إدارة توكيد الجودة

👌

فيه مدير أهم حاجة عنده انه يطفى النجوم .. لا يتحمل ان الفريق يكون فيه نجم لامع، لأن ده بيخلّيهم يحسّوا إن توازن القوة اختل.
فلما يطلع موظف مميز، الكل بيتكلم عنه، المدير بدل ما يقدّره، يبدأ يضيق عليه، ويداري الموهبة ويمنعه من حضور الاحتماعات المهمة وهو بيوهم نفسه إن ده العدل
لكن الحقيقة إنه مش بيحافظ على العدل، هو بيحافظ على السيطرة.

المدير الشاطر ما يمنعش الأبطال، يحتويهم، ويخلي نجاحهم امتداد لنجاحه.
أما لو مديرك بيخاف يديك حقك… فاعرف إنك كبرت عن المكان ده.

وما أكثرهم في حياتنا 😔

فلا تحزن 🙏

‏ﻟﻮ ﺗﺄﻣﻠﺖ ﻓﻲ ﺣﺎﻟﻚ ﻟﻮﺟﺪﺕ ﺃﻥ الله ﺃﻋﻄﺎﻙ ﺃﺷﻴﺎﺀ ﺩﻭﻥ ﺃﻥ ﺗﻄﻠﺒﻬﺎ, ﻓﺜﻖ ﺃﻥ الله ﻟﻢ ﻳﻤﻨﻊ ﻋﻨﻚ ﺣﺎﺟﺔً ﺭﻏﺒﺘﻬﺎ ﺇﻻ‌ ﻭﻟﻚ ﻓﻲ ﺍﻟﻤﻨﻊ ﺧﻴﺮا تجهله 🤎

😏 صفات الموظف الخبيث المكار – خُلاصة خبرة سنين في الدهاء الإداري 💼

1️⃣ بيضحك في وشك… وبيسخن عليك أول ما تدور ضهرك.
تفتكر بيحبك؟ لأ… هو بس بيعمل صيانة دورية للعلاقات 😌

2️⃣ ما بيشتغلش كتير، بس دايمًا شكله مشغول.
السر؟ ملف مفتوح، وورقة متعلقة في إيده من الصبح 😂

3️⃣ لو المدير زعلان منك… بيظهر فجأة كأنه المنقذ.
“أنا كنت قايله يا فندم يعمل كده!” — الجملة السحرية اللي بتفتحله أي باب 😏

4️⃣ يسألك عن كل حاجة، وبعدين يطلعها في الوقت المناسب 🎯

5️⃣ دايمًا أول واحد يعرف الأخبار… وآخر واحد يشتغل.
وعنده رادار يلقط كل همسة في المكتب 👂

6️⃣ لو المدير دخل فجأة… بيقلب المكتب معمعة شغل.
ولو المدير خرج… بيقلبها حفلة شاي 😂☕

7️⃣ يتفنن في الظهور وقت اللقطة.
مفيش تقرير بيتصور غير وهو في الخلفية، مبتسم ابتسامة “أنا السبب” 😎

8️⃣ يعشق كلمة “أنا كنت
حتى لو الموضوع حصل وهو في الأجازة 🤭

بس دايمًا فيه درس مهم:
اللي بيكسب بالمكر… بيخسر بالوقت.
واللي بيشتغل بصمت وضمير، حتى لو اتأخر في التقدير،
بييجي يوم ويتشاف، ويتقال عليه:
"الوحيد اللي كان بيشتغل بجد وسط السيرك ده!" 🎭

💬 الخلاصة:
الموظف الخبيث المكار بيكسب بالكلام… بس بيخسر الثقة.
أما اللي بيشتغل بضمير، فـ بيكسب احترام حتى لو تأخر التقدير.

المديرين في الشغل دايمًا بيفكروا إن لو الموظف سلّم كل حاجة زي الكتاب ما بيقول وهو ماشي من الشركة الدنيا هتفضل ماشية تمام بس الحقيقة هو ممكن يسلمك
ملفات مرتبة
جلسات تسليم وتسلم
هيسلمك معرفة مش سماته الشخصية و الحقيقة غير كده…
بعد أسبوع من غيابه تكتشف:
🔹 القرارات اللي كان بياخدها في ثانية.. بقت محتاجة 3 يتناقشوا فيها.
🔹 علاقاته اللي كانت بتسهل الطريق.. مش موجودة في أي ورق.
🔹 هدوءه وسرعته في الأزمة.. محدش عارف يقلده.

الخلاصة 👇
المعرفة لوحدها مش كفاية.
القيمة الحقيقية بتبان في "إزاي بتتصرف تحت الضغط" و"إزاي بتربط الخيوط في اللحظة الصح".
ناس كتير عارفة وعندها المعلومه بس القرار المبني على المعلومة مش موجود وعشان كده غياب الشاطر دايمًا له صوت مسموع.. حتى لو سلّم كل حاجة كاملة.