PETRO CLASS

14/04/2026

يلا بينا نبدا معسكر اخر السنة🤔
عاملك نظام مراجعه يخليك تفرم المادة..
1:هنلخص مفهوم مفهوم ونفرمة
2:نحل تدريبات واهم الاسئله علي المفهوم
3:بعد منخلص منهجنا نخش بقا علي الامتحانات الشاملة وامتحانات الوزارة❤🥰
مذكرتك في ايد و صاحبك اللي بتحبة في الايد التانيه مستني كل واحد في مجموعته🤍

18/03/2026

كنت امبارح قاعد مع صاحبي بنتكلم عن مهنة التدريس، وازاي بقت صعبة أوي الفترة دي.
من ناحية: المناهج بتتعقد، معلومات جديدة كل شوية، وبنجتهد نفهمها عشان نوصلها للطلاب بطريقة سهلة ومفهومة.
من ناحية تانية: كتير من الطلاب بتهمل المذاكرة و حل الواجبات ، وبيسهّل على نفسه الدنيا بفكرة كده كده هغش في امتحان آخر السنة
صاحبي رد عليا (أنا هحكيه زي ما قاله بالظبط تقريبًا):
"الغش عمره ما هيكمل.. اللي بيغش هيجي يوم ويندم جدًا.
هتغش في الابتدائي.. هتغش في الإعدادي.. هتغش في الثانوي..
لكن في الكلية مش هتعرف تغش، ولو حاولت هتعتمد على نفسك هتلاقي نفسك فاضي تمامًا، لأنك اتعودت تعتمد على الغش.
سألته طيب لو دخل كلية و عرف يعدى ؟
رد عليا قالى : مش هيعرف يشتغل!
معاك ورقة بتقول إنك نجحت واجتزت الاختبارات.. بس ده مش معناه إنك فاهم حاجة خالص!
لو اشتغلت دكتور.. هتجرب في مستشفى هتلاقيك مش عارف تكشف.
لو مهندس.. في موقع بناء مش هتعرف تخطط.
لو في شركة وسيستم إلكتروني.. مش هتعرف تتعامل معاه.
لأنك اتعودت تغش.. تغش وخلاص.
في الآخر هتندم، وهتعرف إنك ما غشّتش حد غير نفسك.
والغش ده طالع موضة وتريند دلوقتي، بس لازم هيختفي.. لأن الغش عمره ما نجح ولا هينجح علطول 👌"

26/01/2026

✨ سحر الحرارة المختبئة: 5 حقايق مدهشة عن الكيمياء في حياتنا اليومية 🧪
================================
عمرك سألت نفسك:
🧴 ليه لما تحط كحول أو معقم على إيدك تحس ببرودة فجأة؟
🧼 وليه لما تلمس مسحوق الغسيل وهو مبلول تحس بسخونية؟

الحقيقة إنك مش مجرد مستخدم…
أنت كده بقيت متحري علمي 🕵️‍♂️ وبتشوف الطاقة وهي بتتنقل قدام عينك!
الحرارة مش بس رقم على الترمومتر، دي طاقة بتتحرك وتستخبى جوه التغيرات الفيزيائية اللي بتحصل حوالينا كل يوم.

يلا بينا نكشف سر الحرارة المختبئة ونعرف بتروح فين وبتيجي منين 👇

1️⃣ سر برودة الكحول وسخونية المنظفات (الذوبان) 🌡️
============================
لما مادة تدوب في مادة تانية، ده اسمه ذوبان، وغالبًا بيحصل معاه تغير في درجة الحرارة، وفي نوعين:

🔥 ذوبان طارد للحرارة:
زي:

هيدروكسيد الصوديوم (NaOH)

مسحوق الغسيل

المادة وهي بتدوب بتطلع طاقة لإيدك → فتحس بسخونة.
مثال:
لو البداية 25° م، ممكن الحرارة تطلع لـ 35° م.

❄️ ذوبان ماص للحرارة:
زي:

نترات الأمونيوم (NH₄NO₃)

الكحول لما بيتبخر

المادة بتمتص الحرارة من إيدك → فتحس ببرودة.
مثال:
من 25° م ممكن تنزل لـ 19° م.

💡 ملحوظة للمتحري الشاطر:
في تجربة كلوريد الليثيوم (LiCl):

لو دوبنا 1 جرام → الحرارة تعلى 4.5°

لو دوبنا 4 جرام → الحرارة تعلى 18°

يعني كل ما تزود الكمية، الحرارة تطلع أكتر 📈.

2️⃣ الثلاجة بتبرد إزاي؟ (دورة التبريد) 🧊
======================
الثلاجة مش بتصنع البرودة، دي شغالة كمضخة حرارة باستخدام مادة اسمها الفريون:

🔹 جوه الثلاجة:
الفريون السائل بيتحول لغاز ويمتص الحرارة من الأكل (عملية ماصة).

🔹 ورا الثلاجة:
الضاغط يضغط الغاز، فحرارته تعلى ويطلعها للهواء برّه (عملية طاردة).

علشان كده:
🔥 ظهر الثلاجة سخن
❄️ وجوهها بارد

يعني الثلاجة بتسرق الحرارة من الأكل وترميها برّه.

