BAC 2026 With Zi

BAC 2026 With Zi كل ما تحتاجه لتحضير الباك 2026! 📖
دروس، ملخصات، نصائح، وأحدث الأخبار.
جاهز للنجاح؟ انضم لنا وابدأ التحضير! 💪
Stay Magnificos 🫡
(5)

24/10/2025

خاوتي الفروض قربو (اذا ماكنتوش بديتوهم اصلا)
كاين لي مايبغوش يقرولهم ويقولك الصح في الباك ومنا، اذا نتا منهم نقولك با عزيزي الطالب البشوش، راك تريسكي.
جاتك فرصة تتدرب فيها على الباك ونتا هارب منها ؟ الباك مكاااانش كيش تهرب منه.

مالا تدرب من درك، عيش الستراس، عيش الخوف باش توالف.

وطبعا، بريباري مليح مليح، وروح باش تخيط 20

التمرين لي تمنيت اني نتلاقا بيه عام الباك تاعي😔دالة عددية شاملة حرفيا لجميع الافكار💥حلها و بصحتك راك كملت الدوال العددية...
05/10/2025

التمرين لي تمنيت اني نتلاقا بيه عام الباك تاعي😔
دالة عددية شاملة حرفيا لجميع الافكار💥
حلها و بصحتك راك كملت الدوال العددية
و انتقل مباشرة الى الدالة الاسية
فيها حتى الاسئلة لي يخافوا منها جميع التلاميذ
( المناقشة مركب دوال ايجاد مجاهيل….)
تفاعلوا هنا مساءً ينزل الحل باذن الله
خليكم مانفيكوس✨

03/10/2025

عارفين باللي طولنا عليكم هاد المرة، بصح حابين نبشركم باللي راهي كاينة صوالح بزاف ملاح جايين إن شاء الله.

وصلونا بزاف أسئلة على:
• وين لازم تكونو واصلين في البرنامج.
• التقدم في الدراسة.
• أهداف شهر أكتوبر.

راح نجاوبو عليهم بالتفصيل في المنشورات الجاية ❤️

29/09/2025

كاين تلاميذ رغم انهم ينوضو بكري الصباح باش يستغلو نهارهم بشكل مليح ، و لما يفتحو الكراس باش يقراو مادة معينة 📖، يبداو يشكو ، يبكو ، يضيعو الوقت في التفكير … 📝 ! 🗣️ : مش رح نوصل ، مش رح نلحق ، سبقوني ، نسيت الدرس الفلاني ، نسيت الوحدة الفلانية …
أيا يعجزو و مايكملوش قرايتهم … 💔

- نفس الشيء في المساء تجيهم افكار سلبية ( مثلا : راه خلاص النهار غدوا ان شاء الله نوض بكري و نقرا )

بصراحة راك تكذب على روحك و راك تضيع في أيامك و كي يلحق الباك تلقى روحك قريت بشكل سطحي .
لما كانت الناس تقرا في هذا الوقت أنت راك تضيع في جهدك و طاقتك 🫸🏻.

😱 جبت 18/20 في الفلسفة بلا ما نحفظ حتى جملة !السر؟ الفلسفة ماشي لعبة الحفظ… الفلسفة لعبة فهم + تنظيم + أسلوب.📌 ركزت غير ...
12/09/2025

😱 جبت 18/20 في الفلسفة بلا ما نحفظ حتى جملة !

السر؟ الفلسفة ماشي لعبة الحفظ… الفلسفة لعبة فهم + تنظيم + أسلوب.

📌 ركزت غير على 3 قواعد:
1. نفهم الفكرة ونعرف نناقشها.
2. المقالة تبان منظمة (مقدمة/عرض/خاتمة).
3. نربط الأفكار بأمثلة واقعية.

🚀 النتيجة؟ العلامة تقدر تحلم بيها وأنت مرتاح

📸 في الصور تحت شرحتلكم طريقتي خطوة بخطوة:
• كيفاش تفهم بلا ما تحفظ.
• كيفاش تنظّم المقالة وتبان واضحة.
• كيفاش تقنع المصحح بأفكارك.

