Farouk SAT

14/05/2025

قرار اضافه مواد اللغه العربيه والتاريخ والدين لطلاب الانترناشونال خطوه ممتازه لمنع طلاب الناشونال من الهروب من الثانويه العامه والبكالوريا الجديده ل الامريكان تحديدا... تقريبا كل طلاب الناشونال محولين هروبا من الثانويه العامه وشغلها وامتحاناتها مش عشان خاطر عيون الامريكان... كل واحد يلزم مكانه يا حضرات... انت ناشونال خليك ناشونال مش وحش ابدا... انت أمريكان من الأساس ربنا يعينك على المواد المطلوبه... عقبال ما يتمنع تماما قرار التحويل من ناشونال ل أمريكان وتنتهي القصه المهببه دي...

11/05/2025

ولي الأمر الكريم... أولادنا الهايلين... لو سمحتو ناخد المعلومه من المصدر مباشره.. بلاش ناخذ معلومه من السوشال ميديا.. حضرتك لو عايز تعرف أي حاجه عن DSAT اتواصل مباشره مع القنوات المتاحه ل College Board خاطبهم باللغه تفهمها وهيردو على حضرتك... سهله اهي... كمان حضرتك عايز تعرف ال DSAT مقبول في جامعات ايه في مصر بسهوله جدا ممكن حضرتك تتواصل مع الجامعه مباشره تسالهم صباح الخير حضراتكم بتقبلو ال DSAT ولا لأ... حضراتكم اعمل ايه عشان ادخل عندكم طب بشري او هندسه... هيردو على حضرتك بمتطلبات القبول... حضرتك عايز تسأل على التوثيقات اتواصل مباشره مع المسؤل عن ده... سهله اهي..
لا اسلام ولا غيره هيفيدك.. من فضلك لو سمحت خد المعلومه من المصدر... واسألو اهل الذكر ان كنتم لا تعلمون... سهله اهي للمره المليون.. من فضلك بلاش تاخد من سوشال ميديا معلومه محدش هيفيدك وكله بيفتي وكله بيقول.. من كام يوم سمعت ان مسؤل ال College Board نزل قعد مع حد في مصر والشخص اللي في مصر ده مالك لاحد المؤسسات التعليميه... 😂😂😂 حضرتك مكلوش كوارع ولحمه راس بالمره 😂😂😂... يعني المسؤل ده بدل ما يقعد مع الوزاره والمسؤولين في الوزاره راح قعد قاعده عرب وقاعده حبي وبلغ واحده المعلومه وطلعت علينا هي بالمعلومه.. 😂.. مش ممكن الاستهبال ده اقسم بالله العظيم. تاني.. من فضلك خد المعلومه من المصدر.. وشكرا..

