موقع بكالوريا ديزاد

07/06/2020

انا متحصل على شهادة البكالوريا 4 مرات خاوتي ليحتاج اي نصيحة او استفسار فيما يخص الباكوريا يخلي كومنتار راح نرد عليكم كامل

11/09/2017

نصائح 🌸بكالوريا 2018🌸

سلااااااام ايها الشعب الشكوبيستاني 😂
جيتكم اليوم باش نزيدلكم شوية نصائح عاللي درتهم déjà
نبداو على بركة الله 💜
١- السهر ممنوع منعا باتا 🚫 متتعداوش 22:00 ❌ من المستحسن تنوضو قبل الفجر صليو ركعتين و كولو حاجة خفيفة 🍎🍐🍓
و بداو قراايا 📚
٢- الحفيظة 📓📖 بداوها من بداية العام ، متخليوش حتا للخر
العلوم الاسلامية سهلة و معظم الدروس صغاار
الاجتماعيات كل متحفضوا درس احفضوا ااشخصيات و المصطلحات الاي فيه
هكا يجيكم كلش ساهل 🎉
٣- ابتعدوا كل البعد عن مواقع التواصل الاجتماعي ❌ مضيعة للوقت و هاد الشيء ندمت عليه بزاف و خطيكم من المسلسلات و les
match
٤- ديرو اهداف للاسبوع 📃 مثلا تحفضوا 2 دروس فتاريخ و تحلوا تمارين وحدة كاملة فالعلوم .....الخ
٥- زينوا مكتب تاعكم 🎨💺🎈 باش كيتشوفوه تجيكم رغبة تفراو(انا قبل كان فارغ كنت دايما نتكاسل بصح زينتوا 😂 ولا كلو الوان ، عشقتوا هههه)
علقوا عالحيط ملصقات فيها جمل تحفيزية 🌸🌸🌸
٦- متتهاونوش فصحتكم 😭 انا بعد الباك هذا وليت مطرق تاع شوا 😥😭😭😭 تامنوا🚫🚫🚫 عظامي الكل ولاو بارزين 😭تقول جلد على عظم هذامكان والله صراحة كرهت من جد النحافة هذي 😥 لذا كووولو كولوووو كولووووو
٧- اكثروا من الاستغفار و قراءة القرٱن 💜 يسهلولكم الفهامة و الحفاضة 📖
و متبعدوش عن صلاتكم ، كنتوا تقراو و أذن خليو كلش و روحو صلوا 💜
٨- فالكلاسة تبعوا مع الاستاذ و tjrs قلم رصاص بحذاكم ، اي حاجة يقلها و تكون مهمة كتبوها
سقسيو على اي شيء غامض مفهمتوهش ، متحشموش راكم تما باش تتعلموا 📚
٩- متقولو هاذي صاحبتي ولا ختي ، ❌ ياو عام الباك يتبينلك بلي غير والديك و خواتاتك اللي باغيينلك الخير
حتى اذا كنتوا من قبل كي الخاوة ، فالعام هذا تشوف بلي يقلبوا على مصلحتهم برك 😶😶😶
و جامي تامن واحد قالك مقريتش 😶 اللي مقراش باين بصح هوما يبعدوا فالعين 😜😜 متقول لحتى واحد على اااي قريتو(هههه عاودتها للمرة الالف)
١٠- اتوكلوا على ربي ، و متخموش بزاف و متتقلقوش و الله انا كي قرب الباك و اليامات اللي عڨبنا فيهم ذرة قلق مكان عندها الجرأة تتقدملي 😂😂😂😂الحمد لله على هاد النعمة
كنت نكثر من الدعاء خاصة في السجود (قيام الليل) مثلا :
اللهم ابعد عني القلق و النسيان 🌸هذا كنت دايما نعاودوا
و قراو سورتي البقرة و ياسين يوميا 😍
١١- نظموا كراريسكم و سڨموا الكتيبة تاعكم من دوك خير 📓 علاخاطر المصحح اذا مفهمش واش كاتب ، يدير 0😶

