25/04/2024
كتير مننا بيواجه مشكلة في تنظيم وقته في فترة الجامعة وانه كل يوم بيروح الكلية تقريبا وبيحضر المحاضرات والسكاشن ومبيلحقش يذاكر! فبالتالي مبيكونش راضي عن مستواه طيب ازاي يتغلب على كل المشكلات دي واي هيا الطريقة الفعالة للمذاكرة؟
أنا ابتهال أشرف وهكلمكم النهارده عن تلت طرق فعالة للمذاكرة توصلنا للامتياز باذن الله✅
الاول بس عايزة اقولك انا مش معايا عصاية سحرية وبيبتي بابتي بو هقولك خد يا حبيبي الخلطة السحرية لجلب الامتياز🪄 انما انا مجرد بحاول اساعدك لكن في الاخر انت الي عليك تسعى ولاخر وقت حتى لو ناقص على الامتحان ساعة❤️
نبدأ بسم الله📝
اول حاجة طبعا هوا حضور المحاضرات لما تحضر وتسجل نوتس ورا الدكتور وملاحظات واي الي الدكتور قاله واي الي عداه بسرعة كده هتكون بتعرف المهم والي هتلاقيه غالبا في ورقة الامتحان
تاني حاجة هيا المذاكرة اول باول حقيقي لو هترجع بس من الكلية تقرأ الي اخدته هيفرق معاك جامد مبقولكاش ذاكر وحفظ واعمل خريطة ذهنية وفلاش كارد ترجعلهم ده كده الخطوة التالتة والتى هنختارلها يوم الجمعة وقت تفرغ اغلبنا
ايوة يعني اعمل اي دلوقتي برضو؟
طالما انت حد مجتهد وعايز تذاكر وتجيب تقدير فعلا يبقى زي الشاطر كده ترجع من الكلية بعد ما حضرت المحاضرات تقرا الي اخدته تيجي يوم الجمعة ترجعله تاني وتذاكرة
ازاي بقى تذاكر صح؟ ده هيكون عنوان البوست الجاي
متنسوش تكتبولنا في التعليقات تلت خطواته للمذاكرة الفعالة برأيكم🤩💙
13/04/2024