نصائح وتوجيهات بكالوريا 2027

جديد المواقيت والمعاملات لمرحلة التعليم الثانوي العام والتكنولوجي ابتداء من السنة الدراسية 2026-2027

📌 حذف مادة الرياضيات من بكالوريا الشعب الأدبية.

📌 حذف مادة الفلسفة من البكالوريا لجميع الشعب باستثناء شعبة آداب وفلسفة على أن يتم تدريسها في السنة الثانية لبقية الشعب.

📌 حذف اللغة الفِرنسية من بكالوريا الشعب العلمية ورفع معامل اللغة الإنجليزية للشعب العلمية.

📌 إدراج مادة الإعلام الآلي في السنوات الثانية، وكذلك إدراجها في بكالوريا شعبتي رياضيات وهندسة ( معامل 3 )

📌 حذف مادتي اللغة العربية واللغة الأمازيغية من البكالوريا بالنسبة لشعبتي رياضيات وهندسة.

📌الحجم الساعي لمادة الرياضيات بالنسبة لشعبة رياضيات هو 10 ساعات أسبوعيا.

🔴 إنطلاق التسجيلات الأولية وتوجيه حاملي شهادة البكالوريا دورة 2026
إبتداء من يوم غد: 15 جويلية إلى غاية 19 جويلية 2026 ✅

🔴 التسجيلات تتم عبر رابط موقع التسجيلات الأولية:

https://orientation-esi.dz

🔴 أو الظّاهر في الصورة أدناه.

#نقاط على الحروف

لي مجابش الباك

أسمعلي مليح، واش فيها كي مجبتش الباك؟، واش فيها كي كامل صحابك داوه ونت لالا؟، واش فيها كي ناس تعبوا ونالوا ونت لالا؟، واش فيها كي كامل فرحوا هذاك النهار ونت لالا؟، واش فيها كي بكيت نهار شفت نتيجتك وغاضتك عمرك؟، واش فيها قلي؟.

السماء طاحت على الأرض، الوقت توقف مبقاش يجوز، حياتك ضاعت متتقادش منا وجاي، الفرص خلاصوا، بالباك تربح سعادتك ولا بلاش، أقسم بالله غير راك غالط ياصديقي.

هارواح نفهمك، التوفيق بيد الله، مجيش تناقشني فيها هذي، وكلشيء في دنيا مكاتيب، من يوم خلقك ربي رآه كاتبلك واش تدي وواش متديش، مقدار رزقك في النهار وفي الساعة وفي الدقيقة وفي الثانية كاتبولك ربي، ونت علاااه تتقلق، هيه فهمني علااااه تقنط ومترضاش بقضاء ربي وقدروا، راك حاب تجهل، راك حاب تفاصي ركن من أركان الإيمان من حياتك نت كإنسان مسلم وسموا الإيمان بالقضاء والقدر، هل ياترى إنسان عاقل يخمم تخمامك؟، هل ياترى مجرد شهادة دنيوية تقدر تطيحك الأرض، وتعكر مزاجك، وتبقى غالق على روحك متحكيش مع الناس؟، هل ياترى رسوبك فشهادة دنيوية يقدر يأثر على علاقتك مع الناس، ويخليك قاسي، ويخليك إنسان خلاف، وتبقى من بعد رسوبك فشلان وتعبان؟، هكذا يدير العاقل فروحوا فهمني، هكذا يخمم الإنسان لي يبتليه ربي غير بش يصبر، بالاك حتى ميكونش إبتلاء يكون لطف من عند ربي ونت معلابالكش أصلا.

تعرف واش معناها يلطف بيك ربي وينحيلك شهادة دنيوية، واش تقول فيها كون نحكيلك على لي ملطفش بيهم ربي؟، وواش تقول على إنسانة كانت ملتزمة قبل لباك تخاف ربي راحت للجامعة فسدت نحات حجابها الشرعي وبدات في العلاقات مع فلان وفلان؟، واش تقول فيها إنسان نجح الباك بمعدل عالي راح لبلاد الفسق والكفار لثما تعرف على ناس كفار جهلوه ورجعوه كافر؟، واش تقول فيها في إنسانة دات لباك وولات بمنصبها مي محمدتش ربي ورجعت تتكبر وتمشي كي شغل خير منها مكانش؟، والله أحيانا ربي يديلك عفسا تحسبها أخذ مي تتفاجىء مع الأيام أنها عطاء والله.

