نصائح وتوجيهات بكالوريا 2027

كيفاش يتصحو الأوراق تاع الباك 🤔

🔴 واسكو يزيروكم في التصحيح 😣 ، أنا خدمت بصح خايف ميمدوليش العلامة ونطيح في مصحح مزير 😖
🔴 وحنا الطلبة الأحرار ديما يحقرونا في التصحيح وميمدولناش العلامة 😔😢...
◀️ الجواب على هذه التساؤلات 👇👇👇
نحب نطمنك عزيزي التلميذ بلي التصحيح دائما رح يكون في مصلحتك و أي إجابة صحيحة رايحة تحتسب اما المراحل تع التصحيح رح تكون كالتالي :
🔴 مراحل عملية تصحيح أرواق البكالوريا :

1- ترسل الأوراق إلى مراكز التصحيح عبر مختلف ولايات الوطن تحت حراسة مشددة، يا إغفال فيه الاوراق بحيث يتم نزع بطاقة الاسم واللقب وإغفال الورقة بكود خاص

2-- يجتمع الأساتذة في مركز التصحيح لمناقشة الإجابة النموذجية الصادرة من عند الوزارة ويناقشون مختلف الامور الواردة فيها من معلومات وكيفية التنقيط.(مناقشة الإجابة النموذجية أحيانا تدوم يومين كاملين خاصة في المواد العلمية مثل العلوم..وتكييفها حسب اللجنة في بعض النقاط الواردة المبهمة ..)

2- الأوراق تكون مقسمة إلى مجموعات حسب أرقام التسجيل.

3- يمر التصحيح بمرحلتين :
1.. المرحلة الأولى : مرحلة التصحيح الأول 👇---------

- كل أستاذ تمنح له مجموعة واحدة من الاوراق.
- ورقة المترشح يكون مكتوبا عليها فقط رقم الإغفال وليس رقم التسجيل، يعني المصحح ميقدرش يعرف تلك الورقة هل هي ورقة مترشح أو مترشحة، أو حر أو نظامي.. حاجة ميقدر يعرفها على الورقة تاعك.
- يبدأ الأستاذ بتصحيح الورقة بالإعتماد على الإجابة النموذجية لي مدتهالو الوزارة.
- العلامة الكاملة والعلامات الجزئية ممنوع الاستاذ يكتبها في ورقتك يعني ورقتك تبقا جديدة مامكتوب عليها والو.. الأستاذ يكتب علامتك في ورقة هامشية يمدوهالو في المركز.

بعد إكمال الأستاذ لعملية التصحيح الأول ينتظر مرحلة التصحيح الثاني بحيث تجيه مجموعة جديدة من الأوراق كانت عند استاذ آخر صححها تصحيح أول و مامكتوب عليها والو يعني ميقدرش يعرف شحال مدلك المصحح الأول.

2- المرحلة الثانية : مرحلة التصحيح الثاني : 👇--------

- كيما قلنا الأستاذ تجيه مجموعة جديدة من الأوراق لي كانت عند مصحح آخر صححها تصحيح أول.
- يبدا الأستاذ يصحح التصحيح الثاني ويعتمد نفس الطريقة كيما التصحيح الاول.
- بعدما يكمل الأستاذ التصحيح الثاني توجه علامات التصحيح الأول وعلامات التصحيح الثاني إلى لجنة لتدرسها.

- مثلا ورقتك لقات اللجنة أنو المصحح الأول مدلك 15 والثاني مدلك 14 يعني نقطتك النهائية رايحه تكون 14.5 أو مثلا: كانت 13 في التصحيح الأول و 10 في التصحيح الثاني هنا نقطتك رايحه تكون 11.5 (يجمعوهم ويقسموهم على زوج)

✔️في حالة ما إذا كان الفرق بين علامة التصحيح الأول وعلامة التصحيح الثاني أكثر من 3 نقاط هنا ورقتك توجه نحو التصحيح الثالث.

3- المرحلة الثالثة : مرحلة التصحيح الثالث 👇👇

◀️ هذي المرحلة يلجؤوا ليها فقط اذا كان هناك فرق كبير بين علامة التصحيح الأول وعلامة التصحيح الثاني.

