LR Orthophoniste "L'espoir" Sidi Abedllah

06/09/2026

ورشة تحسين المستوى والخط كل يوم الأحد والثلاثاء من 17:00 _19:00

04/09/2026

Séance orthophonique

15/08/2026

04/08/2026

23/07/2026

مقتطفات من ورشة تحسين المستوى والخط ليوم الثلاثاء 😍👩‍⚕️

21/07/2026

علاش طفل التوحد ما يهدرش؟
طفل التوحد ماشي لأنه ما يحبش يهدر، بل لأنه يلقى صعوبة باش يكتسب اللغة ويستعملها،المشكل ماشي في الرغبة، المشكل يكون في طريقة خدمة المخ ومعالجته للمعلومات
الطفل يقدر يكون يسمع مليح (بعد ما نتأكدو بلي ما كاش مشكل في الأذن)، بصح مرات مخو ما يقدرش يربط الأصوات بالمعاني. يسمع الكلام لي داير بيه، بصح ما يكونش قادر يفهمو أو يستعملو باش يتواصل
وهنا كاين نقطة مهمة: بزاف من الأولياء يبقاو يسقسو
"وقتاش راح يهدر ولدي؟"
وينساو السؤال الأهم
"هل رانا ندربوه بالطريقة الصحيحة؟"
طفل التوحد يحتاج تدريب مستمر، نهار بعد نهار، نخدمو معاه على الانتباه، التواصل، الفهم، والتفاعل قبل ما نستناو الكلام
لأن الكلام ما يجيش بالضغط ولا هو زر نضغطو عليه، الكلام هو نتيجة لمهارات تتبنى بالتدريج، والكلام الحقيقي ماشي غير ترديد كلمات، الكلام هو تواصل وحوار
إذن بدل ما نسقسو فقط
"علاش ولدي ما يهدرش؟"
نسقسو ثاني
هل صبرت معاه؟ هل دربتو؟ هل بديت معاه من الخطوات الصحيحة؟ ولا مازلت نستنى المعجزة؟
ابدأ مع طفلك من اليوم، كل محاولة تواصل منه هي خطوة مهمة للأمام.