LYCÉE MOHAMED MEHDI

السلام عليكم شكون باغي يولي موديراتور هنا قي الصفحة تع الليسي بشرط يكون يقرا فيها !

الثانيوة اشتاقت لكم

😅😅

العام الماضي أقاموا الارض واقعدوها، بعد حادثة الاعتداء على رياضية في الصبلات والعبارة الشهيرة، "بلاستي ماشي في الكوزينة"
لماذا اليوم لايقفون احتجاجا على المراقبة التي تم الاعتداء عليها بوحشية وبربرية من طرف أشباه التلاميذ عديمي التربية والأخلاق نتاج الأولياء عديمي الضمير والمسؤولية، المسكينة لم يرحموا حتى جنينها وهي حامل وفي هذا الشهر الفضيل، عن أي براءة نتحدث وعن أي مستقبل لهذا الجيل المتعفن، اين هي نقابات التربية التي دافعت عن لويزة حنون، ونقابات النساء اللاواتي صدعن رؤوسنا بخطابات التحرر ، اين هم المختصين الاجتماعيين والنفسانيين ليدقوا طبول الخطر على هذا الجيل القادم الذي لايبشر بخير.
احزن يا استاذ 😑

سلام خاوتي
بالنسبة للطلبة لي عندهم بكالوريا
اليوم 16 ماي باق شهر بالتمام على دورة جوان 2019
نصيحة مني العبد الضعيف للطلبة لي حاسين روحهم ماش لاحقين (نهدر على المواد المشتكرة بين الشعب فقط)
أولا؛ دير في بالك انو امتحان عادي كيما امتحانات الفصول تروح جوز 5 ايام وتولي للدار ماش حاجة extraordinaire
ثانيا؛ الباك والله ساهل بزاف قريت مع عباد فلا فاك ما يعرفش الفرق بين (1 ناقص 2) ولا (2 ناقص 1) و جابو الباك وطلعو لـ لا فاك ويطلعو العوام وعادي ^^
ثالثا؛ بالنسبة للمراجعة ..
معلوم ان المواد لي تدي بزاف وقت فالمراجعة هي مواد الحفيظة (تاريخ وجغرافيا وشريعة) و الرياضيات والفيزياء (والعلوم بالنسبة لشعبة علوم وتكنو بالنسبة لشعبة تقني رياضي)
في ما يخص التاريخ والجغرافيا نقلكم انا كيفاش درت بالاك تساعدكم..
كنت علابالي بلي الوضعية الادماجية ما عليهاش بزاف .. مالا علاش نضيع وقتي فالدروس ونحفظهم عن ظهر قلب ؟ الدروس تاع التاريخ والجغرافيا والشخصيات تاع تاريخ حفظتهم كامل بصح كنت ندير عفسة؛ مثلا نحكم كاش عنوان ندير فيه 3 مطات وكل مطة فيها كاش 4 ولا 5 كلمات يعني نختصر بزاف .. نحفظهم مليح اومبعد نحفظ الكلمة اللي الحروف تاعها اول حرف من كل مطة
مثلا "هاري ترومن"
- رئيس الولايات المتحدة الامريكية
- قنبلة هيروشيما وناكازاكي
- مشروع ترومن
نقراهم مليح اومبعد نحفظ "رقم" .. حرف "الراء" يعني المطة الاولى .. "القاف" المطة الثانية ..
اتبعت هاد المنهجية حتى فالدروس وحتى فالشريعة بل حتى كي طلعت ل لا فاك وقريت بالفرنسية .. والله تساعدك بزاف .. اما في ما يخص التواريخ خليهم هوما اللخرين لأنك كي تكمل الدروس راح تلقى روحك حافظ بالاك اكثر من 60% من التواريخ .. اما في ما يخص المصطلحات في رايي تقراهم شحال من خطرة خير من لي تحفظهم عن ظهر قلب .. كاين 48 ولاية .. كل معلم يدير تعريف خاص بيه .. علاش تحفظ عن ظهر قلب من محمودي عادل؟ افهم مليح وما تنساش وما تخلطش بيناتهم اومبعد جاوب بطريقتك
اما في يخص الرياضيات والفيزياء .. كي تحس روحك ماش لاحق في وحدة روح احكم كتاب تاع تمارين مع الحلول اقرا كاش 20 تمرين ما ترفدش stylo كامل .. اقرا التمرين والحل وافهم مليح .. راح يدولك كاش ساعة على الاكثر .. شكون خير كي دير هادي وتفهم مليح وتولي جاوب وحدك ولا كي تضارب مع تمرين واحد فورقة وستيلو يديلك ساعة من وقتك كنت قادر دير فيها بزاف عفايس؟
بالنسبة للعلوم؛ مام تعرف حل كامل التمارين ما يكفيش .. لازم تحفظهم تان لأنو فالاجابة كاين كلمات مفتاحية عليهم 0,25 للوحدة .. يعني مام تعرف التمرين وجاوب صحيح ما راحش تدي مليح لوكان ما تحطش الاجابة النموذجية لي قلت فيها كلمات مفتاحية
خاوتي، هذا يبقى امتحان واحد برك من مجمل الامتحانات اللي راح تواجهها في حياتك ودير في بالك بلي ساهل بزاف .. من قوة ساهل، الناس لي راهي تقرا فالمنشور وجوزو الباك راهم يقولو "هذا فارغ شغل يكتب منشور قد هذا على جال باك" هههههه
اتمنى من كل قلبي تنجحو كامل و ديرو في بالكم بلي هاد la pression لي راكم فيها راح يجي نهار تتوحشوها وبالاك تبكو عليها .. حتى و إن قلت "لالا ماراحش نتوحشها" كي قريت "تتوحشوها" بصح والله غير راح تتوحشها رغما عنك ويجي نهار وتتفكر هاد المنشور لي راح يتنسا في غضون شهر على الاكثر كأنه لم يكن ..
في الاخير نقولك حاجة اخرى بالاك تشوفها غير مهمة .. العام لي فات كنت نقري شوية فالجامع .. والله غير نعرف بزاف تقصاو من الامتحان على جال re**rd تاع 5 دقايق ولا 10 وراح يعاودوه هاد العام .. يعني بلا ما نقولك بلي ما تريفيزيش النهار اللخر وارقد بكري ..

ببالغ الحزن و الاسى تلقينا خبر وفاة زوجة الاستاذ قارة عشيرة رحمها الله
ان لله و ان اليه راجعون

تلاميذ ثانوية الشهيد محمد مهدي يدخلون في إضراب بسبب عدة نقائص في المؤسسة Trouvez votre programme tv à revoir en streaming. JT, séries, documentaires, émissions sur www.beurtv.tv

غدا الثامنة صباحا
إضراب مكاش الشوفاجات

ماركي صاحبك
كي كانو الناس دايرين اضراب هو بقا فالكلاصة 😁😁😁
بهدل الخواف

لم يستطع المدرسين الدخول في اضراب
فبادر التلاميذ بذالك