سبوت كلية العلوم و التكنولوجيا-جامعة الجلفة-

سلام عليكم طلعلي في باجة خاصني طالب ولا طالبة تقرا L3ولا M1 mécanique energitique

السلام عليكم ورحمة الله وبركاته، خصني طالب أو طالبة يدرس ولا تخرج ماستر RSD

من فظلك احتاج توقيت مسابقة الدكتورا
تخصص
Département :ST
Filière : génie civil
Spécialité : matériaux innovants pour la construction durable

السلام عليكم تعيش الأخ حطلي الميساج
من فضلكم نحوس على طالب ولا طالبة يقرا électromécanique master يتواصل معايا

سلام حاب نسبوتي عيشوش انا محمد توحشتك ارب بزاف بزاف

سلام عليكم ..لي حاب يسبوتي 😉

27]
سلام علیکم حبیت نسيبوتي واحد وسمو الشريف راه يقرا دوزيام تليكوم ولا الکترونيك لخ مزال معرفتش مهم حبيت نقلوا نح البلوك ابيعي عندي شهر وانا نحوس على الفيسبوك تاعك متخلينيش نطلع ليك لوين تسكن نزعق برك🙃 معلبالیش وین تسكن مهم نح البلوك الله الله

والفيس راه عند الادمين

تم حذف سبوت 26

السلام عليكم ...ندخل طول فلموضوع حاب نسبوتي ادمن ڨروب (جامعة الجلفة ......) راك مسؤول على قروب يمثل جامعة الجلفة كيفاه راك تقبل فمنشوراك كيما هاك؟؟! وزيد خطرة شفتك مطلع قلت ديرو دعوة لزامي نتاعكم وزيد تأكد جامعيين هههه.... انا قلت قروب فيه فائدة(دروس،توقيت،موضيع ...الخ)انا كي ندير دعوة لزامي نتاعي جامعين راح يلقا هاذو لمنشورات😑 انا كي تقولي راه كاين نموس في شقرة وراها لفايدة نتاعي وتقولي عندك زهر كي تتزوج بوحدة متحبش ذهب.... وتقلي نهار عرسك كي تلقا نسيبتك تبكي ...؟؟؟؟ وين راكم رايحين بهاذا التخمام .
كي تجي تكومباري جامعة نتاعنا بجامعات لخرين والله قا تحشم ،كي راهم يضحكو الولايات لخرين علا جلفة مارهمش غالطين والله . لڨروبات نتاع جامعات لخرين والله قا تلقا فيها واش تحتاج ڨع قادر تقرا قا في هذاك لقروب بلاما تحضر فجامعة وزيد مدخلين اساتذة ودكاترة بلمختصر ( مجموعة مفيدة ومحترمة وفيها ڨع الصفات لمليحة )

المهم يا خويا لأدمين ماذا بيك تصفي المجموعة نتاعك وكي راح تحكمها مليح راك تدي دعاوي لخير برك ...واذا متقدرش سيبريميه ولا اعطيه لواحد ڨدهاا

25]
سلام عليكم صحا فطوركم حبيت نسبوتي لمشرفين نتاع ڨروب طلبة القطب الجامعي على لمسابقة احسن مقرئ والله حاجة تفرح انا عندي ثلاث سنين فجامعة والله اول مرة نشوف حاجة كيما هادي ربي يحفظكم ويجعلها في ميزان حسناتكم وربي يوفقكم لما يحبه ويرضاه 🌹❤️

24]
حابة نجدد سبوت 21 ههه نتاع رابح ونعاود نقلو افهم روحك اسي مع لول بلاك كنت متعرفنيش بصح ليوم (الاحد) شفتني نشوف فيك وجات عيني فعينك ان شاء الله تكون عرفتني