https://www.instagram.com/rashada82023/

Raشَda, 6 October City, 6 October City (2026)

29/04/2026

مش أخطر حاجة إن ابنك ميعرفش يتكلم إنجليزي .. الأخطر بجد إنه ميعرفش يعبر عن هويته وقيمه.

الخجل مش بيقف عند اللغة بس ده بيأثر على ثقة ابنك في نفسه وقدرته إنه يقول رأيه أو يرفض الغلط في مواقف أهم.

في كورسات “رَشدا”، ابنك بيتدرب على التحدث باللغة الإنجليزية من خلال مواقف حقيقية ونقاشات بسيطة في بيئة آمنة ومش ضاغطة.

النتيجة مش بس إنجليزي أحسن، لكن كمان ثقة أعلى وقدرة أكبر على التعبير عن نفسه.

لو حابه ابنك يبدأ يتكلم بثقة فعلًا، ابعتلنا رسالة

22/04/2026

ياترى مين هو قدوة اولادنا؟

في رَشدا بيهمنا جدًا إن كل محتوى بنقدمه للأولاد يسيب أثر حقيقي في شخصيتهم وحياتهم بشكل إيجابي، سواء في فهم دينهم أو في تنمية ثقتهم في نفسهم وقدرتهم على التحدث باللغة الإنجليزية بثقة، من غير خوف أو تردد.

وعشان القدوة الحقيقية هي اللي بتصنع جيل عنده هدف ورسالة، ملقيناش أعظم من سيرة سيدنا محمد ﷺ نقدّمها لأولادنا وبناتنا، عشان تكون طريقهم لفهم الدين بطريقة صحيحة، وبناء أخلاقهم على أسس من الرحمة والصدق وحُسن الخلق.

18/04/2026

فيه تمن غير الفلوس بندفعه لما بنودي أولادنا أي مكان عشان يطوروا من مهاراتهم اللغوية أو حتى يتعلموا أي مهارة جديدة.

للأسف بقينا في وقت بقى طبيعي فيه إن اولادنا وهم بيتعلموا حاجة مفيدة .. يخسروا في المقابل حاجة أهم. يخسروا فطرتهم السليمة، يخسروا نظرتهم لنفسهم، ويبدأوا يتشكّلوا بشكل مش شبههم ولا شبه البيت اللي طالعين منه.

المشكلة مش في إننا نعلّم أولادنا، بالعكس، إحنا محتاجين ده جدًا.
لكن السؤال الأهم: بيتعلموا وسط مين؟ وبأي طريقة؟ وفي بيئة بتأثر فيهم إزاي وهما بيتعلموا؟

من أول ما بدأنا كورسات رشدا من 3 سنين، كان الهدف واضح عندنا: إننا نكون أكتر من مجرد مكان بيقدّم كورسات لغة إنجليزية.

رشدا هي مساحة بنحاول من خلالها نقدم لأولادكم تجربة متكاملة ينمّوا فيها مهارة التحدث باللغة الإنجليزية عن طريق محتوى يقرّبهم من دينهم، ويعزز انتماءهم لهويتهم الإسلامية، ويقوّي ارتباطهم بقيمهم وعقيدتهم.

ومن خلال أنشطة تفاعلية وأساليب تعلم حديثة، لانهم خارجين من ضغط دراسة وامتحانات.

بإذن الله نرجو أن يكون الموسم الصيفي ده موسم مثمر، يعود بالنفع على أولادكم، ويكون سبب في أثر طيب يفضل معاهم، وتبقى رشدا دايمًا علامة في رحلتهم التعليمية والتربوية.

010 23542133

01/04/2026

Rashada is looking for English teachers — but not just anyone

At Rashada, English is not only a language we teach; it’s a tool to help raise confident children who stay connected to their faith and identity.

We are looking for a fluent English speaker who believes teaching is a mission and a real influence in children’s lives, not just a job.

If you believe education is about making a difference, we would love to hear from you.

Send your CV via message

010 23542133

05/03/2026

٥ سنين بتمثل إنها بتصلي!

