرر فيها تقول #كفاية...
كفاية تضحيات على حساب نفسك،
كفاية مساومات مع روحك، كفاية محاولات لإرضاء ناس ماقدروش قيمتك، وتقرر ولأول مرة تقول لأ..
لحظة بتطفي تماما مشاعرك ناحية شخص أو شيء استهلكك؛ برغم إن روحك كانت فيه،
إلا إنك بتحس إن بعدها إنه اتمسح من جواك شفاف ومالهوش وجود..
لحظات الفقد، الصدمة، الانطفاء، مش نهايات...
كل لحظة اتكسرت فيها، كنت بتتبني من جديد،
وفي كل مرة قلت خلاص مش قادر، كان ربنا بيخلق جواك قدرة جديدة..
خد بالك... دي مش نهاية، دي نقطة تحوّل.
#سِكّة_السَّلامة
