TravX

أكيد فيه مننا ناس نفسها تسافر اليابان و تكمل دراستها هناك فلو انت من الناس دى فأكيد المنحة دي هتكون مفيدة جدا بالنسبالك

مبدأياً كدا مين ال بيقدم المنحة دى ؟ال بيقدمها the Ministry of Education, Culture, Sports, Science, and Technology و دى وزارة التعليم و الثقافة و الرياضة و العلوم و التكنولوجيا فى اليابان
الوزارة بتقدم المنحة دى لطلاب الثانوى او ال عايزين يحضروا ماجستير او دكتوراه
طيب ايه هو المبلغ ال المفروض ادفعه ؟؟
انت مش هتدفع اى حاجة
لانهم هيدفعوا لك مصاريف الجامعة و هيكون ليك سكن و هيدفعوا ثمن الطيارة و كمان هيدوك مبلغ كل شهر
و المنحة دى كمان لكل المجالات و التخصصات
انت مش محتاج ال TOFEL او الIELTS عشان تقدم على المنحة و لا حتى محتاج تكون متعلم يابانى
اومال انت محتاج ايه ؟

‏* MEXT Application From 2021
‏* Academic Transcripts
‏* Certificate(s) of graduation or Degree
‏* Recommendation Letters
‏* Medical Certificate
‏* Field of Study and Research Plan
‏* Passport
‏* CV
‏* Abstracts of theses

الapplication بتاعها مفتوح حاليا و Deadline بتاعها يوم ٣١ اغسطس
لو أنت محتاج information اكتر عن الscholarship دى تقدر تزور الwebsite ده

‏https://www.ton.emb-japan.go.jp/itprtop_en/11_000001_00044.html

زهقت من مصر خلاص؟ و احنا كمان والله :"D
طب ايه رأيك تروح امريكا تفك عن نفسك شوية؟ طب ايه؟ اسبوع كفاية؟ طب ايه رايك بقى ان احنا جبنالك 4 شهور كاملين و مش هتدفع فيهم ولا مليم, دانتا هتاخد فلوس كمان xD
فيه منظمة غير ربحية جميلة كدا اسمها IREX هتفتح التقديم على Community Solutions Program من يوم 19 سبتمبر ل 31 اكتوبر بإذن الله 😀
البروجرام دا ببساطة كدا بيستهدف الناس ال عايزة تحسن مجتمعتها و هتختار 80 واحد من حبة دول كدا تظبطهم فال Leadership و ال management skills
ال بروجرام دا هيتكفل بمصاريف الفيزا ال هي J-1, مصارف سفرك من بلدك لامريكا و رجوعك تاني لام الدنيا, هتديك فلوس عشان مصاريف السكن و الاكل و الكلام دا, و اخر حاجة بقى فيه تأمين عشان لو لقدر الله تعبت ولا عايز دوا او حاجة :"D

ايه رأيك فالكلام دا؟ لو عايز تعرف ايه المطلوب و مين ممكن يقدم و كل الكلام دا, شوف اللينك ده او ابعتلنا على البيدج و هنرد عليك في اقرب وقت ان شاء الله http://bit.ly/2k0n0Dc

أول ماتيجى الأجازة هاخد كورسات كذه كذه كذه و هتعلم لغات جديدة و هطور نفسى فى الSoft Skills و ........... "
حيلك يا عم مش كده 😂 .. طبعا محدش بيعمل أى حاجة من الكلام و الأجازة بتضيع xD .. بس احنا مش هنسيبك لوحدك يا وحش 😎
دلوقتى مع STEM Motivation تقدر تضيع أجازتك بـ Efficiency أعلى و بطريقة Sustainable اكتر فى 10 خطوات بس :-
1- اقعد في البيت أو مع أصحابك وما تكتشفشف العالم الي حواليك، أوعى تكون علاقات جديدة مع الناس وخليك في البيت، ما تروحش كورسات، ما تتعلمش skills جديدة، ما تشيلش هم أي حاجة.
2- تابع اخبار الألعاب الجديدة، والمسلسلات والأفلام وSherlock Holmes بقا friends وابعد عن collegeboard وcommonapp ، كدا كدا أنت مش محتاج تحدد الجامعة الي نفسك فيها ولا هتدرس ايه.... معهد اللاسلكي موجود ياعم.
3- ما تتعلمش لغة تانية خالص ولا تطور نفسك في الانجلش واعتمد على الرد المشهور لأي سؤال “I am fine thank you”، ما تروحش السفارة الأمريكية وتحضر الكورسات الي ببلاش ولا تروح Goethe ولا أي مكان تتعلم من لغة تانية وأقولك على التقيلة ما تحاولش تفتح اللينك ده وتشوف اللlist الوحشة دي: https://www.youtube.com/watch?v=IeaadwctbD4&list=PL7Al4uks2BzaQFREgG93QnHUPpathah-6
4- ايه ده انت ناوي تذاكر ACT أو SAT؟ ناوي تدرب على الامتحانات من http://www.crackact.com/ أو من خان اكاديمي؟؟، أنت ناوي تعرف أكتر عنهم عشان تجيب سكور عالي من وتحمل الماترياليز دي !
https://drive.google.com/open?id=0B56SjKxD-8-rVVlUZ1ZjUEk4X00
https://drive.google.com/file/d/0BzK8nGiKctqpTGw0am1DY1FKajQ/view?usp=sharing