- يبدأ المصحح الثالث بالتصحيح والعلامة لي يمدهالك هو، يشوفوها أسكو قريبة لعلامة التصحيح الأول أو قريبة لعلامة التصحيح الثاني، ولي قريبا ليها يجمعوها معاها ويقسموها على زوج ، مثلا : 👇 👇 👇 👇

-المصحح الاول مدلك : 15
-المصحح الثاني مدلك : 10
👈- المصحح الثالث مدلك :14

هنا 14 قريبة ل15 يعني : (14 +15) ٪2= 14.5
🔴 علامتك هي 14.5 😊.

ملاحظة ✋ الإشاعة التي تقول أنو المصححين يظلمو الطلبة الأحرار هذي خاطئة أصلا المصحح ميعرفش إذا الورقة تاع ولد ولا بنت ولا نظامي ولا أحرار،. يعني الكل سواسية والأستاذ أمامو الإجابة النموذجية يصححلك وتدي علامتك ، فلاتقلقوا اخوتي و اخواني .
❌ إشاعة فقط : لا يمكن معرفة الولايات التي تقوم بعملية التصحيح وما ينشر لا أساس له من الصحة فهذا يدخل في مصداقية التصحيح
#بكالوريا #باك

نصيحة قبل نتائج البكالوريا:
اولا الخيرة فيما اختاره الله مهما كانت نتيجتك احمد ربي
ثاني حاجه اذا كان المعدل اللي تحصلت عليه اقل من هدفك و لابد تعاود احرا ر رجاءا ماتعمرش الرغبات بطريقة عشوائية اعرف تختار اطلع على التخصصات جيدا لانك مكش عالم بالغيب قادر لا قدر الله تمرض يجي الباك اصعب على الاقل يكون عندك بديل و باك الاول ما يروحش هباءا
ثالث حاجه و هي الاهم بالنسبة للناس اللى ماحطتش هدفك مهماكان المعدل عالي او متوسط اختار التخصص بعناية و حذاري ثم حذاري التهاون في الجامعة الباك ما هو الا نقطة الانطلاق اذا كنت ذكي مهما كان معدلك الجامعة قادرة تفتحلك ابواب نحو مستقبل افضل نعطيك مثال
مثلا تحصلت على 10 و دخلت حقوق و اللي هو تخصص رائع اجتهدت و جبت معدلات جيدة تقدر بعد ماا تدي ليسانس تشارك في مسابقة المدرسةالعليا للقضاء
مثلا درت اقتصاد نفس الشيء تقدر تشارك في مسابقات المدارس العليا
درت st حتى هي بلا ما تنسى المنح للخارج المدفوعة كاملة اللي تقدر تتحصل عليها اذا كانت نقاطك في المستوى
خلاصة القول الجامعة مش للرقاد و التشماس واصلو مجهوداتكم و حبوا تخصصاتكم احتكو بالناس اللي احسن منكم طالعو وتثقفوا روحو الندوات حوسوا على الخدمة وانتما تقروا استثمروا في وقتكم و في انفسكم.

انتهى عام طويل و شاق من الدراسة و العمل ، عام كان مليئا بالمشقات و العراقيل ، سقوط و نهوض ؛ تعب و سهر ؛ كل هذا قد إنتهى اليوم
يمكنك ان تنام الآن بدون تأنيب الضمير ، بدون ضجيج التفكير ، فقط استمتع بهذه اللحظات من الراحة النفسية ، الراحة بعد التعب لا مقابل لهذا الاحساس❤
رافقتكم صفحتنا طيلة السنة الدراسية و نتمنى أن تكونوا قد استفدتم من منشوراتنا
سنرافقكم طيلة التسجيلات الجامعية ان شاء الله
نتمنى لكم حظا موفقا في مساركم الجامعي.

