Quel est le site Web ?

https://www.facebook.com/105712348490583/

علفة ولاد سيدي عبد الكريم بالبيض

Page d'Accueil
Algérie
El Bayadh
علفة ولاد سيدي عبد الكريم بالبيض

فرسان اولاد سيدي عبد الكريم بالمحرة

06/04/2025

ياكامل الخصايل تعمل بوصايا
سري اتروح بيه لكاملة الزين
طير وشتمر في لوطان الخالية
وبالاك لا تامن بونادم شين
راها اعشير وهرن تسقام الراية
عند البلاصة شوفة بوعرنين
مالواد للمراسم تخرج للساقية
سقسي على امقام الهواري وين

للشاعر بن عودة بلقاضي

22/03/2025

فرسان وركابين من بكري لعياد*
وقرح فلميدان وملاعب تشهد*
حمارين وجوهنا يوم تتشاد
يوم يولي غي لي مقدر يقعد
تتناقر قدام لعيان وتتضاد
ويبان لي ضعيف ثم ولمجهد

01/03/2025

🌹يا حسراه على لخيام الي حمرا🌹🌹
🌹🌹ويا حسراه على البدو الرحالين🌹
🌹يا مزين مرحولهم وقت الخطرا🌹🌹
🌹🌹بيه يطوفو ع الوطن يسرا ويمين🌹
🌹والصرعوفة صوتها عندو نـﭬرا🌹🌹
🌹🌹وصوت الدغمة زادها تحفه وحنين🌹
🌹أمات اللقو صياحها صوتوا سرا🌹🌹
🌹🌹على الخرفإن الي علـــيها مرسيين🌹

26/02/2025

رحت للبادية نمشي و نحوس
ونضرب دورة في لخلا ضايڨ حالي

نقصد نزلة داير في بالي عرس
وهذ النزلة ندهو واحد لقالي

وحين لحڨنا ما قدرتش نتنفس
و قاشي ياسر ما خطرش على بالي

وبدات لفرسان ڨدامي تلبس
وتهبط في خيلها من لعلالي

و انا لاهي قي مع واحد لفارس
يحدث فيا دار بالخيل بدالي

شوقني بالخيل انا عدت نهطرس
و ضربني ڨرواحهم زاد هبالي

دار و دودر جابلي كيدار ملس
ويكرو فيه ثنين مربوط ڨبالي

ويوصي فيا على لعود و حارس
و ڨالي راهو قا مهر كلخهالي

و زدت كريت لكاميو جاي محمس
ذركا نلعب فوڨ عودي و نشالي

و حين لي جبتو ميمتي سمعت بالحس
و ڨالت لي واش جبتلي يا بوهالي

بديت نساعف في ميمتي و نسايس
خايف منها تخسر عني فالي

بديتو بالحنة على الراس نملس
و زدتو للكرعين ذ العود هدالي

ڨلت ليوم نخرجوا أنا نسفرس
و نلوح الجعبة في السما ها دلالي

و زدتو زوج أمهار بيهم يتونس
و تاكل عنو كي شريتو أنا غالي

و ميمتي فرحانة تفوّر و تكسكس
و تعرض في الجيران ڨاع على جالي

و حين طلڨوا خيلهم عودي كوكس
و هبط راسو عاد في لارض فالي

نوميه على الشاكلة عودي يترس
يفريني بيا ب لول و التالي

ونعڨب يا مخلوق من فوڨو نقطس
و يطير سباطي من بين رجالي

وحين صحا قبارهم عدت نفرفس
وداخل في برنوس ضيڨلي حالي

و نتفڨد في جبهتي أنا عدت نمس
ونلڨى روحي ذا لبقل ما خلالي

دارت ليا نا ميمتي جات داوس
ڨلتلها في الخيل أنا معطيالي

ڨالتلي بيع لحبوبة يا فارس
و داوي روحك يا حمد و أسمع فالي

راهو رفسك ذا لبقل خلاك عدس
وهذا سوڨك يا حمد ديما خالي

بايت طول الليل في الراي موسوس
غاضتني هذا لبقل كلخهالي

و ڨلبلي ڨاع النوامر حين حبس
و ما بان لا البرنوس من سروالي

الشاعر : أحمد بن عثمان

22/02/2025

يا مزين زهو الدنيا لوكان يتم
لكن شفت الزهو من تالي يمرار
لا قوة لا جاه فالدنيا نحكم
ونردّو من وقتنا لوكان نهار
الاجل امحدد والسوايع تتڨدم
وكل دقيقة ناقصتنا من لعمار
لا تسّطْوَل زهوها ما تظّيلم
ما دمنا نتوادعو في هذا الدار
#منقول

