Maher - Relationship coach

خليني اقولكو على ٣ اسباب رئيسيه في نجاح العلاقة لو واحده بس منهم مش موجودة العلاقه مهما طولت هتنتهي بعد شهر او بعد ١٠ سنين.
١- الرغبة الجنسية المتكافئة من الطرفين ودي لو فيها خلل من طرف واحد وملحقناش نصلحها كل حاجه بعدها هتدمر مع الوقت ولو سليمه كل حاجه هتتبلع وتعدي.
٢- اقتناع الطرفين التام بانهم مكتفيين ببعض وبيعرفو ينهو مشاكلهم على مرة واحده او على مراحل المهم انها بتنتهي مابينهم.
٣- اعتراف او ادراك كل طرف بمشاكله وانه عارف ان في جزء من المشكله موجوده فيه ولو ده مش موجود في قناعة كل طرف المشكله هتفضل موجودة.
واخر نقطه دي اهمهم لان في ناس كتير ممكن تكون اصلا مش عارفة انها عندها مشكلة وبتفضل فاكرة ان المشكله في الطرف التاني وبيتفاجؤو بده مع الوقت ويحاولو قد مايحاولو ومش عارفين مشكلتهم الاساسية اللي بسببها بتحصل معظم مشاكل العلاقات.

بعد اكتر من ١٠٠٠ جلسة سواء مع طرف واحد او مع الطرفين.
خليني اقولكو على ٣ اسباب رئيسيه في نجاح العلاقة لو واحده بس منهم مش موجودة العلاقه مهما طولت هتنتهي بعد شهر او بعد ١٠ سنين.
١- الرغبة الجنسية المتكافئة من الطرفين ودي لو فيها خلل من طرف واحد وملحقناش نصلحها كل حاجه بعدها هتدمر مع الوقت ولو سليمه كل حاجه هتتبلع وتعدي.
٢- اقتناع الطرفين التام بانهم مكتفيين ببعض وبيعرفو ينهو مشاكلهم على مرة واحده او على مراحل المهم انها بتنتهي مابينهم.
٣- اعتراف او ادراك كل طرف بمشاكله وانه عارف ان في جزء من المشكله موجوده فيه ولو ده مش موجود في قناعة كل طرف المشكله هتفضل موجودة.
واخر نقطه دي اهمهم لان في ناس كتير ممكن تكون اصلا مش عارفة انها عندها مشكلة وبتفضل فاكرة ان المشكله في الطرف التاني وبيتفاجؤو بده مع الوقت ويحاولو قد مايحاولو ومش عارفين مشكلتهم الاساسية اللي بسببها بتحصل معظم مشاكل العلاقات.

اصلها لو مفرقتش حاجه في حياتك سيبتها زي ماسيبتهاش فا انت كده تمام ومترجعلهاش.
انما لو فرقت معاك وبدأت تحس انك ولا حاجه من غيرها متحاولش تجود وتتجاوزها لان اي حاجه هتعملها او هتختارها بعدها هتلبسها حتى لو كانت اولها حلوة.
انما لو سيبتها وحياتك فرقت معاك للاحسن من غيرها ورجعتلها تاني هتعاني كتير جدا جدا عشان ترجع معاها زي الاول فريح دماغك ومترجعش وغالبا اختيارك التاني هيكون اسهل واحسن من انك ترجع.. الا لو هيه اتغيرت فمبروك عليك.

خد بالك معظم البنات سهل جدا انك تغيرها على دماغك ده طبعا لو هيه حبتك.
بس لو عودتها تكون دماغك متجيش تقول فين البنت اللي انا عرفتها.
وتيجي تلومها في الاخر انها مبقتش البنت اللي انت حبتها.
انت اختارتها على دماغها وطبيعتها وتعاملها فمتجيش انت عشان تثبت رجولتك فتلعب في عداد دماغها.
رجولتك انك تعرف تتعامل معاها زي ماهيه كده بس بدماغك في الاخر وصدقني هتاخد منها احلى مافيها.

