مركز المصطفى للتعليم الشامل

📚 نصائح مهمة ليوم الباكالوريا:
1️⃣ ما تسهرش الليلة لي قبل الامتحان ارقد بكري باش تدخل مرتاح ومركز.
2️⃣ حضّر كامل لوازمك من الليل الاستدعاء، بطاقة التعريف، الأقلام وكل ما تحتاجو.
3️⃣ روح للمركز بكري خير من التوتر والجري في آخر لحظة.
4️⃣ ما تسمعش للإشاعات قدام المركز كل عام يخرجو ناس يهولو ويقولو الأسئلة صعيبة.
5️⃣ اقرا الموضوع كامل قبل ما تبدا خذ دقائق باش تفهم المطلوب مليح.
6️⃣ استعمل أوراق المسودة حتى إذا ماكش موالف بيها، المسودة تساعدك ترتب أفكارك، تتجنب الأخطاء وتبني إجابة منظمة قبل ما تكتبها في ورقة الإجابة.
7️⃣ ابدا بالأسئلة اللي تعرفهم هذا يعطيك ثقة ويجنبك التوتر.
8️⃣ نظّم وقتك ما تضيعش وقت كبير في سؤال واحد.
9️⃣ اكتب بخط واضح ومنظم المصحح يحب الورقة المرتبة.
🔟 إذا لقيت سؤال صعيب ما تخافش تجاوزه مؤقتًا وارجع له من بعد.
1️⃣1️⃣ ما تقارنش روحك بالآخرين واحد خرج بكري ما يعنيش راه جاوب خير منك.
1️⃣2️⃣ اشرب الماء وكل حاجة خفيفة باش تبقى مركز طول الامتحان.
1️⃣3️⃣ ما تناقشش إجاباتك بعد الخروج من الامتحان اللي فات فات، ومناقشة الإجابات غالبًا تزيد التوتر والشك فقط. ركّز على المادة الجاية وخلي التصحيح للنتائج.
1️⃣4️⃣ توكل على ربي وثق في مجهودك اللي قريتو طول العام ما يروحش هباءً.
🍀 الباكالوريا مجرد محطة من محطات الحياة، ماشي هي اللي تحدد قيمتك ولا مستقبلك كامل. ادخل بثقة، دير اللي عليك، وخلي الباقي على ربي. ربي يوفق جميع المترشحين. 🤲

بالتوفيق لطلبتنا الأعزاء المقبلين على شهادة البكالوريا الأسبوع المقبل ❤️💪🤲

بصراحة،
موضوع الإنجليزية مفهوم ومتوازن وما خرجش على الأفكار لي درسناها خلال السنة.
ركز أكثر على السفر، الرحلات، اكتشاف الأماكن والمعالم، ووصف التجارب والمشاعر… وهي أفكار اشتغلنا عليها مع التلاميذ.
حتى الـ Situation of Integration كانت واضحة نوعًا ما، خاصة مع عناصر المساعدة لي عطاوها للتلميذ مثل: departure, destination, activities, feelings…
يعني أي تلميذ فاهم structure بسيط يقدر يكتب بسهولة.
أما الـ Language Mastery فكان كلاسيكي: tenses, correcting mistakes, vowel sounds…
وماكانش فيه تعقيد كبير بالنسبة لتلميذ حضّر مليح خلال السنة.
في رأيي، الامتحان هذه السنة كان يعتمد أكثر على الفهم الحقيقي وإعادة استعمال vocabulary بسيطة بطريقة ذكية، وليس فقط الحفظ.
والحمد لله، معظم الأفكار المطروحة تم تناولها خلال السنة سواء بطريقة مباشرة أو غير مباشرة. 🤍
لهذا اقول واكرر للمرة الألف ان امتحان الإنجليزية يحتاج إلى
رصيد لغوي متين ولا يجب التعامل مع هذه المادة بسطحية ابدا
الأستاذة هند

موضوع الرياضيات في المستوى والمعدل مضمون بإذن الله
الأستاذة حنان بوبكر

موضوع الفيزياء كان رائعا وفي متناول التلميذ المتوسط حيث تم التطرق الى جميع العناصر في القسم.
الأستاذ عبد الله غرغوط

بإذن الله ناجحين
اللي قريتوه طول العام اكيد مش راح يضيع … ريّحو عقولكم، وادخلوا الامتحان بكل ثقة وهدوء.

تم تأجيل حصة العلوم لطلبة البكالوريا ليوم الأربعاء المقبل على. السادسة مساء مع الأستاذ دريهم أسامة

اليوم هو يوم راحة لتلاميذ السنة الرابعة متوسط. حذاري ان ترسل ابنك للدورات فلن يستفيد منها شي