سلامٌ و طمأنينة - د. منن عبد الغنى

سلامٌ و طمأنينة - د. منن عبد الغنى هدفنا تمتعكم بالسلام والطمأنينة
مع د. منن عبد الغنى

العلاقات بكل أشكالها خُلقت للتخفيف عن النفس .. أي علاقة تزيد معاناتك لازم تعطيها حجمها المناسب لها وفقط .. إحنا اللي بنع...
26/05/2025

العلاقات بكل أشكالها خُلقت للتخفيف عن النفس .. أي علاقة تزيد معاناتك لازم تعطيها حجمها المناسب لها وفقط .. إحنا اللي بنعطي الأشياء والناس قيمتهم .. ونقدر نقللها ونزوّدها .. بلاش تعطي قدر كبير لأي حد/شيء مؤذي لك ..
🚫 توقف وفكر كويس في المعنى ده : "احنا اللي بنعطي الأشياء والناس قيمتها عندنا.. وبحسب قيمتها بيكون تأثيرها علينا" ..
القيمة بإيدك ✊️
والتأثير عليك ناتج من القيمة دي ..
أعد ترتيب القيم والأولويات.

الموضوع ده محتاج تدريب لكنه يستحق بذل الجهد وبيفرق كتير أوي .. عادة الشعور عبارة عن بوسطجي لحوح جايب لك رسالة ما .. لو ا...
07/11/2024

الموضوع ده محتاج تدريب لكنه يستحق بذل الجهد وبيفرق كتير أوي .. عادة الشعور عبارة عن بوسطجي لحوح جايب لك رسالة ما .. لو استلمت الرسالة حيمشي بسرعة .. لو فضلت تهرب منه حيفضل يلاحقك ويخبط ويرزع فيك لحد ما تستلم الرسالة .. والاختيار لك 🤷‍♀️

ملحوظة :
الصورة منقولة من صفحة "psychological side"

06/11/2024

بوست لتجميع الحِكَم المؤثرة في حياتنا .. لو حد علق في ذهنه جملة أو حكمة وفرقت معه في شخصيته أو حياته يا ريت يكتبها لنا في التعليقات .. لعل البوست ده يفرق مع ناس تانية محتاجة بس يوصل لها الحكمة دي.


ّم

آية لها عمق نفسي جميل حاختم بها البوست إن شاء الله ⚘️خدوا نفس مرتااااح 😌 واقرأوا ببطء وتأني ..من ألطف سبل السلام النفسي ...
31/10/2024

آية لها عمق نفسي جميل حاختم بها البوست إن شاء الله ⚘️خدوا نفس مرتااااح 😌 واقرأوا ببطء وتأني ..
من ألطف سبل السلام النفسي إنك "تسمح" ..
"اسمح" لنفسك تعيش الشعور أيا كان نوعه وانت عارف انه حيخلص ويتغير وييجي شعور غيره ويخلص وهكذا .. سماحك لنفسك بالشعور يعطيك سلام ويعفيك من الحرب النفسية الداخلية ويقلل كتير الصراعات اللي جواك ..
"اسمح" للآخرين يكونوا أنفسهم .. ولأنفسهم .. اسمح لهم مايكونش همهم هو إرضاءك أو التركيز معك والتواجد لك .. اسمح لهم بحريتهم .. إرضى بإنهم لهم الحق في اختيار الوقت والطريقة اللي يحبوك بها .. اسمح لهم يكونوا أنفسهم عشان تشوفهم بطبيعتهم و حب طبيعتهم مش تحب الصورة اللي نفسك يكونوا عليها ..
"اسمح" للكون يغير فصوله .. لا تملك انك تخلي فصل دائم أو تلغي فصل .. احنا جزء من الكون .. كل حاجة عبارة عن موجات .. زيادة ونقصان .. ضغط ورخاء .. انت جزء من الكون .. "اسمح" لنفسك تكون جزء من الكون .. ""ادخل"" في سريان الحياة التلقائي الرباني ..
انك "تسمح" أو لأ مش حيغير الكون ولا الناس .. والطبيعة حتاخد مجراها عادي جدا وبسلاسة شديدة ..
لكن لما "تسمح" و ""تدخل"" في الflow فإنت بتساير الطبيعة الكونية وتكتسب نفس سلاستها وانسيابها .. سلاااااااام وطمأنينة.. هدوووء .. رضى .. تقبل ..
ووقتها بيتجلى المعني العمييييق لآية الله :
((يَا أَيَّتُهَا النَّفْسُ الْمُطْمَئِنَّةُ ارْجِعِي إِلَى رَبِّكِ رَاضِيَةً مَرْضِيَّةً فَادْخُلِي فِي عِبَادِي وَادْخُلِي جَنَّتِي)) ..

مش حتقدر تخلي حد يحبك بإنك تكثر من العطاء له إذا كان هو لا يقدر هذا العطاء أصلاً ..ماتحرقش بنزين ع الفاضي ..يا تشوف نوع ...
29/10/2024

مش حتقدر تخلي حد يحبك بإنك تكثر من العطاء له إذا كان هو لا يقدر هذا العطاء أصلاً ..
ماتحرقش بنزين ع الفاضي ..
يا تشوف نوع عطاء هو يفهمه ويقدره .. ده لو كان بيقدّر حاجة 🤷‍♀️🤷‍♀️
يا تشوف "حد" بيقدّر فكرة العطاء في حد ذاتها .. ده اللي يستحق منك المجهود فعلا .. وده اللي إنت تستحقه ..
الإسراف في العطاء بدون تقدير غباء مش حب ولا تضحية.
ملحوظة:
ده لا ينطبق على علاقة الأمهات بأبنائهم❤️❤️


ّم

النهاردة هو أكبر سن انت وصلت له في حياتك اللي فاتت .. استفيد بالخبرة اللي أخدتها..وبرضو النهاردة هو أصغر سن حيعدي عليك ...
24/10/2024

النهاردة هو أكبر سن انت وصلت له في حياتك اللي فاتت .. استفيد بالخبرة اللي أخدتها..
وبرضو النهاردة هو أصغر سن حيعدي عليك في حياتك القادمة .. استغل اللي بين إيديك صح .. اللي عندك النهاردة ممكن ما يكونش عندك بكرة ..

