مؤسّسة الإشراقة التّعليميّة

هل عندك فكرة وتحب تحوّلها إلى مشروع ناجح؟
تدعوكم مؤسسة الإشراقة التعليمية لحضور ورشة توعوية مميزة بعنوان:
🔹 من فكرة إلى مشروع
📌 ورشة موجهة لكل من يرغب في دخول عالم ريادة الأعمال وبناء مشروعه الخاص بخطوات واضحة ومدروسة.
👨‍🏫 تأطير: الأستاذ لحسن أحمد عرابي
📍 المكان: المغير
📅 التاريخ: يُحدد لاحقًا
⏰ الوقت: يُحدد لاحقًا
💡 فرصة لتطوير أفكارك، واكتساب مهارات عملية تساعدك على الانطلاق بثقة

بدأت تسجيلات دورة مراجعة للاختبارات ولتقديم المكتسبات سنة خامسة ابتدائي

حصة عربية ورياضيات سنة 5 ابتداىي مع 14.00مساءا اليوم
بالتوفيق

اذا راك طالب اعلام آلي في 2026 ولا حاب تقراه، وماكش عارف اهميتو، ووش دير ؟ الموضوع هذا ليك ✅

تبانلي مكانش لي ماشافش الإعلان الأخير حول منصة أضاحي من طرف وزير الفلاحة والتنمية الريفية والصيد البحري السيد Yacine Oualid ياسين وليد، اطلعت عليها والصراحة مخدومة ماشاء الله وتستحق الاشادة.

لكن ناس بزاف ركزت على الأسعار، الخصائص، كفاه يشرو .. الخ، وهذا الأساس يعني، مي حاجة قليلة لي شافت الموضوع ككل من زاوية أخرى.
أنا أول حاجة جات في بالي مكانتش كفاه نشري إنما شكون بنى هذا السيستم؟ وكفاه راه يخدم من الداخل؟

لأنو بلاتفورم كيما هذي تجيري في اوبيراسيو كبيرة : تسجيل، تنظيم الطلب، تتبع، توزيع، وهذا مهوش عمل عادي كيما بزاف راهم شايفين، هذا مثال حي على كفاه الدولة قاعدة تدخل بقوة في digital transformation.

وهنا يا صديقي لازم دير دقيقة صمت وتسقسي روحك سؤال مهم للغاية : إذا العالم راه يتحول بهذي الكيفية، وين راك نتا من هذا التحول؟

وقبل ما نجاوبك، لازم نفهمو علاه اصلا مجال الإعلام الآلي computer science ولى مهم لدرجة كبييرة ولا يعوض وعلاه لازمك تخيرو وتقراه !

ببساطة، لأنو العالم كامل راه يتحول لـ Digital Systems
الدولة راهي تسابق فالزمن باه تاجوتي الرقمنة في الإدارات، البنوك، الخدمات، الوزارات .. الخ، كلش قاعد يولي عبارة عن software.

الشركات اليوم تحوس على ناس يفهمو automation، data، AI باه تنقص التكاليف والوقت على روحها وتزيد الإنتاجية، يعني لانفورماتيك مبقاش مجرد تخصص جامعي تقراه، راه الحاضر والمستقبل، وهو infrastructure العالم الحديث.

لهذا اختيارك ليه ماراحش يكون صدفة، إنما لازم تعرف كفاه تستغلو صح باه دير بيه مهارات، مستقبل ومدخول محترم.

واذا كنت تقرا في هذا التخصص ولا حاب تقراه مستقبلا لازم تعرف بعض الامور المهمة والأساسية، وراح نشارك معاكم تجربة صغيرة نبنيو عليها الموضوع تاعنا لي فيه افادة كبيرة.

بحكم ندرس في الجامعة قريت العديد من الطلبة سواء ليسانس أو ماستر اعلام آلي .. ميزت فيه فئتين، الفئة الأولى دارت هذا التخصص لأنو المعدل حتم عليها الشي كشغل " الأفضل بين المتواجدين " لكنهم ميحبوهش ومش مقتنعين بيه ومش حاسين بأهميتو اصلا، ويقراو فوق قلبهم لمهم يكملو يهزو الديبلوم والصلاة على الحبيب.

وكاينة الفئة الثانية لي حابة الدومان صح، يقراو ويحاولو يجتهدو، ميراطوش الحصص لا لي كور .. لا ليتيبي .. لا ليتيدي، ومن الناحية النظرية تلقاهم فاهمين مي توجور نفس الاشكال يتطرح ولي هو ؟ حاسين رواحنا مانعرفو والو كي نجو نحبو نخدمو حاجة تطبيقية واقعية !

واذا كنت من الفئة الثانية يا صديقي القارئ ضروري تفهم بلي المشكل مش فيكم ككل إنما في كفاه قاعدين تتعلم.

في 2026 ومم لعوام لجاية، في الإعلام الآلي معادش يكفي تقرا modules تاعك وتطلع وتنجح وخلاص، ومبقاش يكفي تتعلم لغة برمجة وخلاص، لأنو العالم تبدل، المارشي تبدل، وضروري طريقة التعلم تاعك تتبدل وتتكيف.

أول حاجة لازمك تفهمها انو مش ضروري تعرف كلش، إنما لازم تعرف تبني حاجة، لأنو كاين بزاف طلبة يعرفو شوي problem solving شوي Algorithmic thinking، شوي من كل لغة مثلا Python، Java، JavaScript …
بصح كن تقلو ابني عفسو صغيرة تخدم يجمد في بلاصتو، علاه؟ باسكو التعلم تاعو كان نظري بحت مش عملي، وهذا ما أعيبه في المقررات الجامعية الصراحة، رغم ضيق الوقت والتوزيع السنوي والكانفا وغير ذلك، إلا أنو يبقى مشكل حقيقي.

