မဒ်ရစဟ် မဂျီဒီယဟ် အာရဗီယဟ် ဟိဖ်ဇွလ်ကုရ်အာန် - ဟာဖိဇ် အာဂုံဆောင်ကျောင်း

အင်ရှာအလ္လာဟ်...မဒ်ရစဟ် မဂျီဒီယဟ် ကျောင်းတော်ကြီးတွင် အီးဒ်နမာဇ်ကို ၆:၃၀ တွင် ဝတ်ပြုပါမည်။

ကျောင်းဖွင့်ရက်ကြေငြာချက်...

ကျွန်တော်များ မဒ်ရစဟ် မဂျီဒီယဟ် ဟိဖ်ဇွလ်ကုရ်အာန် ကျောင်းတော်ကြီးတွင် အင်ရှာအလ္လာဟ် လာမည့် ၂၀၂၆-၂၀၂၇ ပညာသင်နှစ်ကို ဟစ်ဂျရီ ၁၄၄၇ခုနှစ်၊ ရှောင်ဝလ်လ (၁၀)ရက် ၊ ခရစ်သက္ကရာဇ် ၂၀၂၆ ခုနှစ် ၊ မတ်လ (၃၀) ရက်နေ့ ၊ တနင်္လာနေ့ တွင် စတင်၍ ကျောင်းအပ်လက်ခံမည် ဖြစ်ပါသည်။

ကျောင်းသို့ လာရောက်အပ်နှံမည့် ကျောင်းသားများသည်-
၁။ ကုရ်အာန်ကျမ်းတော်မြတ် စ၊ လယ် ၊ ဆုံး ကြည့်ဖတ်နိုင်သူ ဖြစ် ရမည်။

၂။ မှတ်ပုံတင် (သို့) ထောက်ခံစာ ၊ အိမ်ထောင်စုစာရင်း မိတ္တူပါရှိရ မည်။

၃။ မိဘအုပ်ထိန်းသူ ကိုယ်တိုင် လာရောက်အပ်နှံရမည်။

၄။ ကျောင်းသို့ မိုဘိုင်းဖုန်းများ လုံးဝယူဆောင်လာခွင့်မရှိ။

၅။ ကျောင်းမှ သတ်မှတ်ထားသည့် စည်းကမ်းများကို တစ်သွေမသိမ်း လိုက်နာနိုင်သူဖြစ်ရမည်။

၇။ ဟာဖိဇ် ဖတ်မည့်ကျောင်းသားများသည် မိမိတို့၏ ဝေယျာဝိစ္စများကိုကိုယ်တိုင် လုပ်ကိုင်နိုင်စွမ်းရှိရမည်။

၈။ ကျန်းမာရေးကောင်းမွန်သူဖြစ်ရမည်။

"ဆာလောင်မှုမှာ အဓိပ္ပာယ်ရှိတယ်... တိတ်ဆိတ်မှုမှာ အလင်းရောင်ရှိတယ်" 🌙✨

​ရမဿွာန် လမြတ်မှာ အစားအသောက်ကို စွန့်လွှတ်ပြီး မိမိရဲ့ဝိညာဥ်ကို ကုရ်အာန်ကျမ်းတော်မြတ်နဲ့ ပြန်လည်အစာကျွေးရမယ့် အချိန်အခါပါ။ နှုတ်ခမ်းတွေ ခြောက်ကပ်နေပေမယ့် နှလုံးသားတွေကတော့ အရှင်မြတ်ရဲ့ ကရုဏာတော်နဲ့ စိုပြည်နေမည့် လမြတ်...။
​ဒီတစ်လတာမှာ ကျွန်ုပ်တို့ရဲ့ အပြုအမူတိုင်း၊ အိဗာဒသ်တိုင်း၊ စကားလုံးတိုင်း အားလုံးကို အလ္လာဟ်အရှင်မြတ် နှစ်သက်မြတ်နိုးရာတွေပဲ ဖြစ်ရန် ကြိုးစားကြပါစို့။

​RamadanMubarak🤲 ကောင်းမှုကုသိုလ်များနှင့် ဝေဆာတဲ့ လမြတ်ဖြစ်ပါစေ။

အလ်ဟမ်ဒုလစ်လ္လာဟ်..အလ္လာဟ်အရှင်မြတ်၏ အလိုတော်ဖြင့် ဂျလ်စဟ် အခမ်းအနားကြီးက်ို အောင်မြင်စွာ ကျင်းပနိုင်ခဲ့ပါသည်။ ကြွရောက်ချီးမြှင့်ပေးပါသော ဆရာသခင်ကြီးများ၊ မိတ်ဆွေများ နှင့် ကျောင်းသားမိဘများအား အထူးပင်ကျေး​ဇူးတင်ရှိပါသည်။

