مستر محمد بيولوجي - Mr Mohamed Biology

Test Test Test ^ _ ^
المايك و البيدج شغال ؟ 😁
https://youtu.be/yNfkKmDxqsc

خسارة المُدرس للأسف عمرها ما كانت خسارة فلوس لإن رزقك عُمر ما حد هيتحكم فيه ، ، ،
لكن للأسف كل مُدرس قدير بيكون ملهوف إن الأجازة تخلص لمجرد إنه يرجع يقف وسط الطلبة بتوعه ، مجرد وقفتك وسطهم وتشوف إنك قادر توصلهم معلومة ويكرروا الشرح بتاعك في نفس الحصة ونتيجتهم في أي امتحان وتقدير ولي الأمر ودعواتهم للمُدرس وحب كل الطلبة اللى حواليه ، ولجوء الطالب ليه عشان يحلله مشكلة للأسف كل دي خسائر عمر ما هيحس بيها غير اللى جرب حلاوتها ، ،
فالخسارة للأسف تفوق الخسارة المادية فالموضوع مش هين خالص دي إدمان بمعني الكلمة ، تخيل إنت حرمته من كل ده في ثانية !
سيبك من البيوت المفتوحة البيوت هتفضل مفتوحة بستر ربنا لكن منتعاملش إن كل حاجة فلوس.. !
والله والله الموضوع أكبر من كده بكتير لإنك لو اتعاملت معاه على إنها شوية فلوس وخسارها أقرب الناس مش هتقدر تقدمله الدعم النفسي اللى أكيد هيكون محتاجه في فترة زي دي ،ربنا يهون عليكوا ،
عشوائية برخص تراب عايشين فيها فعلاً والله ، لكن في النهاية مش هنقول غير‏ :
" ما كَان مُقدَراً لكَ سَيأتِيكَ ولو كَان بَينَ جَبلَين، وما لَم يَكن مُقدراً لكَ لن يَأتيكَ ولو كَان بينَ شَفتَيك " . .
ربنا يهون ربنا يهون ويعديها على ألف خير يارب . .

دلوقتي المسلسل الطويل خلص ..

كله هيعدي .. حتى لو ماكنش (السيناريو) زي ما توقعتم !

لسة قدامكم فرص كتيييرة لأحداث جميلة .. ونهاية أجمل .. ☺️

ابتسموا .. وأبشروا .. و بكرة هتضحكوا على زعلكم او احساسكم بالضغط بسبب انك حسيتو ان ان الثانوية نهاية العالم !

احمدوا ربنا على الصحة و العافية ..

فـ لو بصيت بعقلانية نظرة واحدة ..

لكل حد حواليكم هيبان لكم أن آخر حاجة اعتمد عليها معظم الناجحين دلوقتي هو ( المؤهل )اللي معذبين نفسكم عشانه ..

تجاوزوا .. وافرحوا .. واحمدوا ربنا ..

يا بشر .. الدنيا أهون من هذه الهموم .. وأسوأ من اننا نزود حملها ؛ بالحسرة على حاجة مش دايمة ( كله رايح 😅 )..

ربنا يباركلكم .. أيا كان المجموع ..
الفرح بانكم عديتو السنة ؛ جميل .. ☺️
و الحسرة مالهاش فايدة ..
و على فكرة ؛
قلق الليالي ودعوات الأسحار ماراحتش .. لإن الرب منّان ♥️..
و فككم من فلان، وبنت علان ..

المشوار لسة طويل .. والتفوق ( في الحياة ) بابه مفتوح 🤩 ..

الحياة أوسع بكثير من مجرد شهادة 📜.. وإنما النجاح كل النجاح اللي يكون أحسن عند ربنا ♥️ ..

الكليات القمة مش الجنة .. و لا ضمان للسعادة ..
الأرزاق مقسمة ومنتهية .. الأسباب بتاعتنا، والنتايج بتاعة ربنا . . ☺️

مبروكين النجاح يا أبطال 🦸🏻‍♂️ 🦸🏻‍♀️

أخوكم مستر /بيولوجي

صباح الخير 🤍صباحكم جميل ، شعور رائع إنك بعد أقل من ٦ ساعات إفراااااااج 🔥ولكن حبايبي الرسالة طبعاً لطلاب ٣ث دفعة ٢٠٢٤

متخرجش من امتحان الأحياء بسرعة ، متستعجلش الإجازة ، حل براحتك وراجع كويس جداً ، وخد بالك من صياغة كل حرف في السؤال ، وحرفياً مادة الاحياء هي ال هتحدد كليتك ايه ؟ !
وأجازة سعيدة عليكم إن شاءالله
وألف مبروك عليكم انتهاء مرحلة الثانوية ♥️
بالتوفيق فيما هو قادم يا أبطال 🫶

أشوباب .. عاملين ايه ؟😁 و خلاص وصلنا آخر محطة في الثانوية العامة ..
ختامه مسك ان شاء الله .. 😊
خطة المراجعة ان شاء الله عشان نتعلم ازاي نفكر مش بس تفتكر :

الاربع : تراجعوا المنهج مع نفسكم ..
الخميس : نتجمع في السنتر اشرحلكم الحتت اللي وقفت قدامكم بما راجعتم .. + فنيات مهمة ( الفلاشة 😂 ) ..
و بعدين باقي المحاضرات ( زوووم Zoom meeting عشان نتناقش في الأسئلة )
الجمعة : شوامل كرااسة التفوق
السبت : شوامل كتاب الامتحان
الاحد : شوامل كتاب الوسام
الاتنين : شوامل كتاب التفوق
الثلاثاء : اختبارات الوزارة + اي استفسارات+ تخطيط لما بعد الثانوية ☺)


