Ahder English Dz

Ahder English Dz Level up your English with Ahder English Dz 😎

19/12/2023

Female أنثى
🗣️[fi-meyl]

Male ذكر
🗣️[meyl]

17/12/2023

"dead on arrival"

واش معنتها ؟
👇👇👇

15/12/2023

A shout-out
تحية

I give a shout-out to my family
أقدم التحية لعائلتي

13/12/2023

صباح الخييير
أيا سؤال خفيف ظريف مع صباح 😇

واش معنتها a stick ؟؟

باينة ، ستيك هداك لي نديروه كيما ديودورون 😎

❌❌NO ❌❌

شوفو التعليقات 👇👇

12/12/2023

صباح الخير عليكم 😍

دوك وقت القهوة والحليب ماشي وقت البيتزا والماكلة تاع المطاعم بصح معليش نسقسيكم 😁 نتوما كي تدخلو تاكلو في كاش مطعم ولا بيتزيريا ، وما تكملوش الماكلة ، تخلوها وتروحو ؟ ولا تدوها معاكم للدار نورمال ؟؟

انا من النوع الثاني ، بكري كنت نحشم ، كنت نقول نخليها سينو يقولو جيعانة هههه بصح دوك واش نخلي نجيبو معايا للدار باش نكمل ناكل، خلصتو بدراهمي باش نخليه؟ وزيد في أغلب الحالات رايحين يرموه !

المهم ، الماكلة لي تقعد يديروهالكم في باطة ، هاديك الباطة كيفاش يقولولها بالإنجليزية؟
روحو شوفو التعليقات 👇👇👇

11/12/2023

a swaddle قطعة القماش لي نڨمطو بيه البيبي

to swaddle يڨمّط

swaddling الڨماطة

I've never swaddled a baby, what about you?
جامي ڨمطت بيبي ، ونتوما ؟
Have you ever swaddled a baby?
كاش نهار ڨمطتو بيبي ؟

Swaddle 🗣️ [swadel]
Swaddling 🗣️[swadelin']


21/06/2023

السلام عليكم
عندي بزاف ما نشرتش فالصفحة وراني وليت اليوم بصح بموضوع خارج عن تعليم الانجليزية استثنائيا .

رايحة نهدر على حاجة راهي دور بزاف فمواقع التواصل الاجتماعي وهي فضيحة واحد الانسانة وشاهد الفيديو وخلي تعليق نبعثلك الفيديو على الخاص والناس تعلق وتقولك ابعثلي الفيديو ، وشبي جدكم؟؟ لهاد الدرجة الاخلاق ديالكم منحطة وتحوسو غير على الفضائح تاع الناس ؟؟ واش تستفدو كي تشوفو فيديو ماشي مليح تاع انسان ؟؟ تفرحو كي تنفضح على حاجة ماشي مليحة دارها ؟؟ ونتوما تحبو تنفضحو ؟؟

كااامل كيما رانا ربي برك لي راهو ساترنا على واش رانا دايرين ، و ماشي بالضرورة ماتكونش داير فيديو اب///احي باش تحسب روحك سلكت وماكاش علاواش يفضحك ربي
الفضيحة تقدر تمسك في اي حاجة ، واذا ماشي نتا ، مرتك، بنتك ، ختك ، يماك وحتى خوك وباباك ووليدك ماشي الفضيحة دايمن لازم تكون مربوطة بامرأة.

وربي يمهل ولا يهمل ، وأي شر نديروه في انسان ونظلموه (نحوسو على الفضايح ديالو ولا نستشفاو فيه مثلا) ما نموتوش حتى نخلصو هاديك الحاجة كيما يلزم الحال .

مالا اخطونا مالفضايح تاع الناس كل واحد يلتها بروحو وبالذنوب لي راهو دايرهم ويصلح روحو ويدعي لربي يغفرلو خاطر كامل رانا خاربينها بطريقة او بأخرى وواحد فينا ماراهو ضامن حاجة في هاد الدنيا ودايمن دايمن دايمن ندعيو ربي يسترنا .

