Quel est le site Web ?

https://www.facebook.com/100911724777127/

Bunian - بنيان

Page d'Accueil
Algérie
Algiers
Bunian - بنيان

مشروع تطوعي هادف 🌱
نسعى لإثراء المحتوى العربي ونشر الوعي والفكر السوي بين أوساط الشباب 💡
سابقا Algerian Positive Vibes ⚡
(1)

17/08/2026

لكل بداية نهاية 💚

واليوم وصلنا معاكم لآخر محطة من فتح أبواب الانضمام ، وحافلتنا الخضراء راهي تجهز في روحها باش تدينا لمحطة جديدة 🚍

بعد أيام من التسجيلات اليومية، استقبلنا أكثر من 900 طلب انضمام من مختلف الولايات والبلدان

أكثر من 900، حطو فينا ثقتهم واختارو يكونو جزء من رحلة العطاء والتعلم وترك الأثر مع بنيان 🌱

⚠️ لكل واحد سجل معانا، ترقبو منا رسالة القبول الأولي عبر البريد الإلكتروني لي سجلتو بيه في الاستمارة

راح توصلكم قريبا بإذن الله، وين تكون فيها جميع التفاصيل والخطوات القادمة

أما لي مزال عندهم تردد نقولولكم الغلق الرسمي راح يكون على الساعة 23.59 بتوقيت الجزائر، اسرعو بالتسجيل وكونو إضافة للعدد 900

رابط استمارة التسجيل ودليل الإنضمام، تلقاوهم أسفل التعليقات 👇

17/08/2026

رسالة بنيان الطيبة، رافقتكم خلال ست سنوات كاملة، جمعتنا فيها معاكم نشاطات ميدانية، مبادرات إلكترونية، مسابقات، لايفات، تحديات، هاكاثونات وبزاف حاجات فرحتكم

واليوم الفرصة راهي بين يديكم 🔥

حتى تكونو جزء من هذه الرحلة، وتعيشو معانا التجربة من الداخل، وين تقدرو تساهمو بمهاراتكم وأفكاركم في صناعة محطات جديدة تضاف إلى حكاية بنيان 💚

استمارة التسجيلات في مشروع بنيان، راح تغلق بعد 4 ساعات

استمارة التسجيل ودليل الإنضمام تلقاوها في التعليقات 👇

17/08/2026

أقل من 6 ساعات وتغلق أبواب الإنضمام ⌛👀

إذا كنت تسنى في اللحظة المناسبة باش تكون جزء من مشروع «بنيان» هذي هيا فرصتك

الحافلة 🚍 على وشك الانطلاق، وبعد أقل من 6 ساعات راح يغلق باب التسجيلات الخاصة بـ

✅ مكانش وقت للتفكير، سجلو معانا الآن وشاركونا في صناعة الأثر الطيب، توجهو مباشرة للاستمارة وكونو ضمن الـ 850 فرد القادمين 🔥

رابط استمارة التسجيل ودليل الإنضمام أسفل التعليقات 👇

17/08/2026

ماعندناش وقت باش نطورو حياتنا، بصح للتليفون عندنا وقت كبير، صح 👀؟

أيا اليوم كل واحد فينا يروح يشوف برك شحال رانا نبقاو مقابلين شاشة التليفون، الجواب يقدر يصدمنا وهنا نعرفو بلي الوقت كاين، بصح حنا لي رانا نضيعو فيه هكاك

فإذا كان وقتك ديما يروح مع أخبار المواقع والتصفح بلا هدف، علاش ماتستغلوش في حاجة تنفعك وتنفع غيرك؟

✅ استغل فرصة فتح أبواب الإنضمام لمشروع بنيان، استمارة التسجيل ودليل الإنضمام تصيبوهم أسفل التعليقات 👇

اليوم آخر موعد للالتحاق بالتسجيلات في استمارة الانضمام للمشروع، واش راكم تستناو 🔥