أقسم بالله غير ربي سبحانوا إذا منع عليك أنك تنجح في شهادة الباكالوريا غير رآه لطف بيك، والحكمة لا يعلمها إلا هو، يعني فشلك انتصار، نت عكس لي نجحوا، لي نجحوا بالاك دعاو ربي وربي عطاهم واش يحبوا، ونت دعيت ربي بصح ممدلكش، علاااه بيسك نت يحبك، نت خلاك بجيهة، قال هذا عبدي وأنا نتولاه، مام ميديش الباك، أنا نيسرلوا في.

السلام عليكم

اولا الف مبروك لكل ناجح في شهادة البكالوريا ونقولوا اهلا بيك في ميدان السباق لضمان المستقبل .....وثانيا نقول لي ماحالفهمش الحظ لا تيأسوا هو مجرد نجاح قد تاجل لقاؤكم به فقط اتخذوا الاسباب وسيكون حليفكم العام المقبل باذن الله

قبل اشروع في الحديث عن ما بعد نتائج البكالوريا، أود التذكير انني طالب طب في كلية العاصمة

اما اليوم فحديثي سأخصصه حول كيفية اختيار التخصص الجامعي، تبعوا معايا هاد المراحل والنقاط الاساسية

1- بعد ماشفتو النتيجة وفرحتو ماتنساوش تحمدو ربي سبحانه لي مازال ماحمدوش ينوض يصلي ركعتين حمد وشكر

2- ماتحرقوش مخكم بالاسئلة والاراء يزااف وماتسمعوش لاراء ناس ليسوا اهلا بالاختصاص

3- اصبروا كي يمدولكم قائمة الاختيارات قلصوها...اقل شي تصيبوا 100 تخصص، انتوما باش ماتتخلطش عليكم قلصوها الى اقل رقم واحد 20 تخصص لا اكثر ...طبعا التقليص يكون حسب الاهتمام والميول ....

4- بعدا ماتحصروا التخصصات المتاحة اتوجهوا لاهل الاختصاص ...راح تقولولي وين نصيبوهم ...ساهل بكري ناس ماعندها والو وهكاك كانوا يجيبوا الخبر ..دوكا كاين يوتوب شوفوا اراء المختصين مثلا في الطب كاين اطاء وطلبة هدروا في اعلام الي كاين وكملوا على هاد المنوال ...مواقع تواصل ماننصحكم بيها بزاف باستثناء بعض المجموعات تع ثقة لانو للاسف ناس كامل تتفلسف ....

5- اغلقوا وذنيكم ضد التعليقات السلبية ...ماشي لي جاب 18 لازم طب وماشي لي جاب 10 لازم حقوق ...كل واحد يخير التخصص لي يعجبوا ولي يقنعوا ...حاطر بزااف يسمعوا هدرة الناس من بعد يضيعوا حياتهم

6- كي تسقسيوا على اي تخصص حاولوا تستفسروا على نقطتين مهمتين: اولا المسار المهني وثانيا المسار الاكاديمي مابعد التدرج ...يعني فيه خدمة وتاني هل فيه امكانية تروح بعيد في التخصص

7- واخيرا قبل ماتبداو في هاد المراحل كامل ماتنساوش تستشيروا ربي سبحانه بالاستخارة

