مثقفون

ا-🧑‍🦱⁦اليوم عيد ميلادك و جبتلك أجمل زهرة فالجامعة

⁦👩‍🦰⁩-يا عمري تفكرتيني 😍

-⁦👩‍🦱⁩تفضلي وردة تمسك وردة 😍

-⁦👩‍🦰⁩ااااا حبسي حبسي راكي حابة تحتفلي معايا بعيد ميلادي ولا تقتليني 🙂

⁦👩‍🦱⁩علاش و أنا اللي جبتلك وحدة بيضة و وحدة وردية

⁦👩‍🦰⁩يعطيك الصحة بصح هذي النوارة يسموها الدفلة و اسمها العلمي Nerium oleander

👈و هي نبتة سامة بالرغم من جمالها يعني إذا شديتيها ولا كنتي تنحي فيها غير اغسلي يديك قبل ما تاكلي 😧

و فيها زوج انواع البيضاء و الوردية (الصور في التعليقات 👇)

⁦👩‍🦱⁩ اااا يا حوجي و انا رحت جبتهملك للزوج 😬🤦‍♀️

علابيها ماني تقولك لا يعجبك نوار الدفلى فالويدان داير ظلايل 🤣

⁦👩‍🦰⁩ كنتو تعرفو هاد المعلومة من قبل؟؟

🌹

رائحة الفم الكريهة halitose
مشكلة يعاني منها الكثير😰
هذا ما قد يؤثر سلبًا على الحياة الاجتماعية ، ليوم نحكو على أسبابها و كيفية التخلص منها

🛑الأسباب تقدر تكون موضعية متعلقة بالفم :

- البكتيريا المنتشرة في الفم و خاصة اللسان.
- الأسنان المسوسة.
- التهاب اللثة gingivite ( الذي يحدث غالبًا بسبب الجير المتكدس ).

🛑و قادر تكون أسباب صحية :

- بعض الأدوية و بعض
- أمراض المعدة و الأمعاء .
- بعض العادات أيضًا : كالتنفس عن طريق الفم ، التبغ و الكحول .

👈علابالي تستناو فالحل لي يكون بـ :
📌- شرب الماء باستمرار خلال اليوم.
📌- غسل الأسنان مرتين يوميًا و عدم اهمال اللسان و غسله هو الآخر .
📌- التخلص من الجير. détartrage
📌 - معالجة الأسنان التي أصابها تسوس .
📌- استشارة طبيب في حالة قرحة معوية .

📢ملاحظة :
- الرائحة عند الاستيقاظ تعتبر عادية😐 ، بسبب نقص افراز اللعاب أثناء النوم و تكاثر البكتيريا بالفم .

⭕ لجماعة لي عندهم الحكة في ثنايا الجلد، يعني تحت الابط وبين الرجلين وبين أصابع الرجلين وغيرها من المناطق،
ارواحو نفهمو سببها و كيفاش نتفاداوها🤌

🔷هذي الحكة في معظم الأحيان "مشي دايما" السبب تاعها هو #الفطريات، وهذي الفطريات تدير الحكة واحيانا تبدل اللون تاع الجلد تاني

🔹هذي الفطريات راهي تشتي
الماء والعرق 💦 السخانة 🥵 والرطوبة بزااااف
وتقدر تتكاثر وتنتشر بسرعة وتقاوم العلاجات والأدوية اذا توفرت لها الظروف المناسبة لي ذكرناهم😟

و بش نتفاداوهم لازم:👇🏻

✅نقوم بتنشيف الجسم من العرق وخصوصا ثنايا الجلد اكثر من مرة يوميا وأيضا بعد الدوش

✅نقومو بتهوية هذي المناطق لي فيها الحكة بشكل يومي👌🏻

👈🏻فمثلا ملازمش نلبسو الصباط لمدة طويلة دون نزعه وتهوية أصابع الرجلين والا ستسوء الحالة وتتقوى هذي الفطريات على الرغم من أخذ الدواء ‼️

طبعا هذا لا يغني عن زيارة الطبيب لأخذ العلاج المناسب ✅
...............

👶علاش البيبي كي يكون يبكي و نمدولو لاسوسات/ بيبرون ولا ترضعو الأم تاعو🤱 يتكالما و يسكت ممبعد تغفل عليه تصيبو رقد😴🤫...

