Successful Minshawii

عايز تعرف يعني أي عمل تطوعي؟ وأي فوائده؟👇🏻
العمل التطوعي هو مساعدة الغير دون مقابل وبيكون فيه نفع للفرد والمجتمع، بيكون بهدف فعل الخير ويعتبر العمل التطوعي وسيلة لكسب الكثير من المهارات .

للعمل التطوعي فوائد وهي:-
1- خدمة المجتمع.
2- اكتساب مهارات جديدة.
3- إضافة للسيرة الذاتية (Cv).
4- التواصل مع المجتمع وتبادل الآراء.
5- أخذ الخبرات.
6- كسب الأجر والثواب.
7- استغلال وقت الفراغ.
8- الشعور بالمسئولية والابتكار.
وبما إنك عرفت يعني أي عمل تطوعي وعرفت فوائده!!

منشاوي ناجح بيقدملك مفاجئة، عايز تطوع وتكون من عيلة منشاوي ناجح؟ قريب هنفتح باب التطوع، نتمنى قريب تكون فرد مننا.
.
💙✨.

عُمرك حد قالك قبل كدا معندكش ثقـة بنفسك؟ طب جربت تسأل نفسك يعني أي الثقة بالنفس؟

الثقـة بالنفس موضوع مُهم وأساس لحاجات كتير في حياتنا، وفي نفس الوقت عدم وجودها بتدمر حاجات كتير.
لازم نعرف أن زيادة الثقه بالنفـس أو عدمها الأنسان بيكون مسئول عنها، ودا بسبب حاجات كتير زي أنه بيشوف نفسه ناقص في حاجات كتير زي أن الناس أحسن منه وده طبعًا مش صحيح إطلاقًا وكمان الناس اللِ حواليه وأشكال التنمر اللِ زادت خلت مُعدل الثقة بالنفس يقل عند كتير من الناس بالرغم أن كل دا غلط.
المشكلة أننا بندور على عيوبنا بس، مجربناش ندور على مميزاتنا، تعرف أن عندك مُميزات كتير جدًا بتميزك عن غيرك؟ دا بيخلي إحساس النقص يزيد وأننا كمان بنبقى مصدقين اللِ الناس بتقوله وبنحاول نبرر بشكل دائم وهما في الاغلب بيكونوا غلط.

الثقه بالنفس صفـة جميلة جدًا، بتخلي الشخص مُميز للغاية، فلازم كلنا نقويها لأن الثقه بالنفس بتساعدنا في حياتنا، بتخلينا عارفين أننا نقدر وأننا أقوياء ونكون قادرين نعمل كل حاجة، لذلك أنت تقدر بس حاول وجرب.
أظن أن كُلنا عندنا أحلام وبالطبع عايزين نحققها، طيب أحلامنا دي تتحقق إزاي وأحنا ما عندناش ثقة في نفسنا؟
إزاي هنثبت للِ كانوا بيحاولوا يخلونا نفشل أننا نقدر نحقق أحلامنا؟ وده مش هيتحقق غير بالثقه بالنفس.

علشان أقدر أزود ثقتي بنفسي أعمل أي؟
١- لازم تهتم بالطريقة اللِ بتتعامل بيها مع الناس.
٢-لازم وأنت ماشي تفرد ظهرك ورافع كتافك.
٣- عينك في عين الشخص اللِ بيكلمك ده بيدي انطباع الثقه بالنفس عند المتحدث والمحاور وده أولًا.
٤- لازم تهتم بالمظهر الخارجي بتاعك.
٥- مارس الرياضة.
٦- اتخلص من الأفكار السلبية.
٧- فكر دايمًا بإيجابية.
٨- قوي نفسك بنفسك وردد دائمًا "أنا أقدر وأنا أقوى، وابتسم لنفسك في المراية، ودا بيدي إشاره للمخ بالسعادة والثقه بالنفس، ولازم تتجنب المقارنات، أكتب كل اللِ بيفرحك في ورقة وعلقها قُدامك.

دي حاجات بسيطة بتعزز ثقتنا في نفسنا بس في الأول والآخر لازم كل ده يكون نابع من داخل الأنسان علشان يقدر يكون واثق في نفسه بشكل أكبر.
وما ننساش نطبق المُعادلة:
ثقة بالنفس + مجهود + إتقان = نجاح.
#ثِـق_بنفسك.
Written by: Nadia Waled.
.

