Dr.hakim saadan fans

10/02/2022

الشيخ صيفي علي المراقب العام السابق بثانوية الحكيم سعدان في ذمة الله
اللهم اغفر له و ارحمه و عافه و اعف عنه و اجعل قبره روضة من رياض الجنة آمين يا رب

06/02/2022

عمي علي صيفي المراقب العام السابق بالثانوية بالعناية المركزة
ارجو الدعاء له بالشفاء العاجل ان شاء الله

07/01/2022

2022😂😂😂😂😂

23/07/2021

03/07/2021

صور من الزمن الجميل
الحكيم سعدان 1991

06/06/2021

بقلوب خاشعة و راضية بقضاء الله و قدره بلغنا منذ قليل وفاة الاستاذ زيد مسعود استاذ الفيزياء سابقا بالثانوية
انا لله و انا اليه راجعون
ان القلب العين لتدمع و القلب ليحزن و انا على فراقك لا محزنون الانسان الطيب الخلوق الاب و الاخ رحمك الله و غفر لك وجعلك من اهل الجنة ارجوا من الجميع الدعاء له بالرحمة و المغفرة ان شاء الله

30/05/2021

وهذا واش قصتوا

19/11/2020

قهوة السهرة (1)

في دزاير غير تفتح باب الدار وتقول بسم الله توكلنا و تخرج تبدا تشوف ناس مزيرة وجها كي القهوة براس ، البسمة مكانش كي لحليب في رمضان ، مورالك الطالع لي تنوض بيه من الفراش يهبط غير بشويا ، تبدا تسمع الهم والغم المشاكل واحكم كان تحكم ، كل واحد يخرج مشاكلو الشخصية وامورو العائلية برا ويفرغ الغش لي فيه في ناس ما عندها حتى ذنب وما عندها حتى علاقة ، الناس كل تسربي في سمها ، هذي الله غالب ترجع لوين رانا عايشين طبعا تبقى دزاير وافريقيا ، بلا ما نحكو كامل علبالكم واش كاين واش مكانش ، يعني نقولو السلبيات غالبة مع وجود ايجابيات...

المهم راك تمشي حتى وين تفوت على خونا "رئيس الحي" بما انو عندو كل الطالع على الحي ، يعرف المكشوف والمتخبي، حكايات الناس ، مشاكلهم همومهم فرحتهم ، وحتى مواعيد مناسباتهم ، وحاكم "الرجيستر والكالكيلاتريس" ويحسب لكل واحد واش صرف واش طلع معاه للدار ، يعرف شكون جاكم للدار شكون لالا هاذي لحاجة ماشي ساهلة يكتسبها بالخبرة يعني السيد تقدر تزيدو في الكارني نورمال (يعرف عمامك عماتك خوالك وخالاتك وحتى ولادهم ووو) ، تفوت تقولو صباح الخير جاري لعزيز يقلك واش من خير ووينو الخير لي راك تشوف فيه هنا الخير راهو لهيه في بلاد الخير (يقصد اوروبا) ، على اساس دزاير مافيها والو وهاذو الكاليتي تاع لعباد تلقاه ما يدير والو لا خدمة لا زدمة لا تخمام لا تمخميخ لا ضرب لا رديخ، لحاجة لي عندو في حياتو يخرج بكري من دارهم على 7 تاع صباح يجيب قهوة براس وحدة نرجس و 4 قوارة رثمان يفتح "الشازلون" وراهو جايبها في كاش كوان في الحارة ، ويسربي في الموهبة لي عندو لي هي يدوبي للناس جرعات سلبية كل صباح (موهبة أخرى بخلاف التقرعيج) ، يعني انت تنوض مع صباح "en forme" المورال طالع وتخرج قاصد ربي في قرايا ولا خدمة ولا في قضية تفيد عايلتك ولا تفيدك ، غير تتكروازا بيه يكروازيلك النهار بجملة وحدة....

#سيفو

18/11/2020

نبحث عن ادمن نشط للصفحة

01/07/2020

الي يعرف ناضر ثانوية الحكيم سعدان اعتقد اسمو بن براهيم. يوصلو الميساج هذا" استاذي الفاضل ممكن ما راكش متفكرني لكن أنا مازلت متذكرك. سنة 2001/2002 .تعرضت للحقرة من طرف استاذ العلوم الشرعية باشا الي ضربني مع انو ما كانش يقري فيا . وانت وقفت معايا وقفت رجال وماخليتوش يزيد يضربني في المكتب نتاعك . العام هذاك راحلي وأساتذة كانو يقرو فيا وقفو مع زميلهم ضدي وهزوني في الفام حتان دمروني و ضيعولي العام وانت بيدك مسحت من البيلتان نتاعي يعيد السنة وكتبت ينتقل إلى القسم الاعلى . من اول ثانوي لثاني ثانوي وقلت يا علي ما بقالكش هنا احسن لك تروح لثانوية أخرى . يا استاذي الفاضل بعد هاذيك اللحضة سوفريت باش نلقى ليسي . لقيت غير في سيدي عقبة كنت نروح يوميا بالنقل وساعات نرجع بالستوب . حتان توقفت على الدراسة عام الإضراب المفتوح بعدما رجعت للعربي بن معيدي وكرهت من الليسيات والحقرة . من بعدها بسبعة سنوات يا استاذي سجلت مراسلة وقريت وجبت الباك في عامو بالمراسلة ومن أول محاولة بمعدل 13 والحمد الله . كملت قرايتي في الجامعة وتخرجت أستاذ إنجليزية وخرجت من الجزائر وقريت إنجليزية في دولة أجنبية وتحسنت الأوضاع . وكلو بفضل ربي وبفضلك وجامي ننسى هاذيك اللحظة كي جبدت الممحات و مسحت يعيد السنة . قربتلي المسافة كثر خيرك وبارك الله فيك وربي يعطيك طول العمر ويجازيك على موقفك معايا "