أكاديمية طاقة نور

الغريب إن البوست اللي فيه جدل الناس بتقف عنده...🤔
أما البوست اللي فيه شجرة بتتزرع غالباً بيعدي في هدوء.
وده طبيعي.💚🌱
إحنا كبشر شدنا الكلام أكتر من الأفعال.
بس بما إن صفحة الطاقة مش معمولّة علشان تجمع تفاعل وخلاص، فخلينا نقولكم حاجة يمكن متعملش ريتش كبير...
النهارده أطفال الطاقة شاركوا في زرع شجر في الشارع قدام الحضانة.
مش مشروع ضخم.
ومش حدث تاريخي.
ومش هيشعل نقاشات على الفيس.
بس يمكن بعد سنين، طفل يعدي من هنا مع ابنه ويقول له:
"أنا اللي زرعت الشجرة دي وأنا صغير."
وساعتها هيكون البوست ده نجح أكتر من أي بوست جاب آلاف التعليقات.
إحنا مؤمنين إن التربية مش كلام بيتقال... التربية أثر بيتساب.
مرة في كلمة حلوة. ومرة في حضن. ومرة في شجرة.🪴
والشجرة دي بإذن الله هتفضل واقفة تحكي إن كام طفل صغير اتعلموا إنهم يسيبوا الدنيا أحسن شوية مما لقوها.
🌱❤️

#كلماهوإيجابي🤍
#أكاديميةطاقةنور🌟⚡️💛

🚨 *تحذير لكل أم!*
فيه حضانة بتدي الأولاد "منوّم طبيعي" 🫢
بتلعبهم، تفرهدهم، تضحّكهم، وتخلّيهم يرجعوا البيت نايمين من غير مقاومة 😴
والكارثة؟ 😂
إنهم بيصحوا تاني يوم... عايزين يروحوا تاني!

لو عايزة ابنك يفضل صاحي في البيت... متودهوش طاقة نور 😏
إحنا بنطلع كل طاقته، ونرجّعه نايم ومبسوط ♥️

🤩
🥹🥰

#كلماهوإيجابي🤍
#أكاديميةطاقةنور💛⚡️🌟

🚨 تنبيه هام وتحذير 🚨

اعتبارًا من بكرة وحتى نهاية الصيف...
اي طفل هيشترك معانا ناشف، هنرجعه مبلول

هنعيش رسمي بالمايوه والفوطة والعوامة الفلامنجو 🦩🏊

حالة من البلل الشديد والضحك والهزار في الميه هتجتاح أرجاء الطاقة...

ممنوع استبعاد وجود طفل راجع البيت مبلول...
أو رافض يطلع من حمام السباحة...
أو بيحكي عن يومه بحماس أكتر من اللازم 😄

لذا وجب التنويه...

جهزوا الشنط، وحضروا الفوط،
وسيبوا علينا مهمة الذكريات الحلوة ❤️

دمتم مصيفين ومهيصين 🌞🏖️

#كلماهوإيجابي🤍
#أكاديميةطاقةنور💛⚡️🌟

نصيحة لكل أم في عيد ميلاد سليم ❤️
لو بتدوري على حضانة وخايفة على ابنك، وعارفة إن الصور والفيديوهات على السوشيال ميديا ممكن تتجمل وتتظبط...
بصي لوشوش الأطفال.
دي الحاجة الوحيدة اللي صعب جدًا تتزور.
بصي في عينيه وهو بيلعب، وهو بيحضن الميس بتاعته، وهو بيضحك من قلبه.
حتى لو حد قاله: "إضحك للكاميرا"، الأم بعينها وقلبها هتعرف الفرق بين ضحكة مصتنعة وطفل حاسس بالأمان والمحبة فعلًا.
الأطفال مرآة صادقة جدًا...
ولما تلاقي طفل داخل الحضانة مبسوط، متعلق بمكانه، وبيجري على معلمته بفرحة، إعرفي إن فيه حاجة صح بتتعمل هناك.
وإحنا في عيد ميلاد سليم، أجمل حاجة في الصورة مش التورتة ولا الاحتفال...
أجمل حاجة هي الضحكة اللي طالعة من قلبه. 🎂❤️
كل سنة وأنت طيب يا سليم، وربنا يديم عليك الفرحة والبراءة دي دايمًا. 🌷