دا الوقت المُناسب لِعمل أي حاجة أنت عايزها، دا الوقت المُناسب أنك تذاكر، أو تبدأ في كورس جديد يطور من نفسك ومن تفكيرك، دا الوقت المُناسب أنك تدور على وظيفة جديدة أو تتعلم مهارة تساعدك على زيادة دخلك، دا الوقت المُناسب أنك تغير البيئة السلبية المُحيطة بيك وتستبدلها بِبيئة إيجابية علشان تساعدك كثرة الأنتاجية على مدار اليوم، دا الوقت المُناسب أنك تقول لا على الحاجة اللِ مش هتقدر تعملها، أو الوقت المُناسب أنك تفكر تبدأ حياة جديدة مليئة بالنشاط والحيوية، وتنفذ فعليًا وتبدأ.

الوقت المناسب هو دلوقتي مش بعدين، الوقت المناسب أنك تقوم وتعمل الحاجة اللِ قررت تعملها أول إمبارح وإمبارح والنهاردة، لي مستني بكرة علشان تعملها؟ لي متبدأش دلوقتي؟
البداية عندك، فقوم ومتكسلش، مفيش وقت لِتضيع الفُرص.💙🧘

.

في رمضان؟ في رمضان!!!
حتى المنهج بقا متراكم في رمضان!!

المنهج متراكم عليك ومش عارف تِلمه؟ عايز حد يتابع معاك علشان تحقق إنتاجية عالية في يومك؟ الأمتحانات قربت وأنت لسه واقف مش متحرك؟

منشاوي ناجح جاي بينقذك وبيقدملك فُرصة ذهبية، يا تستغلها يا تستغلها برضو لأن مفيش وقت لِتضيع الفُرص.

منشاوي ناجح بيقدملك ورك شوب بعنوان "Time out"
هتستفاد أي من الورك شوب؟
١- هتعرف أي هي طُرق المُذاكرة الصحيحة.
٢- هتعرف أي أوقات المُذاكرة المُناسبة ليك ولِذهنك.
٣- هتعرف إزاي تُحط خطة وتمشي عليها وتنفذها بالكامل، مش مجرد جدول لأن محدش بيمشي على الجداول إلا قلة.
٤- هتعرف إزاي ترتب أولوياتك وتحددها بشكل صحيح.
٥- هتعرف إزاي تنظم وقتك.

بس كدا؟ لا وكمان منشاوي ناجح بيضحي وهيكون مُراقب عليك ومُتابع معاك لِمدة ٨أيام علشان تكون ناجح عزيزي المنشاوي، بكدا هتدخل في تحدي مع نفسك ومع غيرك لمدة ٨أيام متواصلين ولو كملت بنفس الحماس للنهاية هيكون ليك شيء لطيف.

- الورك شوب هتكون يوم ٥/١ أون لاين على أبليكشن زوم علشان أكبر عدد يقدر يتستغل الفُرصة.
- تكلفة الورك شوب هتكون ٤٠جنية، هيتم دفعها عن طريق فودافون كاش لما توصلك مسج بقبولك.
- الفورم هتكون مفتوحة لمدة يومين، يعني معندكش وقت تضيعه.
- الفئة العُمرية: إعدادي، ثانوي، جامعي.
- المُتابعة اليومية هتكون على أبليكشن الوتساب علشان هتكون وسط ناس تانية هتدعمك وتحفزك، وكمان تقدر تشارك أنت ومجموعة من صُحابك علشان تكونوا كفريق واحد.
تقدر تعرف باقي التفاصيل بعد الرد عليك بالقبول، ولو في أي مشكلة قابلتك تقدر تتواصل مع البيدج أو على رقم الوتساب 01501611137

مستني أي؟ تقدر تسجل في الفورم علشان تنتهز الفُرصة، لأن الفُرص تُكرر ولا تُعوض.
https://docs.google.com/forms/d/1gtFHgfR4BfK6fZ1Tc0WW3AqsGSlCC9j69dOayd6UNRo/edit?usp=drivesdk

كن وحيدًا.. تصبح مبدعًا! ♥

متستناش صاحبك يبدأ معاك كورس الانجليزي.

متستناش زميلك يقولك هنروح محاضرة النهاردة او نكنسل.

متستناش اهلك يسندوك ويعملولك كل حاجة.