يا عم يلا ماتشين فيفا والدنيا هتبقا زي الفل... مذاكرة ايه بلا وجع دماغ 😴
5- اقعد في البيت بلاش تساعد الناس، بلاش تروح جمعية رسالة أو تسجل استمارة تطوع من هنا http://resala.org/ar/user/register
فاكس من دار مسنين ولا دار ايتام، المهم الصحة مش مهم الskills الي تتعلمها عشان تبقا شخص اجتماعي وتاخد ثواب وتزيد من رصيدك في القبول للجامعات. 🤓
6- معروفة يعني، موهبتك أنك تكسب صحابك في البلايستيشن أو تلبسي عشر تلاف طرحة فوق بعض، أكيد يعني مش هتكون بتعرف تعزف مثلا وتروح معهد قيثارة تتلعملك حاجة ولا تروح مشروع كتاب عشان بتكتب حلو ولا أي حاجة من دي... لا لا لا كبر دماغك يا عم
7- ما تتعلمش skills جديدة في الاتش ار او الPublic relations ولا أي حاجة من الحاجات دي، هي هتفيدك في ايه غير أن الCV بتاعك يبقا محترم وكويس وتلاقي شغل أو منحة بسرعة؟! 🤔
8- العلم الي بنتعلمه ع القهوة أو من المصريين بشكل عام كافي بطريقة كبيرة، هتروح تتعلم حاجات من https://www.coursera.org/ ولا https://www.udemy.com/courses/ أو حتى https://alison.com/ ... يا جدع كبر دماغك.
9- ابعد عن https://www.linkedin.com/ وما تبنيش Connections بينك وبين الناس، كدا كدا هتلاقي شغل، أصلها سهلة وخصوصًا في أم الدنيا
10- اقرا كتير عن الكورة واعرف اخبار الممثلين وابعد عن الكتب وعن التزاماتك في أي حاجة، كدا كدا الدنيا فانية وزائلة 😇
نسيت الكتب والروايات الي هنا وحشة أوعى تقراهم
http://www.book-juice.com/
و بكده نضمنلك أجازة مثمرة ♥

الصيام فالأرجنتين ١١ ساعة بس السنة دي، مش عايز تسافر؟
استننا نقولك ازاي تروحها هي و حتت تانية كتير الفترة الجاية 😌