🚀 جرّبها وعاود رجع قولي نتيجتك.
(وإذا حبيتو plan كامل لمقالة جاهز لأي موضوع، خليو “مقالة” في الكومنتار 👇)

11/09/2025

بيناتنا، واحد معيد، خسر الباك، كيفاش يعاود يرجع 🤔❤️
ديرو متابعة للصفحة تابعوا الاجابة 👇🏻👇🏻

الإعادة تجيك ثقيلة بصح صدقني، كاين ناس نجحوا نجاح كبير في العام الثاني لأنهم تعلموا من أخطاء العام الأول.
بدل ما تشوف روحك “راسب”، شوف روحك “مجرّب”. عندك خبرة ما مكانش عند اغلب الناس.
متلومش روحك بزاف، راهي حاجة صرات وراحت، دير فوكس على قدام فقط

خالط صحاب يشجعوك ويقراو، متقعدش غير مع لي يهبطو المعنويات

الإعادة ماشي نهاية، بالعكس هي فرصة ثانية باش تبني روحك من جديد بطريقة صحيحة. وبما أنك مازلت ما بديتش مكتسبات ولا متحمّس، فهذا وقت مناسب باش تبدّل العقلية قبل ما يفوت بزاف وقت.

31/08/2025

السلام عليكم ورحمة الله وبركاته أهل المانيفيكوس 🤍
نتمنى كل واحد منكم يكون بخير وبصحة وسلامة.

اليوم جينا نهدرو في موضوع مهم بزاف ويشغل بال العديد من الطلبة وقد يضيع لهم تجربتهم عام الباك،
واللي هو: كيفاش نقدر نوفق بين الدروس الخصوصية والدراسة في المنزل والثانوية؟

الكثير والكثير من تلاميذ البكالوريا يعوضو وقت الثانوية بالدروس الخصوصية بحجة أنهم ما راهومش يستفادوا من أستاذة القسم!
وهذه أكبر غلطة يقدرو يديروها.

والدليل على ذلك أنه مثلا الرياضيات في القسم تقرا 5 ساعات أسبوعيا،
بينما الدروس الخصوصية ساعتين في كل أسبوع.
ضرك تجي تقارن الثانوية بالدروس الخصوصية؟ أبدا لا.

ضروك تسقسيني: بصح كيفاش ندير باش نقسم وقتي؟
ساهلة، ديها من عندي:
أنا *محمد*تقريبا في الفصلين الأولين ما غيبتش من الثانوية حتى شهر رمضان.
ومع ذلك كنت داير الدروس الخصوصية في 3 مواد أساسية:
رياضيات، فيزياء، علوم.

كيفاش كنت داير؟ ساهلة:
• العلوم كنت نقرا يوم الأربعاء مساء، بحكم يوم الأربعاء كان عندي فراغ في استعمال الزمن.
يعني يوم من أيام الأسبوع الدراسية اللي يكون رايح، تقدر تدير فيه دروس خصوصية مساء باش ما تتعبش.

يبقالنا الويكاند؟
من غير المعقول تدير الويكاند كامل للدروس الخصوصية،
بحكم أنه الفرصة الوحيدة في الأسبوع أنك تحفظ فيها مثلا.

تقدر تدير يوم مثلا الجمعة تقعد فيه في الدار،
ويوم السبت تقرا فيه المادتين المتبقيتين: وحدة صباحا ووحدة مساء.

ويبقالك أيام الأسبوع 4 تقرا مور ما تجي من الثانوية.

هكا في حسابك عندك:
• 4 عشيات فارغة تقرا فيهم في المنزل.
• يوم كامل تريح فيه في المنزل تقرا مع روحك.
• و3 مواد دروس خصوصية في الأسبوع.



بالنسبة للزوم (zoom) و اللي أغلبكم تعرفو وشنو هو. بالنسبة اللي جامو سمعوا بيه هو عبارة عن تطبيق للهواتف أو الحواسيب يستعمل للدراسة عن بعد، و في الأعوام الأخيرة دخل للجزائر خاصة بعد كورونا

أنا نشوفو فرصة ممتازة بالنسبة للتلاميذ اللي حابين يقراو عند عمالقة التعليم في الجزائر و الأساتذة اللي عندهم قنوات مليونية فاليوتيوب ، و اللي راح يفيدكم (حسب رأيي طبعا) أكثر من دروس الدعم الحضورية و بثمن أرخص بكثير

وش تستفاد منهم؟
🏅فيديوهات مسجلة لا تنشر غالبا في اليوتيوب
🏅ملفات PDF و سلاسل تمارين متلقاوهاش إلا في الدورات هاذي
🏅دروس مباشرة في الزوم اللي تعتبر فرصة باش تستقو الأساتذة أي سؤال طبعا عن طريق رفع اليد

