13/08/2023
بزاف منكم يقولي انا حر و كنت في شعبة علوم درك قلبتها و درت لغات أجنبية لغة إسبانية 🇪🇦،
منيش رايح نحكي على المواد الأخرى بسكو راح يكونوا ساهلين عليكم ❣️، اليوم راح نحكي على اللغة الإسبانية🇪🇦 و كفاه يمكنلك تطلع فيها
أول شيء بعد التوكل على الله اعرف بلي لقصر يبدا ببريكة و ايضا حبيت نقولكم انا شخصيا السنة الثانية ثانوي مقريتهاش بسبب الظروف في ذاك العام (عدم توفر الأستاذ في الثانوية)
ثاني شيء بعدما تكون واثق من نفسك و درت رغبتك في اللغات راني هنا نعاونك كيفاه تسير أمورك درك رايحين نتعلموا لغة جديدة وش نديرو!
ديريها قاعدة في بالك لتعلم أي لغة مهما كانت تستعمل هاد التقنيات الاربعة:
👈لتعلم #الكتابة علينا ب #القراءة
👈لتعلم #القراءة علينا ب #الكتابة
👈 وعندنا #الكلام و #الاستماع (طالب بكالوريا منبازيش عليها بسكو مراكش راح تفوت اختبار شفهي بصصح اذا حاب تتعلم اللغة لازم عليك تتقنهم (بعيدا عن باك)
🍁الحقيقة انو في الأول سترى #اللغة كأنها كابوس 🏴☠️ ولايمكنك إتقانها ، ستتهرب منها 😪و تكره نفسك🤥 لانك تعتقد انك لن تتقنها🤕 لكن صدقني بالممارسة 🙉و الإجتهاد🤩 سترى الفرق🍁
درك فرينها مديتلكم المهارات الأربع لاتقان اللغات وش يخصنا!! يخصنا الأساسيات يا صديقي وش هما؟!
الحروف كتابة وقراءة ، الأرقام بعدها تكوين الجمل واللي ساهلين بزاف بسكو كما بزاف لغات حيث تتكون الجملة من فعل فاعل مفعول به
أكل طه التفاحة : taha come la manzana
فقط الفاعل يجي الأول و ممكن يكون عبارة عن ضمير
و هما:
📍Los pronombres personales:
👉Yo انا
👉Tú انت
👉 él / Ella هو..هي
👉Usted حضرتك نستعملوها كنخاطبو واحد محترم
👉Nosotros/ nosotras نحن
👉Vosotros/ vosotras انتم/ انتن
👉Ellos / ellas هم/ هن
👉Ustedes حضرتكم..حضرتكن
و الاساسيات الأخرى و هي انو نفرقو بين انواع الكلمات
Adjetivo: صفة
Sustantivo: اسم
Verbo: Ar, Er, Ir : فعل
هادو يكونوا فالجدول :
رواح نمدلك امثلة و نرمزو لكل حاجة برمز بش تبع معايا غاية المنشور
✨Sustantivo (S) adjetivo (adj) verbo(v)
👉Escribir(v): escritura(s): escrito(adj)
👉Usar(v): uso(s): usado(adj)
درك عرفنا انواع الاساسية بصح مننساوش عندنا انواع اخرى كما
Adverbio: ظرف aquí, luego, ahora..
Preposición: حروف الجرA, en, y,por, para...
Artículo: ادوات المعرفة, el,la , un, una...
Pronombres: ضمائر tú, qué, mío...
هادو هما أهم حاجة في انواع الكلمات وراني مديتلك مختصرات فقط(حابين ندير عليهم دروس سبيصيال؟)
درك افهمنا و تعلمنا اساسيات اللغة وين نروحو؟
نروحو لقراءة النصوص علاه! بش نكتاسبو رصيد لغوي اول حاجة نتعلموا نصوص للمبتدئين على الاقل 10 مثلا : وصف منزل، حي، مدينة، شخصية
هنا كملنا الاساسيات و اختاصرنا الوقت تقدر في سمانة تفريها بحجم ساعتين صباح و ساعتين مساء
الحمدلله فريناها درك ندخلوا للباك ياله ياله راني متحمس احكي برك كيفاه؛
مزال لباك عزيز مزال 😂 خاصك التصريف نعطيلك عفسة بسيطة اتعلم تصريف ف
Presente de indicativo:
شوف ادا راك بالزيرو روح اسرق ويفي الجار ول فليكسي ول روح للسيبار راني درت فاليوتيب سلسلة للمبتدئين من الأول تفهم معايا وتكل تمارين الله يسهل هنا لازم تصرف يا تليشارجيهم وتبع خطوة بخطوة و اكتب معايا بيانسير (خليني نشوف طريقتك فالتلخيص) ايا صحا تعلمت يا استاذ كفاه يتصرف الفعل فالحاظر
Presente de indicativo
وين نروح
El presente de subjuntivo 🤲
وهو عكس الاول فالتصريف يسمى ادا اتقنت الاول هدا يجيك كشرب الماء ساهل بزاف بعدها روح بدل الجو مع اسهل الازمنة و هما
El futuro simple y el potencial simple
هادو تخلي الفعل كما راه وتزيدلو لا ترمينيزو وفيها 12 فعل غير منتظم فقط بصح سااااااااهلين تخسر عليهم ساعتين برك😂.