واااااا بعد طول غياب
نرجع تاني عشان نبارك لمحمد أشرف 💃🏻🎉 ، الشهير بحلاوة (ومتسئلوش ليه اسم الشهره ده😂)
حلاوة اتخرج السنه دي من تالته ثانوي من STEM October
بعد ما عرف من سنه اولي انه عايز يسافر خد القرار و بدا ف الاجازة يذاكر انجلش بقي و يقرى عن الامتحانات
خد SAT و بعدها خد IELTS و SAT Subject
لما جه موسم الEarly Decision في شهر 11 حلاوه كان جهز واختار جامعه Haverford تبقي الED بتاعه
Haverford تبقي Liberal arts college في Philadelphia, USA
فرص القبول فيها نسبتها 24.6% بس وال ACT range بتاعها 😲
31-34 والGPA بتاعها برضو selective
ال aid بتاع الجامعه كويس جدا و need-based كمان للInternational يعني بيقدملك على قد احتياجك المادي
حبينا نقول انها برضو بتrank في اول 20 # جامعه في ال liberal arts colleges في امريكا
وال 10 # في احسن تعليم undergraduate 🌸
ونقدر نقول انها بتوفر اكتر من 145 organizations و student activities للطلبه في الcampus
برضو بتقدم للطلب فرص للدراسه في دول تانيه لو الفرص هناك احسن ليهم في مجالهم
من الحاجات الحلوه اوي في Haverford هي صغرها وال focus علي الطلبه ، الclasses هناك 70% منها اقل من 20 طالب ، بما ان الstudent to faulty ratio 9:1
من الحاجات الجامده بقا هي الQuaker Consortium اللي عاملاه مع University of Pennsylvania والل بيسمح لطلبتها انهم ياخدو عدد محدد من الكورسات هناك
ده غير الTri-Consortioum اللي مع Bryn Mawr College ومع Swarthmore College
(واتكلمنا عن شادي المقبول في swarthmore قبل كده)
الconsortium ده يسمح للطالب هناك انه ياخد اي كورسات في الجامعات التانيه لو ملقهاش ف جامعته مثلا او حابب حتى ياخدها من اي واحده من الجامعتين عادي ، ممكن ياخد major كامل كمان يتخرج بيه منهم
ده غير انه متاحله كمان يدخل في اي student activities وبعض الinternships في الجامعتين دول
يعني تنوع اكاديمي واجتماعي الاتنين ، ليك تلت جامعات😂🌸
نظن عادي جدا تتحط Early Decision :"D
وبرضو لما سئلنا حلاوه رأيك فيها ايه قال:
"الجامعة مفيهاش greek life بالشكل اللي هو حفلات و شرب بس still ممكن تعمل اللي انت عايزة و ال honor code جامد و الناس كلها بتتمسك بيه و ان الجامعة عندها ثقة تامه في الطلاب و مفيش مشرفين و ممكن تاخد امتحانك في ال Dorm عادي"

حلاوه الحمد لله خد من Haverford acceptance ومسافر شهر 8 و بأذن الله يكمل مسيره نجاحه هناك 💃🏻
نحب نباركله ونشجعه يكمل ويعافر لوصوله اختياراته واحلامه ويخلق ضوئه هناك 😁🎉

هتلاقو مننا الفتره الجايه ان شاء الله بوستات جديد بنبارك فيه لحد وصل لحلمه وبنوريكم ناس كانت مكانكم وعافرت لحلمها زي ما هتعملو ;)
ولو تعرف حد مقبول وهيسافر قلنا عليه عشان نحتفل بيه كمان 🎉