16/08/2026

ورا كل فرحة عاشوها أطفالنا في مبادرة «أينع» كاين ناس آمنوا بينا وحبو يكونو جزء من العطاء

ومن أول خطواتنا في رحلة «أينع»، كان هدفنا نصنعو تجربة تعليمية وتربوية تفرح أطفالنا، وتخليهم يتعلمو، يكتشفو قدراتهم، ويعيشو محطات تبقى في مرافقتهم طول حياتهم

واليوم، بعد ختامنا لرحلتنا وبعدما شفنا الثمار الطيبة لي كانت، حبينا نشكرو جميع واحد ساهم معانا في إسعاد أطفالنا المتميزين

ومن بين شركاء «أينع»:

- Attiaf أطياف
دار نشر متخصصة في إنتاج وتوزيع الوسائل التعليمية والتربوية

- Cadeco
وجهتكم للهدايا الشخصية المميزة، والمنتجات الخشبية المحفورة بالليزر

وماشي هاذو برك 👀

طوال مسيرة بنيان كان ومازال كاين ناس، أصحاب مشاريع ومؤسسات، آمنو برسالتنا ووقفو معانا في مختلف مبادراتنا، لأنهم شافو أنو صناعة الأثر مسؤولية نتقاسموها كامل

ربي يبارك في رزقهم وأعمالهم، ويجعل واش قدموه في ميزان حسناتهم

وإذا كنتو أصحاب مشاريع، وحابين تكونو أنتوما ثاني من الناس لي يساهمو في صناعة هاذ الفرحة، الفرصة مازالت مفتوحة للمساهمة في إسعاد الأطفال

#أينع

16/08/2026

من نهار بدات بنيان «APV سابقا»، لقينا دعم كبير من عندكم، وماكانش مجرد تفاعل خلف الشاشات 💚💛

طيلة هاذ السنوات، وقفو معانا صناع محتوى هادف، مشاريع تطوعية، نوادي، جمعيات، وأشخاص آمنوا بالرسالة وساندونا كل واحد بالطريقة لي قدر عليها

واليوم حبينا نشاركوكم بعض الأسماء والجهات لي كانو لينا سند من البداية خلاص:

- قناة الأنيس الفضائية - Al Anis TV
- مشروع Algerian Human مؤسسة الإنسان الجزائري
- مشروع 3labalek
- الأستاذ Abdellaoui Abderrahim عبد اللاوي عبد الرحيم
- الأستاذ محمد عزروق
- الدكتور د. رياض بغدادي
- الدكتور د. محمد دومير - نجوم العلوم
- مؤسسة Moustachir - مستشير
- Algeria United Foundation مؤسسة الجزائر المتحدة الخيرية
- TyriaQ Club نادي ترياق
- نادي Helitech
- جمعية Be Positive - جمعية كن إيجابي
- جمعية جمعية العلماء المسلمين الجزائريين - شعبة باتنة

✅ وغيرهم الكثيير من الأسماء اللي رافقونا وين ماتوجهنا، جزاهم الله خيرا

وهنا نرجعو نفهمو بلي أي أثر نشوفوه اليوم، مايجيش من مجهود شخص واحد، وإنما من تكاثف جهود ناس آمنوا بنفس الغاية، وكل واحد حط بصمته في المكان لي قدر عليه 🤝

واذا حابين تساهمو في صناعة الأثر الطيب، مشروع «بنيان» فتح أبواب الإنضمام إليه، في التعليقات راح تلقاو رابط استمارة التسجيل ودليل الإنضمام 👇

الفرصة قدامكم، وماتتعاودش 🔥

16/08/2026

على مدار كل هاذ السنوات، جاز على بنيان مئات الأعضاء وعشرات القادة 💚

كل واحد منهم سعى لإفادة الأمة بواش يقدر، أما القادة فكانوا يحرصو على المتابعة المستمرة، وتوجيه الفرق، وتحمل المسؤولية حتى نوصلو للغاية لي تلمينا على جالها

