مدرسة الآفاق لتعليم اللغات مؤسسة متعددة الاستقبال الآفاق المتميز

Page d'Accueil
Algérie
Kolea
مدرسة الآفاق لتعليم اللغات مؤسسة متعددة الاستقبال الآفاق المتميز

مدرسة لتعليم اللغات و اقسام التمهيدي والتحضيري ودروس الدعم
(1)

19/08/2026

دورات المراجعة لأبطال البيام
دورة العلوم مع أستاذنا المتميز الاستاذ زادت سيد احمد يوم 29أوت على الساعة 9:00
دورة الاجتماعيات مع أستاذنا المتميز الإجتماعيات فوزي إبلعيدن يوم 10سبتمبر على الساعة 13:0
الدورتان باطل ربي يبارك في أساتذنا الأفاضل ويوسع في رزقهم ويفرحهم بولادهم ويجازيهم عن أبنائي كل خير

18/08/2026

السلام عليكم اليوم جبتلكم موضوع حساس جدا لهو التنمر التنمر ببساطة هو أن يقوم شخص أو مجموعة بمضايقة شخص آخر أو إيذائه بشكل متعمد ومستمر لأنهم يرون أنه أضعف منهم أو مختلف عنهم. هذا الإيذاء قد يكون بالكلمات الجارحة مثل السخرية والشتم أو بالأفعال مثل الضرب والدفع أو حتى بنشر الشائعات وتجاهل الشخص وعزله عن الآخرين.كاين أطفال( بنات او ذكور)يتهجموا على صحابهم ويديرولهم إسم وينحولهم اسمهم مثلا كاين لي يقولولو مثلا الطويل او القصير او كحلوش .وكاين لي يعايروا صحابهم حتى بالمرض او بتشوه الخلقي .مثلا يعايروا بالحب في وجهم وخاصة البنات ولي يدير نظارة يقولولوا عور ولي فقير يعايروه باللبسة .نتذكر طفل ولا مينحيش على راسو باش ميعايروهش براسو ويقولولوا مثلث وكاينة طفلة طفل يقرا معاها قاللها عورة لانها تضع نظارة وصلت للمحال وقريب انتحرت وكاين لي يقراو يعيطولهم الخباشين ولاو ميقراوش او لحقت في بعض المرات يخرجوا إشاعة على بنت بأنها على علاقة مع طفل وهذا الأمر يقدر يدير كارثة.وكاين مرات يتعداو على صحابهم بالضرب كل يوم وكاين لي يكونوا عاقلين يعايرهم يوصلوا حتى يتكيفوا باش يوروا روحهم بلي قباح.الطفل يولي ضايع خايف ولا يدير المشاكل ميحبش يقرا يعيش حياة المترقب يخاف من غدوة كي يروح يقرا.حتى المتنمر هو طفل وصغير يوري روحو بلي قوي ولا هوكانوا يتنمروا عليه.المهم أسمعوا لولادكم خلوهم يحكيولكم انا راني معلمتهم وكي نشوف وجهم ميعجبنيش نقوللهم واش بيكم احكيولي انا سندكم .نتوما ثاني قولولهم لي يعايركم ولا يضربكم ارواحوا قولونا متخلوش ولادكم يتخبطوا مجوش ضدهم ايمعوا منهم ديروا موقف لأنهم يقدروا يديرولكم ردات فعل تكون كارثية....متخلوش ولادكم يتحطموا لانهم أمانة في رقيتكم....يتبع
المعلمة خديجة 🌹

17/08/2026

تم تغيير تاريخ دورة الإجتماعيات لتلاميذ الرابعة متوسط مع الإجتماعيات فوزي إبلعيدن الى الخميس
10سبتمبر على الساعة 13:00مرحبا بالجميع من فضلكم علقوا وشاركوا المنشور