بتقول إنها كانت كل ما أهلها يقولولها: "قومي صلي"
تقوم تعمل نفسها بتتوضأ وتدخل أوضتها وتعمل نفسها بتصلي!

٥ سنين على الحال ده من غير ما حد ياخد باله إنها مش بتصلي بجد.

لحد ما بدأت تسمع دروس علم وقلبها اتحرك وجاهدت نفسها والتزمت في الصلاة فعلًا.

المفاجأة؟
أهلها ما كانوش بيعنفوها، ولا بيضربوها، ولا بيضغطوا عليها بشكل مباشر.

مرة سمعت فيديو لشيخ عن النقطة دي ولخصها بإن الالتزام الحقيقي محتاج إيمان، والإيمان مش هيجي إلا بالعلم.
علشان كده حقهم علينا أننا نعلمهم دينهم صح:
• نعرفهم شروط الإسلام والإيمان
• نعلمهم ونتعلم معاهم
• ونوضح لهم إن الالتزام مش دايمًا سهل، والأهم اللي بينك وبين ربنا مش المهم اللي حد شايفه، ربنا المطلع عليك هو الأهم.

السؤال هنا لكل أم شايلة هم أولادها وبتتمنى دايما تشوفهم اقرب لربنا:

• يا ترى إيه السبب اللي ممكن يوصل بنت تعمل كده ٥ سنين؟

وإيه الحل من وجهة نظركم؟
إزاي نزرع حب الصلاة في قلوب أولادنا مش مجرد أداء شكلي؟

مستنين أسمع آراءكن وتجاربكن 🩷

18/02/2026

رمضان كريم من رَشدا 🌙✨

May this holy month bring peace to your heart, light to your path, and countless blessings to your home.

May your days be filled with faith, gratitude, and beautiful moments with the ones you love.

Wishing you a Ramadan full of mercy, forgiveness, and endless joy.

Ramadan Mubarak 🩷🌙

17/02/2026

خلّينا نطمن على دين بعض زي ما بنتطمن على كل حاجة تانية

مش معقول نسأل على بعض كل يوم: عامل/عاملة ايه؟ أكلت؟ خرجت؟ وننسى أهم أسئلة ..
صليت؟ قولت الأذكار؟ قلبك عامل ايه مع ربنا؟

الصحبة الحقيقية مش بس هزار وحكايات اليوم، الصحبة الحقيقية إننا نفكّر بعض بالطاعة، نشجع بعض نبعد عن الغلط، ونمسك في إيد بعض ناحية الأحسن، نقوّي بعض على ترك المعاصي، ونساعد بعض نقرب من ربنا خطوة خطوة، حتى لو كانت صغيرة، لكنها اكيد فارقة.

ونفس الفكرة جوّه بيوتنا ...
مش كفاية: أكلت؟ ذاكرت؟ رحت التمرين؟
لازم كمان: صليت؟ ذكرت ربنا؟ عملت حاجة تقرّبك منه؟ لأن الحقيقة ببساطة ان الدنيا وسيلة لكن الأساس هو ديننا.

ولو ده مش طبعنا لسه مفيش مشكلة، رمضان فرصة ذهبية نبدأ فيه، وموسم تغيير حقيقي نقدر
نعيش فيه المعنى ده، ونكمّل عليه بعده.

حتى احنا في رَشدا بنحاول نطبّق المعنى ده بشكل عملي، رغم إن الكورسات هدفها ربط أولادنا بهويتهم، مش بنعتبر إن دورنا خلص بمجرد تقديم المحتوى. بالعكس، ممكن نقف في نص الكورس وقفة مخصوصة، نقرّب منهم أكتر، نجدد النوايا معاهم، ونفكّرهم بالغاية من وجودنا وتعلّمنا.

علشان الهدف يفضل واضح، والكلام يتحوّل لواقع يعيشوه.

010 23542133

10/02/2026

انتي عارفة إن ابنك ممكن يكون عايز يقوم يصلي الفرض ويتكسف؟

آيوه … الجيل ده شكله قوي وواثق، لكن الحقيقة إن تأثير الصحبة أحيانًا بيكون أقوى بكتير من أي شخصية ..

