Inno

23/04/2026

les moyens de transport ( à, en )
هذا العام نهبلكم بالاناشيد😁🩷
بما انه الوحدة هذي شفنا وسائل النقل قلت علاش لالا نصنعلكم انشودة منها كيفاش نحفظوا وسائل النقل ووقتاه نستعملوا en و à ومنها نكونوا زدنا انشودة اخرى لرصيدنا 🥰🌟
ماتنساوش تخلولي كلماتكم المبهجة 🥰 وشكرا للاوفياء لصفحتي🩷 ما تتصوروش وقع كلماتكم في قلبي🥹

14/04/2026

سلامووو😍🩷

وباش وليداتكم يحفظوا الفصول الاربعة ويعبروا عن حالة الطقس ، الفتلكم هذي الاغنية ( في الحق عندها 4 سنوات 🫣)
والي تمزج بين التعلم والمتعة 😏🌟
ما تنساوش تخلولي كلماتكم المبهجة 🥰 باش تشجعوني 🫶🩷


̧ais الاستاذة إيمان الجلفة ́scolaire

18/02/2026

من طفلة تكتب الأناشيد بثلاث لغات…
إلى اليوم الذي أطلق فيه أول محاولة لصنع فيديو لأنشودتي الخاصة! التي كتبتها ولحنتها منذ 3 سنوات لترى النور اخيرا 🎶💥

اعلم انها ليست مثالية، لكنني فخورة جدا بنفسي ♥️ فخورة انني اسعى دائما للتميز 💛 💜
وطبعا الفضل يعود لوليداتي محرك الابداع داخلي، اكثر من يشجعني بحماس لتقديم المزيد، واكثر من يستمتع باعمالي بكل فخر 😍🫶
أشارككم إياها أنا الاستاذة إيمان الجلفة ❤️✨

06/12/2025

سلام حبايبي ان شاء الله تكونوا ملاح ♥️
كيما وعدتكم ملخص اللغة الفرنسية مع الاسئلة الشائعة والحلول بطريقة مبسطة جدا التلميذ ما يحتاجش الي يشرحله + فقرات مرشحة ( للامانة مش تاعي)

ربي يوفقهم ان شاء الله وما تنساوش تعطوهم دفعة نفسية ❤️🌹


̧ais ́scolaire

04/12/2025

عدنا للمراجعة للاختبارات في اللغة الفرنسية
ملخص السنة 4 ابتدائي 🎀
ما تنساوش تخلولي تعليقاتكم المميزة وتديروا دعوة لاصدقائكم 🥰❤️ وان شاء الله راح نحلوا مواضيع مع بعض 👌


̧ais ́scolaire

13/11/2025

10/11/2025

سلاااام
مع سلسلة اتعلم وحدي مع Innø
اليوم راح نتعلموا زوج حوايج
👉 décrire la maison
👉 les adjectifs de couleurs
مكوتات المنزل واضحين ما يحتاجوش شرح نمروا لصفات الالوان
اولا باش نميزوا اسم بلي مذكر نلقاوا un او le وباش نعرفوه مؤنث نلقاوا une او la ، والالوان تتبع الموصوف في التأنيث
1️⃣ كاين الي نزيدولهم e فقط
💚 vert 👉 verte
🩵 bleu 👉 bleue
🩶 gris 👉 grise
🖤 noir 👉 noire
2️⃣ كاين الي نزيدولهم حرفين
💜 violet 👉 violette
🤍 blanc 👉 blanche
3️⃣ كاين الي يبقاوا نفسهم، يعني في المذكر ولا المؤنث تبقى كيما راها منبدلوهاش
❤️ rouge 👉 rouge
🧡 orange 👉 orange
💛 jaune 👉 jaune
🤎 marron 👉 marron

🌳ما تنساوش كي يكون الاسم في الجمع (والي نعرفوه ب des او les )لازم نزيدوا لصفة اللون s مثال
👉des balcons bleus
👉des fenêtres bleues
ما تنساوش تخلولي تعليقاتكم المميزة وتديروا دعوة لاصدقائكم باش توصل لاكبر عدد من المتابعين ويستفادوا 😍 ♥️


̧ais ́scolaire

30/10/2025

التمرن على كتابة الحروف ♥️


̧ais ́scolaire

27/10/2025

سلام بعد طلب الكثير منكم
هاني عاودت فتحت لاباج، ديروا دعوة لاصدقائكم باش توصل لاكبر عدد من المتابعين 💛
اول درس افتتاحي الحروف
💜les voyelles
💚les consonnes

🔴تنبيه: من البداية باه نتفاهموا 🤚محتوى هذي الصفحة موجه 👈 للاولياء او التلاميذ الي ما عندهمش شكون يقريهم في الدار، وليس للاساتذة ولهذا راني نشرح بالعربية وبالطريقة الي نشوفها مناسبة 😌
اكتبولي السنوات الي محتاجينهم في التعليقات باش نعود نبارطاجي معاكم المواضيع الدروس والملخصات وحتى المعلقات 😍♥️👇👇👇

13/02/2025

parlons de quantité 😍