إلى طلبة البكالوريا : 🥰

نصركم على بعد خطوات من الآن ، أنتم تدخلون معركة لا مجال للخوف و لا للتوتر فيها ، لقد تجهزتم و أعددتم العدة لهذا اليوم طيلة عام كامل ، والنصر سيكون حليفكم جميعا باذن الله .
اسمتعوا بهذه اللحظات و تلذذوا بنبضات قلوبكم الواجفة , هذا الشعور سيحدث لمرة واحدة فقط ، مهما تصادمت مع مواقف تستدعي المواجهة والقلق لن ينبض قلبك فيها كما يفعل الآن .
بعد سنوات ستحن لعامك هذا ، كما أحن أنا و الجميع ، أستذكر مواقف كنت أرتبك فيها أشد الإرتباك و ها أنا الآن أضحك على نفسي لحظتها .
هذا الامتحان يخصكم أنتم ، مستقبلكم و حياتكم أنتم ، صموا آذانكم عن اللغو و الضغط الملقى عليكم ، أعظم النجاحات والإنتصارات على مدى التاريخ كان السبب الأول فيها هو ثقة أصحابها بأن لا مجال فيها سوى للنصر، إما النجاح وإما النجاح .
السر يكمن في الثقة، إذا نفذ الشك إلى قلبك ستقلل من قیمتك وتثبط عزيمتك وحينها ستفقد كل أوراقك الرابحة .
هذا الإمتحان هو خطوة نحو أحلامكم وليس امتحانا فاصلا، الفشل فيه هو محفز آخر للنجاح ، ولا يعني أنك فاشل.
لا تفكر في النجاح من أجل زغاريد والدتك ولا ليفتخر بك والدك، فكر في فعل هذا لنفسك أولا، ثم اجعله هدية للجميع، ثق بالله وبنفسك ولن يخيب عبد حسن ظنه بالله .
بعيدا عن الضغوطات ،استمتعوا بآخر أسبوع من الرفاهية من مأكولات وإغداق بالمال والمعاملة الحسنة قبل أن تعودوا إلى الحياة العادية 😂
و بالعامية خلي الوضع ريلاكس 🥰
أعظم نصيحة نقدمهالكم اليوم خرجوا من عقولكم فكرة الباك حياة أو موت 😑
رجع عندنا خوف من الباك ديجا علابالك تروح عند واحد يقرا في الثانوية تسقسيه يقولك راني خايف من الباك وهو مزال مالحقش أصلا ، وحتى لي يكون السنة الثانية يبدى يوجد للباك فالصيف خلاص دخلت في الراس بلي الباك صعيب وبلي لازم تقرى ليل ونهار و ضغط وتشيان وصحتك تروح وماتهدرش مع
الناس ومترقدش وتفطن بكري وطيح دوخ وتحتاج فيتامينات... الخ
والله صدقا ماهذا؟
ياك جوزتوا کامل سانكيام وسيزيام وbem شفتو بلي
المجتمع يهول بزاف هاذ الامتحانات ؟ أصلا امتحانات الجامعة أصعب ومصيرية صح بصح مافيهمش ضغط المجتمع لأن الناس تعرف غير الباك كي تخرج يسقسوك جبت الباك ! تقولهم نعم يقولك الله يبارك ويسكت
شغل خلاص جبت الباك انت عالم كبير وخلاص مشوارك الدراسي 😒
هيا قریب نجي نفوت في بلاصتكم 😂 صايي تفاهمنا
الباك مجرد فقاعة كاذبة نفخها المجتمع طرطق جدها یا طالب وجيبلنا حاجة للفال

بالتوفيق لكم جميعا ❤️

🔰 الأدوات المدرسية اللازمة لإمتحان شهادة البكالوريا
✅ أولا و الأهم على الإطلاق 1️⃣ الاستدعاء + 2️⃣ بطاقة التعريف (ممكن رخصة قيادة أو جواز السفر)

🔰 تشري 3️⃣ une trousse كبيرة ، دير فيها :
4️⃣ آلة حاسبة (من الأفضل casio أو kajib)
5️⃣ السيلات (3 زرقاء + 2 سوداء +
6️⃣ فاصور (تستعمله إلا قليلا)،
7️⃣ ممحاة نوعية جيدة،
8️⃣ قلم رصاص ،
9️⃣ مبراة،