علابالي بلي ماعلابالكمش 😌

🔷أولا لازم نعرفو بلي الرضيع كي يزيد يكون عندو مجموعة من المنعكسات الفطرية يعني ماتعلمهم من حتى واحد يزيد بيهم سبحان الله💕

من بينها منعكس المص reflexe de succion الذي يبدأ قبل الولادة يعني الجنين يرضع الإبهام تاعو و هو في بطن الأم 😍

🔹زيادة عن كونه طريقة يتغدا بيها الرضيع 😋

✅أثناء هاد الفعل يقوم جسم الرضيع بإفراز هرمون endorphine المسؤول عن الشعور بالراحة ، الاسترخاء و النوم و يقلل أيضا من الشعور بالألم 😌🧘‍♀️

السلام عليكم 🌹

علابالي بلي كامل راكم مشغولين 🙂
هذوا عراس💃٫ هذوا وليمات ٫ هذوا خرجات ٫هذوا تسجيلات 👩‍🏫

_بصح ما تقولوليش بلي نتوما تاني من النوع المدمن على الستيك و الديودورون 😱 (فش فشششششش)

❌علابالكم بلي هذا خطر حقيقي على صحتكم

⚠️الستيك و déodorant كلاهما يحتوي على مادة الالمنيوم( Al ) و اللي تعيق خروج العرق من مسام الجلد نتاعنا 💦

👈بعد عدة دراسات لقاو بلي المادة هذي (الالمنيوم ) تعتبر سبب رئيسي في الإصابة بسرطان الثدي عند كلا الجنسين سواء النساء او الرجال🧐 لأن منطقة الإبط منطقة قريبة من الثدي 😣

امالا حنا واش لازم نديروا 💁⁦⁉️⁩

✅ لازم ما نرشوش déodorant مباشرة على جسمنا من الافضل نديروها على حوايجنا 👔👚

✅ ماشي في كل خرجة نديروا الستيك 🚶من الافضل نخلوه غير للعراس و المناسبات الخاصة 💃
بمعنى آخر نديروه خطرة فالزمان و إذا قدرنا ما نديروهش كامل يكون لنا خير 🙅

⚠️ما تسيوش زعما تصيبوا ماركة شابة 🙂خاطرش الألمنيوم مادة اساسية في مزيلات العرق 🙄

👩🏻‍⚕️صحتكم تهمنا و توعيتكم واجبنا ⁦♥️⁩

كنتوا تعرفوا هذي المعلومة من قبل ؟!!

Dr.Saidi 🌹

"أخبروني عن عادة دينية يومية تقومون بها، لعلها تصبح عادتي ونتقاسم الأجر."

#منقول
التحرش اللفظي و الجسدي اللي صاري برا .. يرجع لتركيبة المجتمع،
ما نقدروش نظلموا الوزاع الديني لان الدين قال كلش و بالحرف الواحد و فهمنا في اداب الطريق و الاحترام و غض البصر
ما نقدروش نظلمو الوالدين .. لانهم رباو و وصاو و الطريق تزيد تربي ..
و يبقى مشكل الحوار بين الابناء و الاولياء و اغلبية التربية لي ديناها نضرية مش تطبيقية ..
الوالدين يربوا .. بالصح ما يهدروش في صوالح ما، مثلا الاب، ما يقدرش يقول لولده المراهق احترم المرأة برا ما تعاكسهاش، ما تقولش كذا و كذا .. و هو فالليل يا يضرب بنتو .. يا يضرب مرته .. و انت كمراهق تتعود على هكذا مشاهد و تولي دريهم بلا ما تحس انه السبب لكل لي شفته. ..
المراهق ما يقدرش يتستوعب امور .. و يفهمها بالطريقة اللي يشوفها الوالد او الام.
لهذا الحوار هي المفتاح، ماشي ترخي روحك مع ولدك بالصح توري لو .. تفهمه .. تقوله الصح مالغالط بالتفصيل الممل .. تنعت لو الحوثيين و واش يديرو .. و تنبهو مالحوثيات ..
مانيش نهدر على الثقافة الجنسية، باه تقولو هذا ينشر الرذيلة .. لا نهدر عالتصرفات و التعامل برا ..

تعبت من النشر ... اصبح وقتي ضيق اعذروني 👏احبتي

السلام عليكم ورحمة الله وبركاته متابعي صفحة ميديكو٠
جبتلكم معلومة علابالي كامل تحوسو عليها❤

علاش زعم واحد نلقاوه رقد 6 سوايع ناشط و صاحي على واحد رقد حتى خمر ، بزاف يطرحو هذا السؤال؛ وش دير باش تشبع رقاد؟🙄

✅ ميديكو جابتلكم الاجابة:

فالحقيقة النوم ميمشيش بالساعة و إنما بالدورة ( cycle), وش معناها دورة؟
النوم فيه عدة دورات متتالية كل دورة مدتها 90 دقيقة أي ساعة و نص، كل دورة نقسموها لمرحلة النوم العميق تم مرحلة أحلام اليقضة و كي تكمل الدورة تلحقها الدورة الموالية و هكذا...
اذا نضت في مرحلة النوم العميق يعني بداية السيكل راح تبقى نعسان و عينيك يتلاصقو و بسيف باش تنوض من فراشك مثال ( 7 ساعات) ، أما اذا نضت بعد نهاية الدورة راح يكون العقل أقرب لليقضة يعني تقدر تصحى بسهولة..