بالنسبة للتجربة تاعي(زاكي) أنا سجلت في دورات الزوم في الفصل الأخير مع الأخير، سجلت في منصة عبد اللطيف اللي كان فيها فيزياء + علوم + رياضيات ، سجلت ايضا عند الأستاذ عبد الباسط للرياضيات و أخيرا عند الأستاذ أيوب للعلوم ، هناك طبعا اساتذة آخرين في أغلب المواد، ساعدوني هاذو الأساتذة في الحصول على
🏅20 في مادة العلوم (خاصة الاستاذ أيوب)
🏅19.5 في الفيزياء
🏅19 في الرياضيات (راحت 20 بسبب نسياني لسؤال)

أخيرا، هذا نظام اختياري وانتَ اختار البرنامج اللي يخرج عليك ويريّحك.

راح نكونوا هنا دايما باش نساعدكم.
خليكم مانيفيكوس 🤍

🚨🔥 مانيفيكوس استعدّوا لأقوى لايف 🔥🚨غدوة السبت على 19:00 عندنا موعد استثنائي مع واحدة من أيقونات التفوق 👩🏻‍🎓✨الطالبة لميس...
29/08/2025

🚨🔥 مانيفيكوس استعدّوا لأقوى لايف 🔥🚨

غدوة السبت على 19:00 عندنا موعد استثنائي مع واحدة من أيقونات التفوق 👩🏻‍🎓✨
الطالبة لميس زفزوف 🎓
🔹 صاحبة معدل 18.65 في باك 2024
🔹 وسبق لها تحصّلت على 20/20 في المعدل مرتين 💯

لايف حصري 🟣
📍 على قناتنا في تليغرام (الرابط في البايو)
🎥 واللي ما يقدرش يحضر، راح يكون تسجيل صوتي للبث ولكن حصري فقط للمشتركين في القناة.

⏰ حضّروا أسئلتكم، وكونوا فالوقت لأنو هذا لايف ما يتعاوّضش 👌🔥

29/08/2025

ني موجدلكم مفاجأة خوتي باك 2026 😍
حابين تعرفو وش هي ؟.

السلام عليكم أصدقائي المانيفيكوس 🌸نتمنى تكونوا بخير وأنتم تقراو هذا المنشور .اليوم حبيت نجاوبكم على سؤال مهم كنت نسألو ب...
27/08/2025

السلام عليكم أصدقائي المانيفيكوس 🌸
نتمنى تكونوا بخير وأنتم تقراو هذا المنشور .

اليوم حبيت نجاوبكم على سؤال مهم كنت نسألو بزاف العام الماضي في مثل هذا الوقت، وهو:
هل ندير الدروس الخصوصية أولا لا؟🤔
خليني نكون واضحة معاكم: الدروس الخصوصية فعلاً عندها إيجابيات بزاف، منها أنها تعطيك ملخص جيد حول الدرس، وتشرحلك النقاط اللي ربما لم تفهمها فالقسم، وتخليك تحافظ على وتيرة المراجعة وتكون à jour
و تطلع على بزاااف افكار تمارين مختلفة، وتستفيد من. اسئلة زملائك من مختلف الثانويات .
لكن شخصياً ننصحكم تديروها فقط في المواد الأساسية واللي راكم ناقصين فيها صح (رياضيات، فيزياء، علوم… حسب الشعبة)، أما باقي المواد الثانوية⇒ أساتذة القسم واليوتيوب كافيين باش تحققوا الامتياز.
لانو اذا كثرتو منها ستكون لها الكثير من السلبيات وهي : تضييع الوقت في التنقل + تقدر تخليك تتكل عليها بزاف، وتنسى المراجعة الفردية في البيت، وممكن حتى تتعب بزاف وتتشتت.
📌بالاضافة الى ذلك هذي نقاط مهمة لازم تسمعها :
🔹الدروس الخصوصية هي مجرد دروس دعم فقط يعني لازم تنتبه جيدا فالقسم وتركز مع استاذ القسم حتى تكون عندك نظرة مسبقة عالأقل على الدرس، وفالدروس الخصوصية رايح تزيد ترسخو أكثر ،
وفي هذي النقطة ننصحكم انكم ماتهملوش استاذ القسم بحجة انو راني داير ليكور خاصة اذا كنت تستفيد منه (أنا شخصيا استفدت من استاذة الرياضيات في القسم الى غاية الاسبوع الاخير وفي نفس الوقت كنت دايرة ليكور ودعمت افكاري)