22/04/2025

بالنسبه لكورس ال DSAT مينفعش ابدا بأي حال من الأحوال يقل عن ( ٤٠) سشن بمعدل ٥ شهور متواصل بدون اي توقف او انقطاع.. الموضوع ببساطه طويل شويه ولكن هي لازم تبقا كده...
١.مرحله تأسيس وده بيتم فيها توضيح يعني ايه Standardized Tests اصلا ومكونات الامتحان وال domains اللي بيغطيها الامتحان ونشوف ايه الواضح وايه اللي محتاج تركيز اعتمادا على ال skills الموجوده طول فتره جرايد ٤ ل جرايد ٩ ده لو انت أمريكان.. لو مش أمريكان ومحول تخيل يا مؤمن انك محتاج اني ازرع جواك كل المهارات دي من ٤ ل ٩ في كام شهر!
٢. مرحله ال files ودي مرحله ضرب النار العملي بعد ما اتعلمت النظري فوق.. هتتعامل مع كل domain ونوعيات الاسئله جوه كل domain اللي كل domain جواه لا يقل عن ٥ انواع اسئله بالنسبه ل reading تحديدا... ال domains ال ٣ وال ٤ مش قضيه
القصه لي ال domains ال ١ و ٢..
ال files دي عباره عن ٤٥٠٠ سؤال متتدرجه الصعوبه لحد ما توصل لمستوى صعب جدا جدا من الاسئله والنصوص والتنوع بيهم... تخلص اول file وبعدين التاني ويبدأ هنا تتدريبك على الحل بالوقت بس مش اوي... الفايل التالت لازم تكون عارف نقاط ضعفك ونقاط قوتك وتشوف الوقت وتوزعه وتبقا عارف ايه يتحل وايه ميتحلش وايه نضيع فيه وقت وايه عليه درجات أعلى ودرجات اقل وهكذا...
٣.مرحله الامتحانات من غير وقت ودي بتتعامل مع الامتحان مش كامل ولكن بتمر عليه وتعرف ترتيبه وتعرف دنيته ايه... وبعدين مرحله الامتحانات بالوقت وتحل بالطريقه اللي استقريت عليها ٢٠ مره وبعدين تتدخل الترايل بتعتك اللي هتكون رقم ٢١...
٤. مرحله التحسين ودي لابد منها عشان تعلي سكورك وهنا بتيجي ميزه ال DSAT انه بيقولك انت واقع ايه ولازم تشتغل على ايه و دي بتوريك نقاط ضعفك عشان تشتغل عليها ونقاط قوتك عشان تستغلها صح..
انا كده خلصت وعندي كلمه أخيره للزملاء الأعزاء... الله يخليكم بلاش تسوقو للقدرات الخارقه في اننا نقدر نخلص الكورس في ٢٠ سشن ومعكسر مش عارف ايه اللي هنجيب فيه الترايل في شوال واسبوعين مكثفين وتجيب سكور عالمي... حضرتك بتغش الناس وبتغش ولي الأمر..
عزيزي الطالب ارجوك لو فاكر الامريكان سهل وتجيب فيه سكور ف ارجوك اشتغل وشد حيلك وركز وحل كتير ونوع المصادر ونوع ال SKILLS بتعتك لكل سؤال.. انت داخل حرب ولازم يكون معاك اسلحه متنوعه..
واخيرا عزيزي ولي الأمر.. من فضلك تابع ابنك كويس جدا وتابع مع المدرس كويس جدا... اعرف ابنك وصل لحد فين... مش معنى انه دخل واشترك في كورس ف مهمه حضرتك انتهت.. الله يخليكم بلاش تنساقو خلق الدعايه الرخيصه وبلاش تنساقو خلف الدعايه المتكرره والرخيصه برضو... الامريكان مش ارخص... الامريكان مش أسهل... الامريكان مش للطالب الفاشل... الامريكان عايز DETECTIVE في نفسه اوي.. عايز طالب مثقف... عايز طالب مطلع وقارئ جيد... عايز طالب وولي امر ومدرس كلهم لازم يكونو اقوياء...
بالتوفيق لكل طلاب مصر في DSAT وان شاء الله يكون بدايه خير وبديل نهائي للمشكوك في أمره ال EST..

20/04/2025

بمناسبه رجوع ال SAT لمصر تاني
والناس اللي فرحانه ومبسوطه اوي برجوعه وكأنه هو الفاكهه اللي هيجيبو فيها سكورات عاليه من غير تعب..
ال SAT عايز وحوش.. عايز طلبه مجتهده جدا... عايزه طلبه مثقفه وبتحب تقرا وبتحب تعرف معلومات جديده.. عايز طالب مجتهد وبيشتغل بجد.. وكمان عايز ولي أمر يكون مرتاح ماديا جدا لان اكيد هو مش رخيص لا محاولات ولا كورسات ولا مدارس.. الموضوع بجد مرهق ماديا لولي الأمر وكان الله في عونهم... لكن حضرتك ولي أمر مدخل ابنك أمريكان ويدخل SAT عشان يهرب من ثانويه عامه ودروسها وارهاقها المادي والمعنوي ف اسمحولي حضراتكم بتحلمو.. التكلفه الماديه كبيره في الأمريكان والإرهاق النفسي اقل من الثانويه العامه طبعا ولكن فيه إرهاق نفسي كبير برضو...
ال SAT مش أسهل ومش احسن من البدايل التانيه EST AND ACT
ولكن SAT عنده ميزه مش موجوده في الباقيين انه بيقولك انت واقع في ايه بالظبط في الترايل اللي دخلتها ومحتاج تشتغل على ايه بالتحديد... انما هو مش أسهل هو Adaptive واه ثم اه ثم اه من ده نظام وسيستم.. مش معنى أن الريدنج اقصر يبقا اقصر.. صدقني اقصر اه بس ابن ناس اوي اوي اوي ومرعب اوي اوي اوي والاختيارات شبه بعض اوي اوي... مش أسهل ابدا.. لكن أضمن تجيب فيه سكور لو نفذت اللي بنقوله من اول يوم.. مش عايز تجويد ومش عايزك تقولي احط التاتش بتاعي.. اوعا ل تتحرق مكانك... اقولك يمين خطوه يبقا خطوه واحده مش خطوتين... اقولك شمال ٣ خطوات يبقا هما ال ٣ خطوات.. غمض عينك يا أيها الطالب المجتهد واسمع صوتي وامسك أيدي صدقني هوصلك لسكور عالمي.. بس لازم تشقى وتتعب وتطحن وتشوف الي عمرك ما شوفته... لازم تحل وتذاكر ال HW مش بس تعمله.. لازم تبحث وتدور وتشوف فيديوهات في مواضيع كتير وتركز في الفيدوهات دي كمان عشان تبقا عندك معلومات تنفعك في الترايل يا فندم... ال SAT عايز بهوات!
ال SAT مش هينفع معاه تسريبات زي ما كانو بيعملو قبل ٢٠٢٠ ويسربو الترايل الأشكال الضاله... ال SAT مش أسهل من ال EST ACT
عندك استعداد تتطحن وتموت شغل وتسهر وتذاكر وتشقا اهلا وسهلا بيك في كورس SAT
معندكش استعداد يبقا خليك بعيد عني أفضل ليك وليا يا فندم لاني مش هرحمك ولا هطبطب عليك... مفيش حاجه اسمها تعبان او عيان هتبقا بتشرب الزنجبيل بايدك اليمين عشان التهاب زورك وبتحل بايدك الشمال...
عندي استعداد اشتغل مع ١٠ ينفذو الكلام ده ولا اني اشتغل مع ١٠٠ يفرهضوني وعايزين حد يطبطب عليهم...