1️⃣1️⃣ مسطرة 20 سم ذات تدريجات واضحة
1️⃣2️⃣ كوس ،
1️⃣3️⃣ منقلة ( دائرة نسبية فالاجتماعيات)
1️⃣4️⃣ مدور،
أهم عنصر 😊👈1️⃣5️⃣ graveuse متوسطة الحجم ،
1️⃣6️⃣ قارورة ماء صغيرة + حبات حلوى و شيكولا

بالنسبة لأصحاب التقني هندسة مدنية و ميكانيكية يزيدوا هاذو : 👇👇👇
بورت مين
مسطرة الدوائر
مدور
لي مين تاع القلم
و ناكد على لڤراااافووز 😁

يا مجاهدين

تضعين الاستدعاء و بطاقة التعريف داخل المقلمة باه تضمني متنسايهمش ، وباه متنحيهمش و منبعد تنساي ترديهم 😊

🔴تنبيه
احتفظ بنسخة من الاستدعاء pdf في هاتفك و نسخة مطبوعة في المنزل

وجدهم من الآن ماشي حتى ليوم الإمتحان 😊

بمأنو بقا يومين على الباك حبيت نحطلكم هاذ النصائح لي حطيتها العام لي فات في نفس الوقت:
السلام عليكم و رحمة الله ^^ انا متحصل على شهادة البكالوريا بمعدل 17 و لله الحمد جيت نقدملكم مجموعة نصائح خاصة بالاسبوع لي جوزو فيه (راح يكون طويل شوية 😅بصح مهم جدا تقراوه) كاين بزاف لي وقعو في اخطاء بسيطة في هاذ الاسبوع لي كلفتهم تعب عام كامل و علاجالها ماجابوش الباك ولا جابوه بمعدل مكانوش حابينو
المهم ان شاء الله ماتوقعوش فيها نتوما و جيبوه كامل بإذن الله
اولا لازم تفتهمو بلي دك جا وقت الصح يعني خلاص مكالاه تديرو لروحكم ضغط تاع لازم جيبوه ب 18 ولا تموتو العكس في هاذ الفترة لازم توجدو روحكم باش تتقبلو النتيجة مهما كانت لأن الحاجة هاذي ماشي نتوما لي تتحكمو فيها ربي هو لي يكتب لكل واحد شحال حب افهمو بلي نتوما الجزء لي عليكم درتوه سعيتو و قريتو و تعبتو من سبتمبر حتى جوان و حتى لي بداو روطار تعبو و سهرو و قراو خلاص ضك اطمنو و ارتاحو لأنو لي عليكم درتوه و ضك الحكم راهو في يد ربي هو يعرف الخير ليكم و على هاذ الاساس راح تكون نتيجتكم تسما علاه تتقلقو و تخافو من حاجة لي راهي في يد ربي؟ (ان شاء الله تكون وصلت الفكرة )
تسما دك لازم تدخلو للباك بعقلية انا قريت و درت لي عليا نجي نحط واش كاين في راسي و لي كتبها ربي مرحبا بيها لأنو هذاك هو الخير ليا ماتكلفوش نفسكم فوق طاقتها و متعيشوش روحكم ضغط مراكمش قدو
ماشي انت داخل جوز و تقول لازم نجيب 20 ولا نموت اومبعد اووب تحصل في حاجة تتفرفش ڤاع و تبدا تخلط
لالا روحو حطو واش تعرفو و بس باش اذا حصلتو ما تتبانيكاوش و تقدرو تكملو باقي الموضوع بهدوك و تتحكمو في اعصابكم
1-اهم نقطة اذكرو ربي قبل ما تبداو اقراو قرءان و دعاء و سيو طلعو لمورال لروحكم و توكلو على ربي و ابداو
2- اتأكدو مليح من اسمكم و لقبكم و خاصة خاصة رقم التسجيل و اذا شكيتو بلي أرقام مايبانوش مليح طالبو مباشرة بتغيير الورقة
3-قبل ما تخلاص الورقة طالبو بأخرى لأنو مرات يطولو كي يجيبو لورق و ڤاع تسما باش ما تضيعوش الوقت
4-ادو معاكم على الاقل 2 ستيلوات و اكتبو كلش بلون واحد و ارسمو بقلم الرصاص تقدرو تستعملو كوركتور بصح حاولو تجنبوه و ماتستعملوهش بزاف و اذا خطأ كبير (مثلا جملة كاملة) ديروها بين قوسين و سطرو فوقها