🔹حاجة اخرى انو اذا كنت تدير ليكور باش تروح تقصر وتتلاقى مع صحابك ولا تشوف الاستاذ كيفاه يحل التمارين بدون محاولة شخصية حتى فهنا ننصحك تحبس! لأنك تضيع وقتك ومالك فقط يعني لازم تكون جدّي في دراستك سواء في القسم أو ليكور .
🔹الاستاذ فالقسم ملزم بإكمال البرنامج في وقت محدد ولهذا مايقدرش يحل قدر كبير من التمارين ويمر على كافة الافكار، وهنا يكمن دور الدروس الخصوصية لي تسمحلك تحل بزااف تمارين ولكن! لازم عالأقل تحاول فالسلسلة لي يعطيهالك الاستاذ وتسجل الافكار لي جاتك صعبة حتى تسأل عنها فالحصة، وإياك ماتحاولش فيها وتروح حتى تشوف الاستاذ كيفاه يحل فقط.
🔹في حالة اذا سجلت عند استاذ معين ولقيت ان لا تستفيد من حصته اي معلومة اضافية، فهنا اياك ان تضيع وقتك وغيّر الاستاذ أو توقف لأنو الوقت يمضي والناس متقدمة فالبرنامج وانت راك ضايع. (صراتلي شخصيا حيث درت شهر سبتمبر عند استاذ مشهور ومشكور😅ولكن لقيت اني نخرج من حصته خالية الوفاض بالاضافة انو تمارينه سهلة جدااا بالنسبة لشعبتي وهنا تداركت الامر وغيرتو وكان قرار جامي ندمت عليه).

🔹نقطة اضافية فقط
من الاحسن ديرو ولو مرة حصة في المواد الثانوية(خصوصا اللغات) عند استاذ آخر غير الذي يدرسك في القسم (لتفادي الخطأ اللي وقعت فيه انا (نهال) تكلت على استاذة القسم وكانت منهجيتها خاطئة الحمد للّٰه داركت الوضع) نقولو مثلا مرة نهاية كل فصل ولا حسب القدرة لانو تقدرو تدرسو هاد المواد وحدكم لكن للتأكد من المنهجية فقط.
🔹لازم تعرفوا بلي الدروس الخصوصية ماشي ضرورية للجميع، وإنما هي حاجة نسبية.
بمعنى آخر: الإجابة على هذا السؤال شخصية بدرجة أولى، وتعتمد على قدراتك وتنظيمك لوقتك.
على سبيل المثال كاين بزاف تلاميذ حققوا الامتياز ووصلوا للمراتب الأولى دون الاعتماد على الدروس الخصوصية، وإنما عرفوا كيفاش ينظموا وقتهم ويستغلوا المصادر المتاحة.

🔹في عام الباك راح تلاحظوا بلي بزاف تلاميذ يديروا ليكور حتى لو عندهم أساتذة ملاح في القسم، فقط من باب التبعية: فلان جاب مليح ودار عند الأستاذ الفلاني ⇒ لازم ندير أنا أيضاً.
وهنا لازم تكون قراراتك نابعة عن قناعة شخصية، وليس مجرد اتباع للقطيع.

جرب تجاوب على هاد الأسئلة قبل ما تقرر :

-هل نقدر نعتمد فقط على أساتذة القسم + اليوتيوب؟
-هل نحتاج مصدر آخر للفهم ؟
-هل نقدر نطّلع على بزاف من افكار التمارين وحدي ولا نحتاج استاذ يقدملي تمارين مختارة بافكار متنوعة؟
-هل الذهاب للدروس رح يضيعلي وقت كبير في الطريق؟
:
ختامًا:

الدروس الخصوصية ماشي سحر ولا شرط للنجاح لأن النجاح يجي من الاجتهاد والجدية والمحاولة الفردية والانضباط . اللي يحتاجها يستعملها كدعم، واللي يقدر يستغنى عنها يربح وقته وماله.

وكنصيحة ختامية:
اذا مازلت محتار تقدر تجرب شهر وتشوف اذا تقدر توفّق بين القسم والدروس الخصوصية وفي نفس الوقت شوف هل راهي تقدملك إضافة فعلاً، أو راك تخرج منها، دون اي معلومة اضافية.

المنشور القادم رح يكون حول كيفية التوفيق بيت الدراسة فالقسم والدروس الخصوصية والدار.
دمتم متألقين اصدقائي✨
🔥Stay manificos 🔥

Adresse

Mascara
29000

Site Web

Notifications

Soyez le premier à savoir et laissez-nous vous envoyer un courriel lorsque BAC 2026 With Zi publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Raccourcis

Partager

Type