14/03/2025

بدايه كورس تأسيس خاص بال Digital SAT لمراحل ١٠ و ١١ في مصر ان شاء الله تعالى... الكورس مدته ٤ شهور ما بين ريدنج ورايتنج واسئله متتدرجه الصعوبه يصل عددها ل ٤ الاف سؤال وامتحانات يصل عددها ل ٣٠ امتحان متنوعه المصادر... بدايه الكورس هتكون بدايه من شهر ٦ لعام ٢٠٢٥... مجموعات بأعداد صغيره لا تتجاوز ال ١٥ طالب في الجروب الواحد... للتفاصيل واتس
010 19601995

تعديل... بدايه الكورس هتكون اول مايو ان شاء الله تعالى
الحجز والتفاصيل واتس

08/03/2025

عوده SAT لمصر في ترايل ٦ الجايه
أخبار مؤكده...

15/02/2025

No more EST
ONLY SAT and ACT

23/12/2024

ما شاء الله تبارك الله ده شكل الأداء لطلابنا في ال DSAT وطبعا الشباب ما شاء الله عليهم مش هيسكتو الا لما كل DOMAIN يكون كله متقفل... فخور بيهم جدا بدون ذكر اسماء طبعا.. ولكن اغلب الشباب دول اول TRIAL وطبعا مش هنسكت الا لما نقفل كل ال DOMAINS ونطلع بسكور 700+...
ده شكل التقييم لامتحانات عالميه يقولك انت واقع في ايه ومشكلتك فين عشان تشتغل عليها مش يقولك انت جايب سكور وخلاص وانت عيش...
طلابي الأعزاء والغاليين فخور بيكم جدا جدا

23/12/2024

ال EST إلى مزبله التاريخ..

أعلن محمد عبداللطيف وزير التربية والتعليم والتعليم الفنى، عن عودة اختبارات السات SAT لطلاب الدبلومة الأمريكية في مصر وتطبيقه بداية من شهر يونيو المقبل أو العام الدر....

03/10/2024

جروب جديد
تأسيس ل ACT AND EST
امتحانات ACT فقط في ADVANCED LEVEL
واتس اب 010 19601995

10/09/2024

ما شاء الله تبارك الله... أداء عالمي تبارك الرحمن... الأول على العالم في محاوله أغسطس ٢٠٢٤... الصمت في حرم الجمال جمااااااال.... ربنا يحميكي ويحفظك... محدش بيقفل كل السكشنز بالشكل ده ابدا ابدا ابدا ولكن اتقفل هنا مع الأداء العالمي... الأولى على العالم... ايوه العالم... كل من أدى اختبار DSAT محاوله أغسطس في جميع أنحاء العالم هي اتفوقت عليهم.... أول العالم... اول العالم... اول العالم

05/08/2024

جروب جديد basics
هنبدأ مع اكتمال العدد قريبا جدا ان شاء الله تعالى
للحجز والاستفسار تواصل واتس 1019601995
تحياتي لحضراتكم