5-نظمو الورقة و أكتبو بخط واظح و كبير و سطرو فوق العناوين و ادو معاكم اڤرافوز صغيرة كي تكملو اڤرافيو لورق مليح مليح بالترتيب و احرصو انكم تاڤرافيوهم وحدكم لأن بعض الاساتذة الله يهديهم مرات يستهزاو و مايلسقوهمش مليح ولا ماشي بالترتيب
6-اذا فتو خيرتو موضوع الموضوع الآخر انساوه بلي موجود اصلا طبڤوه و بعدوه عليكم ولا حتى قطعوه (مع انو مننصحش 😅) خاصة اذا وصل نصف الوقت حذااايي ثم حذاري تبدلو
7-اتلهاو فروحكم برك اتخايلو بلي راكم وحدكم فالقاعة نتوما و الموضوع برك متبداوش طلعو راسكم تشوفو ناس واش راهم يديرو و لا تسمعو للأساتذة واش راهم يهدرو ولا تشوفو ورقة لوخرين لأنكم مش متأكدين من اجابتكم حذاري
و وجدو روحكم بلي كاين لي حا يبداو يبكو و كاين لي يحكموهم يغشو و هذا امر شبه عادي يعني ماتركزوش معاهم بزاف و ضيعو وقت و يتشتت تركيزكم و يروحلكم الافكار
و اذا قلقوكم الاساتذة بالڤصرة تقدرو تطلبو منهم باحترام يسكتو ولا اذا جاو وقفو عند راسكم اطلبو منهم يروحو هذا حقكم و اذا ماطالبتوش بيه نتوما لي تخسرو برك
8- اخرجو بكري من الدار لازم على الاقل 30 دقيقة قبل الامتحان تكونو ديجا وصلتو للمركز و اذا خفتو ترقدو وصو الاهل تاعكم ينوضوكم
9-النوووم من اهههم النقاط بالاكو ثم بالاكو ديرو نوي بلونش و نتوما تراجعو اومبعد تروحو جوزو ولا تسهرو حتى 4 اكبر خطأ ممكن ترتكبوه(قريبة ليا دارت نوي بلانش و راحت جوز امتحان فيزيك الموضوع معرفتش تقراه مخها حبس من التعب و قلت النوم بدات غير تبكي تبكي و شمخت الورقة و وحدة تان رقدت كي كانو يجوزو علوم و الاساتذة مانوضوهاش حتى فطنت لقات مزال 30 دقيقة ماشي باش نخلعكم ولا بصح باش نحذركم و مديروش هاذ الغلطة و تعرفو اهمية النوم )
لالا ارقدو مليييح على الاقل 6 ساعات باش تروحو في نشاط و جاوبو مليح
10- الاكل من النقاط المهمة تان اتغذاو مليح خاصة صباح قبل ما جوزو لأنو المخ باش يخدم و يفكر يحتاج طاقة بزاف و لي جي من الاكل الجيد و الراحة
11-اذا قدر الله و حصلتو في سؤال بالاكو تبقاو معاه بزاف و ضيعو الوقت اذا خفتو بزاف و تبانيكيتو حطو الورقة اقلبوها اتنفسو مليح اشربو الماء و اذكرو ربي و اذا استلزم الامر احبطو اغسلو وجهكم كي تولو هذاك السؤال خلولو صفحة و روحو للسؤال ولا للتمرين الموالي كي تكملو كاامل الموضوع ولو ليه و حاولو فيه بهدوء
12-ادو ساعة معاكم و قسمو الوقت تاعكم على حسب التمارين و كل تمرين اعطولو حقو و دايمن خلو 30 دقيقة زيادة للحاجة هكا باش ماتخذوش راحتكم فوق اللازم حتى يقوللكم الاستاذ خلاص الوقت
13-ماتخلو حتى اجابة فارغة يالوكان غالطة ولا نتوما اخترعتوها معليييش اكتبوها مهم متخليش سؤال بلا جواب يالوكان اكتبو قانون برك ولا نصف الحل بالاك يمدولكم عليهم نصف نقطة خيرمن والو
