14/05/2025
أهلاً بيكم في صفحة “Voice of AIU Students - صوت طلاب جامعة العلمين الدولية”
إحنا طلاب زيكم، حبينا نفتح الصفحة دي علشان نوصل صوت الطلبة، ونتكلم عن التحديات اللي بنواجهها في حياتنا الجامعية داخل جامعة العلمين الدولية.
هدف الصفحة مش الإساءة ولا الهجوم، إحنا مؤمنين إن كل مؤسسة فيها إيجابيات وسلبيات، لكن التطوير عمره ما هيحصل من غير ما نتكلم، ونعرض المشاكل بطريقة محترمة وواقعية.
والصفحة دي موجودة في كل الجامعات وبتكون تحت اسم "Confessions" وحبينا اننا نطبق الفكرة في جامعتنا بطريقتنا الخاصة.
🎯هدف الصفحة:
•عرض المشاكل والتحديات اليومية اللي بتقابل الطلبة.
•اقتراح حلول عملية وواقعية.
•توفير مساحة حرة وآمنة للتعبير عن الرأي.
•تسليط الضوء على الإيجابيات والنجاحات كمان، لما تكون موجودة.
•استبيانات وأراء الطلبة.
⚠️مهم جداً:
1.الصفحة مش تابعة لإدارة الجامعة.
2.ممنوع نشر إشاعات أو معلومات غير مؤكدة بدون دليل واضح وأي منشور هينزل هنا بيكون بعد التأكد من صحته على قد ما نقدر.
3.التعليقات والمشاركات لازم تكون محترمة، وأي تجاوز هيتم حذفه فوراً.
4.ممنوع تماماً ذكر أسماء أفراد (سواء طلاب، دكاترة، أو إداريين) بشكل مباشر أو غير مباشر.
5.ممنوع السب أو الإساءة أو استخدام أي ألفاظ غير لائقة.
6.كل مشاركة لازم تكون بهدف التغيير الإيجابي، مش التشويه أو الانتقام. النقد مقبول، لكن باحترام. الهجوم الشخصي مرفوض تماماً.
7.لو في محتوى إيجابي أو تجربة كويسة، شاركها كمان. التوازن مطلوب.
✍️لو عندك مشكلة، موقف، أو حتى اقتراح:
ابعتهولنا من اللينك دا بشكل مجهول او ابعتولنا رسالة وإحنا حننشره بشكل مجهول
https://ngl.link/voice_of_aiu_students
إحنا مؤمنين إن التغيير بيبدأ بالكلمة، بس لازم يكون عندنا قواعد عشان نكون محترفين ومحترَمين. ومع بعض ممكن نوصل صوتنا، ونحاول نخلي تجربتنا الجامعية أفضل.
تابعونا علي انستجرام:
https://www.instagram.com/voice_of_aiu_students