16/08/2026

السلام عليكم .
اليوم سأتحدث عن موضوع حساس جدا هوالكذب
الكذب ليس من فطرة الطفل.لأن الطفل يولد صفحة بيضاء. ثم يبدا يكبر يستخدم العديد من السلوكيات لكي يحقق مايريد من بينها الكذب
الكذب بالنسبة للطفل هو سلوك جيد يسهل بيه أموره .عكسنا نحن الكبار لي نشوفوا أن الكذب مخادعة وخبث .
الأطفال أقل من خمس سنوات اذا قالوا غير الحقيقة منقولوش عليهم كذابين لأنهم يخلطون الخيال بالحقيقة أنا عن تجربة واحد من أبنائي يحكيلي بلي هو سبيدرمان ويطلع كيما سبيدرمان .وحدة من البنات تقولي بلي خدمت كامل الخدمة نتاع المنزل .وأحيانا يستخدمون الكذب للدفاع عن أنفسهم او خوفا من العقاب يقول في راسوا اذا قلت بلي أنا كسرت الكاس يضربوني وبذكائه المحدود يكذب لتجنب العقاب.أما بالنسبة للاطفال أكثر من 5سنوات الكذب عندهم لديه اسباب منها الخوف من العقاب وهناك من يكذب لانه يشعر بالنقص مثلا يقول بان عندهم الدراهم او باباه مرفه
وهناك من يكذب لأن والديه أوأحد من عائلته يكذب .وهناك من يكذب للفت الإنتباه..
نحن كأولياء معظمنا نعالجوا الكذب بالضرب وهذا أمر خاطئ صح يتوقف الطفل عن الكذب لفترة برك ثم يعود ولا يحوس على طريقة تكون محكمة للكذب لكي لا يكتشف. اولا لازم نفهموا الطفل بأن الصدق منجاة مهما كان الخطأ لي داروا بمجرد يقول الحقيقة نسمحولوا او نعاقبوه بعقاب يكون أقل من عقوبة الكذب .ونحاولوا منسقسوش ولادنا كشغل نطيحوهم فالفخ كي تعرف بلي مصلاش متقولوش صليت ولا مصليتش ؟متوصفوش بالكذاب اوصف السلوك بانه خاطئ .وخلي الجزاء من جنس الفعل اذا كذب على الدراهم احرموا منهم مؤقتا اذا كذب بلي راجع دروسه أقعد قداموا وخليه يقرا وامنعه من اللعب.واذا شفت أن وليدك ولا بنتك واصلوا فالكذب رغم كل المحاولات تقدر تعرضهم على اخصائية نفسية .وراح تساعدكم كثيرا لفهم الأسباب ......للنقاش
المعلمة خديجة 🌹

14/08/2026

السلام عليكم.
اليوم حبيت نهدر على موضوع مهم جدا لي هو الصلاة .يا خاوتي وخواتاتي .ولادنا أمانة في رقبتنا كيما نوقفوا معاهم على القراية والماكلة واللعب والتحواس لازم ثاني نوقفوا معاهم على الصلاة .بالنسبة للصغار لي يقراو فالإبتدائي هذوك لازم أحنا نكونوا قدوة ليهم نحرصوا على ادائهم للصلاة معانا وهذا أمر واجب .أما نتاع السيام والليسي هذوك نستعملوا معاهم الحوار لاننا منقدروش نضغطوا عليهم على الصلاة او منقولوش حلال والحرام . دائما قولوا لولادكم بلي اي نجاح تحب توصلوا ليه ولا هدف حابين تحقوه لازم تكونوا تصلوا كيفاه تقدروا تدعيو الله ونتوما علاقتكم بيه مقطوعة .فهموهم ان الصلاة راحة للقلب وملاذ للروح وأن الصلاة هي صلتك بربك. مدوا أمثلة انتوما عشتوها او كي صليتوا ودعيتوا فرجها ربي عليكم .احكيولهم على تجارب الناس لي قدامكم مع الصلاة واستشهدوا بما جاء في القرآن والحديث.او فهموهم بلي حياتكم بلا صلاة تختلف عن الحياة بالصلاة فيها سكينة وهدوء .
في بعض الأحيان نستعملوا أسلوب الردع ولكن منكثروش منو لان ولادنا كل ما نقباحوا معاهم يورونا قباحتهم.الحاجة الاولى كي نكون نتناقش مع ولادي نسقسيهم على الصلاة كاين لي يقولي ندخل عيان او نصيبهم بزاف منقدرش هذاك نقولوا هل كي تدخل عيان متاكلش؟؟ وكاين لي يسكتوا نقوللهم امبعد كيفاه تقدروا تدعيو ربي وجهكم صحيح.وكاين لي يقولولي نصلوا ونبطلوا نقوللهم راكم تخافوا لوكان مجيتوش تخافوا متصليوش نقوللهم جددوا النية او اقطعوا وعد على أنفسكم بلي متزيدوش تحبسوها او ربي يوفقكم
معليش كل ما يأذن نوضوا ولادكم يصلوا واحرصوا عليهم حتى يصلوا لان الصلاة تنهى عن الفحشاء والمنكر .وهذا واجبنا إتجاه ولادنا او متنساوش تدعيولهم بالهداية والتوفيق وسداد الرأي.
المعلمة خديحة 🌹