ربي يتمم فرحتكم ويسدد حطاكم في حسن الاختيار واي سؤال مرحبا بكم

السلام عليكم
الكل ينتظر و يترقب ظهور نتائج البكالوريا، لي عندو خوه، و لي عندو ابنو ولي عندو قريبو ...
انا رح نخاطب #المترشحين و خاصة #المتمدرسين اقراو المنشور الله يحفظكم
#اولا النجاح او الاخفاق فالبكالوريا لا يعني بدرجة كبيرة جدا النجاح او الاخفاق فالحياة، في بلادنا الحبيبة و بحكم بنية المجتمع و عاداتو اصبح الباك محطة كبيرة للعائلة و المحيطين بها اكثر منها للمترشح في حد ذاتو، لكن فالحقيقة هو خطوة من الخطوات للتقدم نحو الامام لا غير.
بعد ظهور النتائج رح نلقاو انفسنا امام احدى الثلاث مواقف الاتية:
🔴 ناجح بمعدل يرضي المترشح: يعني واحد يدي الباك و بالمعدل لي حابو هو من اجل اختيار تخصص راغب فيه، وهذا رح يكون ميت بالسعادة🤩، الموقف هذا مافيهش حكاية.

🔴 ناجح بمعدل غير مرضي: يعني يدي الباك بصح المعدل مايعجبوش😐، وهاذ الحالة هي حالة الاغلبية، رح نقلكم ما تفسدوش فرحة الباك الاول، افرح مع داركم حتى ولو ماعجبكش المعدل، منبعد كاين بزاف حلول، سواءا تعاود الباك والا تلقا تخصص يليق بيك، كاين لي جاب معدل ممتاز فالباك و مانجحش في حياتو وكاين ب 10 و ناجح في حياتو و وصل وين مكانش يتوقع هو اصلا، حسن اختيار التخصص و التخطيط للمدى البعيد يخليك تسيير حياتك بالمعطيات لي عندك.

🔴 الموقف الثالث لا قدر الله واحد مايديش الباك😭، اكيد مش ناس كل رح تدي الباك، لكن والله ماهي نهاية العالم، و كي تعاود العام هاذ العام ماهوش خسارة، و مستقبلا مش رح يبان في حياتك اصلا، من جهة تلقا بزاف صحابك داو الباك و رام يعاود معاك، ساعات الانسان لازمو يرجع شوية الى الوراء من اجل قفزة اطول، انتم جيل جديد ما توقعوش في دراما العائلات و الحكايات لي نعرفوهم كل، ما ديتيش ماديتيش عادي، الا كان عندك رغبة باش تعاود و تصحح اخطاءك و دير القلب و تخدم على معدل يليق بالعام لي رح تعاودو، والا تخمم في مسار اخر من غير البكالوريا اصلا، وهذا راو اختيار شخصي.

⬅️ و شي لي حكيتو كاين بزاف امثلة من امامك، شوف في عايلتك، جيرانك ... تلقا واش كنت نحكي

⬅️ في الاخير نتمنا التوفيق للجميع بالبكالوريا ولا دونها، رب يفرحكم كل ان شاء الله
#باك #بكالوريا

:
🔴 الإعلان عن نتائج شهادة #البكالوريا سيكون يوم الأحد 12 جويلية 2026 ابتداء من الساعة العاشرة صباحا
🔴 بالنسبة للمترشحين المتمدرسين تكون النتائج متاحة عبر:
🔹 موقع الديوان الوطني للامتحانات والمسابقات: https://bac.onec.dz
🔹 فضـاء الأولياء: https://awlyaa.education.dz
🔹 الرسائل النصية المجانية (567) لدى موبيليس - أوريدو - جيزي
🔴 بالنسبة للمترشحين الأحرار تكون النتائج متاحة عبر:
🔹 موقع الديوان الوطني للامتحانات والمسابقات bac.onec.dz
🔹 الرسائل النصية المجانية (567) لدى موبيليس - أوريدو - جيزي

