15/12/2024
👈👈👈فصل الشتاء معاه البرد ، الرياح، و قلة الرطوبة فالجو، و هاذ الشي كامل يضر الجلد تاعنا. بزاف ناس يعانيو من جفاف البشرة ، تشققات ، و حكة فالشتاء ، و هاد المشاكل تقدري تتفاديها بالعناية الصحيحة و باستخدام منتجات طبيعية.
⛔⛔⛔مشاكل الجلد في الشتاء
⬅️⬅️⬅️جفاف البشرة :
الجلد ينشف بسبب البرد و نقص الرطوبة فالجو، و تولي البشرة خشينة و تظهر عليها القشور.
⬅️⬅️⬅️تشققات الشفايف و اليدين :
البرد والرياح ينشفو الشفايف واليدين، وتولي فيها تشققات تألم.
⬅️⬅️⬅️الحكة الشتوية :
الجلد ينشف بزاف فيتهيج ، خاصة كي ما تستعمليش مرطب.
⬅️⬅️⬅️إحمرار و تهيج البشرة :
البشرة الحساسة تتضرر أكثر فالشتاء ، تولي حمراء وتبان عليها الالتهابات.
⬅️⬅️⬅️تفاقم الأكزيما والصدفية :
اللي عندهم مشاكل جلدية كيما الأكزيما يزيدو يعانيو فالشتاء بسبب نقص الترطيب.
⛔⛔⛔علاش الجلد يتضرر فالشتاء ؟
⬅️⬅️⬅️التدفئة فالدار : المدفأة تنشف الجو ، و بالتالي الجلد ينشف.
⬅️⬅️⬅️قلة شرب الماء : فالشتاء ما نحسوش بالعطش و ننساو نشربو الماء، وهاد الشي يؤثر على الجلد.
⬅️⬅️⬅️الحمام السخون بزاف: الماء السخون ينحي الزيوت الطبيعية اللي تحمي الجلد.
⬅️⬅️⬅️ما نستعملوش مرطبات مناسبة : بزاف ناس يهملو ترطيب البشرة فالشتاء.