ဂျလ်စာဟ်ပွဲရဲ့ စည်ကားသံတွေ မကြားရခင်...
ဖခင်ကြီး အလ်ဟာဂျ် ဟာဖိဇ် အင်န်အာမွလ္လာဟ်ခါန်း ဆွာဟိဗ် (ရဟ)၏ တိတ်ဆိတ်ငြိမ်သက်နေတဲ့ ကမ္ဘာလေးဆီ အရင်ဆုံး ကျွန်တော် နှင့်အတူ ကျောင်းသားများ ဇေယာရသ်သွားရောက်ခဲ့ပါတယ်။
​မနက်ဖြန် ကျင်းပမယ့် ဂျလ်စဟ်ပွဲကြီးဟာ ဆရာကြီး ချခဲ့တဲ့ အုတ်မြစ်၊ ဆရာကြီး ပျိုးခဲ့တဲ့ မျိုးစေ့တွေကနေ ပွင့်လန်းလာတဲ့ ပန်းပွင့်တွေပါ..။
ကျွန်တော်တို့ ဒီအောင်မြင်မှုကို ပိုင်ဆိုင်ခွင့်ရပေမယ့်၊ ဒီအောင်မြင်မှုရဲ့ အဓိကပဲ့ကိုင်ရှင် ဆရာကြီးကတော့ အလ္လာဟ်အရှင်မြတ်အမိန့်နဲ့ လူချင်းဝေးကွာနေခဲ့ရပြီ။ ဆရာကြီးရဲ့ ကဗရ်အိမ်လေးထဲမှာ ကုရ်အာန်အလင်းရောင်တွေနဲ့ ထာဝရလင်းလက်နေမယ်လို့ ယုံကြည်ပါတယ်။

လောကမှာ အမွန်မြတ်ဆုံးအရာကတော့ အလ္လာဟ်အရှင်မြတ်၏ ကုရ်အာန်ကျမ်းတော်မြတ်ကို ရင်ထဲမှာ စွဲမြဲအောင် မှတ်သားထားနိုင်ခြင်းပါပဲ။ ဒီလိုမြင့်မြတ်တဲ့ ဂုဏ်ပုဒ်ကို ပိုင်ဆိုင်ခဲ့ကြတဲ့ ဟာဖိဇ်ဆဗ်များ၏ "ကုရ်အာန်အာဂုံဆောင် (ဟာဖိဇ်) ဘွဲ့နှင်းသဘင်" အခမ်းအနားကြီးကို မဂျီဒီယဟ်ဟိဖ်ဇွလ်ကုရ်အာန် ကျောင်းတော်ကြီးမှာ ကျင်းပသွားမှာ ဖြစ်ပါတယ်။

​ဆရာသမားတွေရဲ့ သွန်သင်မှု၊ မိဘတွေရဲ့ ပံ့ပိုးမှုနဲ့ ကျောင်းသားတွေရဲ့ မလျော့သော ဇွဲလုံ့လတွေ ပွင့်လန်းလာတဲ့ ဒီပွဲလေးမှာ...

ကုရ်အာန်ကျမ်းမြတ်အပေါ်မှာ မဟ်နသ်လုပ်ခဲ့ကြတဲ့ ဟာဖိဇ်ဆဗ် များအား ကြွရောက်ဂုဏ်ပြုချီးမြင့်ပေးပါရန် လူကြီးမင်းတို့အား ဖိတ်ကြားအပ်ပါသည်။

ကျင်းပမည့်နေ့ရက် :ဟိဂ်ျရီ ၁၄၄၇ ခုနှစ်၊ ရဂျဗ်လ(၄) ရက်။ ၂၅-၁၂-၂ဝ၂၅ (ကြာသပတေးနေ့)

ကျင်းပမည့်အချိန် : နံနက်(၈း၃ဝ)နာရီ

ကျင်းပမည့်နေရာ : မဒ်ရစဟ် မဂျီဒီယဟ် ဟိဖ်ဇွလ်ကုရ်အာန်ကျောင်း

انا للّٰه وانا اليه رٰجعون

မြန်မာပြည်ရောက်စဥ်အခါက ကျွန်တော် မော်လာနာ မုဟမ္မဒ် အတ်စ်အဒွလ္လာဟ်အား နိကာဟ်ဖတ်ပေးခဲ့သော ဝလီသူတော်စင်ကြီး ဟဇရသ် မောင်လာနာ ပီးရ် ဇုလ်ဖိကားရ် အဟ်မဒ် နက်ရှ်ဗန်ဒီ (ရဟေ့) သခင်ကြီး
အလ္လာဟ်အသျှင်မြတ် အမိန့်တော် ခံယူသွားကြောင်း
ကြားသိရပြီး အလွန်အင်မတန်မှ ဝမ်းနည်းကြေကွဲ
ရပါတယ်။ အလွန်ပဲ စိတ်မကောင်းဖြစ်ရပါတယ်။

ဆရာကြီးအား အလ္လာဟ်အသျှင်မြတ် ဂျန္နသ်မှာ မြင့်မားတဲ့ အဆင့်အတန်းချီးမြင့်တော်မူပါစေ။