تبات ونبات

حاسس إنك محتاج دعم نفسي؟ بس مش عارف المفروض تروح لدكتور نفسي ولا اخصائي نفسي؟

تعالى اشرحلك ايه الفرق بينهم

الدكتور النفسي هو دكتور بيشخص الاضطرابات النفسية وبيوصف الأدوية والعلاج المناسب، ده غير انه كمان بيقدم ليك العلاج النفسي الكلامي ولو محتاج فحوصات هو يقدر يوجهك ليها

انما الاخصائي النفسي بيستخدم العلاج الكلامي بشكل اكتر زي العلاج السلوكي المعرفي والعلاج النفسي الديناميكي ، بمعنى انه بيساعدك انك تعرف افكارك ومشاعرك وسلوكك وتفهم نفسك وتتعامل مع مشاكلك بشكل اوضح .. وكمان بيدعمك نفسيًا ويساعدك تتخطى أي مشكلة كبيرة بتواجهك.

طيب تختار مين امتى؟

تختار الدكتور النفسي لو عندك اضطراب نفسي يحتاج دواء أو فحوصات.
لكن تختار الاخصائي النفسي لو عايز دعم نفسي وتحسين حالتك المزاجية وكمان بيعمل قياسات واختبارات نفسية بتساعدك اكتر.

وانا اخصائية نفسية اقدر اساعدكم وادعمكم نفسيًا مع رحلتكم الحياتية بشكل أساسي.

ودلوقتي أنا بقيت موجودة في اكتر من مكان، لتفاصيل اكتر تقدروا تسيبوا كومنت او تبعتولي رسالة 🥰

كل سنة وانتم طيبين ويارب عيد سعيد عليكم جميعا 💖

شهر رمضان قرب يخلص خلاص، وده من افضل الشهور الروحانية اللي بتخلي السلام النفسي جوانا كبير ومالي علينا يومنا وحياتنا
وده لأن دايمًا شهر رمضان بنعتبره فرصة للتجديد الروحي والنفسي، لأن فيه دراسات كمان كتير اثبتت أن رمضان مش بس صيام

لكن كمان بيخلينا نتجنب اي حاجة سلبية كنا بنعملها ونركز اننا نبقى احسن في كل حاجة كنا مقصرين فيها

ومن التأثيرات الإيجابية للصيام على الصحة النفسية هي:
🔹ان الدماغ بيفرز اندروفين زيادة وده بيزود الشعور بالراحة والسعادة.
🔹بيخلينا قريبين اكتر لاهلنا واصحابنا عشان بنتجمع اكتر وبالتالي احساس الوحدة بيقل جدا.
🔹وبنكتسب عادات جديدة خلال الشهر مختلفة، ودايمًا نحاول نحافظ ع العادات دي بعد رمضان كمان.

ودلوقتي، قولولي في الكومنتات ايه اكتر عادة روحانية فرقت في يومكم او اكتسبتوها خلال شهر رمضان؟

مين فينا مزعلش من ربنا في لحظة ضعف؟

كلنا بنمر بلحظات نحس فيها إننا لوحدنا ومحدش سامعنا... بس الحقيقة؟
ان فكرتك عن ربنا بتعكس علاقتك بنفسك، ولازم تكون متأكد ان كل حاجة بتحصل لنا ليها حكمة، حتى لو مش شايفينها وقت الغضب والحزن.

طيب نتعامل مع مشاعرنا وغضبنا ده ازاي؟

لو إنت دلوقتي بتمر بوقت صعب، المهم انك تبص لمشاعرك كويس وتفهمها وتفهم الافكار اللي سببت المشاعر السلبية دي

ونبدأ نسمي التجربة الشعورية دي بإسمها الصح، ونمارس مهارات للاسترخاء

ولو مش عارف ازاي تتعامل مع مشاعر الغضب، او ازاي تسمع نفسك وتعدي اي حاجة وحشة جواك
تقدر تحجز معاد معايا عشان اساعدك ونعدي ده سوا

متحطش نفسك تحت ضغط، حاول دايما تكون رحيم ومتفهم لمشاعرك 🙏🏼

دلوقتي تقدروا تحجزوا ميعادكم بسهولة عن طريق Vezeeta.com

الحجز عن طريق اللينك ده:
https://app.vezeeta.com/RH7XiJUBLyMxmgsH6

هكون في انتظاركم 🥰

كل سنة وكل أم طيبة وبخير 🥰

انتم عارفين ان رمضان دايمًا فرصة جديدة لتحسين الصحة النفسية بشكل كويس؟

هقولكم ازاي .. الصيام من العادات اللي بتساعد على تحسين التركيز والشعور بالراحة والسكينة اكتر من أي وقت تاني في السنة

وكمان بيقدر يساعدكم على التحكم في الغضب والقلق وتبدلهم بشعور الصبر والهدوء

ده غير الشعور المستمر طول الوقت بالسلام النفسي ومحاولة مساعدة الغير

رمضان فرصة كبيرة لتبديل سلوكيات مش بنحبها بسلوكيات تساعدنا نبقى أحسن ونفسيتنا أفضل، ولو عايزين تبدأوا تبدلوا السلوكيات دي وتعرفوا اكتر الصيام بيعمل كده ازاي

تقدروا تتواصلوا معايا ونحدد ميعاد عشان نبدأ طريقنا لصحة نفسية احسن

كل سنة وانتم طيبين ورمضانكم كريم 🌙

المراهقة مرحلة صعبة مليانة تغيرات جسدية ونفسية وبيتم تشكيل الشخصية تقريبا في الوقت ده

وهنا المراهقين بيمروا بضغوط دراسية وتغيرات هرمونية بتخليهم يبحثوا عن هوية وشخصية محددة يقدروا يرتاحوا فيها

عشان كده الدعم النفسي ضروري لمساعدتهم في التعامل مع كل افكارهم دي

ومن اكبر فوائد الدعم النفسي:

✅ تحسين الصحة النفسية والثقة بالنفس.
✅ تحسين المهارات الاجتماعية والأداء الدراسي.
✅ تقليل مخاطر الإصابة بالأمراض النفسية.
✅ بيقدروا يتكلموا عن مشاعرهم في مساحة آمنة.
✅ تشجيعهم على التعبير عن أنفسهم وحل مشاكلهم.
✅ تقديم النصائح والدعم.
✅ مساعدتهم على تكوين علاقات اجتماعية إيجابية.