ابدأ اشتغل لوحدك! 🚴‍♀️

ابدأ الكورس اللي هيفيدك ف شغلك، انزل محاضراتك، طور اللغة عندك، اشتغل ف صمت لوحدك 🎯

✅ ازاي تعمل اهداف لنفسك وتحققها ف صمت بكل سهولة :
http://bit.ly/35nKfi3

✅تطبيق نوشن لترتيب حياتك واهدافك بالكامل :
http://bit.ly/3mbdlrb

✅كتاب العادات الذرية اللي هيغير روتينك الكسلان، لروتين شخص عظيم:
http://bit.ly/3IbbQkW

✅ كورس تنظيم الوقت عشان تكون مدير حياتك :
http://bit.ly/3CgiuUL

✅قناة تحفيز وتطوير يومي:
https://t.me/Coursat2020

ابدأ لوحدك.. هتحقق نجاح محصلش 🧗‍♂️

محتاج تعرف معنى هندسـة الحياة؟
يعني أي أنا مشروع، يعني أنا اتعامل مع نفسي باعتباري مشروع ولا لا؟
الإنسان أعظم مشروع، هنفكر في كل قيمة كبيرة وكل قيمة أثرت في نجاحنا، هنتكلم في حاجات كتير جدًا زي التعريف والرؤية والرسالة والأهداف والأدوات وخطة الحياة وخريطة الحياة والفرق ما بينهم، وهنتكلم عن نقطة الارتكاز وأي اللِ بيحركني وإزاي أخلق شغفي؟
وأعمل أي علشان أنقذ نفسي من الاحباط؟ وهل أنا مشروع ولا لا؟ ولو لا أي البديل؟
كُل دا هنعرفه في مُحاضرة النهاردة بِعنوان "الإنسان أعظم مشروع ".

هيقدملنا المُحاضرة: الدكتور أحمد حبيب.
- شريك مؤسس - شركة جياد لتطوير الهوية المؤسسية.
- خبير بناء الهوية المؤسسية وصناعة الماركة الشخصية.
- خبير حلول العرض الرقمي - الولايات المتحدة الأمريكية.
- مدرب دولي ومحاضر تحفيزي في أكثر من 22 دولة حول العالم.

تقدر تحضر فيديو " نقطة الارتكاز " والموجود على اليوتيوب من خلال اللينك
https://www.youtube.com/watch?v=c6Ors5sNK3s

مشاهدتك للفيديو دا تمهيد جيد جدًا لموضوع النهاردة.
مستني أي؟ جهز ورقتك وقلمك وأستنوا المُحاضرة النهاردة الساعة عشرة، على أبليكشن زوم وتقدر تحضر من خلال اللينك دا
https://us02web.zoom.us/j/83433439368

بالتوفيق عزيزي الناجح وفي انتظارك.💙✨
.

من لا يشكر الناس، لا يشكر الله.💙

لقد حان الوقت أنكم تعرفوا مين اللِ بيبذل كل المجهود؟
لازم نُشكر أول ناس أيدت فكرة "منشاوي ناجح"، وبذلت أقصى مجهودها وقدمت دعمها علشان يُخرج التيم لِلنور، النهاردة مرَّ أسبوعين على وجود "منشاوي ناجح"، ولسه مكملين الرحلة.💙✨
شُكرًا لكم يا أبطال، مُوفقين دائمًا وأدام الله وجودكم معنَا.💙

ومتنساش عزيزي الناجح تتابع البيدج لأن قُريب جدًا هنفتح باب التطوع علشان تكون واحد من عيلتنا.😌💙
.

تفتكروا "منشاوي ناجح" بيخطط لأي؟💙🤸
اللِ هيجاوب صح ليه عندنا مُفاجأة.💙✨

مش عارف تذاكر في رمضان والدنيا متلغبطة معاك؟
جبتكلك حل بدأ بفيديو لِـ "أحمد أبو زيد" اللِ بيقدم محتوى هادف على السوشيال ميديا، ومن ضمن الفيديوهات اللِ قدمها هو فيديو بعنوان "المذاكرة في رمضان".

أكيد أتحمست ومحتاج تعرف الطريقة علشان تنقذ نفسك وتلحق تخلص منهجك اللِ متراكم عليك وتخلص مذاكرتك بوقت محدد وأكثر إنتاجية، فـ يلا بينا نعرف؟ يلا بينا.

طبعا في ناس مش بتحب المذاكرة في رمضان وبتكون طول اليوم جعانة وعطشانة ومش قادرة تعمل حاجة وبعد الفطار بتفطر فيتكون تقيلة وبعدها بتنام ومش بتعمل حاجة، فلو كنت من الفئة دي يبقى ركز معايا في كل الخطوات اللِ جاية، إنما لو كنت بتذاكر ومخلص كُل اللِ عليك فأنت كدا زي الفُل، لازم كُلنا نشوف أن رمضان فُرصة لينا كُلنا ولازم نغتنم الفُرص.