مي كنت جيت انا في بلاصتك، منستناش الجامعة تنعتلي كفاه نبراتيكي !! نبدا بحاجة وحدة واضحة وماراحش ينعتوهالك في الجامعة غير كونك مهني ولي هي : نخير مجال محدد ونغوص فيه كيما يلزن.

وهنا نخبرك بلي كاين ثلاث مسارات كبار اليوم

أولا Software Development (Web / Mobile)
ثانيا Data & AI
ثالثا Cybersecurity

متخيرهمش في ثلاثة كيما بزاف يديرو ويضيعو رواحهم، انما خير واحد برك، ومبعد ابني فيه foundation قوية وصوليد.

إذا خيرت مثلا الـ AI (كيما بزاف منكم حابين)
ما تبداش ديراكت بـ tools، ابدأ بالفهم من الصفر

قال تفهم ملييح وشنو ذكاء اصطناعي، كفاه تخدم Machine learing مبعد Deep learning، تقرا Python،
افهم Basics تاع Data، تخدم نماذج بسيطة تجرب بيها وكل مرة تفوت لحاجة جديدة .. تخيل راك تبني في باطيمة باه الصورة تتوضحلك.

ثاني حاجة مهمة .. الكورسات راهي مليحة خصوصا من عند شخص فاهم ومتخصص في وش قاعد يدير، لكن بلا براتيك كشغل مدرنا والو، لهذا ضروري تبدا بمشاريع صغيرة
مثلا chatbot بسيط، موقع web فيه AI feature، تحليل بيانات dataset، وثاني automation صغيرة تخدم روحك بيها، والمهم انك تبني، تغلط، وتتعلم .. هذي هي.

ثالث حاجة مهمة، لازم تتعلم كفاه تبحث، مش غير كفاه تقرا، استعمل Google Scholar، documentation ، GitHub .. الخ، كي تلقى المعلومة طبقها وجرب وشوف بعينك باه تتعلم بشكل واقعي.

رابع حاجة وهذي النقطة بزاف ناس يغلطو فيها ولي هي الـ AI مهوش بديل ليك، هو اداة مساعدة، لازم تعرف كفاه تستعملو باه تحسن الكود، تفهم errors، تجيب أفكار، تبني بشكل اسرع، مي ما تخليهش يخدم بلاما تفهم ممبا وش راه يدير وتمشي بسياسة كوبي كولي .. وإلا راك قاعد تبني في وهم المهارة ونتا لا خبر.

واذا نقدر نشارك معاك أهم حاجة تعلمتها هي أنو السوق عمرو مايسقسيك وش قريت؟ إنم وش تقدر تدير؟
صح الديبلوم مهم ولي يقلك مش مهم قلو دبر على روحك، مي وحدو ما يكفيش صديقي، إنما Portfolio، المشاريع، التجارب، التحسن المستمر، العلاقات .. الخ هذا هو لي يفرضك صح.

انا اذا كنت طالب إعلام آلي في 2026، ما نضيعش وقتي في التشتت وكل مرة نبدل الدومان ونڨز هنا ولهيه، راح نخير بعقلي، نركز، وبني ونتعلم تدريجيا.

نتوما خبروني كن نمدلكم شهر واحد برك باه تبداو تتعلمو وتركزو صح .. وشنو الدومان لي حتخيروه؟ وعلاه؟

شاركونا آرائكم وتعليقاتكم ومتنساوش تشاركو الموضوع باه غيركم يستفيد .. والله وليّ التّوفيف

استئناف الدراسة
حصة فرنسية مع 15.30 اليوم سنة خامسة ابتدائى

غدا نبدأ الاستقبال من 14 إلى 16 مساء استقبال التلاميذ الراغبين في تقييم المستوى قبل الاختبار النهائي وكذلك التسجيل في دورات المراجعة النهائية

#مؤسّسة_الإشراقة_التّعليميّة
◀️ على بركة الله نفتح التسجيلات لدورات المراجعة النهائية لجميع المستويات.
◀️ الأماكن محدودة
◀️ مقرّنا طريق الحي الإداري مقابل الملحقة بمتوسطة البار عبد العالي

بسم الله وعلى بركة الله نستأنف أنشطتنا غدا لتأكيد التسجيل في الدورات والاستفسارات وكذلك دفع الحقوق والمستحقات غير المكتملة
المقر مفتوح ابتداءً من الغد

🌙✨ عيدكم مبارك من مؤسسة الإشراقة التعليمية ✨🌙

بمناسبة حلول عيد الفطر المبارك، تتقدم مؤسسة الإشراقة بأحرّ التهاني وأطيب الأماني إلى جميع تلاميذنا الأعزاء وأوليائهم الكرام 🌸

نسأل الله أن يتقبل منا ومنكم الصيام والقيام، وأن يعيده علينا وعليكم بالصحة والعافية والنجاح 🌙💫

عيد سعيد مليء بالفرح، وعطلة سعيدة ومليئة بالراحة والبهجة🤍📚

💛 مؤسسة الإشراقة… هنا يولد الفكر وتشرق العقول 💛

دورة المراجعة سنة ثالثة ورابعة وخامسة ابتدائي، التسجيلات مفتوحة لمراجعة جميع المواد