السلام عليكم
الكل ينتظر و يترقب ظهور نتائج البكالوريا، لي عندو خوه، و لي عندو ابنو ولي عندو قريبو ...
انا رح نخاطب #المترشحين و خاصة #المتمدرسين اقراو المنشور الله يحفظكم
#اولا النجاح او الاخفاق فالبكالوريا لا يعني بدرجة كبيرة جدا النجاح او الاخفاق فالحياة، في بلادنا الحبيبة و بحكم بنية المجتمع و عاداتو اصبح الباك محطة كبيرة للعائلة و المحيطين بها اكثر منها للمترشح في حد ذاتو، لكن فالحقيقة هو خطوة من الخطوات للتقدم نحو الامام لا غير.
بعد ظهور النتائج رح نلقاو انفسنا امام احدى الثلاث مواقف الاتية:
🔴 ناجح بمعدل يرضي المترشح: يعني واحد يدي الباك و بالمعدل لي حابو هو من اجل اختيار تخصص راغب فيه، وهذا رح يكون ميت بالسعادة🤩، الموقف هذا مافيهش حكاية.

🔴 ناجح بمعدل غير مرضي: يعني يدي الباك بصح المعدل مايعجبوش😐، وهاذ الحالة هي حالة الاغلبية، رح نقلكم ما تفسدوش فرحة الباك الاول، افرح مع داركم حتى ولو ماعجبكش المعدل، منبعد كاين بزاف حلول، سواءا تعاود الباك والا تلقا تخصص يليق بيك، كاين لي جاب معدل ممتاز فالباك و مانجحش في حياتو وكاين ب 10 و ناجح في حياتو و وصل وين مكانش يتوقع هو اصلا، حسن اختيار التخصص و التخطيط للمدى البعيد يخليك تسيير حياتك بالمعطيات لي عندك.

🔴 الموقف الثالث لا قدر الله واحد مايديش الباك😭، اكيد مش ناس كل رح تدي الباك، لكن والله ماهي نهاية العالم، و كي تعاود العام هاذ العام ماهوش خسارة، و مستقبلا مش رح يبان في حياتك اصلا، من جهة تلقا بزاف صحابك داو الباك و رام يعاود معاك، ساعات الانسان لازمو يرجع شوية الى الوراء من اجل قفزة اطول، انتم جيل جديد ما توقعوش في دراما العائلات و الحكايات لي نعرفوهم كل، ما ديتيش ماديتيش عادي، الا كان عندك رغبة باش تعاود و تصحح اخطاءك و دير القلب و تخدم على معدل يليق بالعام لي رح تعاودو، والا تخمم في مسار اخر من غير البكالوريا اصلا، وهذا راو اختيار شخصي

و شي لي حكيتو كاين بزاف امثلة من امامك، شوف في عايلتك، جيرانك ... تلقا واش كنت نحكي

⬅️ في الاخير نتمنا التوفيق للجميع بالبكالوريا ولا دونها، رب يفرحكم كل ان شاء الله

كيفاش يتصحو الأوراق تاع الباك 🤔

🔴 واسكو يزيروكم في التصحيح 😣 ، أنا خدمت بصح خايف ميمدوليش العلامة ونطيح في مصحح مزير 😖
🔴 وحنا الطلبة الأحرار ديما يحقرونا في التصحيح وميمدولناش العلامة 😔😢...
◀️ الجواب على هذه التساؤلات 👇👇👇
نحب نطمنك عزيزي التلميذ بلي التصحيح دائما رح يكون في مصلحتك و أي إجابة صحيحة رايحة تحتسب اما المراحل تع التصحيح رح تكون كالتالي :
🔴 مراحل عملية تصحيح أرواق البكالوريا :

1- ترسل الأوراق إلى مراكز التصحيح عبر مختلف ولايات الوطن تحت حراسة مشددة، يا إغفال فيه الاوراق بحيث يتم نزع بطاقة الاسم واللقب وإغفال الورقة بكود خاص

2-- يجتمع الأساتذة في مركز التصحيح لمناقشة الإجابة النموذجية الصادرة من عند الوزارة ويناقشون مختلف الامور الواردة فيها من معلومات وكيفية التنقيط.(مناقشة الإجابة النموذجية أحيانا تدوم يومين كاملين خاصة في المواد العلمية مثل العلوم..وتكييفها حسب اللجنة في بعض النقاط الواردة المبهمة ..)