كُل واحد رمضانه بيختلف عن التاني لذلك عندنا طريقتين للمذاكر:
١- المذاكرة بعد التراويح:
- هيكون عندك من الساعة عشرة ونص للساعة اتنين ونص، بكدا أنت عندك أربع ساعات مُذاكرة تقدر تذاكر فيهم بجدية، مش هنتكلم دلوقتي على طُرق المذاكرة لأننا هنتكلم في بوست تاني عنها لأننا أتفقنا أن هنكون معاك للنهاية عزيزي الناجح.
من بعد اتنين ونص بتتسحر وبعدين بتنام وتصحى الساعة عشرة الصُبح وتقدر كمان تصحى الضهر، ومن بعد الضهر للعصر عندك وقت تقدر تذاكر فيه، من بعد العصر مبرجحش أنك تذاكر لأن تركيزك هيقل جدًا والوقت دا بالتحديد اللِ بيشتد فيه الجوع والعطش جدًا.

٢- المذاكرة بعد الفجر:
- والنموذج دا بفضله أكتر لأن هتكون فيه مركز وتركيزك أعلى والدُنيا هتكون هدوء والوقت هيكون فيه بركة.
من الساعة أربعة الفجر لغاية الضُهر، طبعا مش هتقدر تاخدهم كلهم على بعض تقدر تفصل ما بين كُل ساعة.
كدا هتكون ذاكرت تمن ساعات فمش هتذاكر تاني لنهاية اليوم ولو عندك دروس أوف لاين تقدر برضو تنزلها في الوقت دا لأن هيكون من ضمن ساعات مذاكرتك.
من بعد الضهر تنام للعصر، مُهم جدًا تصحى من بعد العصر علشان تقدر تنام بعد التراويح وميكنش عندك مشكلة، تقدر الوقت دا تقضيه في العبادة.
وكمان في الطريقة دي هتكون صاحي من تسعة الصبح لِـ اتناشر الضهر، في الفترة دي هيكون وقت الامتحان فبكدا بتعود نفسك وعقلك أن يكون صاحي ومركز في التوقيت دا بالتحديد.

لازم قبل كل دا تكون قاعد في مكان منظم ورايق علشان تعرف تذاكر وأنت رايق، وكمان متنساش تقعد في مكان إضائته كويسة وملائمة لعيونك علشان تقدر تنتج أكتر وتختار على حسب الوقت اللِ بيكون فيه تركيزك أعلى.
مستني أي؟ يلا ابدأ من دلوقتي ومتسبش حاجة تعطلك وتوقفك في طريقك وحُط خطة ليك علشان تذاكر بشكل مُنظم.
.

يوم جديد يعني بداية حياة جديدة.💙

جرب تصحى بدري وتبدأ تدون كل حاجة شاغلة تفكيرك وموقفاك عن أنك تقوم وتقاوم وتخرج كُل الطاقة السلبية اللِ جواك، لمجرد مشاركة أفكارك مع الورقة وممارسة تمارين التنفس هتحس بِسـلام نفسي جميل جدًا.

النهاردة واحد أبريل، أول يوم في شهـر جديد، يعني بتبدأ رحلة جديدة مع كُل بداية شهـر، النهاردة بتشوف أي اللِ أنجزته على مدار الشهر اللِ فات؟ ولو مأنجزتش أي حاجة، لسه عندك الفُرصـة أنك تبدأ، خطط للشهـر الجديد بكُل حُب، وقرر أنك هتتغير للأفضل ورتب أولوياتك وراعي طاقتك وقُدراتك أثناء وضع خطتك.
حُط خطة تقدر تمشي عليها طول شهر رمضان، نوَّع ما بين العبادات وترك الأثر الإيجابي وجدد نيتك باستمرار، أنزل كليتك أو دروسك أو شغلك بنية لله -عز وجل- واحتسب الأجر.

جرب تمارس حاجات كتير مكنتش بتعملها قبل كدا، وتكتب كُل المهام بتاعتك في ورقة أو أستيكي نوت وتحطها على الحيطة قُدامك، مفيش شخص بيكون ناجح بالعشوائية، فحاول تكون دايمًا مُنظم.
متنساش تُحط خطـة للشهـر الجديد النهاردة، ولي النهاردة؟ حُطها دلوقتي لأن مفيش وقت للتأجيل، ومتفوتش الفُـرصة عليك علشان متندميش على الوقت اللِ ضاع منك، استغـل الفُـرص لأن الفُرص تُكرر ولا تُعوض.💙✨
- Be a Successful Minshawii.💙💪
.