Doctor Hisham

= اتمرني علشان تشيلي طلبات البيت بسهولة
- لأ يادكتور بطلب أونلاين
= منك لله بوظتي النصيحة

دكتور انا مش تخينة بس عضمي عريض شوية 🙂

خليكي عايشة في دوامة الاعشاب ومشروبات الجهل لغاية ما تعملك خرم في بطنك ان شاء الله 🙂

انا شايف ان مفروض تقضي يومك من اول الضهر وانت بتتقلب، يعني ساعة علي ضهرك وساعة علي بطنك؛ لتكون مقرمش من بره وطري ولذيذ من جوه 😆

مفيش حد بيتخن بين يوم وليلة، ولا حد بيخس من يوم وليلة، خليك صريح مع نفسك بدل ما ادمدم وشك!

ڤيديو بنت محجبة بتشرح للناس "مكملات الحجاب" عشان تغطي دراعها يعني لو كُم التيشيرت قصير.
الڤيديو عليه أكتر من ٢٠ ألف لايك وتقريباً نص رجالة مصر شافوا دراعها 🙂

تخيّل دعوات بتيجي كده في وسط زحمة اليوم من الحالات. الحمدلله 🤲🏼

اوعي تبدأ أكلك بالكاربوهيدرات، اوعي.. هفرمك أنزّل منك فتافيت دهون 😂

أنا عارف إنك بتحاول تتحجج وتبرر، ده هيخليك تحس إنك مرتاح أكتر.."هيوهمك" إنك مرتاح أكتر، لكن تبقي كل الأعذار واهية.
خلي بالك من جسمك وإنت صغير؛ علشان ياخد باله منك لما تكبر!

اتعلمت دايماً في حياتي محكمش علي حد قبل ما اسمع منه، مهما كان الموضوع باين وواضح، اعمالاً بالتماس الف عذر وان مش كل حاجة بتكون زي ما هي واضحة من بره.
أتمني يجي عليا وقت اعرف فيه ناس تسألني قبل ما تحكم عليا.
إنا لله وإنا إليه راجعون.

بطنك اللي باظة في الشارع دي هي مجرد عرض لمشكلة عندك أو مرض، نعالج المشكلة دي والبطن هتتفرتك لوحدها والله 😅

الرياضة (سواء كانت تمرين أو مشي) هتغير مودك وحالتك النفسية، ودي فايدتها الرئيسة، صحتك وجمال جسمك دول فوائد اضافية.. صباح الخيرات ☘️