20/02/2025

⚘سيدي ربي خالقي ليك الهربة⚘⚘
⚘⚘ويا منَّاع الجانية قبلن تصاب⚘
⚘يا سلّاك الحاصلة بعد الطَّلبة⚘⚘
⚘⚘وياسهال لي تصوعص حل الباب⚘
⚘ياخالق من كل شئ زوج برغبة⚘⚘
⚘⚘تتزاوج في بعضها وتعود انساب⚘
⚘درت التقوى يا الله لينا رتبة⚘⚘
⚘⚘بالتقوى نتفرقوا يوم الحساب⚘
⚘يا فرَّاج الهم فرَّج ذا الكربة⚘⚘
⚘⚘راني نرجى فيك يسرلي الاسباب⚘
⚘متحير من حالتي شايف عجبة⚘⚘
⚘⚘ومن ذا الحيرة يا الله ذاالناظر شاب⚘
⚘فاضت عيني واد. م الكبدة دربا⚘⚘
⚘⚘وجات السبة زاد ذا الخاطر تشقاب⚘
⚘راني داير دعوتي عندك رغبة⚘⚘
⚘⚘و نَنْدَهْ فيها الساجد فى المحراب⚘
⚘يا ربي وبجاه الاَمجد بو طيبة⚘⚘
⚘⚘ولحسن والحسين والعشرة لصحاب⚘

18/02/2025

في وجهــي تبـــــان الضحكــة الصفــــرة
وفي ڨفـــايا وضــهــري تخــرج لمــــواس

ماطقـنا علــــى الصحبــة عـــــادت مُـــرَّة
حايـــــر واش صــرا وجبيهـــم ذو النـاس

حسادين تقــول ضَـــــــرَّة مقابلــة ضَــرَّة
ماهــــــم ولاد الأصـــل ما عندهــم ساس

اللسـان ماضــي يجــــــرح كــي الشفـــرة
ومديهم الريـــــح كــي عـراف البسبـــاس

ماهم رجالة علـــى والو يكســـرو الجَــرَّة
واش داني للصحبــــة لـي توجـــع الراس

كيتهم واعــــرة تحـــرق مثـــل الجمـــرة
ولي يتبع مشيتهــــم يكــثرلو التهـــواس

جرحونــــي شحــال وعييــــت مانـــبرى
شربونـــي الســـم ومعـــمر ذاك الكــــاس

القلب صافــــي نيـــــة ماديــــت العبــرة
لي في قلبي على لسانـي مانـــي دساس

حسبتهم اولاد الاصـــل لي جابتهم حــرة
وخرجـــــولي ذيابـــة طبايعهـــم رخــاس

ما تبــــان لوجــــوه مدرڨـــة مـا تتعـــرى
يضــــربو من بعيـد كي حبـــة الرصــاص

في الرجلة ميزانهم خفيف ما يسوى ذرة
وافعالهـــم الشينـــــة طول ما تخــــلاص

ذرك عولت نخطي خيالهـــــــم ذي المــرة
بصـــح خايـــف والتالي فيهم ليا عسـاس

16/02/2025

هاذو عاشوا الدهر في نهار وليلة
ولي صاعبة عليك عليهم تسهال

14/02/2025

يطوال ليلها وتولي كيما الشاو تعلف
لي عافت الشعير اتروم النخّالة

خلي الحارنة بعد زمان تفوتها وتعطف
وتجيك للمجاور تجري هروالة

ليام لا دات صغيرك وترجعو مسكرَف
وتعلمو ال " إيه " . يبطلها " لالا "

ليام كي تغدي لي ناصب ما لهَف بالهَف
راها تجوعو راح عشاه نكالة

ليام لي تجيب الشدة في ساعة كي تحب ترخف
ليام لي تعَمَّر بعد التخمالة

ليام لي تنبَّت ريشات الطير لا تنَتَّف
ويجيك م السما بمخالب ڤتالة
ليام بينا راه الحال ليوم لا مسلف
والدين دين يُخلص والعين ڤبالة

حبلي طويل ياسر - لي غرك - خاف كي نڤصَّف
والجايحين ينساو من التطوالا

حبلي طويل ياسر وقت اللي نلزمو يجيّف
ويكتْف البعير بطول الكعوالة
.......منقولة .........

12/02/2025

حدثني على مكان فيه العادات
نقصدو شاو نهار وانشد رحالي

خيل الهمة في مواسم وزيارات
لزرڨ في العلفات يشباا ويشالي
...منقولة........

Adresse

البيض
El Bayadh

Site Web

facebook.com

Notifications

Soyez le premier à savoir et laissez-nous vous envoyer un courriel lorsque علفة ولاد سيدي عبد الكريم بالبيض publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.