21/08/2023
مشكلة العناد 😱😱🙆
ابني عنيد مش بينفذ اوامري خالص 😖
وصوته دايما عالي🗣وكل ماقوله حاجه يقول لا ❌
وانتي رد فعلك بيكون ايه يامامي ؟؟؟؟😮
بزعقله ولما مش بينفذ بضربه 😡!!!!! ❌🚷😱
الحل ايه ؟؟؟؟؟؟؟؟😥😥
طيب تعالي نتناقش بهدوء 😊
♻فكرتي قبل كده ياماما في طريقتك في طلب الامر؟؟؟ ♻طيب فكرتي ياماما في نغمة صوتك في توجيه الامر؟😵
♻فكرتي ياماما ان الطفل ده مش ألة او جهاز هانقوله نفذ الامر فينفذ علي طول وانه عنده شخصيه ولازم تقنعيه ؟؟
٣حاجات دول مهمين جداا وماما لازم تاخد بالها منها 👌طب ازاي اعملهم ؟؟؟🌹
⬅اولا هنركز علي طريقة طلب الامر ! ازاي ؟؟ مثلا:
_ايه رائيك لو نحط الالعاب بتاعتك مكانها بعد ما نخلص لعب.🌼
_ممكن نخلص مذاكره وبعد كده نقعد نلعب كثير 😊
_نركز كلامنا يبقي معظمه بعد اذنك .. ممكن .. لو سمحت .. ايه رائيك ... تحب نعمل كذا. مثلا ... لانه الطفل هايكتسب مننا الكلمات دي وهايبتدي يتعامل معانا بنفس الاسلوب.
⬅ثانيا ناخد بالنا من نغمة الصوت بتاعتنا ! ازاي ؟؟
_صوت حضرتك في توجيه الامر يبقي في مستوي سمع الطفل وطبعا بالطريقه الي اتكلمنا عنها⬆ يعني بلاش ماما يبقي صوتها عالي او توجه الامر بعصابيه 😡 طب ليه ؟؟؟
_لان الطفل لما هيلاقي ماما بتتعصب وتزعق مش هاينفذ الامر غير لما ماما توصل لنفس درجة العصابيه .. وبعد كده مع استمرار العصابيه هايوصل الطفل لعدم تنفيذ الامر .❌
_الطفل هيتعامل مع ماما بنفس الطريقه ودرجة الصوت 🗣
✅نغمة صوت ماما تبقي منخفضه وتبقي فيها تشجيع وحماس للطفل علي تنفيذ الامر.🌹🌹🌹🌹
⬅ثالثا الطفل عنده شخصيته المستقله وممكن يرفض الامر وهنا بيكون دور ماما انها بتوضح للطفل اسباب توجيه الامر وتقنع الطفل .. ومينفعش ماما تقول نفذ الامر علشان انا قولت كده ❌❌🚷 وانا ماما ولازم تسمع كلامي ❌🚷✅هانوضح سبب الامر وفايدته للطفل ايه بهدوء😉🤗✅
ودي ببساطه ازاي نتعامل مع الطفل العنيد 😎 👌✅
#أخصائية التربية الخاصه وتعديل السلوك