3️⃣ سر تغير لون المواد مع المية 🎨
=====================
فيه مواد لونها بيتغير أول ما تلمس المية :

💎 كبريتات النحاس:
لونها أبيض، ومع المية تبقى أزرق وبيطلع حرارة.

🌸 كلوريد الكوبلت:
يتحول من أزرق لوردي لما نضيف له مية.

ليه بنقول عليها عملية عكسية؟
علشان لو سخّنا المادة:

المية تتبخر

وترجع المادة للونها الأصلي

كأننا بنشحن ونفرغ بطارية طاقة 🔋.

4️⃣ قاعدة ذهبية مع الأحماض ⚠️
====================
في الكيمياء فيه قانون مهم جدًا:
❌ ماينفعش تضيف مية على حمض
✅ لازم تضيف الحمض على المية واحدة واحدة

السبب:
لو ضفت مية على حمض مركز، الحرارة تطلع فجأة، والمية ممكن تغلي وتعمل طرطشة خطيرة 💥.

الصح:
نضيف الحمض بهدوء على جدار الإناء علشان المية تمتص الحرارة بالتدريج.

5️⃣ صيدلية في كيس بلاستيك (الكمادات) 🚑
==========================
من أحلى التطبيقات في حياتنا اليومية: الكمادات الفورية اللي بنشوفها في الملاعب والمستشفيات:

🟥 كمادة سخنة 🔥

فيها كبريتات المغنيسيوم (MgSO₄)

بتطلع حرارة

تفيد في وجع العضلات

🟦 كمادة ساقعة ❄️

فيها نترات الأمونيوم (NH₄NO₃)

بتمتص حرارة

تقلل التورم والالتهاب

كلمة أخيرة 🧠

الحرارة مش إحساس وبس، دي لغة المادة.
من أول العرق لما يتبخر من جسمك، لحد التلاجة والتكييف في بيتك…
كلها قصص طاقة بتتنقل علشان الكون يفضل متوازن ✨.

سؤال ليك 🤔🥤

المرة الجاية وأنت بتشرب مشروب غازي وتطلع فقاقيع:

هل خروج غاز ثاني أكسيد الكربون:

تغير فيزيائي ولا كيميائي؟
وهل المشروب سحب حرارة من لسانك فبرد؟ ولا إداله طاقة؟

💬 مستني إجابتك في الكومنتات 👇👇

#علوم

21/01/2026

مش مجرد كتاب… ده طريق التفوق 🌟📘
كتاب العلوم للصف الثاني الإعدادي الترم التاني نزل أخيرًا وبمستوى يشرّف 👌�

16/10/2025

قال الـ Na وهو في درعه بانحناء،
"يا Cl، خُذي إلكتروني هِداء،
به نَصنعُ رابطةً لا تفنى،
ونُصبحُ مِلْحًا يَروي البَقاء."

قالت Cl بخجلٍ وضِياء،
"يا فارسَ الكيمياءِ والنقاء،
إلكترونُك تاجي ووفائي،
ومنّك الحياةُ والصفاء."

فاتّحد القلبان في لحظةٍ،
فصار NaCl — معنى النقاء،
لا عشقَ أسمى من اتّحادِ ذَرّتين،
جمعتهما الكيمياء بالوفاء

29/07/2025

ملخصات كل السنين نزلت الي محتاج حاجه يكلمني وخاصه اعدادي الامتحان

03/07/2025

🔬 دلوقتي… العلوم بقت أسهل مع مستر بيتر! 🌍
لو بتدور على شرح مبسط وعملي لمادة العلوم أو Science، يبقى مكانك معانا!
🧪 شرح مبسط يناسب كل مرحلة
🌟 تدريبات تفاعلية وأسئلة متوقعة
📚 مراجعات قبل الامتحان بأسلوب ممتع
🎥 متاح أونلاين أو حضوري حسب راحتك
💬 لطلبة المرحلة الابتدائية والإعدادية
📱 للحجز: [01207022804]
واتساب
https://wa.me/qr/7PLXXAM3HUDNL1
📍المكان: [الزوك الغربيه/المنشاه/سوهاج أو “أونلاين]

05/06/2025

02/06/2025

الاولاد الي بدرسلهم لأن فعلا بالنسبالي اخواتي الي بخاف عليهم ❤️
رحله طويله بنقضيها سوا بنفرح ونزعل ... لحظات مليان نجاح واحيانا شويه وقعات ... انما الحاجه الثابته الوحيده هي المحبه ❤️
وكالعادة ..
تأكد ان لو المستر بيتر بيدرسلك ، تأكد ان المستر بيحبك ❤️
بالتوفيق للجميع ❤️🙏🏻
رساله حب عجبتني وحبيت اوضحها

28/05/2025

الكلام ده بيلخص حال الطلاب
فيه طالب هيشوف الامتحان صعب ، فيه طالب هيشوف الامتحان سهل ،،،،،
الاتنين عند نفس المدرس
الاتنين بيقعدوا على نفس الديسك
الاتنين معاهم نفس الكتاب
لكن واحد قدراته أعلى من التاني «« فروق فردية »»»
واحد بيذاكر ومهتم ، والتاني مطنش «« عوامل خارجية »»
والمدرس ماهو إلا عامل مساعد 🩷

27/03/2025

Static electricity experience

https://www.facebook.com/share/r/1DV2gEs86v/