١٣- اذا لقيتو واحد يهدر و يخرنن بلي القراية متقدرلهاش ، و البرنامج مستحيل تكملوا ، اعرفوا بلي هو ضامن روحو راهو يقرى و مبغاكمش تقراو كيفو
١٤- في ما يخص المواد الادبية (اللغات) ديروا فقرات نتوما تاعكم على واش راكم تقراو و عطيوها للاساتذة تاعكم يصححوها حتى الفلسفة اتدربوا دايما تكتبوا مقالات تاعكم و متهملوش الكتاب المدرسي راو كنز 💜

١٥- اتجنبوا القراية في جماعة 🚫🚫🚫 رايحين تقراو نصف ساعة و الباقي تمسخير ، اقرى وحدك فال calme خيرلك و اذا مفهمتش حاجة كاينة dzbac سقسي و يعاونوك بالتأكيد
١٦- سجلوا فمنتدى الجلفة 🌸راهو رائع 💜 المتميزين ڨاع فيه و راهم حطوا واش عندهم donc ازربو تيليشاىجيو
١٧- النووووم (محبوبي) لازم تعطيو لمخكم راحة و وقت باش ينظم واش قريتو فالنهار كامل ، 7 سوايع يكفيو 😁 و مع الوقت نقصوا مثلا انا كنت نقص حتى 5 سوايع بصح فالنهار ارڨدوا en- نص ساعة

30/07/2017

29/07/2017

خطوات التسجيل الجامعي 2017/2018...

12/06/2017

قصص من النجاح في البكالوريا
**************

في سنة 2004 تحصلت على معدل عام في شهادة البكالوريا 06,83/20 و بعدها تم طردي من ثانوية العربي التبسي، إلا أن زوجة عم أبي بارك الله فيها سعت جاهدة حتى نجحت في إقناع إدارة الثانوية لإعطائي فرصة ثانية و إلتحقت بعدها بمقاعد الدراسة بالقسم الخاص متأخرا بشهرين كاملين عن الدخول المدرسي، و تحصلت بعدها على البكالوريا بمعدل 10.35/20 و إلتحقت بتخصص الهندسة (رياضيات و إعلام آلي) و رغم صعوبتها نجحت بتفوق على مدار 5 سنوات من دراستي في الجامعة و كنت من بين الأوائل في دفعتي و نجحت بعدها مباشرة في نيل تأشيرة دراسية لمواصلة الدراسة بجامعة تلوز Toulouse الفرنسية المتخصصة في مجال الآليات الفضائية. و اليوم أشغل منصب مهندس دراسات بشركة سونلغاز، و ما أود قوله لطلبة البكالوريا و الطلبة عموما أن النجاح يتحقق فقط بمواصلة المحاولة بنظرة إيجابية للأشياء فقمة المجد ليست في عدم الإخفاق أو الفشل، بل في القيام بعد كل عثرة.
بالتوفيق لكل طلبتنا بالنجاح في شهادة البكالوريا و كل طلبة العلم عامة.

منقول..

29/05/2017

مولاي راهو بدأ اللعب العيان خخخخخخ
😂😂

12/04/2017

فلسفة 2017
انا مع محاكمة الاساتذة المقصرين في النص الفلسفي ومن حق ابني ان يتعلم ويتدرب على النص ومن حقه اختياره ،واي استاذ من واجبه تديبيه على النص. والله لو كنت من اولياء التلاميذ سوف يمر اي استاذ يقول النص لا يتحصلون فيه على نقاط على مجلس التاديب وتنقص له من المردودية .اني اتكلم الان كوني ولي وليس كاستاذ وسوف اعمل المستحيل لاحرض اولياء التلاميذ حول هذا الموضوع ويتخذوا مع اي مفتش توبيخا لانه لم يقم بدوره. ابني يختار ما يحب لاتفرض عليه المقالات.

09/04/2017

28/02/2017

وضعيات إدماجية