14/08/2026

كل واحد يشوف لراهوا داير متابعة لصفحة مدرسة الآفاق لتعليم اللغات مؤسسة متعددة الاستقبال الآفاق المتميز هياوين راكم ؟؟او كل واحد يرسل لمتابعيه .مبقاش او تصبح 21الف هيا قبل ما نزعفو😎😎😎

13/08/2026

هذا العام بإذن الله وبالإضافة إلى أساتذتنا الأفاضل الذين عملنا معهم لسنوات والذين يعدون من ركائز المدرسة ولا نستطيع الاستغناء عنهم سواء أساتذة الأفواج الحضورية أو أساتذة الدورات سينضم إلينا أساتذة جدد لمختلف الأطوار والمواد ونحن نتشرف بانضمامهم إلينا.
كما نتشرف بانضمام أساتذة آخرين إلى فريق أساتذة الدورات وهناك العديد من المفاجآت التي سنكشف عنها لاحقا إن شاء الله.
نحن لسنا الأفضل ولكن أساتذتنا وطاقمنا الاداري هم الأفضل في الجزائر .أعتذر أظن أني بالغت .هم الأفضل في العالم😎

12/08/2026

السلام عليكم .
مدرسة الآفاق لتعليم اللغات مؤسسة متعددة الاستقبال الآفاق المتميز اولا فيها نخبة من خيرة الأساتذة الله يبارك سواء لي يقريو الأفواج الحضورية او الدورات .أساتذة أكفاء ونزهاء و قمة في العطاء واتقان العمل .همهم الوحيد والاول هو التلميذ .ونتائجهم مع تلاميذهم لي يقراو عندهم في القسم ومع التلاميذ لي يقراو في مؤسسات أخرى نفسها نتائج ممتازة ورائعة وهناك أساتذة ميقريوش فالمدرسة ولكن نتائجهم ممتازة ورائعة جدا. ثانيا المدرسة وطاقمها الإداري والتربوي يعملوا على ضبط النظام في الأقسام ماشي لي حب يقرا يقرا ولي ميحبش معليش المهم احنا ندوا الدراهم هذا الأمر غير وارد عندنا لي حب يقرا هذا مفروغ منو ولي ميحبش يقرا يقرا بالسيف 🩴🩴🩴ولا نتواصلوا مع والديه.باش نحوسوا على الحل .كاين حاجات ممنوعة فالمدرسة نوضحوها لولادنا في بداية الدراسة . نطلب من الاولياء اذا شافوا حاجة على ولادهم ولا ولادهم محبوش يقراو يتواصلوا معانا نقدروا نصيبوا الحل مراكمش وحدكم رانا سند ليكم .الأخصائية النفسية السيدة فتحية سترافق ابناءنا طيلة العام الدراسي مشكورة على ذلك.نطلب من الاولياء يبيعولي واش راهم يديروا ولادي باش نجيفهم اعتذر على المصطلح او راني بديت نتلاقى بيهم بالواحد صحاب الباك او وصيتهم او قلتلهم بلاكو طلعولي السكر .الأولياء لي يضغطوا على ولادي ولا يضربوهم انا ارفض هذا الأمر او متنساوش بلي يبيعولي كلش. هما عاقلين يحكمهم غير الهبال خطرات 🩴🩴خلوني أنا نضربهم..........يتبع
المعلمة خديجة 🌹
ا

12/08/2026

مرحبا بالجميع .
االأستاذ الإجتماعيات فوزي إبلعيدن 28اوت
الأستاذ الاستاذ زادت سيد احمد 29اوت

11/08/2026

سننطلق بإذن الله مع أبطالنا أبطال السنة الرابعة متوسط مع أستاذنا المتميز والرائع ا الاستاذ زادت سيد احمد الغني عن التعريف سقسيو صحابكم نتاع العام ليفات ويخبروكم ..ستكون دورة مجانية في مادة العلوم الطبيعية يوم 29أوت على الساعة9:00الى الساعة 11:00.ككل عام سنرافقكم أبنائي مع خيرة الأساتذة .

Adresse

شارع رقم 9كركوبة المنطقة الحضرية الجديدة
Kolea

Téléphone

+213795959136

Site Web

https://maps.app.goo.gl/3e26DfRxxT2SimKy6

Notifications

Soyez le premier à savoir et laissez-nous vous envoyer un courriel lorsque مدرسة الآفاق لتعليم اللغات مؤسسة متعددة الاستقبال الآفاق المتميز publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.