10/07/2020
فتحنا المزاد
قلب للبيع
مين يشترى قلبى منى
وفوق البيعه عمرى معاه
حد اشترى؟
مين قال انا
طيب بلاش
ايه رأيكم
لو زيدنا فى البيعه الألم
وسنين عذاب وسنين عدم
وعيون حزينه مرغرغه
بألف دمعه والف اااه
مين اللى ناوى يشترى
عندى كمان لقا وفراق
وكتير فرح ويا اشتياق
وحلم ضاع من سكته
ووش راهن ضحكته
وعمر اتسرق منه
ساعااته وفرحته
طب مين قال انا؟؟
برضو برضو مفيش
طب اسمعو
ما عدش عندى يا بشر
غير عرض واحد حعرضه
وبعدها هقفل خلاص
باب المزاد
شايفين دموعى اللى بقت
زى السحاب
ديا ببلاش
ومشاعر القلب اللى داب
برضو ببلاش
طيب اقولكم كلى ببلاش
العمر اللى عدى بكل ما فيه
والباقى واللى جاى
مين فيكوا ناوى يشتريه
حد اشترى
دا كلو بلاش ف بلاش
مفيش حد ناوى يشترى؟
رجعت خلاص فى البيعه يا ناس
نويت
قلبيى يفضل معايا وخلاص
دورت كتير على مين يشتريه
ملقتش احن منى عليه
راح اسكن قلبى واعيش اداويه
وخلااااااص يا ناس
قـــفلــنا_المــــــــزاد
06/07/2020
06/07/2020
06/07/2020
30/06/2020