02/08/2024
Ihi aqliyi kfiɣ la déco n uxxam.
Sxedmeɣ yiwen n le mémoire yeţwapubiyid, ur ẓriɣ ara win i tixedmen (d photocopie i sɛiɣ), isem-is tektavt-agi: L'artisanat Algérien.
Win it yuran ijemɛed ṛṛqem yeţwaxdamen deg Iwaḍiyen, di tuddar n Tawrirt Abdellah, Adrar Amellal aked At Abdelkrim (ur ẓriɣ ara ma mazal akka i yisem nsen).
1- Lɛesker: Xedment ṛṛqem agi i wakken ad tili tegmaţ deg uxxam, imi lɛeskeṛ ma vedden d ajrid yiwen yeseḥvivir ɣef wayeḍ.
2- Lkermus: Ur d yenna ara umyaru i wumi i xedment wagi, maɛna ad iniɣ xedmenteţ imi lkarmus yeţilli d ẓerv, akka ad yeseḥviver ɣef lḥerma aked lbaḍna n uxxam.
3-Aɣrum n tzizwa: deg uɣrum agi i teţilli tammet, u tammet ẓidet yerna d ddwa. Safi ma yella wagi, ad iṣeḥḥi lwacul yerna ur yiţilli cwal.
4-Tifeṛteṭṭa: Tifeṛteṭṭa gemrent ijeǧǧigen, seg mi ara d yenqaṛ yiṭij ad dawaren-t ɣef ijeǧǧigen. Akka i wakken argaz ad yeddawar kan i tmeṭṭut-is ur yeţnadi ara anda niḍen.
5- Aslen: Aslen yeţaked iferriwen zegzawen i lmal deg unevdu, yeţimɣur aṭas u yeţiǧhid, yerna ţɛelliqen-t deg-s iḥeckulen. Akka safi, ad iḥarev ɣef uxxam aked iɛeggalen, akken ad imɣuren ad iǧhiden.
6-Argaz s nnig n tmeṭṭut ẓlen di tesga (bon, twayam d acut fiḥel les dessins).
Tikelt niḍen ad xedmeɣ ṛṛqem niḍen.