كلمة من صاحب، نظرة، أو تعليق بسيط

ممكن يخلّي ولد يتردد يعمل الصح، حتى لو هو مقتنع بيه من جواه.

علشان كده دورنا كأمهات مش بس متابعة دراسة وأكل ونوم. دورنا الحقيقي إننا نقرب منهم، نسمعهم، ونعرف مين أصحابهم وإيه اللي بيأثر عليهم. لأن الصحبة يا إما تقوّي يا إما تضعف، خصوصًا في وقت هم لسه بيبنوا فيه شخصياتهم.

كورسات رشدا من بدايتها مكانش هدفها تعليم لغة انجليزية فقط، هدفنا نقدم محتوى يقوّي عقيدتهم، ويزرع جواهم اعتزاز بهويتهم، ويخليهم واقفين بثبات. لما واحد فيهم يبقى عارف إنه على حق مش هيهزه كلام حد، ولا ضغط صحبة.

أولادكم هم أولادنا. ولما نشوف حد فيهم عقيدته سليمة، وواثق من نفسه ودينه بنفرح من قلبنا. لأننا عارفين إن ده خير راجع عليه، وعلى اللي حواليه، وعلى مجتمع كامل.

وعلشان كده وإحنا بنحضّر أي كورس، بنسأل نفسنا:
لو دول أولادنا .. محتاجين يتعلموا إيه؟
وإيه التحديات اللي بتقابلهم دلوقتي؟

هدفنا نشوفهم أقوياء … في دينهم ودنياهم.

010 23542133

08/02/2026

كلمة واحدة ممكن تغيّر حكاية كاملة…

إحنا الكبار اوقات بنقرأ كلمة في كتاب او نسمع جملة في فيديو وربنا يجعلها سبب انها تغير فينا كتير وتفرق معانا ويمكن كمان تكون بداية تغيير حقيقي في حياتنا ..

وده بالظبط اللي بنحاول نوصل ليه في كل كورسات رشدا، اللغة الإنجليزية عندنا هي مجرد وسيلة بنقدّمها من خلال محتوى يزرع معنى، ويفتح أفق، ويساعد أولادنا يكبروا بقيم حقيقية.

إحنا مش ضامنين النتيجة طبعًا… لكن مؤمنين إن الاستمرار مهم.
يمكن كلمة تتقال انهارده تبقى نور في وقت هم محتاجينه. ولو ده حصل حتى مع حد واحد … فده بالنسبة لنا أكبر نجاح.

010 23542133

24/01/2026

We don’t measure success by numbers alone.

We measure it by growth, confidence, and the small moments that turn into big changes.

Your words push us to do better, to improve our courses, to care more, and to keep building learning experiences that truly matter.

Thank you for believing in Rashda Courses.

We’re just getting started 🩷

17/01/2026

ورشة رَشدا… أحلى ياميش لرمضان 🥳

رمضان مش بس صيام وأكل و vibes… رمضان مدرسة

ومع Upgrade Yourself قررنا نستغل الفرصة وإحنا بنستعد لرمضان، نجهّز أولادنا للحياة بشكل عملي وبسيط وقريب من قلبهم.

هنشتغل مع أولادنا على معاني مهمة زي الإرادة والتحكم في النفس والانضباط الحقيقي، لأن رمضان فرصة إن الأولاد يتعلموا الصبر ويطوّروا مهارة اتخاذ القرار والأهم إنهم يستشعروا مراقبة الله تعالى.

وكل ده من خلال أنشطة تفاعلية ممتعة مع Refresh خفيف على مهارات التحدث والاستماع والقراءة باللغة الإنجليزية.

هدفنا مش بس ورشة قبل رمضان، هدفنا مهارات تعيش معاهم
طول العمر 🌙🩷

010 23542133

Raشَda

29/04/2026

22/04/2026

18/04/2026

01/04/2026

05/03/2026

18/02/2026

17/02/2026

10/02/2026

08/02/2026

24/01/2026

17/01/2026

Address

Telephone

Website

Alerts

Contact The School

Shortcuts

Share

Category

Listing takedown request