Mohamed Ashraf

كان نفسي اقول ان البوست دا موجه لدفعة سبيستون بس للأسف جيل سبيستون دا جيل التسعينيات و احنا منتخلاش عن سبيستون بالسهولة دي 😌
كلنا عارفين انه التعليم المصري واحد من الاسباب اللي تجيب للطالب إكتئاب وتدخله في مود الانتحار 😀 سواء من معامله دكاتره او زمايلك في الجامعه اللي تحسهم زومبي بيتغذوا علي الدرجات xD
وتخيل سبحان الله كده انه فيه جامعات في مصر تقدر تعيش فيها حياتك وتنمي مهاراتك وتتعلم تعليم نضيف وتبقي زي البني آدمين الطبيعين .
واحده من الاماكن دي " مدينه زويل " .
مدينه زويل معروف عنها إنها واحدة من أفضل الجامعات في مصر ، بتوفر مستوي تعليم نضيف و كويس يعلمك ويفهمك مش يربيلك عُقد 🚬 المجتمع المحيط بيك بيوفرلك فرص كتير، ناس شغوفه باللي بتعمله ومن أحسن طلاب مصر محدش مكتفي باللي بيتعلمه لا لازم نزود ونشارك صحابنا اللي اتعلمناه ، كفايه المعامل هناك واللي تعتبر من اكبر المعامل في مصر هتلاقيها في زويل متوفرة ليك كده بسهوله وتقدر تدخلها سبحان الله برده :"D
أنت لو سألت أي طالب في زويل قراره صح ولا لا ! الإجابه هي "زويل نقطه تحول في حياتي" 😀
-وطبعاً السؤال دلوقتي زويل دي بتبيع ايه ؟! او بمعني فيها أقسام إيه وهشتغل ولا لا !!
زويل فيها مجال هندسي ومجال علوم وتقدر تعرف اكتر عن اي major من هنا
‏https://www.zewailcity.edu.eg/main/content.php?lang=en&alias=undergraduate__academic_programs
-خلي بالك إحنا مش بنقنعك بس بنوريك فرص افضل لمستقبلك وهنساعدك في كده كمان 👌🏼
لازم تعرف انه عشان تتقبل في زويل فيه شويه شروط كده :-
١- المجموع
وده تقدر تشوفه من هنا
‏https://www.zewailcity.edu.eg/main/content.php?lang=en&alias=admission_criteria
٢- الامتحان
وده من أصعب مراحل القبول+ إنه مقسم لكذا قسم علشان كده احنا قررنا نساعدك ونوفر عليك ونقولك تستعد ليه ازاي 😉
أ- المواد العلميه
لو انت علمي علوم اعرف انك هتمتحن في منهج ال ٣ سنين ثانوي بس اصعب شويه
‏ biology , chemistry, physics ,math 1
ولو علمي رياضه هتمتحن نفس المواد باستبدال ال biology هتبقي math 2
دلوقتي بقي بتسال هذاكر منين ، وهلحق اذاكر من الاساس ؟!
اه هتلحق الامتحان مش عايز غير طالب فاهم وبس وهيسألك في فهمك ، فأنت عندك حلين الاول إنه
انت ممكن تذاكر من كتب ثانويه عامه
‏http://elearning1.moe.gov.eg
والتاني تذاكر من AP علشان تبقي ضامن الدنيا لانه الامتحان مش تبع منهج معين ومحطوط علشان يقيس افكار العلوم الاساسيه عموما +انه فيه ناس كتير IG وSTEM وغيرهم بيمتحنوا معاك في راعي النقطه دي.
ونظراً لضيق الوقت فمش هتعرف تفتح كتب فمفيش حل غير انك تشوف فيديوهات.
و أحسن وأبسط حاجه خان اكاديمي يا جدع والله❤
وادي اللينك اهوه
‏1- chemistry
‏https://www.khanacademy.org/science/chemistry/ap-chemistry
‏2-physics
‏https://www.khanacademy.org/science/physics/ap-physics-1
‏https://www.khanacademy.org/science/physics/ap-physics-2
‏3-biology
‏https://www.khanacademy.org/science/biology/ap-biology
‏4- math
لو انت علمي علوم هتذاكر math لغايه تانيه ثانوي بس
ولو رياضه هتذاكر math &mechanics بتوع ٣ ثانوي واحسن مصدر ليهم كتب ثانوي و كفايه جدا وهتلاقي اللينك بتاعها فوق 👆🏽
متحفظش قوانين هما هيدوك ورقه فيها كل القوانين وال constants اللي ممكن تحتاجها -مش بقولك حاجه اخر نضافه يا جدع ❤-
ميزة المناهج دي هتفيدك جدا لما تدخل الجامعه لانه دي اساسيات كل العلوم بقت في جيبك دلوقتي فمتقلقش هتلحق تخلصهم.
ب_ ال logic reasoning
ودي أسئلة بمعني حاجات محتاجه تفكير شوية بس تتجاب وتقدر تتدرب عليها طبعاً
‏https://brilliant.org/logic/
ولو فيه ماده واقفه زي بايو وغيره معاك تقدر تبدلها وتحل اسئله logic تانيه بس هو بيبقي صعب ومحتاج تفكير ف الاحسن متحطش نفسك في موقف صعب وتذاكر :3
والامتحان متقسم مواد في نفس الورقه لكن كل ماده لوحدها.
ج_ امتحان الانجلش
وده للكل ولو معاك تويفل او ايلتس بحد ادني5 ورايتنج 6 فيما فوق يبقي خير وبركه او هتضطر تمتحن امتحان الانجلش 😀، الامتحان شبه الايلتس شويه ف تقدر تتدرب عليه من هنا 🚬
‏https://takeielts.britishcouncil.org/prepare-test/free-practice-tests
-القبول في زويل بيكون متقسم ل ٣ حاجات
تلت امتحان STEM وتلت امتحان الانجلش والتلت الاخير الانترفيو
وده لينك بسيط هيساعدك انه تعدي الانترفيو
https://m.facebook.com/STEM.Motivation/photos/a.1655693694643121.1073741828.1655592474653243/1923315634547591/?type=3
واعلي ٣٠٠ هما اللي بس اللي بيتقبلوا 🙄
-واخيراً الابلكيشن وادي اللينك بتاعها وخلي بالك انه الديدلاين يوم ٢٨/٧
‏https://selfservice.zewailcity.edu.eg/Application/
-وده جروب هتلاقي عليه طلاب كتير من زويل وناس عندها خبره اكتر مننا هيفيدوك اكتر
‏https://www.facebook.com/groups/ZewailCitySeekers3/
لو اتقبلت مستنينك تبعتلنا تقولنا "تحياتي من زويل "😎
‏

