04/08/2022
#للترفيه☺☺
الأوروبين كي يحبو يمشيو للبحر 🌊⛱️🏊♀️
ينوضو الصباح عادي⛅ يهزو حوايج البحر الخفيفة 👒 وساك 👜مجهزة من قبل فيها منشفة وكرام واقي الشمس🌞 و حصيرة صغيرة يتكاو عليها⛱️ و يبحرو احسن تبحيرة ويرجعو فرحانين زاهيين 🧚♀️🧚♂️💞
نجيو لينا احنا..يا دلالي... لاااازم من قبل بسمانة ولا زوج نبرمجو 🤦♀️حتى يعلم السابقون واللاحقون بلي رانا رايحين نبحرو🙋♀️🙋♂️
وكل مرة نفكرو بعضانا ايا وش مازلتو ناوين تروحو مازلتو عند كلمتكم👌 الشك🤨 والثقة مفقودة 🤣
ويا الفرحة كي يجي النهار المعلوم 🆒 نوضو من الفجر حتا لنص النهار واحنا نقشرو في البطاطا هاذي شكشوكة وسلاطة ها التون و الكسكروتات لبيض مغلي طرموس التاي والقهوة🥃☕
ااا امالا كل واحد وش يحب 😏 والي ماناكلوهش في الدار في البحر نوليو نحبوه ونموووتو عليه 😋 ونجبدو هذاك البيدون المقلاسي تاع 5 لترات و نزيدوهم بيدون آخر ب5 لترات باش نخلطو 😀 تقول جمولا🐫 ماشين لصحرا 😂
والأهم من هذا الدلااااع والبطيييخ والعنب واللي جاء قدامنا و رانا نهزوه بحجة البحر يجوووع 😛😝😎
ونجيو للمناشف الي في الخزانة كامل نهزوها والدراوات لمساسك تاع القش والحصاير ونزيدو اللبسة تاع العومان👗 ولبسة أخرى👘 باش كي نجيو مروحين مانهزوش معانا الرمل للدار🏡 ولازم قرعة الزيت علي جال الشمس👊🤯
وما نحكيلكمش كي نخرجو من الدار لازم ندابزو ونتعايطو ونتقابضو ونتعايرو على حكايات عندها 5 وحتى10 سنين فاتت 😑🙄😱😠🤧
وكي نوصلو للبحر نقعدو نحوسو على بلاصة نعسكرو فيها🏖️🎪 واحد يقول هنا خير 🤷♂️ولاخر يقول لهيه خير🤷♀️ المهم ينوض حس كبير ونوصلو للضرب والكلمات الجارحة علا جال لبلاصة هذي 😤😭ههه
واخيرا نكرهو ونيأسوا ونبركو بعد مانفشلو في نفس البلاصة الي وقفنا فيها كي وصلنا ونبلاصو الڨيتون ولا براصول وندخلو ناكلو بتخبية بعد ماتشوينا وتقلينا الشمس💥
ويبدأ العياط بغيت ناكل اعطيني اسيدي.... ها اعطيني كسكروتي.. اعطيني الدلاع.. اعطيييني الماء.. مابغيت والو .. خليوني نرقد.. تقول هاربين م حرب 😂 وننساو علاش جينا اصلا 🤔
المهم نفوتو يوم شاااااق جدا وفالآخير نروحو متقابضين كل واحد قالب وجهو 😂😂😂
😘😍💌
زيدو قولولي مكانش منها شغل عايشين في لاسويس..... 😂😂🙉
