01/09/2024
صديقى الصغنن تعالى معايا نتعلم ازاى تحب الانجليزى شويه انا عارف انها ممكن تكون صعبه على اولياء الامور كمان مش الاطفال بس هنحاول مع بعض نسهلها وناخد تمارين ونتدرب عليها لحد ما تبقى مستر قد الدنيا وتعرف تقرأ الامتحان وتحله على الاقل
طبعا كلنا عارفين ان حروف اللغه حوالى ٢٦ حرف وكل حرف له شكلين (capital و small) وله كمان اسم اللى احنا تقريبا كلنا عارفينه وله كمان طريقة كتابه ودى بقى ممكن تكون اصعب حاجه بس مع التمارين هتبقى سهله لان فيه حروف بتتكتب على سطرين وحروف تانيه بتتكتب على ٣ سطور وحروف تانيه بتستخدم السطر الرابع طبعا هتقولى سطر رابع وسطر تالت الكراسه فيها سطرين بس هاقولك دى الكراسه العاديه الخاصه بالكتابه ولكن فيه كراسات فيها ٤ سطور خاصه بتأسيس الاطفل وتعريفهم ازى تكتب الشكل على السطور الاربعه ودي بتعلمك ازاى تكتب الحرف بطريقه صحيحه حتى علشان يبقى خطك حلو فى الانجليزى وفى البوست اللى جاى بإذن الله نشوف مع بعض شكل الحروف الكبيره والصغيره ............ مستنيكم المره اللى جايه 🫡🫡