بعدها يجيك زمن اسهل منهم فالماضي وهو
El imperfecto de indicativo
هدا راح تسحقهم فالباك ننصحك احفظوا ساهل و اخطيك من
El indefinido بسكو معقد ويزيد عليها😂
ايا صحا استاذي مريقلة شنزيد راني متحمس
عندنا اخر زمن خليتو الاخير بسكو معقد راح تحسو نسيبك كمعطاكش الطفلة 😂 وهو
El imperfecto de subjuntivo
هدا الزمن عاصي والديه بصح كتلحق ليه راني انا نقريهلك في منشور ول فيديو نفريهالك عندي ليه طريقة قاطو.
و عندك
El imperativo: الامر
نسحقوه ممكن يطيح وعليه نقطة❤️
ملاحظة: متكونش بيروكي وتحفظ الافعال في اي زمن كان ، احفظ اواخر الافعال، احفظ الافعال اللي يتغيرو كيفكيف هنا يسهلك الحالة وكل يجيك ساهل
و تابع الهاشطاق درت كلش فيه:
صاي تعلمت التصريف استاذ (شوف معايا ادا لحقت لهاد المرحلة نقولك راح أفضل تلميذ وراك طلعت لمستوى تقريبا خير من نضامي) بسكو ديجا درت تاست من قبل قريت جماعة نضاميين ميعرفوش اللغة بعد أسبوعين لقاو رواحتيهم خير من اكثرية النضاميين(هدا ليس اعلان😂) راني نقولك بلي تقدرلها.
ايا صحا تعلمت الاسبانية من تصريفها و اساسياتها ندخل الباك؟ الان نعم تدخل للباك.
الوحدة الاولى el ámbito personal ☺️
تبع الهاشطاق:
المحور الشخصي تحكي على شباب اليوم كيفاه يخممو ووين يزيدو عليها و بزاف امورات (كاينة سلسلة على اليوتيب تلقى كل واجد معايا)
هادو ينفعونا فالنصوص و الاجابة عليهم (تلقى فيديو فاليوتيب راني شرحت كففاه تجاوب.
ايضا تسحقوا فالفقرات بسكو نفس الموضوع راح تجيك فقرة عليه،
كفاه نحتارف كتابة الفقرات، درك كطالب حر اول فقرة تكتبها لازم تكون على حاجة تحبها موسيقى،رياضة،شخصية (انا😂), فيلم...
بعدها ابدا بكتابة الفقرات تع الوحدة الاولى فالاول استعن بالترجمة يعني متبها بالعربية وروح ترجمها كلمة كلمة بعدها ريقل ترتيب الكلمات و التصريف حساب واش تعلمت وننصحك متكترش فالاول خمس سطور كافية بعدها كل فقرة زيدلها سطرين و هكدا حتى تتطور.
و لا ننسى انو فيها ايضا قواعد ممكن يجوك بزاف بصحح اعرف بلي ساهلين و راني درت ايضا سلسلة نشرحهم (وهنا التصريف ينفع معاك ادا متقنتوش رايح تسوفري) نديرولها منشور خاص احسن نحكيلكم كفاه تتقنوهم بالساهل .
في الاخير كل شيء راني داير عليه ملخص pdf اطبعوا و عاود اكتبوا باسلوبك كل متوفر غير ادا محبيتش تقرا فروح اداوي ملخر بسكو الباك سااهل بزاف قضية جهد، رغبة و ووقت ومتكرهش روحك.
من الاحسن تكون صداقة فالفايسبوك مثلا، وتتلاقى بعيباد باش تبارتاجي معاهم المعلومة وتبراتيكيو كيفكيف
أيا سلام❤️
