29/07/2023
الطفل ممكن يتعلم ب 7 طرق
فى الصورة دى هتلاقو 7 أنواع للتعلم .........
👨🎓التعلم الذاتى : يعنى طفل عنده القدرة على انه يتعلم لوحده
👭التعلم التعاونى : طفل مبيعرفش يتعلم غير فى وسط مجموعة من نفس سنه وعددهه مابين 4 ل 6 أطفال
👬التعلم التنافسى : طفل بيحب يتحدى حتى لو هيتحدى نفسه فبيحب يتحط فى جو تنافسى علشان ينجز
🕵️♂️التعلم بالإكتشاف : طفل يبحب يتعلم عن طريق الأكتشاف يعنى الحاجات اللى بيكتشفها بيحب يتعلم عنها مش اللى انتى عايزة تعلميهولو فبلاش تتجاهلو اسئلة الاطفال وعلموهم اللى بيسألو عليه
😏التعليم التكليفى : وده المشهور حاليا يعنى تدى الطفل واجبات يعملها حتى لو كانت منزلية ودة مش كل الأطفال بتحبذه بس فيه أطفال ما بتجيش غير كدة بس بردو مهم انك لما تقولى لطفل ذاكر تبقى محدداله هيذاكر ايه وصفحة كام وهياخد وقت قد ايه بلاش تسيبيه غرقان بكلمة خلص اللى وراك او ذاكر دروسك وبس
👥التعلم بالنمذجة : يعنى طفل بيحب يشوف قدوته بيعمل ايه وبيعمل زيه وودة مش بالضرورة يكون فى التعلم الأكاديمى ممكن فى اى مهارة حياتية هو محتاجها
🥶التعلم بالمحاولة والخطأ : ودة طفل بيحب يغلط ويكرر خطأه علشان ييتعلم ويتقن المهارة بشكل كبير فعلموهم ان الخطأ فرصة للتعلم بدل ما تعاقبوهم
👇👇👇👇👇👇👇👇👇👇👇👇👇
ها دلوقت تقدرو تقولولى اكتر نمط تعلمى ابنك او حد من طلابك بيحبذوووه أو بيفضلوه ؟