14-كي تكملو الاختبار دييركت للدار متهدرو مع حتى واحد و ماتسقسوش صحابكم على الموضوع ولا تتناقشو على الاجابات خلو نهار لخميس كي يخلاص الباك و اتناقشو حتى تشبعو لأنو هاذ الحاجة قادر تأثر عليكم اذا ماطابقتش اجابتكم مع صحابكم راح تبقاو تخمو فيها في الامتحان الجاي و مراحش تخدمو فيه مع انو احتمال كبير تكونو نتوما صحاح و صحابكم لي غالطين (صراتلي سمعت اجابة و اجابتي كانت بزااف بعيدة عليها و تقلقت شوية في الاخير انا كنت الصحيحة ^^)
15- ماتحطوش قرعة تاع لماء فوق الطابلة قادرة لا سمح الله تدفق فوق الورقة و تخسرها حطو القرعة فالارض
16-ديرو ثقة في روحكم و في اجاباتكم ماتبقاوش غير تبدلو الاجابة لي كتبتوها خلوها (الا اذا تأكدتو بلي غالطة طبعا)
17-البسو ملابس مريحة لي ماتعيقكمش كي تكونو جوزو و لي ماشي سخونين بزاف و لبنات الغير متحجبات متنساوش شوشو :) لانو كي جوزو شعركم يقلقكم لازم تحكموه
18-نهار قبل الباك (نهار السبت يعني) ماتمسو والو دوشو ريحو وجدو حوايجك اخرجو مع صحابكم ڤسرو مع العائلة ديرو كلش ما عدا القراية (غير اذا حبيتو
صباح شوية عربية بس)
19-اكتبو كل التفاصيل مهما كانت تافهة و متمشوش بعقلية تاع هاذا استاذ و يفهم مكلاه نكتبها، لا ديرو كيشغل الاستاذ المصحح طفل و لازم تفهموه كل التفاصيل الدقيقة و ماتفوتو حتى مرحلة خاصة في فيزيك مات و علوم لأنو لكل تفصيلة نقطة
20- ليلة كل امتحان خاصة رياضيات و فيزياء ماكالاه تحلو تمارين لانو اذا غلطتو حا يحبطلكم المورال و تخافو و تتخلطلكم ، ليلة الامتحان اقراو فيها ملخصات خفيفة برك ولا قوانين باش متنساوش ولا تعريفات و حاجات نظرية فقط
21-تأكدو مليح بلي راكم تحلو تمارين من نفس الموضوع قادرين تتلفلكم لا قدر الله و تحلو تمرين من موضوع و تمرين من موضوع آخر تسما ركزو مليح و كيما قلت الفوق الموضوع الثاني طبقوه و حطوه بعيد عليكم
22-من الطبيعي انكم تحسو بلي راكم روطار ولا نسيتو كلش و هذا نتيجة التوتر فقط تسما مكالاه تبقاو تخمو بزاف و تتبانيكاو كي مكملتوش ل بروڤرام عادي اصلا مراحش يطيح ڤاع لبروڤرام فالباك و حتى اذا قدر الله طاحت حاجة مكملتوش قريتوها راح يكون جزء صغير من الموضوع ڤاع على الاكثر عليه 4 نقاط تسما مكالاه ضيعو عليكم 16 نقطة و نتوما تخمو ف 4 لي راحولكم و بالنسبة للنسيان غير يحطولكم الموضوع تتفكرو كلش نورماال
المهم يبقى الباك مجرد امتحان لي اذا قدر الله و فشلت فيه راح دايما تكون عندك فرصة تعاودو تسما مكالاه تمدولو اكثر من حجمو لانو اسهل من امتحاناتكم الفصلية بكثير و كي جوزو تفهمو هدرتي خلعتو اكثر منو يعني شوية خوف ضروري يكون مهما كنتو واثقين من نفسكم 😅 بصح ماتخلوش هاذ الخوف يتغلل بزاف فيكم و يأثر على آداءكم
نتوما قريتو و درتو لي عليكم و التوفيق من عند ربي سبحانه 🤍 بالتوفيق ان شاء الله الكل ناجحين 🙏🏻