Médecine with adem

بما انني انسان نحب التجربة و نستمتع جدا بالمراحل
مثلا نشوف فرخ من البيضة حتان يكبر و نزيد نزوجو و نزيد نشوف اولاد و احفادو 😂

و ثاني نستمتع بالنمو تع النبات مين يكون بذرة حتان يعطي الثمرة ✅

درك جيت نجرب نغرس ثمرة تع أفوكادو درتها في papier humide
و غلفتها و ساعة ساعة نطل علاها ، تشققت، و مبعد دارت الجذر ابيض و بدات تخرج في اليخضور و انا متحمس ✅

حتان اليوم رحت نقرا جيت لقيتها مطيشة و مكسرة تع الدار لقاوها فوق المكتب تاعي حسبوها سحور 😐 ‼️

كملتو لعام ‼️

وقتاه تكملو العام هذا في جامعتكم ؟

أظن انو تع cycle pré clinique فقط
لي كملو 😁

على كل ما تقولوش ما زلنا صغار على تعلم الأدوية و ECG , échographie

صدقوني يوصل وقت تقولو كون غير تعلمناهم في وقت فراغنا و بروفيتينا من الصيف المبكر 😁

بصح كيفاه تبروفيتيو ؟
ساهلة يا تروحو متتطوعين في المستشفيات تتعلمو وحدكم

يا تشوفو صفحات ينظمو باقات و دورات ملاح كيما تع
Education dz مثلا

مدايرين باقة شاملة فيها حوايج بزاف و تفيدكم

ما قدرتش نطاقيهم .. درك نخليهملكم كل فالتعيلقات

Thank me later 😀👋🏼

صرا معاكم موقف ديجا استشعرتو فيه معية الله و لطفه !؟
في دعاء مستجاب، في شر مستبعد ، في حلم مستحيل تحقق .. الخ

احكيونا .

﴿ لا تحزن إنّ الله مَعَنَا ﴾
ثقتك في أن الله معك كفيلة أن تُزيل أعمق نقطة من الحزن في قلبك، اطمئن وأبشر !

نصيحتي لطلبة البكالوريا اللي حل تفرق في معدلك trust me
اني خوكم و نقلكم صح وش لي ينفع 😁❤️

أول نصيحة اللي كنت نطبقها
من الابتدائي الى يومنا هذا

-الدعاء 1

شفتو قبل ما تدخلو لمركز الامتحان == دعاء بالتوفيق و النصر
كي تدخلو دعاء بالتوفيق و النصر
كي تتحط الورقة دعاء بالتوفيق و النصر
و كي تكملو الجواب و تجيو تمدو الورقة دعاء بالتوفيق و النصر
و عند الخروج من المركز

أهم دعاء ننصحكم بيه " اللهم ادخلني مدخل صدق و اخرجني مخرج صدق و اجعل لي من لدنك سلطانا نصيرا "

2- ثاني نصيحة
هي اختيار الموضوع

شوفو اقراو الموضوع الأول
و ديرو ✅ قدام السؤال اللي عبالكم حا تجاوبو عليه و يبان ساهل حتى و إن اضطررتو تجاوبو عليه بقلم الرصاص سطحيا باه تعرفو رواحكم

و ديرو ❌ قدام السؤال لي بانلكم صعيب و احتمال ما تجاوبوهش

و مبعد ادعيو و توكلو و خيرو لي فيه أكثر نقاط و اكثر ✅

تفاهمنا ؟!😁

3- ثالث نصيحة

هي ديرو بالفلوريسون بداية السؤال باه ما تنساو حتى سؤال
لانو قادر يكون سؤال متكون من جزئين .. و انتم تجاوبو على واحد و تنساو الجزء الثاني
مثلا
- أذكر .....ثم بين

لونو " أذكر " و لونو " بين "
باه تجاوبو على كلش
و كي تكملو الاجابة على السؤال شطبوه باه ما تنساو والو

و في الاخير موفقين يجي ساهل و غير وش قريتو و تديو كيما حابين باذن الله

بارطاجيوه و طاقيو تلاميذ الباك ✅😁

عندي 4 أشهر و انا 104k
ما حبتش تتحرك 😀‼️

هيا جيبو صحابكم اقلبوها حتى 105 ول حتى 107 .

دخلت نتفرج بودكاست ما عندو حتى علاقة بالطب ول نسمع حاجة ننسى باها شوي لقراية ..

أول تعليق :

صراحة اكثر موضوع نتحط فيه في موقف محرج و نولي ندافع على رأي و ديما نخرج انا الغالط فالصورة ..

هو موضوع ٫ الزواج و الأطفال ..

انا رأيي اذا قادر على المسؤولية و أستطيع للباءة تزوج و جيب ولاد و ربيهم و قريهم و باذن الله يخرجو نظاف و صالحين

بصح واحد مش قادر و يكون همه يتزوج و مبعد يجيب ولاد و ما عندوش وين يسكنهم و مبعد سيدي الوالي اعطيني سكنة .. لولاد مشردين لبرا ، لا قراية ، لا نظافة ..

باينة لانو المحيط يأثر على الوعي و على الطموح و على القناعات و على اللباس و على حوايج ياسر ..

خمم قبل ما تجيبهم مش بعد ما تجيبهم باه تولي تتطرح فالأسئلة لي نورمالمون تتطرحهم قبل ‼️

ربي الرزاق نعم
لكل فرد منا رزقه لا يموت حتى يستنفذه نعم
الزواج من ابواب الرزق .. نعم

بصح مع هذا كله .. انت ملزم باتخاذ الاسباب ..

من عمل له دخل جيد يشد حاجيات عائلتي المستقبلية و ان كلفك الامر عمل جانبي آخر

سكن لائق و واسع ليك و لعايلتك كراء ول ملك ول اي صيغة اخرى .. المهم مش فوضاوي يريبوهالك تولي تجري و ولادك لبرا .

و رأيي لي ما افرضو على حتى واحد سيارة تحفظ الحرمة مش لازم sur place بصح حطها اولوية ..

ربما يجيني شخص يقولي راك صغير و مشك تحت الضغط و لكن باذن الله هذا رأيي و ربما يتبدل مستقبلا لكن حاليا هذا رأي .. ‼️

ما هو برأيك الأكثر خطورة؟

أ. الانزلاق على الجليد

ب. السقوط من الدراجة

ج. الاستيقاظ وإدراك أنك لم تعد تعرف من أنت ليس لأنك تغيرت بين ليلة وضحاها، بل لأنك أمضيت سنوات تتأقلم مع كل مكان تدخله ، في مكان أنت أكثر هدوءًا، وفي آخر أنت أكثر مرحًا وفي مكان آخر، قللت من شأن نفسك ليبقى الناس، و شيئًا فشيئًا تعلمت كيف تندمج وفي يوم من الأيام تستيقظ وتتساءل بعد كل هذا التأقلم، أي نسخة منك كانت حقيقية ‼️