United School of Bouira

.

g

سلام عليكم خاوتي.. ماذابيكم تقراو ڨاع هاذ الميساج..
لموهيم ليوم راهي لحقت سمانة ملي فتحنا غروب USB لول تاعنا قبل ما يسينيالوه لا بوليس مي ملي درناه رانا كل يوم نتفاهمو على لاغراف مي غير بلخميس لي فاتت لي قدرنا نتفاهمو ودرنا لاغراف فكامل لي ليسي وزدنا درنا مسيرة مي ماراحش وش درنا باطل لأنو هاذ لاغراف فادتنا في حاجة ولي هي ولينا ندخلو حتى 9 نورمال. من قبل كانو حاڨرينا تلحق 7:55 يتغلق الباب وواحد ما يدخل حتى يشقي والديه لي باينا بلي دايمن مشغولين ومعندهمش الوقت باه يجو لليسي مي ضكا هكذا ولينا ندخلو كيما نحبو ومالسمانة لي فاتت مازال ماخرجوش واحد على جال روطار ولا غياب وهذا كان من حقنا ورانا جبناه بلاغراف هاذي وضكا مازال عندنا مطالب وحدوخرين ومن أهمها:
1. ينحونا 30 دقيقة هاذيك زيادة تاع عشية ينقصوهانا من وقت لفطور باه نخرجو بكري كيم دارو 140 وثان لازم ينحونا لخرجة تاع 17:00 لأنو واحد فينا ماتساعدو كاين لي بعاد كاين لي يعياو...
2. يحسنونا لماكلة تاع لاكنتين لأنو رانا عباد لي ناكلوها ماشي حياوانات.
3. تحسين الخدمات الضرورية كيما الشوفاج و زجاج لي مكسرين بزاف تلاميذ راهم يعانو مع هاذو المشاكل و حنا لازم يوفرولنا جو مليح باش نقراو.
والحاجة الثانية لي رانا نديرو عليها لاغراف ثاني هي باه نحو العصابة لي راهي حاكمتنا خاطرش واحد فينا مراه قابل يحكمنا واحد نيفو رابعة ابتدائي و ماناش قابلين بالفوط برووو
راهم حابين يطلعو تبون مي حنا رانا حابين يتنحاو ڨاع و على راسهم القايد..
ورانا حابين نبينو بلي مام حنا التلاميذ ورانا واعيين هاذي بلادناا ماراناش راقدين على وذنينا ولا حڨرتونا ؟؟
مشي غير الطلبة الجامعيين مع الاساتذة و القضاة مع المحامين مام حنى التلاميذ رانا معنيين..
و اذا ماتحققتش المطالب والله مارانا حابسين و راح يكون الموعد تاعنا الاربعاء القادمة و اليد فاليد و تروح العصابة ورانا مواطنين يعني عندنا حق حرية التعبير و الاضراب حق مشروع مكان ني ادارة ني قانون يحبسنا و عندنا الحق مادام رانا فسلمية
موعدنا الاربعاء 20/11/2019
كون يد وحدة معانا خاوتي وبارطاجيو باه يلحقهم كامل هاذ الميساج ❤

غدوا إضراب في جميع القطاعات وراح تكون مسيرة تاعنا ورانا كامل معنيين لأنو واحد فينا ما راح يقبل يحكمهم واحد من هذوك الخمسة وواحد ما يقدر يدخلك بسيف باه تقرا هاذوك لابوليس قاعدين برك على جال تكسار وحنا باينا ماراحش نكسرو راح تكون سلمية كي لعادة.. هاذيك لمرة برك كانت غلطة شوية عباد كانو يلاوحو جابولنا BRI مي هاذ لمرة مالزمش تتعاود راح تكون سلمية ونسمعو لناس صوتنا بلي رانا دايمن حاضرين USB لقاعييدة واحد ماراح يحبسنا ✌️🔥

Partagez la page hadi khawti

Hmdllh rana rja3na l groupe ta3na✌️❤️

ghdwa nchalah nwelou l groupe

Khawti partagez maximum lagroup tsakar dmn iwali

راه راح الغروب تاعنا تاع فايس مي راح يولي غدوا نشالله نرجعوه الموهيم هاذي هي الباجا تاعنا وغدوا نولو لغروب

Our Facebook groupe 💕
lQa3ida ☮️

🏫 ☮️