Dr. Ahmad Soliman - American Diploma

بسبب البداية المبكرة للدراسة السنة دي
-
قررنا بداية كورس التأسيس بمشيئة الله الي 13/9/2026
-
تأسيس انجليش أمريكان يعني دكتور أحمد سليمان
المستحيل بتاعكم … هو الممكن بتاعنا

بسكوت بالفحم

بعض الطلاب تقدر تجيب 800 انجليش .. بس مشكلتهم ان في حد اقنعهم ان الاسكور ده مستحيل … قلب في الاسكورات اللي علي البيدج هتلاقي كذا 800 … ده غير طبعا ال 800 يات اللي اصحابها مش بيسمحوا لنا ننزلها خوفا من الحسد … الطلاب دول زيك بالظبط … الفرق الوحيد انهم قرروا يقهروا المستحيل (الوهمي)

خبر في ظاهره بسيط.

بنت متفوقة، طبيبة، ومن الأوائل، وحققت نجاحات كويسة.
وده شيء محترم، لكن طبيعي جداً إن ناس كتير ما تعرفهاش، لأن عندنا متفوقين ومتفوقات كثير، ومعظمهم بعيد عن الأضواء.

بعد كده ظهرت على السوشيال ميديا، وبدأ اسمها يتعرف بشكل محدود.
ثم حصلت لقطة واحدة مع مطرب مشهور على المسرح، رحب بيها وانتهى الموقف.

لكن اللي ما انتهاش هو أثر اللحظة.

فجأة بقت حديث السوشيال ميديا، وصورها بقت في كل مكان، وبدأت البرامج تسعى في استضافتها، والصفحات تتكلم عنها، وكالعادة هتتفتح قدامها أبواب الشهرة بشكل كبير: إعلانات، برامج، محتوى، وربما فرص في السينما أو التلفزيون، ومع الشهرة بتيجي الفلوس والانتشار.

وهنا السؤال مش عن البنت نفسها.

السؤال: إحنا هنا بنوصّل رسالة إيه لأولادنا وبناتنا؟

البنت الصغيرة اللي شايفة المشهد ده ممكن تفهم إن سنوات الدراسة والاجتهاد شيء محترم، لكن “اللقطة” أسرع.

وإن الوصول للشهرة ممكن يبقى أقصر من طريق العلم.

وإن باب واحد بس يفتح في يوم ممكن يجيب انتشار وفلوس أكتر من مهنة تعب الإنسان فيها في سنين.

ومع تكرار الرسالة، بيتغير تعريف النجاح نفسه.

يبقى النجاح مش: أنا بقيت مين؟ ولا اتعلمت إيه؟ ولا بنيت إيه؟

يبقى: كام واحد عرفني؟ وظهرت فين؟ واتعمل معايا كام لقاء؟

وده خطر كبير.

لأن حب الظهور بطبيعته عايز الجديد باستمرار.
اللقطة اللي جابت مليون مشاهدة النهارده، بكرة الناس اتعودت عليها، فتحتاج حاجة أغرب، أو أجرأ، أو أكثر إثارة.
وندخل كلنا في سباق على انتباه الناس.

والأخطر إن العدوى دي ما وقفتش عند الفن والترفيه وصناعة المحتوى.

دخلت التعليم.

ودخلت الدعوة.

ووصلت لبعض طلبة العلم والمشايخ وصناع المحتوى.

فبقى فيه واحد ممكن ينشغل بعنوان المقطع أكتر من تحرير المسألة، وبالجملة اللي هتنتشر أكتر من الجملة الأدق، وبرد الفعل أكتر من قيمة الكلام نفسه.

حتى العلم نفسه ممكن يدخل سوق الترند.

وهنا لازم نسأل سؤال أكبر:

إحنا عايزين نربي مجتمع عامل إزاي؟
هل في حاجة اسمها ميثاق شرف إعلامي؟
هل في حاجة اسمها مسؤولية اجتماعية؟

هل الإعلام دوره بس يركب الترند، ولا له دور في رفع الذوق العام، وتشجيع الاجتهاد، وتقديم النماذج اللي تستحق فعلًا؟

فين القراءة؟
فين الثقافة؟
فين تشجيع الشباب على الذكاء الاصطناعي، والعلوم الجديدة، والبحث، والصناعة، وبناء المهارات؟

إحنا مش محتاجين مجتمع يجري طول الوقت ورا اللقطة، ولا مجتمع يقيس قيمة الإنسان بعدد المشاهدات، ولا مجتمع يعلّم الشباب إن أقصر طريق للشهرة هو أفضل طريق.

لأن المجتمع اللي يعمل كده، بيخرب بيته بإيده.

هو نفسه اللي بعد كده هيشتكي إن الشباب ما عندهمش نفس طويل، وإن البنات مشغولة بالشهرة، وإن الناس عايزة المكسب السريع، وإن الثقافة بتتراجع.

طب ما إحنا اللي بنرسل الرسالة دي كل يوم.

وعشان كده القضية أكبر من خبر بنت اشتهرت بسبب لقطة.

القضية في مجتمع بيكافئ إيه باهتمامه؟

لأن أولادنا مش بيتعلموا من نصايحنا بس، هم بيراقبوا إحنا بنفتح الكاميرا لمين، وبنصفق لمين، وبنستضيف مين، وبنخلي مين يبقى نموذج.

فاللي بنسلط عليه الضوء النهارده، ممكن يبقى هو حلم جيل كامل بكرة.

فاتقوا الله في البلد، وفي المجتمع، وفي العقول، وفي الشباب، وفي المستقبل.

محمد سعد الأزهري
https://t.me/usraaman

ابناء أحمد سليمان المتميزين … بناء علي درجات الموك الاسبوعي .. أسأل الله أن يحفظهم و يبارك فيهم

ابنائي المتفوقين في امتحان ال ِEST بناء علي سكور الموك الأسبوعي … أسأل الله أن يحفظهم و يبارك فيهم

أكبر غلطة إنك تفتكر إن النجاح بيجي بالحماس
الحماس بيبدأك
لكن الانضباط هو اللي بيكملك

اعمل اللي عليك حتى في الأيام اللي مش حابب تشتغل فيها
لأن النجاح الحقيقي بيتبني في الأيام العادية
مش في الأيام اللي فيها حماس

(منقول)