ومعادنا دلوقتي جه للإعلان عن منحه السنة دي

للدراسة في أمريكا:

Onsi Sawiris Scholarship Program.

منحه اونسي ساويرس بتقدمها

Orascom Construction

وبتديرها Amideast
دي منحه بتمولك للدراسه البكالوريوس

في امريكا ، في جامعات:
Stanford University
University of Chicago
University of Pennslyvania
Harvard University
وبتمولك الدراسه في المجالات دي
Economics
Engineering
Political Science
Finance
Management
المنحه بتتطلب منك عشان تعرف تقدم عليها كذا حاجه:
تبقي مصري الجنسيه ،

GPA 3.5

في الثانوية العامة أو مجموعك يكون 90 %

يبقي معاك .

TOEFL IBT 100

SAT score مش اقل 1450 score مش ال من

(SAT II (SAT Subject إختياري علي حسب التخصص إلي هتدرس فيه

ويببقي عندك extracurricular activities

وتقدر تجيب شهادات ليهم

الأوراق المطلوية :

1. Application Form
2. SAT &TOEFL IBT Test scores
3. 2 recommendation letters
4. Resume
5. Copy of transcript
6. Copy of graduation certificate
7. Copy of extracurricular activities
المنحه بقا بتقدملك إيه😁:
تغطيه كامله للتكاليف الدراسيه
، تغطيه لتكاليف الطياره
pocket money للمصاريف الشخصيه المعيشيه وغيره
تكاليف الbooks, laptop والhealth insurance
ده كله بيبقي متاح ليك لو اتقبلت في المنحه دي وخدت القبول الجامعي من الجامعات اللي قلنا عليها دي
يعني الصراحه مفيش منحه كامله اكتر من كده 💃🏻😂:"D
لو مكنتش تعرف عن المنحه ف الحق جهز ورقك وقدم قبل
deadline : 31/7/2018
website : https://www.amideast-ossp.org/undergrad-2018/

ولو عندك أي سؤال إبعت علي

[email protected]

طريق الالف ميل بيبدأ بخطوه 💪🏻😁

ا"Earlier this month, the world lost one of the greatest vaccine creators of our time. Dr. Adel Mahmoud "
بالكلمات دي نعي Bill gates واحد من اهم الدكاترة فالعالم وهو الدكتور عادل محمود , دكتور عادل محمود واحد من اهم دكاترة الامصال علي مستوي العالم , وقدر من خلال رحلته الطويلة انه يعالج ملايين من الناس , وكان مشهور انه من اهم الدكاترة اللي قدروا يعالجوا Cervical cancer او سرطان عنق الرحم!
وفاة والد دكتور عادل بمرض خطير كانت نقطه تحول ف حياتة , النقطة اللي خلته مش بس يسعي انه يكمل دراستة هنا فمصر وياخد الدكتوراة .. هو سافر وخد الدكتوراه للمرة التانية من London School of Hygiene & Tropical Medicine لأن طموح دكتور عادل مكانش بينتهي , ف هو سافر عشان يكمل تعليمة من الولايات المتحدة الامريكية , وهناك قدر انه يكون استاذ جامعي مساعد في جامعة Case Western Reserve University in Cleveland وشغفه وتميزه وكفائته وصلوه انه يكون رئيس قسم الطب وانه ياثر ف الطلبة ويتعرف بانه واحد من اكثر الاستاذه ذكاء اجتماعي وحسن تصرف واشادوا كلهم ان العالم بقي مضلم بعد رحيله!
بعدها دكتور عادل اشتغل ف اكتر من جامعة امريكية كبيرة زي Princeton University واللي كان بيساعد فيها الطلبة وبيديهم نصايحة , علي مدار سنين حياتة ومسيرتة المهنية دكتور عادل ساعد ناس كتير ب عمله وعلمه.. مسيرة دكتور عادل ربنا شاء انها تنتهي من حوالي 15 يوم .. دكتور عادل كتب اسمه ف تاريخ الكوكب ب حروف من دهب .. ومسيرته علمتنا ان عشان عشان تكون انسان ناجح لازم تكون محدد انت عاوز تتعلم ايه وعاوز تتعلمه فين ؟ سفر دكتور عادل ل لندن ثم امريكا كانوا خطوات اولي ف تحقيق هدفة .. انت بقي اية خطوتك ؟
❤