ومشروع بنيان، قدّم لكل واحد فيه مساحة يعيش فيها تجربة القيادة الحقيقة، لي تعلمنا فيها، غلطنا وصححنا، وتطورنا مع بعض

وممكن القائد الجاي اللي يكتشف قدراته في بنيان، يكون واحد منكم 👀

⚠️ تنويه:
اللي سجلو في دورة «مدخل إلى القيادة» مع الأستاذ أحمد أمين واضح، راح تلقاو في الإيميل المرسل ليكم رابط الدخول إلى قناة الدورة

تأكدوا من الدخول ليها باش ما تفوتكمش، وإذا ما وصلكمش الإيميل، تأكدوا من البريد غير المرغوب فيه Spam

ولي حابين ينضمو لبنيان، رابط استمارة التسجيل ودليل الإنضمام، تلقاوهم في التعليقات 👇

16/08/2026

حتى تلقى روحك مغبون ومريض، باش تروح تصدق شوي صرف على نفسك؟

الصدقة حنا لي نحتاجوها ديما ماش هيا لي تحتاجنا، ما تستناش حتى تولي غني باش تعطي للمحتاج، وما تحقرش أي مبلغ مهما كان بسيط وتيقن بلي ربي سبحانو هو اللي يرفع البلاء وهو اللي ييسر الأمور

الشبيبة، الصدقة راهي تجارة مع ربي، زودو بيها لآخرتكم قبل دنياكم، واخرجو الصدقة بنية صادقة وخالصة لوجه الله، وتشوفو كيفاش الرزق والبركة يدخلو لحياتكم بإذن الله

✅ وفي بنيان نقدرو نخدمو لوجه الله، اذا وجهنا مهاراتنا وقدراتنا لنفع أمتنا ومجتمعنا، حتى نلقاو هذا الخير غدوة يشهد علينا كيما تشهد الصدقة على صاحبها

رابط استمارة التسجيل ودليل الإنضمام، تلقاوهم أسفل التعليقات 👇

15/08/2026

رانا رجعنالكم مع ثاني محطة من محطات دورات بنيان الخمسة المجانية 5️⃣🔥

وبعد ما فتحنا السلسلة مع دورة القيادة، اليوم نروحو لمجال مهم بزاف وما يقدر حتى مشروع يستغني عليه اللي هو "التسويق"

موعدنا الثاني مع دورة «مدخل إلى التسويق» تحت إشراف الأستاذ «حسينو غاوي»:

- مسوّق متخصص في إدارة وتسويق العلامات التجارية
- كاتب محتوى إعلاني (Copywriter)
- عضو في مؤسسة الجزائر المتحدة (Algeria United Foundation)

✅ راح نكتشفو مع بعض أساسيات التسويق، ونفهمو كيفاش نقدروا نوظفوه بطريقة أفضل، ونطوّرو مهاراتنا في هذا المجال 🔥

وبيناتنا، هذا غير شوية من واش راح تشوفو 👀

📆 موعدنا يوم الثلاثاء 05 ربيع الأول هـ (18 أوت)
🕑 الساعة 22:00 بتوقيت الجزائر
📍 عبر تطبيق Google Meet

احجزو مكانكم بكري، وكونو معانا من البداية باش تستفادو من الدورة وتوصلكم شهادة المشاركة

استمارة التسجيل تلقاوها في أول تعليق 👇

15/08/2026

لقاء يجمعنا مع أعضاء بنيان

Adresse

Algiers

Site Web

facebook.com

Notifications

Soyez le premier à savoir et laissez-nous vous envoyer un courriel lorsque Bunian - بنيان publie des nouvelles et des promotions. Votre adresse e-mail ne sera pas utilisée à d'autres fins, et vous pouvez vous désabonner à tout moment.