✅ و على هذا باش تشبع رقاد ينصح ب :
- ترقد من 3 دورات فأكثر
- ترقد 6- 7.5- 9 _ 10.5 ساعات يعني متنوضش في نصف الدورة ..الخ❤
- ترقد فالليل و ماشي فالنهار ( من غير القيلولة) لانو الميلاتونين لي يساعد على النوم يفرز في الليل

يادرا كنتو تعرفوها؟😁

#اكرام

يحكو زمان على راجل من البادية تزوج بنت عمو وجابتلو تسعة اولاد ذكور الله يبارك وفي حملها العاشر جابت طفلة وكي بشروه حزن حزن كبير وحس بالاهانة وبدا يقول ياليلي الاسود ياليلي الاسود وقطع مرتو وعاد يشوف فيها نظرة تاع شؤم وكانو كي السبة او هي لي خلقت الطفلة ناس باكري قتلهم الجهل....
المهم فاتو سنين وكبرو ولادو وتزوجو وبنتو تان تزوجت وكل واحد راح في حالو والشويخ تان كبر وضعف المسيكين وخسر عويناتو وقعد وحيد فالدار لمن يسال عليه لذي النهار مرض مرضة كبيرة وسمعت بيه بنتو وجات تجري ليه دخلت لقاتو في ذيك الحالة غسلتلو ونقاتو وكلاتو وبدلتو وحس بالراحة وكي جات تمدلو الدوا شدها من يدها وسقساها قالها شكون انت يابنتي ?
وقاتلو وهي تبكي انا ليلك الاسود يا ابي 😥
تم عرف بلي بنتو وبدا يبكي وطلب منها السماح وقلها ياريت كل الليالي سود وبدا ينشد ويقول ....
ريت الليالي كلها سود.........دام الهنا بسود الليالي
لو الزمان بعمري يعود......نحبها من الاول للتالي
من غيرها يبريني ويعود...ينشد عن سوالي وحالي
تسعة رجال كلهم جحود بعدو عني وعن سوالي
من غير ريحة المسك والعود....بنيتي كل يوم ڨبالي....

قلك لي ما عندو بنات واحد ما يعرف ويكتا مات والي حظها قوي تجيب البنت قبل الصبي ...ولحديث قياس
ربي يحفظلنا والدينا

تنوض الصباح ، عينيك منفخين ،حاب تزيد ترقد بصح راك ديجا راقد 10 سوايع 😕، علاش راني تعبان ؟

جبنالك اليوم صديقي شكارة النوم حل باه ما تنوضش تعبان :

✅ تجنب الوجبات الغذائية غير الصحية و الدسمة، يعني ما تضربش فيها كسكسي ولا شخشوخة وتروح ترقد 😒

✅يجب استهلاك 2-2.5 لتر من الماء يوميًا، اشرب برك الما اللي شربتو فايدة .

✅يجب عدم تناول المشروبات المنبهة مثل الشاي والقهوة قبل النوم.

✅احرص على النوم 7-8 ساعات في اليوم، وارقد بكري باه تشبع رقاد.

✅ مارس الرياضة يا أبو عليطة 🤭🤭

❓علاش كي يزيد البيبي 👶 يحطوه مباشرة فوق صدر الأم le contact peau à peau؟

❇هذه الظاهرة عندها تفسير علمي ما يديروهاش بدون سبب, عندها بزاف فوائد

1️⃣بالنسبة للبيبي 👶
⛔ كي البيبي يتوشي صدر الأم، هذا التلامس راح يسمح انتقال البكتيريا النافعة الموجودة على جلد الأم و انتقالها لجلد البيبي لي راح يعزز المناعة نتاعو
⛔يعدل درجة حرارة، دقات القلب و التنفس و مستوى السكر في الدم للبيبي
⛔البيبي راح يتعرف على الأم و يحس بالهدوء

2️⃣بالنسبة للأم 👩🏻
عند التلامس الأم راح تفرز هرمون ocytocine لي عندو عدة أدوار
⛔يسهل خروج المشيمة
⛔يساعد على إنتاج الحليب
⛔يحمي ضد الإكتئاب بعد الولادة