#كلماهوإيجابي🤍
#أكاديميةطاقةنور💛🌟⚡️

زمان الفلاحين كان عندهم كلمة جميلة...
"قناية الماية" 💦
المجرى الصغيرة اللي الماية بتمشي فيها علشان توصل للزرع.
كان الفلاح يشقها بفاسه، ويتعب فيها، ويشيل من طريقها أي طوبة أو حجر أو عائق يمنع الماية من السريان.
النهارده وإحنا بنتأمل قول الله تعالى:
﴿وَجَعَلْنَا مِنَ الْمَاءِ كُلَّ شَيْءٍ حَيٍّ﴾
اكتشفنا إن الموضوع أكبر من مجرد زرع ومية.
المية رزق... لكن لازم حد يجتهد علشان يوصل الرزق.
لازم فاس يحفر... وإيد تشتغل... وصبر يستحمل... ويقين بالله إن الخير جاي.
الحياة كلها شبه قناية الماية...
رزقك له طريق. وأولادك لهم طريق. وأهدافك لها طريق.
ومسؤوليتك إنك تشيل العوائق، وتجتهد، وتفتح المسار...
أما جريان الماء، وإحياء الأرض بعد موتها، فده فضل الله وحده.
درس صغير من الأرض... لكن معانيه كبيرة جدًا. 🌱💧

#كلماهوإيجابي 🤍
#أكاديميةطاقةنور 🌟💛⚡

مفيش أم بتبدأ رحلة خلع الحفاض وبتعدّي منها من غير شوية تعب، وشوية غسيل زيادة، وشوية توتر وهي بتسأل نفسها: "هو جاهز ولا لسه؟"
بس الحقيقة المهمة إن خلع الحفاض مش مجرد خطوة للنظافة أو الراحة... دي خطوة كبيرة في نمو الطفل واستقلاله وثقته بنفسه.
علشان كده، لو سن طفلك مناسب وظهرت عليه علامات الجاهزية، متأجليش الخطوة خوفًا من التعب أو من كام حادثة في البداية.
وإحنا دورنا نكون جنبك، نساعد، وندعم، ونكمّل معاكي نفس الخطة بين البيت والحضانة علشان الطفل يعدّي المرحلة دي بأقل ضغط وأكبر نجاح.
شكرًا لكل أم بتثق فينا وتشاركنا رحلة تربية أولادها خطوة بخطوة ❤️.

#كلماهوإيجابي🤍
#أكاديميةطاقةنور💛🌟⚡️

الحنيه انك تلبي الاحتياج بإحسان 🪽🍂🤍

في حجات الواحد مبيعرفش يعلمها للمدرسات …
زي الحنيه 🌿
إنها تشوف طفل بيلعب هدومه خرجت بره تدخلهاله … وقت الإنفصال الآمن ومشاغر الوحده اللي بيخرج بسببها ألف ألف سلوك مختلف و مبيتحكمش عليه... و الحضن اللي بيطمنه و يهديه...
الطريقه اللي بيهدي بيها علشان ينام...
قرصه صغننه جاي بيها... مكنتش موجوده إمبارح.

مقريف فتعرض عليه الف الف حاجه تهديه …
عايز ينام تاخده في حضنها و تطبطب … لحد ما يهدي
وهو بياكل … بيحب يقطم حته فاكهه مع الذبادي ! ولا بيخلص ده و يدخل في ده …

واقفه علشان تلحق حركاتهم السريعه مش قاعده بطه مستنيه تحصل حاجه علشان تقوم …

شكل صوابع أيديه ❤️ و قاعد بيها ملزقه و لا نضيفه
شكل ملامح وشه وهو نفسه فحاجه مش عارف يقولها.

غضبه اللي وراه ألف سبب … وهي مستحمله زنه و عياطه بكل حب لانها عارفه إنها من أصعب المراحل اللي هتعدي عليه …
إستغنائها عن تطويل ضوافرها...علشانهم ❤️
لما يقع و تجري عليه أكنه إبنها ! و تتخص و تجري بيه عالجرح الصغنن تطهره …

واقفته مسهم … ومعناها دي جوع ولا نوم و لا مش هارف يتواصل …

التوكه اللي ماسكه في الشعر … ترخيها
و أستك الشورت اللي متني يتعدل
و الشراب اللي بتتأكد إنه معلم في رجليه فتقلعه علشان رجليه تاخد راحتها …

صدره اللي اتبل من الشرب و اجزي بيه عالناني تغيرله …

ازاه الميه … دفيت شويه في الصيف نملاها تاني بميه بارده …

حجات مخدش بيعرف يعلمها لحد ! !
المواضيع الغريبه اللي بتتفتح و تقعد بكل لهفه تسمعها 😂😅
محل البطيخ قفل و جدو قميصه كان ضايع و عايز أطلع عالقمر … و صوابع أيدي ليه مش ٦ ؟

بتفلت … اه بتفلت طاقتها بتخلص اااه سعات ،،، بس الأكيد إنهم مش بيكشروا فوش الاولاد … ولا بيصبوا ده فيهم …

بيجيلنا كتييير معلمات شاطرين آه …
عندهم خبره كبيره آه …..
لكن الحجات اللي فوق دي لو مش بتكون موجوده
مبيبقاش ليها لازمه الشطاره

لكن الحنيّه ..
إنك تعرف تلبي إحتياجات الطفل بإحسان
إسمها حنيّه 🌿