تاني فقره الشباب اللي حققوا حلمهم للدراسه برا ، ونرجع نبارك انهارده لمصطفى 🤩🎉🎉💃

مصطفى إيهاب طالب متخرج من تالته ثانوي السنه دي من STEM October ، قرر من سنه اولى انه عاوز يكمل دراسته برا ، خد القرار وبدأ يحضر ودخل امتحانات ACT, TOEFL و SAT Subjects
الجدير بالذكر هنا برضو ان مصطفي member في ال CCC
اللي هو اختصار Competitive College Club
و بعد كده بقا ال president ، وده برنامج عملاه Amideast بيهيئ الطلبه لعمليه التقديم للدراسه الundergraduate في الجامعات في USA 🤩
مصطفي خلال وجوده هناك عرف عن منحه Onsi Sawiris ودي منحه من مؤسسه اونسي بتغطيلك تكاليف الدراسه كامله ، بالاضافه لتغطيه تذاكر السفر و الhealth insurance ، الbooks and supplies ، زائد pocket money للمصاريف الشخصيه
وده برضو كان مشروط وقتها ب القبول في جامعه من الاتنين دول
Stanford University
University of Chicago
دلوقتي المنحه اضافت Harvard University و University of Pennsylvania
مصطفي قرر يشتغل علي منحه اونسي ويهيئ نفسه لمتطلباتها: مش اقل من 100 ف الTOEFL، ومش اقل من 600 في تلت مواد مختلفه من SAT Subjects test ,زائد الextracurricular activities ، والessays and personal statement و CV ويتخطي مرحله الinterview بعد القبول في الapplication
والحمد لله قدر يحضر متطلباتها واتقبل وبقا qualified للمنحه 💃
بس كان ناقصه خطوه كمان ، القبول ف الجامعه :\
بالرغم ان القبول ف اي من الجامعتين دول حاجه competitive جدا ، الا انه قرر يقدم علي Stanford في موسم restrictive Early Action
ولو مش عارف ايه ده ، ممكن تعرف عن مواسم وانواع التقديم من البوست بتاعنا من هنا: https://goo.gl/9pqH1x
Stanford مش محتاجه حد يتكلم عنها بس تعال نديك نبذه صغيره
يعني لو مش عارف Stanford ف دي تقريبا من احسن جامعات العالم ، خلينا صريحين هي ترتيبها السنه دي 2 # احسن جامعه في العالم ، تقع فى California, USA
معدل القبول فيها قليل وصعب جدا ، 4.8% ، ومتطلباتها طبعا عاليه جدا سواء من GPA او (standardized tests (ACT range 31 - 35 😲
وطبعا بتوفر need-based financial aid for international students ، ايا كان احتياجك المادي هتغطيهولك ، قبولك لوحده كفايه انهم يهتمو بوجودك عندهم ايا كان احتياجك المادي 😂
تقدر تقول انها تقريبا بتrank في الtop ف كل حاجه
2 # engineering program
2 # most innovative school
8 # undergraduate teaching
ال campus بتاع Stanford , واحد من اكبر الcampuses في امريكا ، ب18 interdisciplinary research institutes و 7 schools في الBusiness, Earth, Energy and Environmental Science, Education, Engineering, Law, Medicine, Humanities and Science اربعه منهم undergraduate وتلاته graduate school
وطبعا بالحجم والمركز ده منستغربش بأن الdiversity فيها عاليه ومميزه ، بأكترمن 625 organized students groups 💃🏻🌸
من مميزات Stanford كمان الاستثمار في المشاريع ، بحوالي 5.5$ مليون استثمار للمشاريع فقط 😍
يعني ونحب نقول ان 20 من اعضاء الfaculty الحاليين ف Stanford حاصلين على جايزه نوبل 😳
نظن كده كفايه عليها يعني مش محتاجين نتكلم اكتر 😍😂
ولما سئلنا مصطفي على رأيه فيها كان رده
"من وجهة نظري الentrepreneurial spirit اللي في الجامعة و انها هي اللي شكلت الثورة التكنولوجية اللي في الsilicon valley حاجات عجباني في ستانفورد و مش موجودة فاي مكان تاني فالعالم"
مصطفى ربنا كرمه الحمد لله وخد acceptance EA من Stanford وبيحضر نفسه لحياه جديده 💃🎉
ونحب نقول ان مصطفى كمانteam member معانا في STEM Motivation وكلنا فخورين بيه وفرحانينله ونحب نباركله وندعيله ربنا يوفقه ويحط علامته ويتميز هناك زي ما تميز هنا 😍🌸

