23/10/2022
السلام عليكم😁
عشان الناس اللي عايزا تاخد فكرة عن برنامج الثري دي ماكس💁♀️.انا هحاول اني في الpost ده اشرحلكم فكرة البرنامج بشكل مبسط والخطوات اللي مفروض امشي عليها عشان اعرف اطلع مشروع بشكل احترافي إن شاء الله.
أية هو برنامج الثري دي ماكس(3D Max)؟ :-
برنامج الثري دي ماكس هو عبارة عن برنامج للتصميمات الهندسية ثلاثية الابعاد ولازم نعرف ان برنامج الماكس إطور كتير من شاركات مختلفة على مدار 30 سنة واخرهم كانت شركة Autodesk.
عشان نعمل أي مشروع على الماكس لازم نعدي على خمس مراحل اساسية:
1- فكرة البرنامج بتتمثل في خلق بيئة هندسية للمصمم والبرنامج بيوفر مجموعة كبيرة من الادوات عشان تساعد الطلاب و المصممين المبدئين والبرنامج عبارة عن فراغ لا نهائي بيتيح للمستخدم انه ينشئ أي مجسم ودي هي أول مرحلة وهي مرحلة المودلنج (Modeling),اني اعمل مجموعة اجسام ثلاثية الابعاد واعدل عليهم لحد ما اوصل لشكل الموديل اللي عايزه.🏤
2- بعد ما نخلص مرحلة المودلنج ,نبدأ نوزع الكاميرات في الأماكن اللي عايزن ناخد فيها اللقطة (Cameras).🎥
3- بعد كدا بنبدأ نوزع الأضاءة بتاعتنا في المشروع, سواء مشروع داخلي او خارجي ونضبط اعدادات الكاميرا على حسب اللأضاءات الموجودة في المشروع (Lighting).☀️💡
4- ندخل بعد كدا في المرحلة الرابعة وهي مرحلة الخامات (Materials), ببدأ احط خامات على المجسمات اللي في المشروع زي الخشب, ضخور, مياه وهكذا.🚪🪑
5- واخر مرحلة بندخل فيها هي مرحلة ال (Rendering) وهنا بنبدأ نعرض المشروع بتعنا على شكل صورة واقعية.🌇
وكدا دي كل المراحل اللي مفروض نمشي عليها عشان نطلع اي مشروع بشكل كويس من برنامج المكاس.
اتمنا أن الPost دا يكون افدكم 😁