والبوست ده لكل أم وأب شايفين طفلهم بيمر بمرحلة المراهقة ومش عارف يتعامل صح معاه، تقدروا تتواصلوا معايا ونحدد ميعاد ليكم.

كلنا عايشين معاركنا الخاصة، ومعظم الوقت وسط معركة الوصول دي ساعات كتير بننسى نفسنا وصحتنا النفسية، فا بنقع ومنقدرش نكمل، وكتير مننا بيجيلهم حاله من فقدان الشغف، و ده بيخلينا نتعب اكتر.

عشان كده لازم نهتم بصحتنا النفسية ونحطها أولوية ونطلب المساعدة من اخصائي نفسي خصوصًا لو حسيت بأعراض زي دي:

🔹الحزن أو القلق أو الغضب بشكل مستمر.
🔹فقدان الأمل أو الشغف بالحياة.
🔹صعوبة التركيز أو النوم.
🔹الشعور بالتعب أو الإرهاق بشكل مستمر.
🔹الشعور بالوحدة أو الانعزال عن الآخرين.
🔹لو مش قادر تتعامل مع مشاعرك او لو مش قادر تكمل حياتك بشكل طبيعي.

وخليكم عارفين ان ضغوطات الحياة موجودة دايمًا وهنفضل بنواجهها كل يوم .. بس قصاد ده محتاجين نقلل الضغوطات دي بالمساعدة من اخصائي نفسي لأنه هيساعدك تواجهه ده وتغير طريقة تعاملك معاها

ما تتكسفش من طلب المساعدة، لأني هكون متفهمة اي مشكلة بتمر بيها وهقدر اساعدك تفهم نفسك و مشاعرك و تتغلب على أي مشاكل نفسية بتواجهها.

الافكار والمخاوف الغير منطقية اللي بتعاني منها وبتسيطر على عقلك بشكل كبير اسمها "وسواس قهري"

الوسواس القهري للاسف بتخليك مش عارف تركز، صعوبة في التفاعل مع الناس

ده غير ان ابسط انشطة حياتك مش بتقدر تعملها

الوسواس القهري هى اضطراب نفسي بيسبب وساوس فكرية وسلوكيات قهرية بتأثر على حياتك بشكل سلبي

لكن متابعتك مع اخصائي نفسي هتساعدك في:
🔹 انك تفهم المرض بشكل اكبر.
🔹 تتعلم ازاي تسيطر عليه.
🔹 ازاي تفكر بشكل صح وتتعامل مع تفكيرك.
🔹 ده غير اني هسمعك وافهمك واساعدك تعيش حياة افضل واسعد.

خليك عارف ان الوسواس القهري مش اخر الدنيا، بالعكس معايا هنقدر نواجهة سوا ونتغلب عليه كمان

انا دايمًا هنا لمساعدتكم 🥰

انتم عارفين ان الصحة النفسية مهمة لصحتكم وسعادتكم ونجاحكم؟

وعشان تحافظوا عليها لازم تعملوا حاجات مريحة ليك من غير أي ضغوطات زي الأكل الصحي والرياضة والتواصل مع الناس اللي بتحبهم وتعلم حاجات جديدة بشكل دوري.

وكمان المساعدة والعطاء من الأشياء اللي بتساعد النفسية تتحسن بشكل كبير، ده غير ان البعد عن الحاجات اللي بتضايقكم او بتضر صحتكم كمان مهم جدًا.

لكن لو حالتك النفسية مش في احسن حالة ليها مهما حاولت، اطلب المساعدة او ابعت ليا عشان نحدد ميعاد نبدأ فيه تحسين حالتك النفسية في أقرب فرصة.

فرحان جدًا في لحظة، واللحظة اللي بعدها مشاعرك بتتحول وانت مش فاهم السبب؟؟

لو ده بيحصل قليل اوي فده طبيعي، ممكن دماغك افتكرت ذكرى معينة في الموقف اللي انت فيه فا زعلت او حسيت احساس مزعج.

لكن، لو ده بيتكرر بشكل كبير وملحوظ وبتكون مش قادر تمارس حياتك بشكل طبيعي فا ممكن يكون اضطراب ثنائي القطب

المرض ده ملوش سبب معين، وظهوره بيبدأ من سن المراهقة .. بس اهم حاجة هي انك لو عندك اعراض من دي هتحتاج مساعدة من حد متخصص

وهنا دوري بيجي، لاني بساعدك في اننا بنعمل خطة علاج فيها مهارات لتنظيم النوبات دي وقت ما تحس بيها

متابعتك مع اخصائي مختص هيساعدك تفهم حالتك اكتر، وكمان هيعرفك ازاي تخلي اللي حواليك يتعاملوا معاك بشكل صح

لو حاسس انك ممكن تكون عندك اضطراب ثنائي القطب او حد قريب منك، متترددش في انك تحجز ميعاد عشان تطمن اكتر