20/10/2024
#
خاوتنا فهديك الجهة راهم يتمسحو،تعرف وش معناة هذا الكلمة؟،تخرج تمـ.ـوت تبقى فالدار يقتـ.ـلك الجوع،الحصار،الأسر،التجويع،الناس تحت الأنقاض رقدة فالأمان في عام معرفوهاش وزيييد وزيد
اللي تغيضك انو نص شعبنا ماتعلم والو من هذا الأحداث كاين لي لليوم يقلك كون بقات فرنسا كون رانا احسن وكدا،تلقاه يحسب المسافة باللتر ،كاغط تع علك(العلك مسرطن)ميقدرش يحطو في جيبو لازم يرميه فلرض لازم يرمي الزبل فكل مكان خطش بلادو تستاهل!!معندو ولا أسلوب حضري،لا فاللباس لا فالألفاظ والو، وزيادة يقلك البلاد هذي مشفنا منها والو
الناس هدي لي تكره البلاد ومجبرة تبقا فيها هي سبب وش راكو تشوفو،ادا كان تاجر يشعلها فالأسعار والاحتكار،وادا كان مقاول او مهندس يبنيلك بالڨـوفريط والروينة،ومهما كان طبيب،استاذ،وزير مدير...داااايما يفرغ كرهو فعملوا والنتيجة قدامكم،الصورة هدي ممكن بسببها ربي يهلكنا.