نصيحة للشباب والبنات اللي لسه متخرجين من الثانوية العامة وحسين ان مستقبلهم راح انهم مش هيدخلو كلية من كليات القمة.
انا جيلكو من المستقبل وبقولكو متخافوش على مستقبلكم.
كل كليات القمة او حتى كليات حكومية عادية اللي زعلانين عليها اقصى مرتب فيه دلوقتي من ٦٠٠٠ ل ١٢٠٠٠ وكمان
اعلى مرتب فيها بتوصلها بعد ٥ سنين
هقولك الخلاصه عشان تعرف تعيش كويس من بدري.
لو معاك صنعة هتعدي ١٥٠٠٠ مستريح
ولو معاك انجليزي واي لغة تانيه اجنبيه هتعدي ال٢٠٠٠٠ مستريح.
لو عملت اي مشروع وياسلام لو فيها موهبة من عندك
هتعدي ال ٣٠٠٠٠ مستريح.
لو عندك قدرات برمجة او ذكاء صناعي هتعدي ال ١٠٠٠ دولار مستريح
الناس الوحيدة اللي حقها تزعل من نتايجها هما الناس اللي كان عندهم شغف بتخصص من كليات القمة وكانو عارفين انهم كانو يقدرو يعملو فيها حاجه. غير كده والله ولا ليها اي لازمة شهادتك اللهم في الجواز. معلش عاهة من عاهات مجتمعنا. عشان كده تلات تربع اللي داخلين الكليات بنتايجهم الضعيفة داخلين عشان الشهادة اللي هيه ختم النسر لجوازة محترمة وللاسف بيتخصصوا فيها وتلاقي القطاعات دي ضعيفة لان فيها ناس كتير دخلتها بمجموعها وهما مش عايزينها ولا ليهم فيها اصلا.
انما النجاح والفلوس والراحه بقت في مجالات مختلفة تماما عن الكليات دي.
اشتغل على اللي قلتلك عليه دلوقتي وادعيلي لان دي القطاعات اللي فيها فلوس دلوقتي.

#الثانويةالعامة

خدو بالكم في ناس لما بتدخل علاقة من كتر تعلقهم بيك ممكن يعملولك اي حاجه من شهامة وجدعنه ويبلعولك الظلط وينقذوك في مواقف كتير.
بس خد بالك لو جربت تبعد او تحاول تاخد خطوة ورى او تفكر انك تسيبهم ممكن يكونوا خطر عليك وعلى حياتك وهيحاولو يبوظو سمعتك بأي شكل.
وكل ده ليه؟؟ عشان شايفين ان مصلحتهم اللي كانت معاك هتروح من اديهم. وساعتها هتعرف ان علاقتك بيهم كانت مبنية على مصلحة.
ودول اخطر انواع العلاقات اللي ممكن حد يقابلها.. لانها بتبان متأخر

قواعد الرجل الاربعون في التعامل معاه في الحر.
١- اكليه كويس لما يرجع.
٢ - افتحيله تكييف الاوضه وسيبيه ياخد برودة السرير وينام وخشي نامي بعدها بساعة.
٤٠- لما يصحي احكيله عملتي ايه امبارح.
طب في باقي النقط يا ماهر؟؟
مانتي كنتي عمالة تتكلمي وهوة مسمعش حاجه بعد القاعدة التانية.🤔

٧ صفات تبينلك ان اللي قدامك سالك في العلاقة.
١- مش مقلق من فكرة الارتباط نفسها.
٢- انه قادر يحقق التوازن مابين رضى اهله ورضاكي من غير ماحد يزعل.
٣- انه قادر على تحقيق الحد الادنى من متطلبات والتزامات العلاقة دي.
٤- انه عارف يتعامل مع قناعاتك ومتوافق معاها وحتى لو مش موافق فهوة قادر انه يغيرهالك بأسلوب ميضايقكيش.
٥- حبه ليكي ظاهر جدا بالأفعال قبل الكلام.
٦- شايفاه انه بيحاول يغير او يحسن ظروفه عشان يقدر يسعدك.
٧- انه لو دخل العلاقه وحس انه مش متوافق معاكي او مش حاسك اصلا ينسحب ويقولك ويواجهك بدل مايكملها وتخلص بمشكلة.