Spotted La Wilaya de djelfa

الصور من ولاية عنابة بالضبط من مدينة ذراع الريش 🇩🇿
رصيف واسع، ألوان باهية، مقاعد عصرية، ممر خاص بالدراجات خدمة نقية 👌🏻
مكتب الدراسات والمقاول لي دارو هذي الخدمة يعطيكم الصحة

#مفقودات
ضيعت بورتفاي بني فيه ( نكوة و بطاقة ذهبية و بطاقة الشفاء )
هذا رقمي لي لقاه : 0550.62.92.86

كاين فئة من الناس ربي يهديهم ولا يديهم حاسبين بلي كي يطرطق السينيال ولا يضرب البارود في مكان تاع طيور مهاجرة راه جاب الصيد من ذيلو. يا بنادم، فيق لعمرك
​الجهل تاعك راه يخلي اكثر ما يعمر. الطير مسكين راه ضيف من ضياف ربي قاطع بحور وصحاري وتعبان وأنت ببلاهتك تخلعو وتقتلو قا باش تسمع طرطيق هادي مهيش حذاقة ولا شطارة هادي سموها قلة وعي وعقليات العصر الحجري.
​العقل تاعك وين راح؟ هذي الجياحة الجديدة تاع البارود و الفيميجان في مكان خالي حاب تتنفس و تبدل جو روح ريح انت والعائلة تاعك بالقدر..لانو في لحظة فرح تحرق جبل كامل.
​الفرحة وتبدال الجو ما همش بالضرر: حاب تفرح؟ افرح بلا ما تضر غيرك. حاب توري شطارتك؟ وريهالنا في حاجة تنفع البلاد والعباد، مهيش في طير وزنه 5 كيلو تخليه يضيع حياته ولا يضيع ولاده.
​يا بنادم ارتقي شوية! اللي ما يرحمش لي في الأرض ربي ما يرحموش الطيور هادي راهي تسبح لربي، وأنت بجهلك راك تقطع في تسبيحها.
​حبسوا علينا هاد التفاهات تاعكم. راه كاين مخلوقات حابة تعيش وتخلي غيرها يعيش
وكاين حاجة اخرى كي تخرجو تحوسو احترمو حقول الناس ماتبقاوش تعفسو و تتمرغو فيها راكم عباد وكبار. بلاصة الزرع باينة وبلاصة العشب لي نايض فالعرقوب باينة
الفلاحين راهم يشكو منكم ومن خدايمكم.
ما تكونوش كيما هذيك الشعرة لي ماتعرفش الواجب تنوض فالراس وتخلي الحاجب

#العقيلة
طائر الملك الحزين يغادر البحيرة افواجا وهو رفيق طائر الفلامينقو الذي بدا أيضا هو بالرحيل ...أحيان نفسد التمتع بأنفسنا ...لماذا البارود والمفرقعات وكل هذا الضجيج بسبة الفيميجان راحت هذي الطيور بعدما كانت عايشة لباس عليها ...
والله ما تترباو و وين تحطو كرعيكم تخلو جدها الحلوف
الله لا تربحكم

اليوم واحد خدام معايا ورالي تيليفون شراه ولي دوخني السعر تاعو شراء الهواتف ولا مهزلة لأنو سوق الهواتف فالجلفة خاصة والجزائر عامة ولا كيما سوق السيارات و الخرد
هاتف مثل iPhone 11 كيما تاع حبيبنا لي صدر قبل 7 سنوات تحديدا سنة 2019 مزال يتباع بسعر 50000 دينار جزائري ( 5 ملاين ) ومزال كاين عباد تشريه بهذا سعر
صدقني راك ترمي فدراهمك فالباطل هاتف كيما هذا قديم و حبسولو الميزاجور تقدر تجيب احسن منو بكثير بسعر اقل.
ماتخليش التاجر يغرك ولا الاسم تاع الهاتف كاين مواقع التواصل الاجتماعي سقسي كاين الذكاء الاصطناعي .
واذا حبيت تجربة iPhone حاليا فال 2026 ماتشريش اقل من 13 برو ماكس.
واغلبية لي تتحشالهم تلقاهم يا بنات ولا شبيبة عميقين ولا المرخوفين

الحمد لله الذي بنعمته تتم الصالحات تم فتح حمام البلدية بالشارف المعروف بي (البانڤالو) من طرف الوكالة العقارية بعد غلق طويل ان شاء الله يكون فيه فائدة للبلاد والعباد
الأسعار في متناول الزواولة:
ساعة 25 للفرد
50 الف للعوايل
300 الف المبيت
دوش وعاود و أحمد ربي على نعمة
ما تنساوش تدو اماتكم وابياتكم باش تدو دعوة الخير
و تهلاو في نظافة المكان

الحمد لله
تم العثور على الطفلين المفقودين
وهم الان بالعاصمة