هتلاقو مننا الفتره الجايه ان شاء الله بوستات جديده بنبارك فيه لحد وصل لحلمه وبنوريكم ناس كانت مكانكم وعافرت لحلمها زي ما هتعملو ;)
ولو تعرف حد مقبول وهيسافر قلنا عليه عشان نحتفل بيه كمان


Moustafa Ehab

طبعا كله خد الاجازة دلوقتى. 💃😂
فى إلى مأنتخ فى البيت وفى اللى يعينى بيجهز لامتحانات عشان يقدم برة. سواء إمتحنت أو لسة ، لازم تبدأ تشتغل دلوقتى على أهم 650 كلمة فى حياتك قبل الجاميعة، ال personal statement

الأبلكيشن بتاعتك بتشتمل حاجات كتير، الجزئين الوحيدين اللى بيوروا ال admission office أنت مين وبيعرفوا منه شخصيتك هو سكشن ال writing (اللى بيشتمل على ال personal statement والactivities)

الpersonal statement هى موضوع بتكتبه ، بيبقى فى 7 عناوين واحد منهم بيقولك اكتب عن أى حاجة شايفها بتعكس شخصيتك ، فبالتالى أنت متاح ليك إنك تكتب عن أى موضوع طالما هتعرف تتكلم فيه عن نفسك

أهم حاجة إن أيا كانت القصة أو الحاجة اللى هتتكلم عنها ت show yourself ... مينفعش تقلب الpersonal statement عن هواية أنت بتحبها مثلا مش أنت :'D كل تفصيلة هتضيفها لازم تبقى بتدل على حاجة فى شخصيتك ...

طب أبدأ إزاى؟ 🤔

أول حاجة المفروض تشوف إيه أهم نقاط شخصيتك واللى عايز تعرفها لل Admission office

تانى حاجة تشوف موقف أثر على حياتك وتفكيرك أو حاجة أنت بتحبها وعملت التأثير دة

تبدأ تحاول تدمج بين الموقف مثلا وازاى شخصيتك أثرت فيه أو الحاجة اللى بتحبها وإزاى شخصيتك بانت فيها

هل ده معناه إنك تقعد شهرين تلاتة فى التفكير عشان أطلع ببرسونال كويسة بقى؟ :v

لأ ، البروسنال بتتكتب مرة واتنين وتتعدل وممكن تتغير خالص ومفيش مشكلة لو غيرتها 10 مرات عادى جدا لحد ما توصل للشكل اللى أنت حابه ... ولازم تخلى ناس يراجعوهالك سواء punctuation أو يقولولك رأيهم كأفكار ...

أى حاجة تقريبا ممكن يتكتب عنهاPersonal statementكويسة، المهم إزاى تعمل كدة ... وممكن برسونال جامعة تشوفها كويسة وجامعة تانية تشوفها لأ، الموضوع بيعتمد على شخصيتك وشخصية الجامعة هل هما متناسبين مع بعض ولا لأ

فى جامعات كتير بتحتاج writing supplements عشان يعرفوا عنك أكتر فساعتها ال 650 كلمة هيزيدوا شوية أو شويتين كدة :'D

ودى أمثلة لpersonal statements كويسة بالنسبة للجامعات اللى قبلتها 💃

https://goo.gl/9ZbjMi

https://goo.gl/dQyYnC

https://goo.gl/gzgtyD

ومتنساش إن ديدلاين ال early decision بيبقى من 1/11 ل 15/11 حسب الجامعة فلازم الpersonal تكون جاهزة قبلها

لو احتاجتم أى مساعدة فى الأبلكيشن ممكن تبعتلولنا وإن شاء الله هنكون معاكم على طول وربنا يوفقكم ☺️