فلولا ستر الله لانحنت أعناقنا من الخجل، من ستر عورة أخيه ستر الله عورته يوم القيامة، ومن كشف عورة أخيه كشف الله عورته، حتى يفضحه بها في بيته..

قال رسول الله صلى الله عليه وسلم: يا معشر من آمن بلسانه ولم يدخل الإيمان إلى قلبه، لا تغتابوا المسلمين، ولا تتبعوا عوراتهم. فإنه من اتبع عوراتهم تتبع الله عورته، ومن تتبع الله عورته يفضحه في بيته.

وكان النبي صلى الله عليه وسلم حريصا على ستر العاصين، فحينما زنى ماعز، أمره رجل يسمى هزال بأن يذهب للنبي صلى الله عليه وسلم، ويعترف أمامه بالزنى، فقال صلى الله عليه وسلم لهزال: «لو سترته بثوبك كان خيرا لك» .

فضح الناس والتشهير بهم حرام ، يعني لي راه يقول بلي واش كاين فالفيديو حرام لازم يعرف بلي حتى كي يحوس على الفيديو وينشرو ويبعثو حرااااام وذنبه أكبر خاطر مول الفيديو ذنبو بينو وبين ربي بصح لي ينشر ويبعث رايح يكون ذنبو بينو وبين العبد وربي ما يغفرش هاد الذنب حتى يسمح الانسان المظلوم .

ملاحظة:
اذا كاين متابعين من النوع تاع ابعثلي الفيديو نشوف ويحوسو على الفضايح تاع الناس مدابيكم تنحو جام على صفحتي ما نسحقش حثالة المجتمع تابعني . شكرا

11/06/2023

مساء الخير عليكم ❤️ كاين متابعين تاع الصفحة لي يجوزو الباك ؟ اذا كان كذلك ربي يوفقكم كامل وينجحكم واذا عندكم كاش سؤال ولا استفسار فاللغتين الانجليزية و الفرنسية سقسوني وباذن الله نجاوبكم .

ما تنساوش أدعيو بزاف
كيما جابوهم لي قبلكم تجيبوه نتوما تاني ان شاء الله.

01/06/2023

- راني عيانة ما نوضش اليوم
- انا تاني راني عيانة ما نوضش
- لالا غير نوضي
-واقيل حلال عليك وحرام عليا ؟!!
What's good for the goose is good for the gander !

________________________

العبارة هادي بالانجليزية تعني حرفيا :
الحاجة المليحة للوزة (الانثى) مليحة تاني للجندر (ذكر للوزة)

بصح نستعملوها بمعنى ، الحاجة لي تقدر ديرها نتا نديرها أنا ، ماشي حلال عليك وحرام عليا .

كنتوا تعرفوا العبارة هادي من قبل ؟

21/05/2023

صباح الخيـــــر ❤️ تعرفو كيفاش نقولو
Salopette ولاّ combinaison
بالانجليزية
❓

18/05/2023

🧐🤨😒

-عيطتلك فتيليفون صبتك تحكي ، معامن كنت تهدر على الزوج تاع صباح ؟
- وي عيطلي صاحبي ڨصرنا شوية
- I'm not buying it 😑

----------------------
العبارة هادي بالانجليزية ماشي معنتها (مانيش نشريه/مانيش نشريها) بصح معنتها :
مانيش مآمن (ة) / مانيش مقتنع(ة)

بيناتنا على الزوج تاع الصباح يڨصر مع صاحبو ؟ 🙄
ونتوما
Did you buy it ?

16/05/2023

a mouse فأر 🐀
🗣️[maws]

واش هو الجمع ديالها ؟

Adresse

Algiers

Site Web

Notifications

Soyez le premier à savoir et laissez-nous vous envoyer un courriel lorsque Ahder English Dz publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.

Contacter L'école

Envoyer un message à Ahder English Dz:

Raccourcis

Partager

Type