😁

الطلبة مش عاجباهم الامتحانات اللي فاتت .. 😅
اللي مستني العيال في امتحان الأحياء 🙃

أما الشئ الوحيد الذي يستحق الذكر في نهايات الأعوام وبداياتها، وأثناء مرورها الخاطف الذي لم ينتبه إليه أحد ، وأيضاً قبل الشروق وبعد الغروب وعند الشدائد الثقال ،وفي المحن، وكذلك في عين السعادة ،ومنتهى الفرح ،وفي مواسم الأمطار وأثناء الأسفار …
أن فضل الله كان علينا عظيماً ، وأن نعم الله لم تنقطع عنا، وأن ستر الله لم يُكشف عن عيوبنا، وأن الله قد أمهلنا لنعود ..
أنت على قيد الحياة لسبب ما..ابحث عنه ولا تُفلته من يدك..
كل عام ونحن أكثر استشعاراً للنعم وأكثر قدرة على تقديرها.. 🥰

حساب الاتحاد الاسباني علي تويتر نزل فيديو عن نمط الحياة اليومي الخاص ب لامين يامال في معسكر منتخب اسبانيا في اليورو

في الفيديو ظهر لامين يامال و هو بيحل واجبات مدرسية ، ايوة متسغربش ، يامال عنده 16 سنة و حاليا هو في الثانوية


يامال لاعب كورة بياخد ملايين مع برشلونة ، الفلوس كترت في جيبه و في سن صغير جدا ، و سن المراهقة ده عموما لما بيمتلك فلوس مبيشوفش قدامه . .

يعني قصة التعليم دي كان ممكن يصرف نظره عنها ، زي ما لعيبة كتير مصريين عملت بالظبط ، و اعتمدوا علي موهبتهم فقط و اهملوا التعليم . .

لكن الشئ الواقعي ان العلم و المعرفة بيثقلوا الموهبة ، هنا بيتخلق شئ اسمه #الوعي ، الموهبة لوحدها متعرفش عنه حاجة . .

اللاعب المتعلم دايما بيبقي عنده حلول و ابتكارات اكتر من اللاعب الغير متعلم ، لانه بيكون دارس لغات و حساب و أشياء علمية و آدبية ، ذهنه اتغسل مسائل و اتعرض لمئات الاسئلة المختلفة . .

عشان كدة مثلا الكل فاكر ان ابو تريكة كان لاعب عالمي بسبب موهبته بس ، لكن الموضوع مكنش مهارة و بس ، لان ابو تريكة حصل بالفعل على شهادة دراسية عُليا " ليسانس اداب " عشان كدة كان مميز في جيله بخلاف موهبته طبعا . .

يامال شاب عنده ١٦ سنة ، قرر يكمل دراسته و ياخد شهادة و يزود وعيه مع مرور السنين ، عشان كدة قراراته في الملعب مذهلة ، مبدع و مبتكر و عنده حلول كتير . .

عنده موهبة و اجتهد و الظروف كانت في صفه و اصبح عمود برشلونة و اسبانيا الاول في ملاعب كرة القدم

و في وقت الراحة بيلعب بلايستيشن عادي مع زمايله زي ما صرح كعادة السن ده يعني بيحب اللعب و المرح خصوصا في وقت الفراغ 😅

🤓

كل عام و انتم بخير و بالصحة و السلامة 🤍🌹☺️

😁

كل مدرس له اسلوبه وطريقته وربنا يوفق الجميع وكل المدرسين مجتهدين وبيحاولوا يقدموا أفضل ما عندهم لطلابهم بكل إخلاص ❤️
مدرس عايز يعمل كورس في الإجازة .. كويس وهيلاقي طلاب محتاجينه جدا 🖐️
طب مدرس مش هيعمل .. هو حر 🤗
مدرس بدأ يحجز للعام الدراسي الجديد وبيعمل إعلانات .. أكل عيشه وبياخد بالأسباب وبيتوكل على الله ، وأعتقد إنه لا بيجبر حد ولا بيضرب حد على إيده عشان يروحله 🧐🧐
طب مدرس ممشيها من غير حجز ولا إعلانات .. هو حر ودي طريقته في شغله 🙏
مدرس بينزل شغله وصوره مع طلابه وفرحان بنجاحه ومجهوده معاهم .. لا يقلل منه والرجل حاسس إنه تعب مع طلابه وفرحان بيهم وبمجهوده معاهم طول العام وليه كل الاحترام والتقدير 👏👏
طب مدرس تاني ملوش في التصوير .. حاجة كويسة جدا ويُحترم وله كل الاحترام والتقدير 👏👏
مدرسين لسة متخرجين وبيدوروا على أكل عيشهم وعاوزين يدوا دروس بدل ما يقعدوا ع القهوة ، وبيعملوا إعلانات .. بلاش نحبطهم ونكسر بخاطرهم ، ربنا يوفقهم 🙏
من الآخر كل واحد حر في طريقة شغله طالما مضرش غيره أو جاب سيرة زميله أو اغتابه .. ومركز في شغله ومجتهد فيه وبيطور من نفسه علشان يخدم طلابه ❤️❤️❤️
تحياتي للجميع ❤️❤️❤️
وجهات نظر الجميع تحترم . .