"منقول بتصرف"

19/10/2024

لما تزعل من حد ضايقك أو خذلك افتكر حاجتين غاية في الأهمية ..
الأولى : أفكارنا هي اللي بتعطي الأمور والأشياء قيمتهم ..
"حارجع بعد شوية للنقطة دي تاني بس ركز معايا"
الثانية : أهم ٣ خطوات في حياتنا هي لحظة الموت - البعث والحساب - دخول الجنة أو أعوذ بالله النار ..
من حيمنع عنك الموت لما يحين وقته ؟ محدش.
من يخفف عنك حسابك أو يرحمك ؟؟ لا إله إلا الله..
من تنفعك شفاعته ؟؟ صلوا عليه..
من يملك يزحزحك عن النار ويدخلك الجنة ؟؟ لا إله إلا الله..
أقصى حاجة إنسان يقدر يسندك فيها في أهم ٣ مواقف لك هي إنه يدعي لك ويا يستجاب له يا لأ .. كله فقط وفق إرادة الله ..
نرجع تاني بقى لأول هام :
هاااا ؟؟ إيه رأيك؟؟ القيمة مناسبة ؟؟
يا ريت تعيد التقييم ..
وكل ما قيمة الشيء/الشخص قلت كل ما كان الاستغناء أسهل ..
ولا أعني بالاستغناء قطع العلاقات.. أبدا .. ولكنه الاستغناء النفسي والأدق استغناء الروح .. وحتة الارتقاء دي اللي مش بتخلي مزاجنا وموودنا متعلق بأفعال وتصرفات الآخرين ..
خلي عينك على الهدف .. وأي هدف دنيوي هو وسيلة لهدف أبدي ..
اختيارين مافيش غيرهم : جنة / نار
وظّف علاقاتك وأفكارك وتصرفاتك وقيّم الناس والأمور وفقاً لهدفك.
دمتم في

"وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ" كل ثانية من العمر إما عبادة أو لهو عن العبادة .. إخلاص النية ...
13/10/2024

"وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ"
كل ثانية من العمر إما عبادة أو لهو عن العبادة .. إخلاص النية حتى في الأمور البسيطة يجعلها عبادة .. ربنا يرزقنا حسن عبادته 🤲🤲 ويقينا شر أنفسنا وشر الفتن ما ظهر منها وما بطن 🤲

تحرك .. أنت لست شجرة ولا جماد ..تحرك واستعن بالله
12/10/2024

تحرك .. أنت لست شجرة ولا جماد ..
تحرك واستعن بالله

إلـهي حَليفُ الْحُبِّ في اللَّيْلِ ساهِرٌ ..يُناجي وَيَدْعُو ..وَالْمُغَفَّلُ يَهْجَعُ ..إلـهي وَهذَا الْخَلْقُ ما بَيْن...
11/10/2024

إلـهي حَليفُ الْحُبِّ في اللَّيْلِ ساهِرٌ ..
يُناجي وَيَدْعُو ..
وَالْمُغَفَّلُ يَهْجَعُ ..
إلـهي وَهذَا الْخَلْقُ ما بَيْنَ نائِمٍ ..
وَمُنْتَبهٍ في لَيْلَهِ يَتَضَرَّعُ ..
وكُلُّهُمُ يَرجُو نَوالَكَ ..
راجِياً لِرَحْمَتِكَ الْعُظْمى .. وَفِي الْخُلْدِ يَطْمَعُ ..
إلـهي فَأنْشِرْني عَلى دينِ أحْمَد ..
مُنيباً تَقِيّاً قانِتاً لَكَ أخْضَعُ ..
وَلا تَحْرِمْني يا إلـهي وَسَيِّدي
شَفاعَتَهُ الْكُبْرى فَذاكَ الْمُشَفَّعُ ..
وَصلِّ عَلَيْهِ ما دَعاكَ مُوَحِّدٌ ..
وَناجاكَ أخْيارٌ بِبابِكَ رُكَّعٌ ..
~عليّ بن أبي طالب~
رضي الله عنه

الإنكار / التجنب / الرفض.. دي من أساليب المقاومة اللي بتطيل مدة المعاناة .. الاعتراف/ المواجهة / التخطيط.. دي من أساليب ...
10/10/2024

الإنكار / التجنب / الرفض.. دي من أساليب المقاومة اللي بتطيل مدة المعاناة .. الاعتراف/ المواجهة / التخطيط.. دي من أساليب التغيير اللي بيقلل أو يزيل المعاناة ... والاختيار لك 🤷‍♀️ ..


Address

Alexandria

Telephone

+201559799755

Website

Alerts

Be the first to know and let us send you an email when سلامٌ و طمأنينة - د. منن عبد الغنى posts news and promotions. Your email address will not be used for any other purpose, and you can unsubscribe at any time.

Shortcuts

Share

Category