2- الأوراق تكون مقسمة إلى مجموعات حسب أرقام التسجيل.

3- يمر التصحيح بمرحلتين :
1.. المرحلة الأولى : مرحلة التصحيح الأول 👇---------

- كل أستاذ تمنح له مجموعة واحدة من الاوراق.
- ورقة المترشح يكون مكتوبا عليها فقط رقم الإغفال وليس رقم التسجيل، يعني المصحح ميقدرش يعرف تلك الورقة هل هي ورقة مترشح أو مترشحة، أو حر أو نظامي.. حاجة ميقدر يعرفها على الورقة تاعك.
- يبدأ الأستاذ بتصحيح الورقة بالإعتماد على الإجابة النموذجية لي مدتهالو الوزارة.
- العلامة الكاملة والعلامات الجزئية ممنوع الاستاذ يكتبها في ورقتك يعني ورقتك تبقا جديدة مامكتوب عليها والو.. الأستاذ يكتب علامتك في ورقة هامشية يمدوهالو في المركز.

بعد إكمال الأستاذ لعملية التصحيح الأول ينتظر مرحلة التصحيح الثاني بحيث تجيه مجموعة جديدة من الأوراق كانت عند استاذ آخر صححها تصحيح أول و مامكتوب عليها والو يعني ميقدرش يعرف شحال مدلك المصحح الأول.

2- المرحلة الثانية : مرحلة التصحيح الثاني : 👇--------

- كيما قلنا الأستاذ تجيه مجموعة جديدة من الأوراق لي كانت عند مصحح آخر صححها تصحيح أول.
- يبدا الأستاذ يصحح التصحيح الثاني ويعتمد نفس الطريقة كيما التصحيح الاول.
- بعدما يكمل الأستاذ التصحيح الثاني توجه علامات التصحيح الأول وعلامات التصحيح الثاني إلى لجنة لتدرسها.

- مثلا ورقتك لقات اللجنة أنو المصحح الأول مدلك 15 والثاني مدلك 14 يعني نقطتك النهائية رايحه تكون 14.5 أو مثلا: كانت 13 في التصحيح الأول و 10 في التصحيح الثاني هنا نقطتك رايحه تكون 11.5 (يجمعوهم ويقسموهم على زوج)

✔️في حالة ما إذا كان الفرق بين علامة التصحيح الأول وعلامة التصحيح الثاني أكثر من 3 نقاط هنا ورقتك توجه نحو التصحيح الثالث.

3- المرحلة الثالثة : مرحلة التصحيح الثالث 👇👇

◀️ هذي المرحلة يلجؤوا ليها فقط اذا كان هناك فرق كبير بين علامة التصحيح الأول وعلامة التصحيح الثاني.

- يبدأ المصحح الثالث بالتصحيح والعلامة لي يمدهالك هو، يشوفوها أسكو قريبة لعلامة التصحيح الأول أو قريبة لعلامة التصحيح الثاني، ولي قريبا ليها يجمعوها معاها ويقسموها على زوج ، مثلا : 👇 👇 👇 👇

-المصحح الاول مدلك : 15
-المصحح الثاني مدلك : 10
👈- المصحح الثالث مدلك :14

هنا 14 قريبة ل15 يعني : (14 +15) ٪2= 14.5
🔴 علامتك هي 14.5 😊.

ملاحظة ✋ الإشاعة التي تقول أنو المصححين يظلمو الطلبة الأحرار هذي خاطئة أصلا المصحح ميعرفش إذا الورقة تاع ولد ولا بنت ولا نظامي ولا أحرار،. يعني الكل سواسية والأستاذ أمامو الإجابة النموذجية يصححلك وتدي علامتك ، فلاتقلقوا اخوتي و اخواني .
❌ إشاعة فقط : لا يمكن معرفة الولايات التي تقوم بعملية التصحيح وما ينشر لا أساس له من الصحة فهذا يدخل في مصداقية التصحيح
#بكالوريا #باك